Hadith 18465–18504

EnglishUnverified translation

Ibn ʿAbbās, may Allāh be pleased with them, reported that he heard the Messenger of Allāh ﷺ say he is your forerunner at the Basin; whoever comes prospers, but peoples will be brought and seized to the left, so he will say, my Lord, and be told they kept turning apostate on their heels after him. > **"I am your forerunner; whoever comes prospers, but apostates are seized to the left."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ’’ میں حوض پر تمہارا پیشرو ہوؤں گا ، جو شخص اس پر وارد ہو گا ، وہ کامیاب ہو جائے گا ، کچھ لوگوں کو لایا جائے گا ، پھر انہیں پکڑ کر بائیں طرف لے جایا جائے گا ، تو میں کہوں گا : اے میرے پروردگار ! تو یہ کہا جائے گا : یہ لوگ تمہارے بعد ایڑیوں کے بل مرتد ہو گئے تھے ۔‘‘ یہ روایت امام احمد نے نقل کی ہے امام طبرانی نے معجم کبیر اور معجم اوسط میں اس کی مانند نقل کی ہے ، تاہم انہوں نے اس کے آغاز میں یہ الفاظ نقل کئے ہیں : نبی اکرم ﷺ نے ارشاد فرمایا : ’’ میں تمہیں ڈب سے ( یعنی پہلو سے ) پکڑتا ہوں ، تم لوگ جہنم سے بچو ! تم لوگ حدود ( کی خلاف ورزی کرنے ) سے بچو ! جب میں مر جاؤں گا ، تو تمہیں چھوڑ جاؤں گا اور میں حوض پر تمہارا پیشرو ہوؤں گا .....‘‘۔ اس کے بعد انہوں نے پوری حدیث ذکر کی ہے ۔ یہ روایت امام بزار نے نقل کی ہے اس کی سند میں ایک راوی لیث بن ابوسلیم ہے اور وہ مدلس ہے اس روایت کے بقیہ رجال ثقہ ہیں ۔

EnglishUnverified translation

Jābir ibn ʿAbdullāh, may Allāh be pleased with them, reported that the Messenger of Allāh ﷺ said he shall stand at the Basin watching who comes, and men of his own will be seized, so he will say, my Lord, my nation, my nation, and be told, what do you know of what they did after you; they kept turning on their heels after you. Jābir added that the Messenger of Allāh ﷺ said the Basin is a month's journey, its corners equal, length as width, cups as stars of the sky, more fragrant than musk, whiter than milk; whoever drinks never thirsts thereafter. > **"My nation, my nation; they kept turning on their heels after you."**

اردو ترجمہ · UrduUnverified translation

حضرت جابر بن عبداللہ رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ میں حوض پر موجود ہوؤں گا اور اس بات کا جائزہ لوں گا کہ کون میرے پاس آتا ہے ؟ نبی اکرم ﷺ نے ارشاد فرمایا : مجھ سے فاصلے پر کچھ لوگوں کو پکڑ لیا جائے گا ( اور میرے پاس نہیں آنے دیا جائے گا ) تو میں کہوں گا : اے میرے پروردگار ! میری امت میری امت ! نبی اکرم ﷺ فرماتے ہیں : تو یہ کہا جائے گا : تم نہیں جانتے کہ تمہارے بعد انہوں نے کیا عمل کیا تھا ؟ تمہارے بعد یہ مسلسل ایڑیوں کے بل پلٹتے رہے تھے ۔‘‘ حضرت جابر رضی اللہ عنہ بیان کرتے ہیں : نبی اکرم ﷺ نے ارشاد فرمایا :” حوض ( کی لمبائی ) ایک ماہ کی مسافت جتنی ہے اور اس کے دونوں گوشے بھی اسی طرح ہیں ۔‘‘ راوی کہتے ہیں : یعنی اس کی چوڑائی بھی اس کی لمبائی جتنی ہے ۔’’ اور اس کے کوزے آسمان کے ستاروں کی مانند ہیں اور وہ ( یعنی اس کا مشروب ) مشک سے زیادہ خوشبو والا ، دودھ سے زیادہ سفید ہے ، جو شخص اس میں سے پی لے گا وہ اس کے بعد کبھی پیاسا نہیں ہو گا ۔‘‘ یہ روایت امام احمد نے نقل کی ہے اور اس کے رجال صحیح کے رجال ہیں ، یہ روایت امام بزار نے اختصار کے ساتھ نقل کی ہے اور اس کی سند میں ضعف پایا جاتا ہے ۔

