اردو ترجمہ · Urdu

عروہ بن زبیر رحمہ اللہ سے روایت ہے کہ حضرت اُم سلیم رضی اللہ عنہا نے رسول اللہ ﷺ سے عرض کیا کہ اے اللہ کے رسول ! وہ عورت جو نیند میں وہی کچھ دیکھے جو مرد دیکھتا ہے ، کیا وہ غسل کرے گی ؟ تو رسول اللہ ﷺ نے اُسے فرمایا :’’ ہاں اُسے چاہیے کہ وہ غسل کرے ۔‘‘ سیدہ عائشہ رضی اللہ عنہا نے حضرتِ اُم سلیم رضی اللہ عنہا سے کہا : تجھ پر افسوس ! ( کیسی ناممکن چیز کا سوال کر کے عورتوں کو رسوا کر رہی ہو ، ) بھلا ، کیا عورت بھی اسے دیکھتی ہے ( اور کیا اُسے بھی احتلام ہو سکتا ہے ) ؟ تو رسول اللہ ﷺ نے عائشہ رضی اللہ عنہا کو ( پیار سے ہلکی سی زجر کے انداز میں ) فرمایا : تیرا داہنا ہاتھ خاک آلود ہو ، اور ( اگر عورت میں منی نہ ہو تو پھر ) کہاں سے ( بچے کی ماں کے ساتھ ) مشابہت ہوتی ہے ؟‘‘

اردو ترجمہ · Urdu

حضرت اُمِ سلمہ رضی اللہ عنہا سے روایت ہے کہ حضرت ابو طلحہ انصاری رضی اللہ عنہ کی بیوی اُمِ سلیم رضی اللہ عنہا رسول اللہ ﷺ کی خدمت میں حاضر ہو کر کہنے لگی : اے اللہ کے رسول ! بلاشبہ اللہ تعالیٰ حق بات سے نہیں شرماتا ، ( اس لیے میں بھی بغیر شرمائے یہ پوچھتی ہوں کہ ) کیا عورت پر بھی غسل واجب ہو گا جب اُسے احتلام ہو ؟ آپ ﷺ نے فرمایا : ’’ ہاں ، جب کہ وہ پانی دیکھے ۔‘‘