اردو ترجمہ · Urdu

حضرت علی بن ابی طالب رضی اللہ عنہ سے روایت ہے کہ یقیناً رسول اللہ ﷺ نے ریشمی دھاریوں والے کپڑے ، کُسُم سے رنگے ہوئے کپڑے اور سونے کی انگوٹھی پہننے سے اور حالتِ رکوع میں قرآنِ مجید کی تلاوت کرنے سے منع فرمایا ۔

اردو ترجمہ · Urdu

حضرت ( فروہ بن عمرو ) بیاضی رضی اللہ عنہ سے روایت ہے کہ رسول اللہ ﷺ لوگوں کے پاس آئے ، اور وہ ( لوگ ) نماز پڑھ رہے تھے اور قراءت کے ساتھ اُن کی آوازیں بلند ہو چکی تھیں ، تو رسول اللہ ﷺ نے فرمایا :’’ یقیناً نمازی اپنے رب سے سرگوشی کر رہا ہوتا ہے ، لہٰذا اُسے دیکھ لینا چاہیے کہ وہ کس ( انداز اور کن الفاظ ) کے ساتھ اپنے رب سے سرگوشی کرتا ہے ، اور تم میں سے کوئی بھی قرآن پڑھنے ( کے وقت ) میں کسی دوسرے پر آواز بلند نہ کرے ۔‘‘

اردو ترجمہ · Urdu

حضرت انس بن مالک رضی اللہ عنہ سے روایت ہے ، کہتے ہیں کہ میں حضرت ابوبکر ، حضرت عمر اور حضرت عثمان رضی اللہ عنہم کے پیچھے ( نماز میں ) کھڑا ہوا ، تو ان میں سے کوئی بھی جب نماز شروع کرتا تو ’’ بِسْمِ اللّٰہِ الرَّحْمٰنِ الرَّحِیْمِ ‘‘ نہیں پڑھتا تھا ۔

اردو ترجمہ · Urdu

امام مالک رحمہ اللہ اپنے چچا ابوسہیل بن مالک رحمہ اللہ سے اور وہ اپنے باپ مالک بن ابی عامر اصبحی رحمہ اللہ سے روایت کرتے ہیں ، انھوں نے کہا کہ ہم بلاط جگہ میں حضرت ابوجہم ( عامر یا عبید بن حذیفہ ) رضی اللہ عنہ کے گھر کے پاس حضرت عمر بن خطاب رضی اللہ عنہ کی قراءت ( کی آواز ) سن لیتے تھے ۔ ( جب کہ وہ مسجد نبوی میں نماز پڑھا رہے ہوتے تھے ۔ ) ‘‘

اردو ترجمہ · Urdu

نافع رحمہ اللہ سے روایت ہے کہ بے شک حضرت عبداللہ بن عمر رضی اللہ عنہما کی جب امام کے ساتھ نماز میں سے کوئی چیز ( یعنی رکعت ) رہ جاتی ، وہ نماز کہ جس میں امام نے جہری قراءت کی ہوتی ، تو جب امام سلام پھیر لیتا تو حضرت عبداللہ بن عمر رضی اللہ عنہما کھڑے ہو جاتے اور اپنے لیے ( یعنی اکیلے ہی ) اس رکعت میں جہری قراءت کرتے جس کی وہ قضائی دے رہے ہوتے تھے ۔

اردو ترجمہ · Urdu

یزید بن رومان رحمہ اللہ سے روایت ہے ، کہتے ہیں کہ وہ نافع رحمہ اللہ بن جبیر بن مطعم کی ایک جانب نماز پڑھتے تھے ، وہ ( نافع رحمہ اللہ ) مجھے اشارہ کر دیتے تو میں ان کو لقمہ دے دیتا ( جہاں بھول جاتے میں بتا دیتا ) اور ہم دونوں ( اس وقت ) نماز میں ہوتے تھے ۔