EnglishUnverified translation

Jābir, may Allāh be pleased with them, also heard the Prophet ﷺ say he is your forerunner before you; if you do not see him, he is at the Basin spanning Aylah to Makkah, yet men and women shall come with skins and vessels and taste nothing. > **"I am your forerunner at the Basin between Aylah and Makkah."**

اردو ترجمہ · UrduUnverified translation

ان ( یعنی حضرت جابر بن عبداللہ رضی اللہ عنہ ) کے حوالے سے یہ بات منقول ہے : انہوں نے نبی اکرم ﷺ کو یہ ارشاد فرماتے ہوئے سنا ہے : ’’ میں تمہارے آگے تمہارا پیشرو ہوؤں گا ، جب تم مجھے نہیں دیکھو گے تو میں حوض پر ہوؤں گا ، جس کی مقدار ’’ ایلہ ‘‘ سے لے کر ’’ مکہ ‘‘ تک کے درمیانی فاصلے جتنی ہے ، عنقریب کچھ مرد اور عورتیں مشکیزے اور برتن لے کر آئیں گے ، لیکن وہ اس ( حوض ) میں سے کچھ بھی نہیں پی سکیں گے ۔‘‘ یہ روایت امام احمد نے مرفوع اور موقوف ( دونوں طرح سے ) نقل کی ہے ، مرفوع روایت کی سند میں ایک راوی ابن لہیعہ ہے اور موقوف روایت کے رجال صحیح کے رجال ہیں ۔ یہ روایت امام طبرانی نے معجم اوسط میں مرفوع روایت کے طور پر نقل کی ہے اور اس کی سند میں بھی ایک راوی ابن لہیعہ ہے انہوں نے اسے اختصار کے ساتھ بھی نقل کیا ہے ، جس میں یہ الفاظ ہیں :” وہ اس میں سے کچھ بھی نہیں پی سکیں گے ۔‘‘ یہ ’’ صحیح ‘‘ کے رجال سے منقول ہے ، امام بزار نے بھی اسے اسی طرح نقل کیا ہے ۔

EnglishUnverified translation

Samurah ibn Jundub, may Allāh be pleased with him, reported that the Messenger of Allāh ﷺ said peoples who were with him shall come, and when they raise their heads they will be snatched from him, so he will say, my companions, my companions, and be told he knows not what they innovated after him. > **"My companions, my companions; you know not what they innovated after you."**

اردو ترجمہ · UrduUnverified translation

حضرت سمرہ بن جندب رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ کچھ لوگ میرے سامنے آئیں گے جو میرے ساتھ تھے ، جب ان کے سر میرے سامنے آئیں گے تو انہیں مجھ سے پہلے ہی روک لیا جائے گا ، میں کہوں گا : اے میرے پروردگار ! میرے ساتھی ، میرے ساتھی ، تو کہا جائے گا : تم نہیں جانتے ، تمہارے بعد انہوں نے کیا نیا کام کیا تھا ؟‘‘ یہ روایت امام طبرانی نے معجم کبیر اور معجم اوسط میں نقل کی ہے ، اس کی سند میں ایک راوی حکم بن عبدالملک ہے اور وہ ضعیف ہے ۔

EnglishUnverified translation

Abū Bakrah, may Allāh be pleased with him, reported that the Messenger of Allāh ﷺ said men who accompanied and saw him shall surely come to the Basin, and when raised to him and seen they will be snatched from him, so he will say, my Lord, my companions, my companions, and be told he knows not what they innovated after him. > **"Men who accompanied me will be snatched from me; you know not what they innovated after you."**

