اردو ترجمہ · Urdu

سعید بن مسیب رحمہ اللہ سے روایت ہے کہ بے شک حضرت عمر بن خطاب رضی اللہ عنہ نے عورت کے متعلق ، جب کوئی شخص اس سے شادی کرے ، یہ فیصلہ فرمایا کہ جب پردے لٹکا دیے جائیں ( اور خلوت صحیحہ حاصل ہو جائے ) تو خاوند پر حق مہر واجب ہو گیا ۔

اردو ترجمہ · Urdu

امام مالک رحمہ اللہ کو یہ خبر پہنچی کہ بے شک سعید بن مسیب رحمہ اللہ فرمایا کرتے تھے کہ جب مرد ، عورت کے گھر میں داخل ہو جائے ( اور انھیں خلوت نصیب ہو جائے جس میں وہ مباشرت کر سکتا ہو ، پھر وہ خاوند کہے کہ میں نے مباشرت نہیں کی لیکن عورت دعوی کرے کہ اس نے صحبت کی ہے ) تو عورت کی بجائے مرد کی تصدیق کی جائے گی اورجب عورت ، مرد کے گھر میں داخل ہو تو خاوند کی بجائے عورت کی تصدیق کی جائے گی ۔