اردو ترجمہ · Urdu

سعید بن مسیب رحمہ اللہ سے روایت ہے ، بلاشبہ وہ کہا کرتے تھے کہ عورت دیت کے تہائی حصے تک تو مرد کی برابری کرتی ہے ( تینتیس اونٹوں تک کی دیت والے جرائم میں مرد و عورت کی دیت برابر ہے ۔ ) عورت کی انگلی مرد کی انگلی کے برابر ہے ( جس میں دس اونٹ پڑتے ہیں ) اس کا دانت اس کے دانت کی طرح ہے ( جس میں پانچ اونٹ لازم ہوتے ہیں ) ، اس کا موضحہ ( ہڈی ننگی کرنے والا ) زخم اس کے موضحہ جیسا ہے ، اس کا منقلہ ( ہڈی کو سرکا دینے والا ) زخم اس کے منقلہ جیسا ہے ۔

اردو ترجمہ · Urdu

امام مالک رحمہ اللہ ابن شہاب رحمہ اللہ سے روایت کرتے ہیں اور انھیں عروہ بن زبیر رضی اللہ عنہ سے بھی یہ خبر پہنچی کہ وہ دونوں فرمایا کرتے تھے : پھر جب عورت ، مرد کی دیت کے تہائی تک پہنچے گی تو وہ مرد کی دیت کے نصف کی طرف ( منتقل ) ہو جائے گی ۔

اردو ترجمہ · Urdu

امام مالک رحمہ اللہ نے ابن شہاب رحمہ اللہ کو یہ فرماتے ہوئے سنا : سنت یہی جاری ہو چکی ہے کہ بے شک مرد جب اپنی بیوی کو کوئی زخم پہنچائے گا تو بلاشبہ اس پر اس زخم کی دیت پڑے گی اور ( البتہ ) اس سے قصاص نہ لیا جائے گا ۔