اردو ترجمہ · Urdu

عطاء بن یسار رضی اللہ عنہ سے روایت ہے کہ رسول اللہ ﷺ نے فرمایا :’’ جب تم میں سے کسی کو نماز میں شک پڑ جائے اور اسے یاد نہ رہے کہ اس نے کتنی رکعتیں پڑھی ہیں ، تین یا چار ، تو اسے چاہیے کہ ایک رکعت اور پڑھ لے اور سلام پھیرنے سے پہلے پہلے بیٹھے بیٹھے ہی دو سجدہ سہو کر لے ، چنانچہ اگر وہ رکعت جو اس نے ( شک کی بنا پر ) پڑھی ہے ، ( وہ درحقیقت ) پانچویں تھی تو وہ ان دو سجدوں کے ساتھ اُسے ایک جوڑا بنا لے گا اور اگر وہ رکعت چوتھی ہی تھی تو دونوں سجدہ سہو شیطان کی ( ناک خاک آلود کرنے اور اس کی ) ذلت ( کا باعث ) ہو جائیں گے ۔‘‘

اردو ترجمہ · Urdu

سالم بن عبداللہ رحمہ اللہ سے روایت ہے کہ حضرت عبداللہ بن عمر رضی اللہ عنہما فرمایا کرتے تھے : جب تم میں سے کسی کو نماز میں شک لاحق ہو تو اسے چاہیے کہ اس چیز کا قصد کرے جس کے متعلق اسے گمان ہے کہ وہ نماز میں اُسے بھول گیا تھا ، پھر اُسے ادا کرے ، پھر بیٹھے بیٹھے ہی دو سجدہ سہو کر لے ۔

اردو ترجمہ · Urdu

عطاء بن یسار رحمہ اللہ روایت کرتے ہیں کہ میں نے حضرت عبداللہ بن عمرو بن عاص رضی اللہ عنہما اور کعب احبار رحمہ اللہ سے اس شخص کے متعلق پوچھا جسے نماز میں شک لاحق ہوا تو وہ نہ جان سکا کہ اس نے کتنی رکعتیں پڑھی ہیں ، تین یا چار ، تو دونوں نے جواب دیا کہ اُسے چاہیے کہ ( تین رکعتیں شمار کر کے ) ایک رکعت اور بھی ادا کرے ، پھر بیٹھے بیٹھے دو سجدہ سہو کر لے ۔

اردو ترجمہ · Urdu

نافع رحمہ اللہ کہتے ہیں کہ بے شک حضرت عبداللہ بن عمر رضی اللہ عنہما سے جب بھی نماز میں بھول جانے کے متعلق سوال ہوتا تو فرماتے کہ تم میں سے ( اس صورت حال میں مبتلا ہونے والے ) کسی بھی شخص کو چاہیے کہ اُس چیز کا قصد کرے ( اور اُس چیز کی جستجو کرے ) جس کے متعلق اُسے گمان ہے کہ وہ اُسے اپنی نماز میں بھول گیا ہے ، پھر اُسے پڑھ لے ۔