اردو ترجمہ · Urdu

حضرت زید بن ثابت رضی اللہ عنہ سے روایت ہے کہ بے شک وہ اس شخص کے متعلق فرمایا کرتے تھے جو لونڈی کو تین طلاقیں دے دیتا ہے ، پھر اسے خرید لیتا ہے ، ( وہ فرماتے ہیں کہ ) بلاشبہ وہ لونڈی اس ( مالک ) کے لیے جائز نہیں یہاں تک کہ وہ اس کے علاوہ کسی اور خاوند سے شادی کر لے ۔

اردو ترجمہ · Urdu

امام مالک رحمہ اللہ کو یہ خبر پہنچی کہ سعید بن مسیب رحمہ اللہ اور سلیمان بن یسار رحمہ اللہ سے اس شخص کے متعلق سوال کیا گیا جو اپنے غلام کی شادی اپنی لونڈی سے کر دے ، پھر وہ غلام اسے تین طلاقیں دے دے ، پھر مالک اس غلام کو وہ لونڈی ہبہ کر دے تو کیا وہ لونڈی اس غلام کی ملکیت میں آ جانے کی بنا پر اس کے لیے جائز ہو گی ؟ تو دونوں نے فرمایا کہ نہیں ( وہ جائز نہیں ہو گی ) یہاں تک کہ وہ اس ( تین طلاقیں دینے والے خاوند ) کے علاوہ کسی اور خاوند کے ساتھ شادی کر لے ۔

اردو ترجمہ · Urdu

امام مالک رحمہ اللہ نے ابن شہاب رحمہ اللہ اس شخص کے متعلق سوال کیا جس کے نکاح میں لونڈی تھی جو کسی اور شخص کی ملکیت میں تھی ، پھر اس ( خاوند ) نے اُسے خرید لیا اور وہ اسے ایک طلاق دے چکا تھا ، تو ابن شہاب رحمہ اللہ نے فرمایا کہ وہ لونڈی اس کی ملکیت میں آ جانے کی وجہ سے اس کے لیے حلال ہو گی جب تک کہ وہ اسے تین طلاقیں نہ دے چکا ہو ، چنانچہ اگر وہ اسے تین طلاقیں دے دے تو پھر وہ اس کی ملکیت کے باوجود اس کے لیے حلال نہ ہو گی یہاں تک کہ وہ اس کے علاوہ کسی اور خاوند سے شادی کر لے ۔