اردو ترجمہ · Urdu

حضرت ابوہریرہ رضی اللہ عنہ سے روایت ہے کہ بلاشبہ رسول اللہ ﷺ نے فرمایا :’’ تم میں سے کوئی بھی ایک جوتے میں ہرگز نہ چلے ، اسے چاہیے کہ دونوں کو اکٹھے پہنے یا دونوں کو اکٹھے اتار دے ۔‘‘

اردو ترجمہ · Urdu

حضرت ابوہریرہ رضی اللہ عنہ سے روایت ہے کہ بے شک رسول اللہ ﷺ نے فرمایا :’’ جب تم میں سے کوئی جوتا پہنے تو اسے چاہیے کہ اپنے دائیں پاؤں سے آغاز کرے اور جب اتارنے لگے تو اپنے بائیں پاؤں سے ابتدا کرے اور چاہیے کہ دایاں پاؤں دونوں میں سے پہلا ہو کہ جسے جوتا پہنایا جائے اور دونوں میں سے آخری ہو کہ جس سے جوتا اتارا جائے ۔‘‘

اردو ترجمہ · Urdu

کعب احبار رحمہ اللہ سے روایت ہے کہ بے شک ایک آدمی نے اپنے دونوں جوتے اتار دیے تو انھوں نے اس سے کہا : تم نے اپنے جوتے کیوں اتار دیے ، شاید تو نے اس آیت کے مفہوم پر عمل کرنا چاہا ہے : {فَاخْلَعْ نَعْلَیْکَ اِنَّکَ بِالْوَادِ الْمُقَدَّسِ طُوًی} ( طہ20 : 12 ) ’’ تو تم اپنے جوتے اتار دو ، یقیناً تم مقدس وادی ’’ طُوٰی ‘‘ میں ہو ۔ ‘‘ پھر کعب احبار رحمہ اللہ نے اس آدمی سے کہا : کیا تو جانتا ہے کہ حضرت موسی علیہ السلام کے جوتے کس چیز کے تھے ؟ امام مالک رحمہ اللہ فرماتے ہیں کہ اس آدمی نے جواب میں کیا کہا تھا اس کا مجھے علم نہیں ۔ پھر کعب احبار رحمہ اللہ نے فرمایا : وہ دونوں ایک مردہ گدھے کے چمڑے سے ( بنے ہوئے ) تھے ۔