اردو ترجمہ · UrduUnverified translation

حضرت ابوبکرہ رضی اللہ عنہ نبی اکرم ﷺ کا یہ فرمان نقل کرتے ہیں : ’’ حوض پر میرے سامنے کچھ ایسے لوگ آئیں گے جو میرے ساتھ رہے اور انہوں نے مجھے دیکھا ، یہاں تک کہ جب وہ میرے سامنے آئیں گے اور میں انہیں دیکھوں گا تو انہیں مجھ سے پہلے ہی روک لیا جائے گا ، میں یہ ضرور کہوں گا : اے میرے پروردگار ! میرے ساتھی ، میرے ساتھی ، تو یہ کہا جائے گا : تم نہیں جانتے ، تمہارے بعد انہوں نے کیا نیا کام کیا تھا ۔‘‘ یہ روایت امام احمد نے دو اسناد کے ساتھ نقل کی ہے ان دونوں میں سے ایک کے رجال صحیح کے رجال ہیں ، صرف علی بن زید کا معاملہ مختلف ہے اس میں موجود ضعف کے باوجود اس کی توثیق کی گئی ہے ، یہ روایت امام طبرانی نے مختلف اسانید کے ساتھ نقل کی ہے اور ان میں سے ایک کے رجال امام احمد کے رجال کی مانند ہیں ۔

EnglishUnverified translation

Abū al-Dardāʾ, may Allāh be pleased with him, reported that the Messenger of Allāh ﷺ said he shall surely find himself disputing for one of them at the Basin, saying they are of his companions, and be told he knows not what they innovated after him. Abū al-Dardāʾ asked him to pray Allāh not make him among them, and he said you are not among them. > **"You know not what they innovated after you; you are not among them."**

اردو ترجمہ · UrduUnverified translation

حضرت ابودرداء رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ میں یہ صورتحال نہ پاؤں کہ تم میں سے کسی ایک کو حوض پر میرے پاس نہ آنے دیا جائے اور میں یہ کہوں کہ یہ تو میرے ساتھیوں سے تعلق رکھنے والے لوگ ہیں ، تو یہ کہا جائے : آپ نہیں جانتے ، آپ کے بعد انہوں نے کیا نیا کام کیا تھا ۔‘‘ حضرت ابودرداء رضی اللہ عنہ نے عرض کی : یا رسول اللہ ! آپ اللہ تعالیٰ سے یہ دعا کیجئے کہ وہ مجھے اُن میں نہ بنائے ، تو نبی اکرم ﷺ نے ارشاد فرمایا : تم اُن میں سے نہیں ہو ۔‘‘ یہ روایت امام طبرانی نے دو اسناد کے ساتھ نقل کی ہے ان دونوں میں سے ایک کے رجال صحیح کے رجال ہیں ، صرف ابوعبداللہ اشعری کا معاملہ مختلف ہے اور وہ ثقہ ہے ۔

EnglishUnverified translation

Abū Masʿūd, may Allāh be pleased with him, reported from the Prophet ﷺ that men of his companions shall surely be raised to him, and when he sees them they will be snatched from him, so he will say, my companions, and be told he knows not what they innovated after him. > **"My companions; you know not what they innovated after you."**

اردو ترجمہ · UrduUnverified translation

حضرت ابومسعود رضی اللہ عنہ نبی اکرم ﷺ کا یہ فرمان نقل کرتے ہیں : ’’ میرے ساتھیوں میں سے کچھ لوگ میرے سامنے آئیں گے ، یہاں تک کہ جب میں انہیں دیکھوں گا تو انہیں مجھ سے پہلے ہی روک لیا جائے گا ، میں کہوں گا : یہ میرے ساتھی ہیں ، تو یہ کہا جائے گا : آپ نہیں جانتے آپ کے بعد انہوں نے کیا نیا کام کیا تھا ؟‘‘۔ یہ روایت امام طبرانی نے نقل کی ہے اور اس کے رجال صحیح کے رجال ہیں ۔

EnglishUnverified translation

Jābir ibn ʿAbdullāh, may Allāh be pleased with them, reported that the Messenger of Allāh ﷺ said he is your forerunner at the Basin and shall multiply the nations through you, so do not return after him as disbelievers striking one another's necks. Asked its width, he said between Aylah and Makkah, with cups more numerous than stars; no believer takes one and lays it down but another takes it. > **"I am your forerunner and shall multiply nations through you, so do not strike one another's necks."**

