Muwatta Imam Malik · Book 14 · Chapter 126
قبلے کے متعلق کتاب
عورتوں کے مسجدوں کی طرف جانے کا بیان
4 hadiths in this chapter
Muwatta Imam Malik #465
[465] حَدَّثَنِی یَحْیَی، عَنْ مَالِکٍ، أَ نَّہُ بَلَغَہُ، عَنْ عَبْدِ اللّٰہِ بْنِ عُمَرَ، أَ نَّہُ قَالَ : قَالَ رَسُولُ اللّٰہِ ﷺ : لَا تَمْنَعُوا إِمَائَ اللّٰہِ مَسَاجِدَ اللّٰہِ۔
اردو ترجمہ · Urdu
حضرت عبداللہ بن عمر رضی اللہ عنہما سے روایت ہے کہ رسول اللہ ﷺ نے فرمایا :’’ اللہ کی بندیوں کو اللہ کی مسجدوں ( میں آنے ) سے نہ روکو ۔‘‘
Muwatta Imam Malik #466
[466] وَحَدَّثَنِی عَنْ مَالِکٍ، أَنَّہُ بَلَغَہُ، عَنْ بُسْرِ بْنِ سَعِیدٍ ،أَنَّ رَسُولَ اللّٰہِ ﷺ قَالَ : إِذَا شَہِدَتْ إِحْدَاکُنَّ صَلَاۃَ الْعِشَائِ، فَلَا تَمَسَّنَّ طِیباً۔
اردو ترجمہ · Urdu
بُسر بن سعید رحمہ اللہ سے روایت ہے کہ رسول اللہ ﷺ نے فرمایا :’’ جب تم میں سے کوئی عورت نماز عشاء کو حاضر ہو تو ہرگز خوشبو نہ لگائے ۔‘‘
Muwatta Imam Malik #467
[467] وَحَدَّثَنِی عَنْ مَالِکٍ، عَنْ یَحْیَی بْنِ سَعِیدٍ، عَنْ عَاتِکَۃَ بِنْتِ زَیْدِ بْنِ عَمْرِو بْنِ نُفَیْلٍ، امْرَأَۃِ عُمَرَ بْنِ الْخَطَّابِ، أَنَّہَا کَانَتْ تَسْتَأْذِنُ عُمَرَ بْنَ الْخَطَّابِ إِلَی الْمَسْجِدِ فَیَسْکُتُ، فَتَقُولُ : وَاللّٰہِ لأَخْرُجَنَّ إِلاَّ أَنْ تَمْنَعَنِی، فَلَا یَمْنَعُہَا۔
اردو ترجمہ · Urdu
حضرت عمر بن خطاب رضی اللہ عنہ کی اہلیہ حضرت عاتکہ بنت زید بن عمرو بن نفیل رضی اللہ عنہا سے روایت ہے کہ وہ حضرت عمر بن خطاب رضی اللہ عنہ سے مسجد جانے کی اجازت مانگتیں تو وہ خاموش رہتے ، چنانچہ وہ کہتیں کہ اللہ کی قسم ! میں تو ضرور ( مسجد کی طرف ) نکلوں گی ، الا یہ کہ آپ مجھے روک دیں ، تو وہ انھیں منع بھی نہ فرماتے ۔
Muwatta Imam Malik #468
[468] وَحَدَّثَنِی عَنْ مَالِکٍ، عَنْ یَحْیَی بْنِ سَعِیدٍ، عَنْ عَمْرَۃَ بِنْتِ عَبْدِ الرَّحْمَنِ، عَنْ عَائِشَۃَ زَوْجِ النَّبِیِّ ﷺ ، أَنَّہَا قَالَتْ : لَوْ أَدْرَکَ رَسُولُ اللّٰہِ ﷺ مَا أَحْدَثَ النِّسَائُ لَمَنَعَہُنَّ الْمَسَاجِدَ، کَمَا مُنِعَہُ نِسَائُ بَنِی إِسْرَائِیلَ۔ قَالَ یَحْیَی بْنُ سَعِیدٍ : فَقُلْتُ لِعَمْرَۃَ : أَوَمُنِعَ نِسَائُ بَنِی إِسْرَائِیلَ الْمَسَاجِدَ ؟ قَالَتْ: نَعَمْ۔
اردو ترجمہ · Urdu
سیدہ عائشہ رضی اللہ عنہا زوجہ پیغمبر ﷺ سے روایت ہے ، انھوں نے کہا کہ اگر رسول اللہ ﷺ اس صورت حال کو پا لیتے جو عورتوں نے ایجاد کر لی ہے تو ان کو مسجد ہی سے روک دیتے جس طرح کہ بنی اسرائیل کی عورتوں کو روک دیا گیا ۔ ( اس حدیث کے راوی ) یحیی بن سعید رحمہ اللہ کہتے ہیں کہ میں نے ( یہ حدیث سنانے والی راویہ ) عمرہ رحمہ اللہ سے پوچھا کہ کیا بنی اسرائیل کی عورتوں کو مسجد سے روک دیا گیا تھا ؟ تو انھوں نے کہا : ہاں ۔
