اردو ترجمہ · Urdu

حضرت ابن عمر رضی اللہ عنہ سے روایت ہے کہ بے شک رسول اللہ ﷺ نے حضرت عمر بن خطاب رضی اللہ عنہ کو اس حال میں پایا کہ وہ ( حضرت عمر رضی اللہ عنہ ) ایک شتر سوار قافلے میں چل رہے تھے اور اپنے باپ کی قسم کھا رہے تھے تو رسول اللہ ﷺ نے فرمایا :’’ یقیناً اللہ تمھیں اس سے منع فرماتا ہے کہ تم اپنے باپوں کی قسمیں کھاؤ ، لہٰذا جو کوئی قسم کھانا چاہتا ہو تو اسے چاہیے کہ اللہ کی قسم کھائے یا خاموش رہے ۔

اردو ترجمہ · Urdu

امام مالک رحمہ اللہ کو یہ خبر پہنچی کہ بلاشبہ رسول اللہ ﷺ یہ قسم کھایا کرتے تھے : ( لَا وَمُقَلِّبِ الْقُلُوْبِ ) ’’ قسم ہے دلوں کو الٹ پلٹ کرنے والے کی ! ‘‘

اردو ترجمہ · Urdu

ابن شہاب رحمہ اللہ سے مروی ہے ، انھیں یہ خبر پہنچی کہ حضرت ابولبابہ بن عبدالمنذر رضی اللہ عنہ پر جب اللہ نے شفقت فرمائی ( اور ان کی توبہ قبول کی ) تو انھوں نے عرض کیا کہ اے اللہ کے رسول ! کیا میں اپنی قوم والا وہ گھر چھوڑ دوں جس میں مجھ سے گناہ سرزد ہوا اور میں آپ ﷺ کے پڑوس میں آ جاؤں اور اپنے مال کو اللہ اور اس کے رسول ﷺ کی طرف صدقہ کر کے اس سے الگ ہو جاؤں ؟ تو رسول اللہ ﷺ نے فرمایا : تجھے اس ( مال ) میں سے ( صرف ) تیسرا حصہ ( صدقہ کرنا ہی ) کافی ہے ۔‘‘

اردو ترجمہ · Urdu

سیدہ عائشہ اُمّ المؤمنین رضی اللہ عنہ سے روایت ہے ، ان سے اس شخص کے متعلق سوال کیا گیا جو یہ کہتا ہے کہ میرا مال خانہ کعبہ کے دروازے کے لیے وقف ہے ، تو سیدہ عائشہ رضی اللہ عنہا نے فرمایا : اس بات کا کفارہ وہی ہے جو قسم کا کفارہ ہے ۔