Muwatta Imam Malik · Book 46 · Chapter 530
متفرق مسائل کی کتاب
آدمی کے اپنے کپڑے کو ( ٹخنوں سے نیچے ) لٹکانے کا بیان
4 hadiths in this chapter
Muwatta Imam Malik #1654
[1654] وَحَدَّثَنِی عَنْ مَالِکٍ، عَنْ عَبْدِ اللّٰہِ بْنِ دِینَارٍ، عَنْ عَبْدِ اللّٰہِ بْنِ عُمَرَ, أَنَّ رَسُولَ اللّٰہِ ﷺ قَالَ : الَّذِی یَجُرُّ ثَوْبَہُ خُیَـلَائَ، لَا یَنْظُرُ اللّٰہُ إِلَیْہِ یَوْمَ الْقِیَامَۃِ۔
اردو ترجمہ · Urdu
حضرت عبداللہ بن عمر رضی اللہ عنہ سے روایت ہے کہ بے شک رسول اللہ ﷺ نے فرمایا :’’ وہ شخص جو اپنا کپڑا تکبر کی وجہ سے گھسیٹتا ہے اللہ تعالیٰ قیامت کے دن اس کی طرف ( رحمت کی نظر سے ) نہیں دیکھے گا ۔‘‘
Muwatta Imam Malik #1655
[1655] وَحَدَّثَنِی عَنْ مَالِکٍ، عَنْ أبِی الزِّنَادِ، عَنِ الأَعْرَجِ، عَنْ أبِی ہُرَیْرَۃَ، أَنَّ رَسُولَ اللّٰہِ ﷺ قَالَ : لَا یَنْظُرُ اللّٰہُ تَبَارَکَ وَتَعَالَی یَوْمَ الْقِیَامَۃِ إِلَی مَنْ یَجُرُّ إِزَارَہُ بَطَراً۔
اردو ترجمہ · Urdu
حضرت ابوہریرہ رضی اللہ عنہ سے روایت ہے کہ یقیناً رسول اللہ ﷺ نے فرمایا :’’ اللہ تعالیٰ قیامت کے دن اس شخص کی طرف رحمت سے نہ دیکھے گا جو تکبر کرتے ہوئے اپنا ازار گھسیٹے ۔‘‘
Muwatta Imam Malik #1656
[1656] وَحَدَّثَنِی عَنْ مَالِکٍ، عَنْ نَافِعٍ، وَعَبْدِ اللّٰہِ بْنِ دِینَارٍ، وَزَیْدِ بْنِ أَسْلَمَ، کُلُّہُمْ یُخْبِرُہُ عَنْ عَبْدِ اللّٰہِ بْنِ عُمَرَ، أَنَّ رَسُولَ اللّٰہِ ﷺ قَالَ : لَا یَنْظُرُ اللّٰہُ یَوْمَ الْقِیَامَۃِ إِلَی مَنْ یَجُرُّ ثَوْبَہُ خُیَـلَائَ۔
اردو ترجمہ · Urdu
حضرت عبداللہ بن عمر رضی اللہ عنہ سے روایت ہے کہ بلاشبہ رسول اللہ ﷺ نے فرمایا :’’ اللہ تعالیٰ قیامت کے دن اس شخص کی طرف نظر کرم نہ فرمائے گا جو اپنے کپڑے کو تکبر سے گھسیٹتا ہے ۔‘‘
Muwatta Imam Malik #1657
[1657] وَحَدَّثَنِی عَنْ مَالِکٍ، عَنِ الْعَلَائِ بْنِ عَبْدِ الرَّحْمَنِ، عَنْ أَبِیہِ أَ نَّہُ قَالَ: سَأَلْتُ أَ بَا سَعِیدٍ الْخُدْرِیَّ عَنِ الإِزَارِ ؟ فَقَالَ : أَ نَا أُخْبِرُکَ بِعِلْمٍ، سَمِعْتُ رَسُولَ اللّٰہِ ﷺ یَقُولُ: إِزْرَۃُ الْمُسْلِمِ إِلَی أَنْصَافِ سَاقَیْہِ، لَا جُنَاحَ عَلَیْہِ فِیمَا بَیْنَہُ وَبَیْنَ الْکَعْبَیْنِ، مَا أَسْفَلَ مِنْ ذَلِکَ فَفِی النَّارِ، مَا أَسْفَلَ مِنْ ذَلِکَ فَفِی النَّارِ، لَا یَنْظُرُ اللّٰہُ یَوْمَ الْقِیَامَۃِ إِلَی مَنْ جَرَّ إِزَارَہُ بَطَراً۔
اردو ترجمہ · Urdu
علاء بن عبدالرحمن رحمہ اللہ اپنے والد ( عبدالرحمن بن یعقوب رحمہ اللہ ) سے روایت کرتے ہیں ، کہتے ہیں : میں نے حضرت ابوسعید خدری رضی اللہ عنہ سے ازار ( تہبند ) کے متعلق پوچھا تو وہ کہنے لگے : میں تمھیں علم ( نصِ حدیث ) کے ساتھ خبر دیتا ہوں ( نہ کہ کسی اجتہاد سے ) ، میں نے رسول اللہ ﷺ سے سنا ، آپ ﷺ فرما رہے تھے :’’ مومن کا ازار اس کی دونوں پنڈلیوں کے نصف تک ہے ، اس پر اس ( نصف پنڈلی ) اور ٹخنوں کے درمیان درمیان ( تہبند رکھنے میں ) کوئی گناہ نہیں ہے ، اس سے جو نیچے ہو گا وہ ( اور اس کے بقدر پاؤں ) آگ میں ہو گا ۔ اللہ تعالیٰ روز قیامت اس شخص کی طرف نظر بھی نہ فرمائے گا جس نے تکبر سے اپنا تہبند گھسیٹا ۔‘‘
