اردو ترجمہ · Urdu

حضرت انس بن مالک رضی اللہ عنہ سے روایت ہے کہ بے شک حضرت عبدالرحمن بن عوف رضی اللہ عنہ رسول اللہ ﷺ کے پاس اس حال میں آئے کہ ان پر زردی کا نشان تھا ، پس رسول اللہ ﷺ نے ان سے ( اس کے متعلق ) پوچھا تو انھوں نے آپ کو بتایا کہ انھوں نے انصار کی ایک عورت سے شادی کر لی ہے ، رسول اللہ ﷺ نے ان سے فرمایا کہ ’’ تم نے اسے کتنا حق مہر دیا ہے ؟‘‘ انھوں نے کہا کہ ایک گٹھلی کے برابر سونا ، تو رسول اللہ ﷺ نے ان سے فرمایا :’’ ولیمہ کرو ، اگرچہ ایک بکری کے ساتھ کرو ۔‘‘

اردو ترجمہ · Urdu

یحیی بن سعید سے روایت ہے ، ان کو یہ خبر پہنچی کہ یقیناً رسول اللہ ﷺ ( بعض اوقات ) ولیمہ کرتے تھے جس میں نہ روٹی ہوتی تھی نہ گوشت ۔

اردو ترجمہ · Urdu

سیدنا عبداللہ بن عمر رضی اللہ عنہما سے روایت ہے کہ بلاشبہ رسول اللہ ﷺ نے فرمایا :’’ جب تم میں سے کسی کو ولیمے کی دعوت دی جائے تو اسے ولیمے میں آنا چاہیے ۔‘‘

اردو ترجمہ · Urdu

سیدنا ابوہریرہ رضی اللہ عنہ سے روایت ہے ، وہ کہا کرتے تھے کہ سب سے برا کھانا اس ولیمے کا کھانا ہے جس میں مالداروں کو دعوت دی جائے اور مسکینوں کو چھوڑ دیا جائے اور جو شخص دعوت ( دیے جانے کے باوجود اس ) میں نہ آیا تو یقیناً اس نے اللہ اور اس کے رسول ﷺ کی نافرمانی کا ارتکاب کیا ۔

اردو ترجمہ · Urdu

سیدنا انس بن مالک رضی اللہ عنہ سے روایت ہے ، کہتے ہیں کہ ایک درزی نے رسول اللہ ﷺ کو کھانے کی دعوت دی جو اس نے تیار کیا تھا ۔ سیدنا انس رضی اللہ عنہ کہتے ہیں کہ میں بھی رسول اللہ ﷺ کے ہمراہ اس کھانے ( کی دعوت ) کی طرف گیا ، چنانچہ اس نے آپ ﷺ کے سامنے جَو کی روٹی اور شوربا پیش کیا جس میں کدو تھا ۔ سیدنا انس رضی اللہ عنہ کہتے ہیں کہ میں نے رسول اللہ ﷺ کو دیکھا ، آپ ( سالن کے ) پیالے کے اردگرد سے کدو ( کے ٹکڑے ) ڈھونڈ رہے تھے تو اس دن کے بعد سے میں ہمیشہ کدو سے محبت کرتا رہا ہوں ۔