اردو ترجمہ · Urdu

ہشام بن عروہ رحمہ اللہ اپنے والد ( عروہ بن زبیر رضی اللہ عنہ ) سے روایت کرتے ہیں کہ بلاشبہ وہ کہا کرتے تھے : عاقلہ ( قاتل کے آبائی مذکر رشتہ داروں ) پر قتل عمد میں کوئی دیت ( لازم ) نہیں ۔ بلاشبہ ان پر تو صرف اور صرف قتل خطا میں دیت ہے ۔

اردو ترجمہ · Urdu

ابن شہاب رحمہ اللہ سے روایت ہے ، انھوں نے کہا : بلاشبہ سنت یہی جاری ہو چکی ہے کہ بلاشبہ عاقلہ رشتہ دار قتل عمد کے خون سے کسی چیز کا بوجھ نہیں اٹھاتے ، اِلّا یہ کہ وہ خود یہ ( قاتل کا تعاون کرنا ) چاہیں ۔

اردو ترجمہ · Urdu

امام مالک رحمہ اللہ نے یحیی بن سعید رحمہ اللہ سے بھی اسی طرح روایت کیا ہے ۔

اردو ترجمہ · Urdu

ابن شہاب رحمہ اللہ سے روایت ہے ، انھوں نے کہا : قتل عمد میں جب مقتول کے ورثاء ( قصاص ) معاف کر دیں تو سنت یہ جاری ہو چکی ہے کہ بلاشبہ دیت قاتل پر خاص اس کے اپنے مال میں لازم ہو گی ، اِلّا یہ کہ عاقلہ رشتہ دار اپنے دل کی خوشی سے اس کا تعاون کر سکتے ہیں ۔