Muwatta Imam Malik #545
[545] حَدَّثَنِی یَحْیَی، عَنْ مَالِکٍ، أَنَّہُ بَلَغَہُ : أَنَّ رَسُولَ اللّٰہِ ﷺ تُوَفِّیَ یَوْمَ الاِثْنَیْن، وَدُفِنَ یَوْمَ الثُّـلَاثَائِ، وَصَلَّی النَّاسُ عَلَیْہِ أَفْذَاذاً لَا یَؤُمُّہُمْ أَحَدٌ، فَقَالَ نَاسٌ : یُدْفَنُ عِنْدَ الْمِنْبَرِ، وَقَالَ آخَرُونَ : یُدْفَنُ بِالْبَقِیعِ، فَجَائَ أَبُو بَکْرٍ الصِّدِّیقُ فَقَال : سَمِعْتُ رَسُولَ اللّٰہِ ﷺ یَقُولُ : مَا دُفِنَ نَبِیٌّ قَطُّ، إِلاَّ فِی مَکَانِہِ الَّذِی تُوَفِّیَ فِیہِ فَحُفِرَ لَہُ فِیہِ، فَلَمَّا کَانَ عِنْدَ غُسْلِہِ، أَرَادُوا نَزْعَ قَمِیصِہِ، فَسَمِعُوا صَوْتاً یَقُولُ: لَا تَنْزِعُوا الْقَمِیصَ، فَلَمْ یُنْزَعِ الْقَمِیصُ، وَغُسِّلَ وَہُوَ عَلَیْہِ ﷺ ۔
اردو ترجمہ · Urdu
امام مالک رحمہ اللہ کو یہ خبر پہنچی کہ رسول اللہ ﷺ سوموار کے دن فوت ہوئے اور منگل کے دن آپ کو دفن کیا گیا ، لوگوں نے آپ پر الگ الگ نماز ادا کی اور ان کی امامت کوئی نہیں کراتا تھا ، پھر بعض لوگوں نے کہا کہ آپ ﷺ کو منبر کے قریب دفن کیا جائے اور بعض دوسروں نے کہا کہ آپ کو بقیع قبرستان میں سپرد خاک کیا جائے ، پھر حضرت ابوبکر صدیق رضی اللہ عنہ تشریف لائے اور کہا کہ میں نے رسول اللہ ﷺ کو یہ فرماتے ہوئے سنا تھا :’’ کبھی بھی کوئی بھی نبی اس جگہ کے علاوہ دفن نہیں کیا گیا جہاں کہ وہ فوت ہوا ۔‘‘ چنانچہ نبی کریم ﷺ کی بھی اسی جگہ قبر کھودی گئی ، پھر جب آپ کو غسل دینے کا موقع آیا اور لوگوں نے آپ ﷺ کی قمیص اتارنے کا ارادہ کیا تو انھوں نے ایک آواز سنی جس میں ( کوئی کہنے والا ) کہہ رہا تھا کہ قمیص نہ اتارو ، چنانچہ آپ ﷺ کی قمیص نہ اتاری گئی اور آپ کو اس حالت میں غسل دیا گیا کہ قمیص آپ کے اوپر ہی تھی ۔