اردو ترجمہ · Urdu

حضرت عبداللہ بن عمر رضی اللہ عنہما سے روایت ہے کہ بے شک رسول اللہ ﷺ نے حاملہ جانوروں کے حمل کی بیع سے منع فرمایا اور یہ ایک بیع تھی جسے اہل جاہلیت آپس میں کیا کرتے تھے ، ( مثلاً ) ایک شخص اونٹ کو اس میعاد تک خریدتا کہ ( فلاں ) اونٹنی بچہ جنے گی ، پھر جو بچی اس کے پیٹ میں ہے وہ ( بڑی ہو کر ) بچہ جنے گی ( تو قیمت ادا کر دیں گے ) ۔

اردو ترجمہ · Urdu

سعید بن مسیب رحمہ اللہ سے روایت ہے ، انھوں نے فرمایا کہ حیوان ( کی خرید و فروخت ، کمی بیشی یا ادھار کے ساتھ کرنے میں کوئی سود نہیں ہے اور بلاشبہ حیوانوں میں تو تین قسم کی چیزوں سے منع کیا گیا ہے :’’ مضامین ، ملاقیح اور حاملہ جانوروں کے حمل سے ۔‘‘ مضامین سے مراد وہ ( بچہ ) ہے جو مادہ جانوروں کے پیٹ میں ہوتا ہے اور ملاقیح سے مراد وہ ( نطفے ) ہیں جو نر اونٹوں کی پشتوں میں ہوتے ہیں ، ( اور حمل کے حمل سے مراد وہ بیع ہے جسے اہل جاہلیت ایک دوسرے سے کیا کرتے تھے ) ۔