اردو ترجمہ · Urdu

سلیمان بن یسار رحمہ اللہ اور بسر بن سعید رحمہ اللہ سے روایت ہے کہ بے شک رسول اللہ ﷺ نے فرمایا :’’ اس ( زمین کی فصل ) میں جسے آسمان یا چشمے پانی پلائیں یا وہ جڑوں سے پانی کھینچے ( تو اس میں ) دسواں حصہ ( بطور عشر لازم ) ہے اور اس میں جسے ( اونٹوں کے ذریعے دور سے لا کر یا رہٹ وغیرہ سے ) سینچ کر پانی دیا جائے تو اس میں بیسواں حصہ ( عشر کے طور پر لازم ) ہے ۔

اردو ترجمہ · Urdu

ابن شہاب رحمہ اللہ سے روایت ہے ، انھوں نے کہا کہ کھجوروں کی زکاۃ میں نہ تو جعرور نامی کھجور لی جائے گی ، نہ مصران الفارۃ اور نہ ہی عذق ابن حبیق ، ( کیونکہ یہ سب ردی اور گھٹیا قسم کی کھجوریں ہیں ۔ ) انھوں نے کہا کہ یہ بکریوں کی طرح ہیں کہ جسے مال والے پر ( اس کی باقی کھجوروں کے وزن سمیت ) شمار تو کیا جاتا ہے لیکن زکاۃ میں اس میں سے ( کچھ بھی گھٹیا مال ) نہیں لیا جاتا ۔