اردو ترجمہ · Urdu

حضرت ابوہریرہ رضی اللہ عنہ سے روایت ہے کہ رسول اللہ ﷺ نے فرمایا :’’ یقیناً تم میں سے کوئی جب کھڑا ہو کر نماز پڑھنے لگتا ہے تو اس کے پاس شیطان آ کر ( نماز کے معاملے کو ) اس پر خلط ملط کر دیتا ( اور بھلا دیتا ) ہے ، یہاں تک کہ اُسے یہ بھی یاد نہیں ہوتا کہ اُس نے کتنی نماز پڑھ لی ہے ، چنانچہ جب تم میں سے کوئی یہ صورتحال پائے تو اسے چاہیے کہ ( نماز کے اخیر میں ) بیٹھے بیٹھے دو سجدے کر لے ۔‘‘

اردو ترجمہ · Urdu

امام مالک رحمہ اللہ کو یہ خبر پہنچی کہ رسول اللہ ﷺ نے فرمایا :’’ بے شک میں بھولتا ہوں یا ( فرمایا کہ ) میں بھلایا جاتا ہوں تاکہ ( اُمت کے لیے ) ایک طریقہ جاری کر دوں ۔‘‘

اردو ترجمہ · Urdu

امام مالک رحمہ اللہ کو یہ خبر پہنچی کہ ایک آدمی نے قاسم بن محمد بن ابی بکر صدیق رحمہ اللہ سے کہا کہ بے شک میں نماز میں وہم کا شکار ہو جاتا ہوں اور یہ وہم مجھے کچھ زیادہ ہی ہوتا ہے تو قاسم بن محمد رحمہ اللہ کہنے لگے کہ ( وہم کے باوجود ) اپنی نماز میں جاری رہا کرو کیونکہ بلاشبہ وہ تو ہرگز تجھ سے نہ جائے گا یہاں تک کہ تو نماز سے اس حال میں فارغ ہو گا کہ تو کہہ رہا ہو گا کہ میں نے اپنی نماز کو پورا ہی نہیں کیا ۔