اردو ترجمہ · Urdu

اسلم رحمہ اللہ ( عدوی ) جو حضرت عمر بن خطاب رضی اللہ عنہ کے آزاد کردہ غلام تھے ، سے روایت ہے کہ بے شک حضرت عمر بن خطاب رضی اللہ عنہ نے داڑھ میں ایک اونٹ کا فیصلہ کیا ، ہنسلی ( کی ہڈی توڑ دینے کی صورت ) میں بھی اور پسلی میں بھی ایک ایک اونٹ کا فیصلہ فرمایا ۔

اردو ترجمہ · Urdu

سعید بن مسیب رحمہ اللہ سے روایت ہے ، کہتے ہیں کہ حضرت عمر بن خطاب رضی اللہ عنہ نے داڑھوں میں ایک ایک اونٹ کا فیصلہ فرمایا اور حضرت معاویہ بن ابی سفیان رضی اللہ عنہ نے داڑھوں میں پانچ پانچ اونٹوں کا فیصلہ کیا ۔ سعید بن مسیب رحمہ اللہ کہتے ہیں کہ دیت حضرت عمر رضی اللہ عنہ کے فیصلے میں کم ہو گئی اور حضرت معاویہ رضی اللہ عنہ کے فیصلے میں بڑھ گئی تھی ، اگر میں ( صاحب اقتدار و اختیار ) ہوتا تو میں داڑھوں میں دو دو اونٹ مقرر کرتا تو یہ دیت پوری ہو جاتی ۔ چنانچہ یہ دیت ( پوری اور ) برابر ہو جاتی اور ( چونکہ ہر کسی نے اجتہاد کیا ہے ، اس لیے ) ہر مجتہد اجر کا مستحق ہوتا ہے ۔

اردو ترجمہ · Urdu

سعید بن مسیب رحمہ اللہ سے روایت ہے ، بلاشبہ وہ فرمایا کرتے تھے کہ جب دانت کو ( اس طرح ضرب لگے اور نقصان ) پہنچایا جائے کہ وہ سیاہ ہو جائے ( اور اپنی جگہ سے نہ نکلے ) تو اس میں بھی مکمل دیت ( پانچ اونٹ ) ہے ، پھر اگر وہ سیاہ ہونے کے بعد گر جائے تو بھی اس میں مکمل دیت ہو گی ۔