اردو ترجمہ · UrduUnverified translation

حضرت جابر بن عبداللہ رضی اللہ عنہ نبی اکرم ﷺ کا یہ فرمان نقل کرتے ہیں : ’’ میں حوض پر تمہارا پیشرو ہوؤں گا اور میں دوسری امتوں کے مقابلے میں تمہاری کثرت پر فخر کروں گا ، تو تم میرے بعد کافر نہ ہو جانا کہ ایک دوسرے کی گردنیں مارتے پھرو ۔‘‘ ایک شخص نے عرض کی : یا رسول اللہ ! اس ( حوض ) کا حجم کتنا ہو گا ؟ نبی اکرم ﷺ نے ارشاد فرمایا : جتنا ’’ ایلہ ‘‘ سے لے کر ’’ مکہ ‘‘ تک کا درمیانی فاصلہ ہے ( یہاں لفظ کے بارے میں راوی کو شک ہے ) اس کے برتن ستاروں کی تعداد سے زیادہ ہوں گے ، مؤمن ان میں سے کوئی برتن پکڑے گا اور پھر وہ اسے رکھے گا نہیں کہ اس سے پہلے کوئی دوسرا اسے پکڑ لے گا ۔‘‘ یہ روایت امام بزار نے نقل کی ہے اس کی سند میں ایک راوی عبیدہ بن اسود ہے ، جسے ایک سے زیادہ افراد نے ضعیف قرار دیا ہے ابن حبان نے کتاب الثقات میں یہ بات بیان کی ہے : اس کی حدیث کا اعتبار کیا جائے گا ، جب یہ کسی ثقہ راوی سے سماع کی وضاحت کر دے ، اور اس کے بعد والا راوی بھی ثقہ ہو ، اس روایت کے بقیہ رجال کی توثیق کی گئی ہے اگرچہ ان میں سے بعض میں ضعف پایا جاتا ہے ۔

EnglishUnverified translation

Al-Farazdaq reported that Abū Hurayrah, may Allāh be pleased with him, told him, O Farazdaq, I see your feet small, so if you can secure for them a place by the Basin then do, for he heard the Messenger of Allāh ﷺ say his Basin is between ʿUmān and Aylah, its water whiter than milk and sweeter than honey, its vessels as numerous as stars; whoever drinks never thirsts ever. > **"My Basin is between ʿUmān and Aylah; whoever drinks never thirsts ever."**

اردو ترجمہ · UrduUnverified translation

فرزدق بیان کرتے ہیں : حضرت ابوہریرہ رضی اللہ عنہ نے مجھ سے فرمایا : اے فرزدق ! میں دیکھ رہا ہوں کہ تمہارے پاؤں چھوٹے ہیں ، اگر تمہارے لیے یہ ممکن ہو کہ حوض کے پاس ان دونوں کے لیے کوئی جگہ بنا سکتے ہو ، تو تم ایسا کر لینا ، میں نے نبی اکرم ﷺ کو یہ ارشاد فرماتے ہوئے سنا ہے : ’’ میرا حوض ، عمان اور ایلہ کے درمیان فاصلے جتنا ہے ، اس کا پانی دودھ سے زیادہ سفید ، شہد سے زیادہ میٹھا ہے ، اس کے برتن آسمان کے ستاروں کی تعداد جتنے ہیں ، جو شخص اس میں سے پی لے گا وہ کبھی پیاسا نہیں ہو گا ۔‘‘

EnglishUnverified translation

In a variant he said he has a Basin to which his nation shall come, spanning as between Ṣanʿāʾ and Yathrib. > **"I have a Basin spanning as between Ṣanʿāʾ and Yathrib."**

اردو ترجمہ · UrduUnverified translation

ایک روایت میں یہ الفاظ ہیں : ’’ میرے حوض پر میری امت وارد ہو گی ، جو اتنا بڑا ہے جتنا صنعاء اور یثرب کے درمیان فاصلہ ہے ۔‘‘ ( علامہ ہیثمی فرماتے ہیں : ) میں یہ کہتا ہوں : حضرت ابوہریرہ رضی اللہ عنہ سے منقول ایک حدیث ’’ صحیح ‘‘ میں مذکور ہے ، جو اس روایت کے علاوہ ہے ۔ یہ روایت امام طبرانی نے معجم اوسط میں نقل کی ہے اور فرزدق نامی راوی کو ابن حبان نے ضعیف قرار دیا ہے ۔

EnglishUnverified translation

Anas ibn Mālik, may Allāh be pleased with him, reported that the Messenger of Allāh ﷺ said he has a Basin and is your forerunner thereon. > **"I have a Basin and am your forerunner thereon."**

