اردو ترجمہ · Urdu

حضرت عبداللہ بن عمر رضی اللہ عنہ سے روایت ہے کہ ایک آدمی نے رسول اللہ ﷺ سے سوال کیا کہ حالت احرام والا شخص کپڑوں میں سے کیا کیا پہن سکتا ہے ؟ تو رسول اللہ ﷺ نے فرمایا :’’ تم ( حالت احرام میں ) نہ قمیض پہنو ، نہ پگڑیاں ، نہ شلواریں ، نہ ٹوپیاں ( اور وہ کوٹ اور جرسی وغیرہ جس کے ساتھ سر ڈھانپنے والا حصہ بھی جڑا ہوا ہو ) اور نہ ہی موزے ( پہنو ) ، مگر وہ شخص جو جوتے نہ پا سکے تو وہ موزے پہن لے اور ( پہننے سے پہلے ) اُنھیں ٹخنوں سے نیچے تک کاٹ لے اور نہ تم کپڑوں میں سے کوئی ایسی چیز پہنو جسے زعفران لگا ہوا ہو اور نہ ہی ( وہ جسے ) ورس لگا ہوا ہو ۔‘‘