اردو ترجمہ · Urdu

حضرت ابوہریرہ رضی اللہ عنہ سے روایت ہے کہ ہذیل قبیلے کی دو عورتوں میں سے ایک نے دوسری کو پتھر مارا اور اس کے پیٹ کا بچہ نکال ڈالا ( حمل ساقط کر دیا ) ، تو رسول اللہ ﷺ نے اس میں ایک غرّہ یعنی غلام یا لونڈی ( بطور دیت دینے ) کا فیصلہ فرمایا ۔

اردو ترجمہ · Urdu

سعید بن مسیب رحمہ اللہ سے روایت ہے کہ بے شک رسول اللہ ﷺ نے اس جنین جسے اپنی ماں کے پیٹ ہی میں قتل کر دیا جائے ، کے متعلق ایک غرہ یعنی ایک غلام یا ایک لونڈی ( بطور دیت ادا کرنے ) کا فیصلہ فرمایا ، تو وہ شخص جس کے خلاف فیصلہ ہوا تھا ، کہنے لگا : میں کیسے اس چیز کی چٹی بھروں جس نے نہ پیا نہ کھایا ، نہ بولا نہ رویا ، اس جیسی چیز تو رائیگاں جاتی ہے ( اس کا خون تو ہلاک ، لغو اور بے کار ہے ) تو رسول اللہ ﷺ نے فرمایا :’’ بلاشبہ یہ شخص تو کاہنوں کے بھائیوں میں سے ہے ۔‘‘

اردو ترجمہ · Urdu

ربیعہ بن ابی عبدالرحمن رحمہ اللہ سے روایت ہے ، وہ کہا کرتے تھے : غرہ ( جنین کی دیت میں لازم ہونے والے غلام یا لونڈی ) کی قیمت پچاس دینار یا چھ سو درہم لگائی جاتی ہے اور آزاد مسلمان عورت کی دیت 500 دینار یا 6000 درہم لگائی جاتی ہے ۔