اردو ترجمہ · Urdu

سیدہ عائشہ رضی اللہ عنہا سے روایت ہے کہ رسول اللہ ﷺ نے فرمایا :’’ رضاعت سے وہ ( سب ) کچھ حرام ہو جاتا ہے جو ولادت ( سلسلہ نسب ) سے حرام ہوتا ہے ۔‘‘

اردو ترجمہ · Urdu

ام المومنین سیدہ عائشہ رضی اللہ عنہا حضرت جدامہ بنت وہب اسدیہ رضی اللہ عنہا سے روایت کرتی ہیں کہ انھوں نے رسول اللہ ﷺ کو یہ فرماتے ہوئے سنا : یقیناً میں نے یہ قصد کر لیا تھا کہ ’’ غیلہ ‘‘ ( حالت رضاعت میں مباشرت یا حالت حمل میں دودھ پلانے ) سے منع کر دوں ، یہاں تک کہ میرے سامنے ذکر کیا گیا کہ رومی اور فارسی لوگ بھی یہ عمل کرتے ہیں اور یہ کام ان کے بچوں کو کچھ ضرر نہیں پہنچاتا ۔‘‘

اردو ترجمہ · Urdu

سیدہ عائشہ رضی اللہ عنہا زوجہ رسول ﷺ سے روایت ہے انھوں نے کہا کہ قرآن مجید میں سے جو کچھ نازل ہوا تھا اس میں دس بار دودھ پلانا بھی تھا جو معلوم تھا ( ان میں شک نہ تھا تو ) انھی سے حرمت رضاعت ثابت ہوتی تھی ، پھر ان ( دس معلوم شدہ رضعات ) کو پانچ معلوم رضعات یعنی معلوم شدہ پانچ بار دودھ پلانے ( کے حکم ) کے ساتھ منسوخ کر دیا گیا ، پھر ( ان پانچ والی آیت کی تلاوت بھی منسوخ کر دی گئی البتہ حکم باقی رہا لیکن سب لوگوں کو چونکہ ابھی اس کا علم نہ ہوا تھا اس لیے ) رسول اللہ ﷺ اس حال میں فوت ہوئے کہ ( کچھ لوگوں کے ہاں ) ان کو قرآن مجید میں پڑھا جا رہا تھا ۔