اردو ترجمہ · Urdu

زید بن طلحہ بن رُکانہ رضی اللہ عنہ نبی اکرم ﷺ سے مرفوع بیان کرتے ہیں ، کہتے ہیں کہ رسول اللہ ﷺ نے فرمایا :’’ ہر دین کا ایک خُلُق ( امتیازی خصلت اور نمایاں طریقہ ) ہوتا ہے اور اسلام کا خلق حیا ہے ۔‘‘

اردو ترجمہ · Urdu

حضرت عبداللہ بن عمر رضی اللہ عنہ سے روایت ہے کہ بلاشبہ رسول اللہ ﷺ ایک شخص کے پاس سے گزرے اس حال میں کہ وہ اپنے بھائی کو حیا ( کرتے رہنے کے معاملے ) میں نصیحت کر رہا تھا ( کہ یہ کثرت حیا تمھیں دنیوی منافع حاصل نہ کرنے دے گی ) تو رسول اللہ ﷺ نے فرمایا :’’ اسے ( اس کی حالت پر ) چھوڑ دو کیونکہ بلاشبہ حیا ایمان میں سے ہے ۔‘‘