اردو ترجمہ · Urdu

حضرت عبداللہ بن عمر رضی اللہ عنہما سے روایت ہے کہ بے شک رسول اللہ ﷺ نے فرمایا :’’ جس شخص کی نمازِ عصر فوت ( قضا ) ہو گئی تو گویا اس سے اس کے اہل و عیال اور مال و دولت لوٹ لیے گئے ۔‘‘

اردو ترجمہ · Urdu

حضرت یحیی بن سعید رحمہ اللہ سے روایت ہے کہ حضرت عمر بن خطاب رضی اللہ عنہ نمازِ عصر پڑھ کر واپس لوٹے تو ایک ایسے شخص سے ملاقات ہوئی جو عصر ( کی جماعت ) میں حاضر نہ ہوا تھا ، عمر رضی اللہ عنہ نے پوچھا کہ تمھیں نمازِ عصر سے کس چیز نے روکے رکھا تھا ، اُس آدمی نے ان کے سامنے کوئی عذر پیش کیا تو عمر رضی اللہ عنہ نے فرمایا : تو نے کمی کر دی ہے ۔

اردو ترجمہ · Urdu

یحیی بن سعید رحمہ اللہ فرمایا کرتے تھے : بے شک نمازی کوئی نماز ادا کرتا ہے ، اس حال میں کہ ( ابھی ) اس کا ( مکمل ) وقت نہیں گزرا ہوتا ، لیکن جتنا وقت گزر چکا ہوتا ہے ، وہ اس کے گھر والوں اور مال سے زیادہ عظیم اور افضل ہوتا ہے ۔

اردو ترجمہ · Urdu

نافع رحمہ اللہ سے روایت ہے کہ حضرت عبداللہ بن عمر رضی اللہ عنہما پر غشی طاری ہو گئی جس سے ان کی عقل جاتی رہی ( اور وہ بے ہوش ہو گئے ) ، چنانچہ انھوں نے اس ( بے ہوشی کے وقت والی ) نماز کی قضائی نہ دی ۔