اردو ترجمہ · Urdu

حضرت عمر بن عبدالعزیز رحمہ اللہ سے روایت ہے ، وہ کہا کرتے تھے کہ رسول اللہ ﷺ نے ( وفات سے قبل ) جو آخر میں گفتگو فرمائی کہ اس میں یہ بھی تھا کہ آپ ﷺ نے فرمایا :’’ اللہ تعالیٰ یہود و نصاریٰ پر لعنت کرے ( اور انھیں تباہ کرے ) جنھوں نے اپنے انبیاء کرام علیہم السلام کی قبروں کو مسجدیں بنا لیا ۔ خبردار ! عرب کی زمین پر ہرگز دو دین ( بیک وقت ) نہ رہیں ۔‘‘

اردو ترجمہ · Urdu

ابن شہاب رحمہ اللہ سے روایت ہے کہ بے شک رسول اللہ ﷺ نے فرمایا :’’ جزیرۂ عرب میں دو دین اکٹھے نہیں رہ سکتے ۔‘‘ امام مالک رحمہ اللہ فرماتے ہیں کہ ابن شہاب رحمہ اللہ نے کہا : حضرت عمر بن خطاب رضی اللہ عنہ نے اس بارے میں جانچ پڑتال کی ، یہاں تک کہ انھیں اس بات پر اطمینان اور یقین حاصل ہو گیا کہ بلاشبہ رسول اللہ ﷺ نے ( واقعی ) یہ فرمایا ہے کہ ’’ جزیرۂ عرب میں دو دین اکٹھے نہیں رہ سکتے ۔‘‘ چنانچہ انھوں نے خیبر کے یہودیوں کو جلاوطن کر دیا ۔