اردو ترجمہ · Urdu

حضرت زید بن خالد جہنی رضی اللہ عنہ سے روایت ہے کہ بے شک رسول اللہ ﷺ نے فرمایا :’’ کیا میں تمھیں گواہوں میں سے سب سے بہترین شخص کی خبر نہ دوں ۔ یہ وہ شخص ہے جو اپنی گواہی اس سے پہلے ہی لے آتا ہے ( اور پیش کر دیتا ہے ) کہ اس سے اس کا سوال کیا جاتا یا وہ ( قاضی یا حق والے شخص کو ) اپنی گواہی کی خبر اس کے متعلق پوچھے جانے سے پہلے ہی دے دیتا ہے ۔‘‘

اردو ترجمہ · Urdu

ربیعہ بن ابی عبدالرحمن رحمہ اللہ سے روایت ہے کہ بے شک حضرت عمر بن خطاب رضی اللہ عنہ کے پاس اہل عراق میں سے ایک آدمی آیا اور کہنے لگا کہ میں آپ کے پاس ایک ایسے معاملے کی بنا پر آیا ہوں جس کا نہ سر ہے نہ دم ، ( نہ ابتدا ہے نہ انتہا اور وہ بہت پھیل چکا ہے ) حضرت عمر بن خطاب رضی اللہ عنہ نے فرمایا : بھلا وہ کیا ہے ؟ کہنے لگا کہ جھوٹی گواہیاں ہمارے علاقے میں ظاہر ہو ( کر عام پھیل ) گئی ہیں ، تو حضرت عمر رضی اللہ عنہ نے فرمایا : کیا واقعی ایسا ہو چکا ہے ؟ اس نے کہا کہ جی ہاں تو حضرت عمر رضی اللہ عنہ نے فرمایا : اللہ کی قسم ! ( اب سے ) اسلام میں کوئی بھی عادل شخص کی گواہی کے بغیر قید میں نہ ڈالا جائے ۔

اردو ترجمہ · Urdu

امام مالک رحمہ اللہ کو یہ خبر پہنچی کہ بے شک حضرت عمر بن خطاب رضی اللہ عنہ نے فرمایا : نہ تو مدمقابل ( دشمن ) کی گواہی جائز ہے اور نہ تہمت زدہ کی ۔