اردو ترجمہ · Urdu

عبیداللہ بن عبداللہ بن عتبہ رحمہ اللہ اپنے والد عبداللہ بن عتبہ بن مسعود رحمہ اللہ سے روایت کرتے ہیں کہ بے شک حضرت عمر بن خطاب رضی اللہ عنہ سے عورت اور اس کی بیٹی کے متعلق سوال کیا گیا جو کسی کی ملکیت میں ہوں ، ان سے یکے بعد دیگرے مباشرت کی جاتی ہو تو حضرت عمر رضی اللہ عنہ نے فرمایا : میں یہ پسند نہیں کرتا کہ ان دونوں کو ( ایک ہی شخص کے لیے ) اکٹھے جائز قرار دوں اور انھوں نے اس سے منع کر دیا ۔

اردو ترجمہ · Urdu

قبیصہ بن ذُؤیب رحمہ اللہ سے روایت ہے ، ایک شخص نے حضرت عثمان بن عفان رضی اللہ عنہ سے دو بہنوں کے متعلق سوال کیا کہ انھیں ملکیت میں لے کر ( لونڈیاں بنا کر ) اکٹھا رکھا جا سکتا ہے ( یا نہیں ؟ ) تو حضرت عثمان رضی اللہ عنہ نے فرمایا : ایک آیت ان دونوں کو حلال کرتی ہے اور دوسری ان دونوں کو ( اکٹھا رکھنا ) حرام قرار دیتی ہے ، رہا میں تو میں ایسا کرنا پسند کرتا ۔ قبیصہ رحمہ اللہ کہتے ہیں کہ وہ شخص ان کے پاس سے نکلا تو رسول اللہ ﷺ کے اصحاب میں سے ایک اور شخص سے ملا ، اس نے ان سے بھی اسی کے بارے میں سوال کیا تو وہ فرمانے لگے : اگر میرے پاس کچھ اختیار ( اقتدار ) ہوتا ، پھر میں کسی شخص کو پاتا جس نے ایسا کیا ہوتا تو میں اسے نشان عبرت بنا دیتا ، ابن شہاب رحمہ اللہ کہتے ہیں کہ میرے خیال میں وہ ( شخص ) حضرت علی بن ابی طالب رضی اللہ عنہ تھے ۔

اردو ترجمہ · Urdu

امام مالک رحمہ اللہ کو حضرت زُبیر بن عوام رضی اللہ عنہ سے بھی اسی طرح کی روایت پہنچی تھی ۔