اردو ترجمہ · Urdu

عبداللہ بن دینار رحمہ اللہ سے روایت ہے ، کہتے ہیں کہ میں نے حضرت عبداللہ بن عمر رضی اللہ عنہما کو سنا ، اس حال میں کہ ان سے ’’ کنز ‘‘ ( خزانہ ) کے بارے میں سوال کیا جا رہا تھا کہ وہ کیا ہے ؟ تو انھوں نے فرمایا : یہ وہ مال ہے جس میں سے زکاۃ ادا نہ کی جائے ۔

اردو ترجمہ · Urdu

حضرت ابوہریرہ رضی اللہ عنہ سے روایت ہے ، وہ کہا کرتے تھے کہ جس شخص کے پاس ( نصاب کے بقدر ) کوئی مال ہو ( اور ) وہ اس کی زکاۃ ادا نہ کرے تو قیامت کے دن وہ مال اس شخص کے لیے ایک گنجے سانپ کی صورت میں بنایا جائے گا جس کی آنکھوں پر دو سیاہ نقطے ہوں گے ، وہ اس آدمی کو طلب کرے گا ( اس کا پیچھا کرے گا ) یہاں تک کہ آدمی اسے ( اپنے اوپر ) قدرت دے دے گا ، وہ سانپ اسے کہے گا کہ میں تیرا ہی خزانہ ہوں ۔