اردو ترجمہ · Urdu

امام مالک رحمہ اللہ کو یہ خبر پہنچی کہ حضرت عمر بن خطاب رضی اللہ عنہ نے اپنے بیٹے کو ایک لونڈی ہبہ کی اور فرمایا کہ اس سے مباشرت نہ کرنا کیونکہ میں نے اس کا کپڑا ہٹایا تھا ۔

اردو ترجمہ · Urdu

عبدالرحمن بن مجبر رحمہ اللہ سے روایت ہے کہ سالم بن عبداللہ رحمہ اللہ نے اپنے بیٹے کو ایک لونڈی ہبہ کی اور فرمایا کہ ( جماع کے لیے ) اس کے قریب نہ جانا کیونکہ بلاشبہ میں نے اس ( سے جماع ) کا ارادہ کر لیا تھا لیکن اس کے لیے وسعت نہ پا سکا ۔

اردو ترجمہ · Urdu

یحیی بن سعید رحمہ اللہ سے روایت ہے کہ ابونہشل بن اسود رحمہ اللہ نے قاسم بن محمد رحمہ اللہ سے کہا کہ بے شک میں نے اپنی ایک لونڈی کو اس حال میں دیکھا تھا کہ اس سے کپڑا ہٹا ہوا تھا اور وہ چاند ( کی روشنی ) میں تھی تو میں اس کے ساتھ اس طرح بیٹھ گیا جس طرح مرد اپنی بیوی کے ساتھ ( جماع کے لیے ) بیٹھتا ہے ، تو وہ کہنے لگی کہ یقیناً میں تو حیض سے ہوں ، سو میں کھڑا ہو گیا اور اس کے بعد اس کے قریب بھی نہ گیا تو کیا میں اُسے اپنے بیٹے کو ہبہ کر سکتا ہوں کہ وہ اس سے مباشرت کر لے تو قاسم رحمہ اللہ نے انھیں اس سے منع فرما دیا ۔

اردو ترجمہ · Urdu

عبدالملک بن مروان رحمہ اللہ سے روایت ہے کہ انھوں نے اپنے ایک ساتھی کو ایک لونڈی تحفہ میں دی ، پھر انھوں نے اس سے اس کے متعلق پوچھا تو وہ ( ساتھی ) کہنے لگا کہ میں یہ ارادہ کر چکا ہوں کہ اُسے اپنے بیٹے کو ہبہ کر دوں تاکہ وہ اس کے ساتھ جماع کر لے ، تو عبدالملک رحمہ اللہ کہنے لگے کہ ( میرے والد ) مروان رحمہ اللہ تجھ سے زیادہ پرہیزگار تھے ، انھوں نے اپنے ایک بیٹے کو ایک لونڈی ہبہ کی ، پھر کہا کہ اس کے قریب نہ جانا کیونکہ بلاشبہ میں نے اس کی پنڈلی کو ننگا دیکھ لیا تھا ۔