اردو ترجمہ · Urdu

جمیل بن عبدالرحمن مؤذن سے روایت ہے ۔ وہ حضرت عمر بن عبدالعزیز رحمہ اللہ کے پاس حاضر ہوا کرتے تھے ، اس حال میں کہ وہ لوگوں کے مابین فیصلے فرما رہے ہوتے تھے ، چنانچہ جب کوئی شخص کسی آدمی پر کسی حق کا دعویٰ کرتا تو وہ ( عمر بن عبدالعزیز رحمہ اللہ ) دیکھتے ، اگر تو ان دونوں کے درمیان میل جول اور تعلق و ارتباط ہوتا تو وہ اس شخص ( مدعا علیہ ) سے قسم لے لیتے جس پر دعوی کیا گیا ہوتا تھا اور اگر ( دونوں میں ) کچھ بھی تعلق نہ ہوتا تو اس سے قسم نہ لیتے تھے ۔