اردو ترجمہ · Urdu

حضرت انس بن مالک رضی اللہ عنہ سے روایت ہے کہ بے شک ( کسی سفر سے واپسی پر ) رسول اللہ ﷺ کے سامنے اُحد پہاڑ نمودار ہوا تو آپ ﷺ نے فرمایا :’’ یہ وہ پہاڑ ہے جو ہم سے محبت رکھتا ہے اور ہم اس سے محبت کرتے ہیں ۔ اے اللہ ! بے شک حضرت ابراہیم علیہ السلام نے مکہ کو حرم قرار دیا تھا اور یقیناً میں مدینہ کے دو سیاہ پتھروں والے میدانوں ( حرّہ شرقیہ اور حرہ غربیہ ) کے درمیان والی جگہ کو حرم قرار دے رہا ہوں ۔‘‘

اردو ترجمہ · Urdu

حضرت ابوہریرہ رضی اللہ عنہ سے روایت ہے ، وہ فرمایا کرتے تھے کہ اگر میں ہرنیوں کو دیکھ لوں کہ وہ مدینہ میں چر رہی ہیں تو میں انھیں نہ بھگاؤں گا ( اور ان کے شکار سے بچوں گا کیونکہ ) رسول اللہ ﷺ نے فرمایا تھا :’’ مدینہ کے دونوں سیاہ پتھروں والے میدانوں کے درمیان کی جگہ حرمت والی ہے ۔‘‘

اردو ترجمہ · Urdu

حضرت ابوایوب انصاری رضی اللہ عنہ سے روایت ہے ، انھوں نے کچھ لڑکوں ( بچوں ) کو دیکھا کہ انھوں نے ایک لومڑ کو ایک کونے کی طرف ( پناہ لینے پر ) مجبور کر رکھا ہے ( اور وہ شکار کرنے کے لیے اسے گھیرے میں لے چکے ہیں ) تو انھوں نے ان ( لڑکوں ) کو اس ( لومڑ ) سے دور بھگا دیا ۔

اردو ترجمہ · Urdu

ایک شخص ( شُرحبیل بن سعد رحمہ اللہ ) سے روایت ہے ، وہ کہتے ہیں کہ حضرت زید بن ثابت رضی اللہ عنہ میرے پاس داخل ہوئے ، اس حال میں کہ میں ( مدینہ کے ایک مقام ) اسواف میں تھا اور میں ’’ نُہس ‘‘ نامی ایک پرندے کا شکار کر چکا تھا ، تو انھوں نے اسے میرے ہاتھ سے لے لیا اور اسے چھوڑ دیا ۔