اردو ترجمہ · Urdu

سیدہ اُم سلمہ رضی اللہ عنہا زوجہ پیغمبر ﷺ سے روایت ہے کہ بے شک رسول اللہ ﷺ نے فرمایا :’’ وہ شخص جو چاندی کے برتنوں میں پیتا ہے تو بلاشبہ وہ اپنے پیٹ میں جہنم کی آگ غٹاغٹ بھرتا ہے ۔‘‘

اردو ترجمہ · Urdu

ابومثنی جہنی رحمہ اللہ سے روایت ہے ، کہتے ہیں کہ میں مروان بن حکم کے پاس تھا ، ان کے پاس حضرت ابوسعید خُدری رضی اللہ عنہ آئے تو مروان بن حکم رحمہ اللہ نے ان سے کہا : آپ نے رسول اللہ ﷺ سے یہ سنا تھا کہ آپ ﷺ نے پینے کی چیز میں پھونکنے سے منع فرمایا ہے ؟ تو حضرت ابوسعید خدری رضی اللہ عنہ نے ان سے کہا کہ ہاں ، تو ( جب آپ ﷺ نے منع فرمایا تھا تو ) ایک آدمی آپ ﷺ سے کہنے لگا : اے اللہ کے رسول ! بلاشبہ میں ایک سانس ( میں سارا پانی پینے ) سے سیراب نہیں ہوتا تو رسول اللہ ﷺ نے اس سے فرمایا :’’ تو پھر پیالے کو اپنے منہ سے جدا کرو ، پھر سانس لیا کرو ۔‘‘ ( یعنی چھوٹے چھوٹے گھونٹوں میں اُسے پیو لیکن سانس لیتے وقت تمھارا منہ نہ تو پیالے کے ساتھ لگا ہوا ہو اور نہ ہی اس طرح اوپر ہو کہ سانس کا اخراج برتن میں ہو ) ، وہ کہنے لگا کہ : بلاشبہ میں اس ( پینے کی چیز ) میں تنکا دیکھ لیتا ہوں ( تو اس وقت بھی پھونک نہ ماروں تو کیا کروں ؟ ) فرمایا :’’ تو اسے انڈیل دو ۔‘‘