اردو ترجمہ · Urdu

سیدہ عائشہ رضی اللہ عنہا زوجہ پیغمبر ﷺ روایت کرتی ہیں کہ رسول اللہ ﷺ جب اعتکاف فرماتے تو اپنا سر مبارک میرے قریب کر دیتے تو میں اس میں کنگھی کر دیتی تھی ، اور آپ ﷺ ( اعتکاف کے دوران ) گھر میں داخل نہیں ہوتے تھے ، سوائے حاجت انسانی کے ۔

اردو ترجمہ · Urdu

عمرہ بنت عبدالرحمن رحمہ اللہ روایت کرتی ہیں کہ سیدہ عائشہ رضی اللہ عنہا جب اعتکاف کرتیں تو وہ مریض کی تیمارداری نہیں کرتی تھیں مگر اس حال میں کہ وہ چل رہی ہوتی تھیں ، ( چلتے چلتے حال پوچھ لیتیں اور خاص تیمارداری کے لیے ) ٹھہرتی نہیں تھیں ۔

اردو ترجمہ · Urdu

امام مالک رحمہ اللہ نے ابن شہاب رحمہ اللہ سے اس شخص کے متعلق سوال کیا جو اعتکاف کرتا ہے کہ کیا وہ اپنی حاجت ( ضروریہ ) کے لیے چھت ( والے گھر اور واش روم ) میں داخل ہو سکتا ہے ؟ تو انھوں نے فرمایا کہ ہاں ، اس میں کوئی حرج نہیں ہے ۔