Muwatta Imam Malik #1007
[1007] حَدَّثَنِی یَحْیَی، عَنْ مَالِکٍ، عَنْ عَبْدِ الرَّحْمَنِ بْنِ أبِی صَعْصَعَۃَ، أَ نَّہُ بَلَغَہُ، أَنَّ عَمْرَو بْنَ الْجَمُوحِ، وَعَبْدَ اللّٰہِ بْنَ عَمْرٍو الْأَنْصَارِیَّیْنِ، ثُمَّ السُّلَمِیَّیْنِ کَانَا قَدْ حَفَرَ السَّیْلُ قَبْرَہُمَا، وَکَانَ قَبْرُہُمَا مِمَّا یَلِی السَّیْلَ، وَکَانَا فِی قَبْرٍ وَاحِدٍ، وَہُمَا مِمَّنِ اسْتُشْہِدَ یَوْمَ أُحُدٍ، فَحُفِرَ عَنْہُمَا لِیُغَیَّرَا مِنْ مَکَانِہِمَا، فَوُجِدَا لَمْ یَتَغَیَّرَا، کَأَنَّہُمَا مَاتَا بِالأَمْسِ، وَکَانَ أَحَدُہُمَا قَدْ جُرِحَ فَوَضَعَ یَدَہُ عَلَی جُرْحِہِ، فَدُفِنَ وَہُوَ کَذَلِکَ، فَأُمِیطَتْ یَدُہُ عَنْ جُرْحِہِ، ثُمَّ أُرْسِلَتْ، فَرَجَعَتْ کَمَا کَانَتْ، وَکَانَ بَیْنَ أُحُدٍ وَبَیْنَ یَوْمَ حُفِرَ عَنْہُمَا سِتٌّ وَأَرْبَعُونَ سَنَۃً۔
اردو ترجمہ · Urdu
عبدالرحمن ( بن عبداللہ بن عبدالرحمن ) بن ابی صعصعہ رحمہ اللہ سے روایت ہے ، انھیں یہ خبر پہنچی کہ بے شک حضرت عمرو بن جموح اور حضرت عبداللہ بن عمرو رضی اللہ عنہ جو کہ دونوں ہی انصاری صحابی تھے اور بنوسلمہ سے تعلق رکھتے تھے ، دونوں کی قبر کو پانی کے بہاؤ نے کھود ( کر اکھیڑ ) ڈالا تھا ، ان دونوں کی قبر پانی کے بہاؤ والی جانب تھی اور دونوں ایک ہی قبر میں تھے اور وہ دونوں ان لوگوں میں سے تھے جو جنگ احد کے دن شہید کر دیے گئے تھے ، چنانچہ ان دونوں کی قبر کو کھودا گیا تاکہ انھیں ان کی اس جگہ سے ( کہیں اور ) تبدیل ( منتقل ) کر دیا جائے ، تو وہ دونوں اس حال میں پائے گئے کہ ( ان کے جسم ) بالکل ہی متغیر نہیں ہوئے تھے ، یوں لگتا تھا کہ گویا وہ دونوں کل ہی فوت ہوئے ہوں ، ان میں سے ایک ( اپنی شہادت سے قبل ) زخمی ہو گیا تھا اور اس نے اپنا ہاتھ زخم پر رکھ لیا تھا ( اور اسی حالت میں وہ شہید ہوا ) تو اسے اسی حالت میں دفنا دیا گیا ، پھر ( اب قبر سے نکالتے وقت ) اس کا ہاتھ اس کے زخم سے ہٹایا گیا ، پھر چھوڑا گیا تو وہ وہیں لوٹ گیا جہاں تھا اور جنگ احد اور ان کی قبر کھودنے کے دن کے درمیان چھیالیس سال کا عرصہ تھا ۔