اردو ترجمہ · Urdu

امام مالک نے ابن شہابؒ سے غلام کے ایلاء کے متعلق سوال کیا تو انہوں نے فرمایا کہ آزاد شخص کے ایلاء کی طرح ہے اور وہ اس پر واجب ( اور ثابت ) ہے اور ( البتہ ) غلام کا ایلاء دو مہینے کا ہے ۔

اردو ترجمہ · Urdu

سعید بن عمرو بن سلیم زرقی سے روایت ہے ، انھوں نے قاسم بن محمد سے اس شخص کے متعلق سوال کیا جو کسی عورت ( کے ساتھ شادی کرنے سے پہلے ہی یہ کہہ کر اس ) کو طلاق دے دیتا ہے کہ اگر اس نے اس کے ساتھ شادی کی ( تو اسے طلاق ) ۔ سعید کہتے ہیں کہ قاسم بن محمد نے فرمایا : بے شک ایک شخص نے ( شادی سے قبل ہی یہ شرط لگا کر ) ایک عورت کو اپنے اوپر اپنی ماں کی پشت کی طرح قرار دے لیا اگر اس نے شادی کی ( تو وہ اس پر اس کی ماں کی پشت کی طرح ہے ) تو سیدنا عمر بن خطاب رضی اللہ عنہ نے اسے حکم دیا کہ اگر اس نے اس سے شادی کی تو اس کے قریب نہ جائے یہاں تک کہ ظہار کرنے والے شخص جیسا کفارہ ادا کر لے ۔

اردو ترجمہ · Urdu

امام مالک رحمہ اللہ کو یہ خبر پہنچی کہ ایک آدمی نے قاسم بن محمد اور سلیمان بن یسار سے اس شخص کے متعلق سوال کیا جو کسی عورت کے ساتھ نکاح کرنے سے پہلے ہی اس سے ظہار کر لیتا ہے تو ان دونوں نے فرمایا : اگر وہ اس سے نکاح کر لے تو اسے مت چھوئے یہاں تک کہ ظہار کرنے والے شخص جیسا کفارہ ادا کر لے ۔

اردو ترجمہ · Urdu

ہشام بن عروہ رحمہ اللہ اپنے والد ( عروہ بن زبیر ) سے روایت کرتے ہیں کہ جو شخص اپنی چاروں بیویوں سے ایک ہی کلمے کے ساتھ ظہار کر لیتا ہے ، اس کے متعلق انھوں نے فرمایا کہ بلاشبہ اس پر ایک کفارے کے سوا کچھ ( لازم ) نہیں ۔

اردو ترجمہ · Urdu

ربیعہ بن ابی عبدالرحمن سے بھی اسی کی مثل ( فتویٰ ) مروی ہے ۔ امام مالک رحمہ اللہ نے فرمایا کہ ہمارے ہاں ( مدینہ منورہ میں ) بھی اسی جیسا حکم ہے ۔

اردو ترجمہ · Urdu

ہشام بن عروہ رحمہ اللہ سے روایت ہے ، انھوں نے ایک آدمی کو سنا ، وہ ( ان کے والد ) عروہ بن زبیر سے اس شخص کے متعلق سوال کر رہا تھا جو اپنی بیوی سے کہتا ہے کہ ہر وہ عورت جسے میں تجھ پر نکاح کر کے لاؤں ، جب تک کہ تو زندہ ہے ، تو وہ مجھ پر ایسے ہے جیسے میری ماں تو عروہ بن زبیر نے فرمایا : اسے اس بات سے ایک گردن کا آزاد کرنا کفایت کر جائے گا ۔