اردو ترجمہ · Urdu

حضرت عبداللہ بن عمر رضی اللہ عنہما سے روایت ہے کہ بلاشبہ رسول اللہ ﷺ جب نماز شروع کرتے تھے تو رفع الیدین کرتے تھے ، ( دونوں ہاتھوں کو ) کندھوں کے برابر تک ( بلند فرماتے ) ، اور جب رکوع سے سر اٹھاتے تو بھی دونوں ہاتھوں کو اسی طرح بلند فرماتے ، اور سَمِعَ اللّٰہُ لِمَنْ حَمِدَہٗ رَبَّنَا لَکَ الْحَمْدُ کہتے یعنی اللہ نے اُس شخص ( کی حمد ) کو سن لیا جس نے اُس کی حمد بیان کی ، اے ہمارے رب ! تیرے ہی لیے ہر حمد ہے ، اور آپ ﷺ سجدے میں ایسا نہ کرتے ۔ ( نہ سجدے کو جاتے وقت رفع یدین کرتے اور نہ سجدے سے اٹھتے وقت ) ۔‘‘

اردو ترجمہ · Urdu

علی زین العابدین رحمہ اللہ جو کہ حضرت حسین بن علی بن ابی طالب رضی اللہ عنہما کے لخت جگر ہیں ، سے روایت ہے کہ رسول اللہ ﷺ نماز میں جب بھی جھکتے اور جب بھی اُٹھتے تو اللہ اکبر کہتے تھے ، پھر مسلسل آپ ﷺ کی یہی نماز ( جاری ) رہی یہاں تک کہ آپ ﷺ اللہ کو پیارے ہو گئے ۔

اردو ترجمہ · Urdu

سلیمان بن یسار رحمہ اللہ سے روایت ہے کہ رسول اللہ ﷺ نماز میں رفع یدین کیا کرتے تھے ۔

اردو ترجمہ · Urdu

ابو سلمہ رحمہ اللہ بن عبدالرحمن بن عوف سے روایت ہے کہ یقیناً حضرت ابوہریرہ رضی اللہ عنہ ( جب ) ان کو نماز پڑھاتے تو جب بھی جھکتے اور جب بھی اٹھتے تو اللہ اکبر کہا کرتے تھے ، پھر جب نماز سے فارغ ہوتے تو فرماتے کہ اللہ کی قسم ! بے شک میں تم میں سب سے بڑھ کر رسول اللہ ﷺ کی نماز سے مشابہت رکھنے والا ہوں ۔

اردو ترجمہ · Urdu

سالم بن عبداللہ رحمہ اللہ سے روایت ہے کہ بے شک حضرت عبداللہ بن عمر رضی اللہ عنہما نماز میں جب بھی جھکتے اور اُٹھتے تو اللہ اکبر کہتے تھے ۔‘‘

اردو ترجمہ · Urdu

نافع رحمہ اللہ سے روایت ہے کہ یقیناً حضرت عبداللہ بن عمر رضی اللہ عنہما جب نماز شروع کرتے تو اپنے ہاتھوں کو اپنے کندھوں کے برابر بلند کرتے تھے اور جب رکوع سے سر اٹھاتے تو ہاتھوں کو اس سے ذرا نیچے تک بلند کرتے تھے ۔

اردو ترجمہ · Urdu

ابونعیم وہب بن کیسان رحمہ اللہ سے روایت ہے کہ حضرت جابر بن عبداللہ رضی اللہ عنہما ان کو نماز میں اللہ اکبر کہنا سکھایا کرتے تھے ۔ ابونعیم رحمہ اللہ کہتے ہیں کہ وہ ہمیں حکم دیا کرتے تھے کہ ہم جب بھی ( نماز میں ) جھکیں اور جب بھی اٹھیں تو اللہ اکبر کہا کریں ۔

اردو ترجمہ · Urdu

ابن شہاب زہری رحمہ اللہ سے روایت ہے ، وہ کہتے تھے کہ جب آدمی ( امام کے ساتھ امام کے سر اٹھانے سے پہلے ) رکوع پا لے ، پھر وہ ( مقتدی ) ایک تکبیر ( یعنی اپنی نماز شروع کرتے وقت اللہ اکبر ) کہہ لے ( اور امام کے ساتھ رکوع میں شرکت کر لے ) تو وہ تکبیر اس آدمی ( کی تکبیر تحریمہ کے طور پر اس ) سے کافی ہو جائے گی ۔