اردو ترجمہ · Urdu

حضرت انس بن مالک رضی اللہ عنہ سے روایت ہے کہ بے شک رسول اللہ ﷺ کے پاس کچھ دودھ لایا گیا جس میں کنویں کا پانی ملایا گیا تھا ۔ اس وقت آپ ﷺ کے دائیں جانب ایک اعرابی صحابی رضی اللہ عنہ اور آپ ﷺ کے بائیں جانب حضرت ابوبکر صدیق رضی اللہ عنہ تھے ، چنانچہ آپ ﷺ نے اسے نوش فرمایا ، پھر ( باقی ماندہ مشروب ) اعرابی کو دے دیا اور فرمایا :’’ دائیں جانب والا ( زیادہ حقدار ہے ) ، پھر ( وہ جو اس کے بعد ) دائیں جانب والا ہو ۔‘‘

اردو ترجمہ · Urdu

حضرت سہل بن سعد انصاری رضی اللہ عنہ سے روایت ہے کہ بلاشبہ رسول اللہ ﷺ کے پاس پینے کی چیز لائی گئی ( یعنی دودھ ) ، چنانچہ آپ ﷺ نے اس سے کچھ ( دودھ ) نوش فرمایا ، اس حال میں کہ آپ ﷺ کی دائیں جانب ایک ( نو عمر ) لڑکا تھا ( اور وہ حضرت ابن عباس رضی اللہ عنہ تھے ) اور آپ ﷺ کی بائیں جانب بزرگ صحابہ رضی اللہ عنہم تھے تو آپ ﷺ نے اس لڑکے سے فرمایا :’’ کیا تم مجھے اجازت دیتے ہو کہ ان ( بزرگوں ) کو ( باقی ماندہ دودھ ) دے دوں ؟ ‘‘ وہ عرض کرنے لگا کہ نہیں ، اللہ کی قسم ! اے اللہ کے رسول ! آپ ﷺ سے ( ملنے والے ) اپنے حصے پر میں کسی کو ترجیح نہیں دوں گا ، تو رسول اللہ ﷺ نے وہ ( پینے کی چیز ) اسی کے ہاتھ میں تھما دی ۔