اردو ترجمہ · Urdu

حضرت ابوہریرہ رضی اللہ عنہ سے روایت ہے کہ بلاشبہ رسول اللہ ﷺ نے فرمایا :’’ مسلمان پر اس کے غلام اور گھوڑے میں کوئی زکاۃ نہیں ہے ۔‘‘

اردو ترجمہ · Urdu

سلیمان بن یسار رحمہ اللہ سے روایت ہے کہ اہلِ شام نے ( امیرِ شام ) حضرت ابوعبیدہ بن جراح رضی اللہ عنہ سے کہا کہ ہمارے گھوڑوں اور غلاموں سے بھی زکاۃ لے لیجیے تو انھوں نے انکار کر دیا ، پھر ( اس کے متعلق امیر المؤمنین ) حضرت عمر بن خطاب رضی اللہ عنہ کو لکھ بھیجا تو حضرت عمر رضی اللہ عنہ نے بھی انکار کر دیا ، پھر ( کچھ عرصہ بعد ) انھوں نے ( اہل شام نے ) ان سے ( دوبارہ اسی بارے میں ) بات چیت کی تو انھوں نے حضرت عمر رضی اللہ عنہ کی طرف ( پھر ایک پیغام ) لکھ بھیجا ، چنانچہ حضرت عمر رضی اللہ عنہ نے ان کی طرف ( یہ جواب ) لکھا کہ اگر وہ پسند کرتے ہیں تو ان سے ان ( غلاموں اور گھوڑوں ) میں سے زکاۃ وصول کر لو اور اس ( زکاۃ ) کو انھیں ) ( کے مساکین وغیرہ ) میں لوٹا دو اور ( وہ زکاۃ ) ان کے غلاموں کو بطور خوراک دے دو ۔

اردو ترجمہ · Urdu

عبداللہ بن ابی بکر عمرو بن حزم رحمہ اللہ سے روایت ہے کہ حضرت عمر بن عبدالعزیز رحمہ اللہ کا خط میرے والد کے پاس اس وقت آیا جب وہ منٰی کے میدان میں تھے ، ( انھوں نے لکھا تھا ) کہ نہ تو شہد سے زکاۃ لینا اور نہ ہی گھوڑوں سے ۔

اردو ترجمہ · Urdu

عبداللہ بن دینار رحمہ اللہ سے روایت ہے ، کہتے ہیں کہ میں نے سعید بن مسیب رحمہ اللہ سے ترکی گھوڑوں کی زکاۃ کے متعلق سوال کیا تو سعید رحمہ اللہ نے ( جواباً ) فرمایا : اور کیا گھوڑوں میں بھی کوئی زکاۃ ہے ؟