اردو ترجمہ · Urdu

عطاء بن یسار رحمہ اللہ سے روایت ہے کہ انصار میں سے بنوحارثہ خاندان کا ایک شخص اپنی دودھ والی اونٹنی کو اُحد پہاڑ کے پاس چرا رہا تھا کہ ( اتنے میں اچانک ) اُسے موت آنے لگی ( اور وہ مرنے کے قریب پہنچ گئی ) تو اُس نے اُسے نوک دار لکڑی ( یا میخ ) کے ساتھ ذبح کر دیا ، پھر اس نے رسول اللہ ﷺ سے اس کے متعلق پوچھا تو آپ ﷺ نے فرمایا :’’ اس میں کوئی حرج نہیں ، تم اُسے کھا لو ۔‘‘

اردو ترجمہ · Urdu

حضرت معاذ بن سعد یا سعد بن معاذ رضی اللہ عنہ سے روایت ہے کہ حضرت کعب بن مالک رضی اللہ عنہ کی ایک لونڈی ( مدینہ کے ) سَلْع پہاڑ کے پاس حضرت کعب رضی اللہ عنہ کی بکریاں چرا رہی تھی ، اُن میں سے ایک بکری کو موت شروع ہو گئی تو اُس لونڈی نے اُسے ( مرنے سے پہلے ہی ) پا لیا اور اسے ایک ( دھاری دار ) پتھر سے ذبح کر دیا ، پھر رسول اللہ ﷺ سے اس بارے میں پوچھا گیا تو آپ ﷺ نے فرمایا :’’ اس میں کوئی حرج نہیں ہے ، اسے کھا لو ۔‘‘

اردو ترجمہ · Urdu

حضرت عبداللہ بن عباس رضی اللہ عنہ سے روایت ہے کہ ، ان سے عرب کے عیسائیوں کے ذبح کے متعلق سوال کیا گیا تو انھوں نے فرمایا کہ اس میں کوئی حرج نہیں ہے اور انھوں نے یہ آیت تلاوت فرمائی : { وَمَنْ یَتَوَلَّہُمْ مِنْکُمْ فَإِنَّہُ مِنْہُمْ } [المائدۃ 5 : 51] ’’ اور تم میں سے جو کوئی ان سے ( دلی ) دوستی رکھے گا تو بے شک وہ انھی میں سے ہو گا ۔‘‘

اردو ترجمہ · Urdu

امام مالک رحمہ اللہ کو یہ خبر پہنچی کہ حضرت عبداللہ بن عباس رضی اللہ عنہ فرمایا کرتے تھے جو چیز ( ذبیحے کی ) رگوں کو کاٹ دے تو اس ( ذبیحے ) کو کھا لو ۔

اردو ترجمہ · Urdu

سعید بن مسیب رحمہ اللہ سے روایت ہے ، وہ کہا کرتے تھے کہ جس چیز سے بھی ( جانور کو ) ذبح کیا جائے ، چنانچہ جب وہ ( حلق کی رگوں کو ) کاٹ دے تو اس میں کوئی حرج نہیں ہے جس وقت کہ تو اس کی طرف مجبور کر دیا جائے ۔