اردو ترجمہ · Urdu

یحیی بن سعید رحمہ اللہ سے روایت ہے ، انھوں نے سلیمان بن یسار رحمہ اللہ کو یہ تذکرہ کرتے ہوئے سنا کہ بے شک چہرے میں موضحہ ( ہڈی ننگی کر دینے والا ) زخم سر کے موضحہ زخم جیسا ہے ( جس میں پانچ اونٹ یعنی دیت کا بیسواں حصہ واجب ہے ) اِلّا یہ کہ وہ زخم چہرے کو عیب دار بنا دے تو اس کی دیت میں اتنا اضافہ کر دیا جائے گا جو سر کے موضحہ زخم کی دیت کے نصف تک کے درمیان درمیان ہو ، چنانچہ اس میں پچھتّر دینار لازم ہوں گے ۔

اردو ترجمہ · Urdu

سعید بن مسیب رحمہ اللہ سے روایت ہے کہ انھوں نے فرمایا : اعضاء میں سے کسی بھی عضو میں سے پار گزر جانے والا جو بھی زخم ہو اس میں اس عضو کی دیت کا تہائی حصہ لازم ہے ۔

اردو ترجمہ · Urdu

امام مالک رحمہ اللہ نے فرمایا : ابن شہاب رحمہ اللہ یہ رائے نہ رکھتے تھے اور میں بھی جسم کے اعضاء میں سے کسی عضو میں سے پار گزر جانے والے زخم کے متعلق کوئی ایسا حکم نہیں دیکھتا جس پر اجماع ہو بلکہ میں تو اس میں اجتہاد کرنا ( مناسب ) خیال کرتا ہوں ۔ چنانچہ امام ( حاکم ، قاضی ) اس بارے میں اجتہاد کرے گا اور ( الغرض ) اس بارے میں کوئی ایسا حکم نہیں ہے جس پر اجماع کیا گیا ہو ۔

اردو ترجمہ · Urdu

ربیعہ بن ابی عبدالرحمن رحمہ اللہ سے روایت ہے کہ بلاشبہ حضرت عبداللہ بن زبیر رضی اللہ عنہما نے مُنَقِّلہ زخم سے قصاص دلایا تھا ۔