اردو ترجمہ · Urdu

عبیداللہ بن عبداللہ بن عتبہ بن مسعود رحمہ اللہ سے روایت ہے کہ بے شک حضرت عبداللہ بن مسعود رضی اللہ عنہ نے اپنی بیوی حضرت زینب ثقفیہ رضی اللہ عنہا سے ایک لونڈی خریدی ، ان کی بیوی نے ان پر یہ شرط لگائی کہ اگر آپ نے اسے بیچا تو یہ میرے لیے ہو گی ، اسی قیمت کے ساتھ جس کے عوض آپ اسے بیچیں گے ، چنانچہ حضرت عبداللہ بن مسعود رضی اللہ عنہ نے اس کے متعلق حضرت عمر بن خطاب رضی اللہ عنہ سے پوچھا تو انھوں نے فرمایا : اس کے قریب نہ جانا ( اس سے مباشرت نہ کرنا ) اس حال میں کہ اس میں کسی کی کوئی شرط ہو ۔

اردو ترجمہ · Urdu

حضرت عبداللہ بن عمر رضی اللہ عنہما سے روایت ہے ، بلاشبہ وہ فرمایا کرتے تھے کہ آدمی کسی لونڈی سے مباشرت نہ کرے سوائے اس لونڈی کے ( جس میں اسے کامل تصرف و اختیار اور ملکیت حاصل ہو ) کہ جسے اگر چاہے تو بیچ سکے ، اگر چاہے تو اسے ہبہ کر دے ، اگر چاہے تو اسے اپنے پاس روکے رکھے اور ( الغرض ) اگر چاہے تو اس کے ساتھ وہ سب کچھ کر سکے جو وہ چاہے ۔