اردو ترجمہ · Urdu

حضرت عبداللہ بن عمر رضی اللہ عنہما سے روایت ہے ، وہ فرمایا کرتے تھے کہ ’’ مکاتب ‘‘ غلام ہی رہے گا جب تک کہ اس پر اپنے بدل کتابت میں سے کچھ بھی باقی ہو ۔

اردو ترجمہ · Urdu

امام مالک رحمہ اللہ کو یہ خبر پہنچی کہ عروہ بن زبیر اور سلیمان بن یسار رحمۃ اللہ علیہما دونوں فرمایا کرتے تھے کہ ’’ مکاتب ‘‘ غلام ہی رہے گا جب تک کہ اس کے ذمے اس کے زر کتابت میں سے کچھ بھی باقی ہو …

اردو ترجمہ · Urdu

حمید بن قیس مکی رحمہ اللہ سے روایت ہے کہ ابن متوکل کا ایک مکاتب غلام ( عباد ) مکہ میں مر گیا اور اپنے بدل کتابت میں سے کچھ باقی ماندہ اپنے ذمے چھوڑ گیا ( اور مکمل ادائیگی نہ کر سکا ) اور ( اپنے اوپر ) لوگوں کے قرضے بھی اور ایک بیٹی بھی پیچھے چھوڑ گیا ، تو مکہ کے امیر پر اس کے متعلق فیصلہ کرنے میں مشکل پیش آئی ، چنانچہ اس نے عبدالملک بن مروان ( خلیفہ وقت ) کی طرف ( ملک شام میں پیغام ) لکھ بھیجا ، وہ ان سے اس بارے میں سوال کر رہا تھا تو عبدالملک بن مروان نے اس کی طرف یہ ( جواب ) لکھا کہ لوگوں کے قرضوں کے ساتھ ابتدا کرو ( میت کے ترکے سے سب سے پہلے قرضے اتارو ) ، پھر اس کے بدل کتابت میں سے جو کچھ باقی ہے وہ ادا کرو ، پھر اس کے مال میں سے جو کچھ بھی بچ رہے اسے اس کی بیٹی اور آقا کے درمیان ( نصف نصف ) تقسیم کر دو ۔