اردو ترجمہ · Urdu

حضرت ابوہریرہ اور حضرت زید بن خالد جہنی رضی اللہ عنہما سے روایت ہے کہ بے شک رسول اللہ ﷺ سے لونڈی کے متعلق سوال کیا گیا کہ جب وہ زنا کرے اس حال میں کہ وہ شادی شدہ نہ ہو ، ( تو کیا کیا جائے گا ؟ ) تو آپ ﷺ نے فرمایا :’’ اگر وہ زنا کرے تو اسے کوڑے لگاؤ ، پھر اگر وہ زنا کرے تو اسے کوڑے لگاؤ ، پھر اگر وہ زنا کرے تو اسے بیچ ڈالو ، اگرچہ بالوں کی ایک رسی کے عوض ( ہی بیچنا پڑے ) ۔‘‘

اردو ترجمہ · Urdu

نافع رحمہ اللہ سے روایت ہے کہ ( حضرت عمر رضی اللہ عنہ کا ) ایک غلام ( بیت المال کے لیے آنے والے ) خمس کے غلاموں اور لونڈیوں کی دیکھ بھال کرتا تھا اور بلاشبہ اس نے ان غلاموں اور لونڈیوں میں سے ایک لونڈی پر زبردستی کی اور اس سے زنا کر لیا تو حضرت عمر بن خطاب رضی اللہ عنہ نے اسے کوڑے لگائے ۔ پھر اسے جلاوطن کر دیا اور اس لونڈی کو کوڑے نہ لگائے کیونکہ یقیناً اس غلام نے تو اس پر زبردستی کی تھی ( اور زنا بالجبر کیا تھا ) ۔

اردو ترجمہ · Urdu

عبداللہ بن عیاش بن ابی ربیعہ مخزومی رحمہ اللہ سے روایت ہے ، کہتے ہیں : حضرت عمر بن خطاب رضی اللہ عنہ نے مجھے قریش کے کچھ جوانوں سمیت حکم فرمایا تو ہم نے امارت ( حکومت اسلامیہ کے بیت المال ) کی لونڈیوں میں سے ( بعض زانیہ ) لونڈیوں کو پچاس پچاس کوڑے زنا کی وجہ سے لگائے ۔