اردو ترجمہ · Urdu

ابوسلمہ بن عبدالرحمن رضی اللہ عنہ سے روایت ہے کہ حضرت ابوہریرہ رضی اللہ عنہ نے ( نماز عشاء میں جماعت کراتے ہوئے ) ان ( مقتدیوں ) کے لیے سورۂ { اِذَا السَّمَائُ انْشَقَّتْ } پڑھی پھر سجدے میں چلے گئے ، پھر جب نماز سے فارغ ہوئے تو انھیں بتایا کہ رسول اللہ ﷺ نے بھی اس سورت میں سجدہ کیا تھا ۔

اردو ترجمہ · Urdu

نافع رحمہ اللہ جو کہ حضرت ابن عمر رضی اللہ عنہما کے آزاد کردہ غلام ہیں ، سے روایت ہے کہ اہل مصر میں سے ایک شخص نے انھیں خبر دی کہ حضرت عمر بن خطاب رضی اللہ عنہ نے سورۂ حج کی تلاوت کی تو اس میں دو سجدے کیے ، پھر فرمایا کہ بے شک اس سورت کو دو سجدوں کے ساتھ فضیلت دی گئی ہے ۔

اردو ترجمہ · Urdu

عبداللہ بن دینار رحمہ اللہ سے روایت ہے ، کہتے ہیں کہ میں نے حضرت عبداللہ بن عمر رضی اللہ عنہما کو دیکھا ، انھوں نے سورۂ حج میں دو سجدے کیے ۔

اردو ترجمہ · Urdu

اعرج سے روایت ہے کہ حضرت عمر بن خطاب رضی اللہ عنہ نے سورۂ { وَالنَّجْمِ اِذَا ہَوٰی } پڑھی تو اس میں سجدہ کیا ، پھر ( سجدہ تلاوت سے ) اٹھ کر ( اسی رکعت میں ) کوئی دوسری سورت بھی پڑھی ۔

اردو ترجمہ · Urdu

ہشام بن عروہ رحمہ اللہ اپنے والد عروہ رحمہ اللہ سے روایت کرتے ہیں کہ حضرت عمر بن خطاب رضی اللہ عنہ نے جمعہ کے دن منبر پر ایک سجدے ( والی آیت ) کی تلاوت کی تو ( منبر سے ) نیچے اتر کر سجدہ کیا ، تو لوگوں نے بھی ان کے ہمراہ سجدہ کیا ، پھر دوسرے جمعہ میں بھی اسی ( آیت سجدہ ) کو پڑھا تو لوگ سجدئہ تلاوت کرنے کے لیے تیار ہو گئے لیکن حضرت عمر رضی اللہ عنہ نے فرمایا : ٹھہر جاؤ ، یقیناً اللہ تعالیٰ نے اس سجدے کو ہم پر فرض نہیں کیا ، مگر یہ کہ ہم خود چاہیں ( تو سجدہ کر سکتے ہیں ) ، چنانچہ انھوں نے خود بھی سجدہ نہ کیا اور لوگوں کو بھی سجدہ کرنے سے منع فرما دیا ۔