اردو ترجمہ · Urdu

نافع رحمہ اللہ سے روایت ہے ، کہتے ہیں کہ میں نے دو پرندوں پر ایک پتھر پھینکا ، اس حال میں کہ میں ( مدینہ کے مقام ) جُرُف پر تھا ، میں نے ان دونوں کو ( پتھر سے ) شکار کر لیا ، ان میں سے ایک مر گیا تو حضرت عبداللہ بن عمر رضی اللہ عنہ نے اُسے پھینک دیا ، رہا دوسرا ( پرندہ جو ابھی زندہ تھا ) ، حضرت عبداللہ رضی اللہ عنہ اسے تیشے ( بسولے ) سے ذبح کرنے لگے تو وہ بھی مر گیا پہلے اس سے کہ وہ اُسے ذبح کرتے ، چنانچہ حضرت عبداللہ بن عمر رضی اللہ عنہ نے اُسے بھی پھینک دیا ۔

اردو ترجمہ · Urdu

امام مالک رحمہ اللہ کو یہ خبر پہنچی کہ بے شک قاسم بن محمد رحمہ اللہ اس شکار کو ناپسند کرتے تھے جسے معراض اور مٹی کے سخت روڑا نے مارا ہوتا ۔

اردو ترجمہ · Urdu

امام مالک رحمہ اللہ کو یہ خبر پہنچی کہ بے شک سعید بن مسیب رحمہ اللہ یہ ناپسند کرتے تھے کہ انسانوں سے مانوس ( پالتو گھریلو ) جانوروں کو اس چیز کے ساتھ قتل کیا جائے جس سے شکار کو مارا جاتا ہے ، مثلاً تیر اندازی اور اس جیسی دوسری چیزیں ۔