اردو ترجمہ · UrduUnverified translation

حضرت انس بن مالک رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ میرا ایک حوض ہے اور میں اس پر تمہارا پیشرو ہوؤں گا ۔‘‘ ( علامہ ہیثمی فرماتے ہیں : ) میں یہ کہتا ہوں : یہ روایت ’’ صحیح ‘‘ میں اختصار کے ساتھ مذکور ہے :” میں تمہارا پیشرو ہوؤں گا “۔ یہ روایت امام طبرانی نے معجم صغیر میں حسن سند کے ساتھ نقل کی ہے ۔

EnglishUnverified translation

Al-ʿIrbāḍ ibn Sāriyah, may Allāh be pleased with him, reported that the Prophet ﷺ said this nation shall surely crowd at the Basin as camels crowd arriving after five days' thirst. > **"This nation shall crowd at the Basin as thirsty camels crowd."**

اردو ترجمہ · UrduUnverified translation

حضرت عرباض بن ساریہ رضی اللہ عنہ نبی اکرم ﷺ کا یہ فرمان نقل کرتے ہیں : ’’ یہ امت حوض پر یوں ہجوم کرے گی ، جس طرح پانی پینے ، جس طرح پانی پینے کے لیے آنے والے اونٹوں کا ہجوم ہوتا ہے ۔‘‘ یہ روایت امام طبرانی نے دو اسناد کے ساتھ نقل کی ہے اور ان دونوں میں سے ایک حسن ہے ۔

EnglishUnverified translation

Ibn ʿUmar, may Allāh be pleased with them, reported that the Messenger of Allāh ﷺ said his Basin spans as between ʿAdan and ʿUmān, cooler than snow, sweeter than honey, more fragrant than musk, with cups like stars; whoever drinks a draught never thirsts thereafter. The first to come shall be the poor emigrants: dishevelled heads, pale faces, soiled garments, gates unopened to them, marrying not the pampered, giving all dues upon them while taking not all dues for them. > **"The first to come to my Basin shall be the poor emigrants."**

اردو ترجمہ · UrduUnverified translation

حضرت عبداللہ بن عمر رضی اللہ عنہما نبی اکرم ﷺ کا یہ فرمان نقل کرتے ہیں : ’’ میرا حوض اتنا بڑا ہے جتنا عدن اور عمان کے درمیان فاصلہ ہے ( اس کا مشروب ) برف سے زیادہ سفید ، شہد سے زیادہ میٹھا اور مشک سے زیادہ خوشبودار ہے ، اس سے برتن آسمان کے ستاروں کی مانند ہیں جو شخص اس میں سے ایک مرتبہ پی لے گا وہ اس کے بعد کبھی پیاسا نہیں ہو گا ، اس حوض پر سب سے پہلے غریب مہاجرین آئیں گے ، حاضرین میں سے کسی نے دریافت کیا : یا رسول اللہ ! وہ کون ہوں گے ؟ نبی اکرم ﷺ نے ارشاد فرمایا : جن کے بال بکھرے ہوئے ہوں گے ، جن کے چہرے متغیر ہوں گے ، ان کے کپڑے میلے ہوں گے ان کے لیے دروازے نہیں کھولے جاتے ہوں گے ، وہ خوشحال عورتوں کے ساتھ نکاح نہیں کر سکتے ہوں گے ، جو ان کی ذمہ داری تھی وہ انہوں نے پوری کی ہو گی اور جو ان کا حق تھا وہ انہوں نے وصول نہیں کیا ہو گا ۔‘‘ ( علامہ ہیثمی فرماتے ہیں : ) میں یہ کہتا ہوں : حضرت عبداللہ بن عمر رضی اللہ عنہما سے منقول حدیث ’’ صحیح ‘‘ میں مذکور ہے ، جو اس سیاق کے بغیر ہے اور یہ درست ہے اور لوگوں کی روایت کے مطابق ہے جبکہ ’’ صحیح ‘‘ میں جو روایت ہے اس میں یہ مذکور ہے :’’ جتنا جربی اور اذرح کے درمیان فاصلہ ہے ۔‘‘ حالانکہ یہ دونوں ایسی بستیاں ہیں ، جو ایک دوسرے کے پہلو میں ہیں ۔ ہمارے ایک استاد شیخ علامہ صلاح الدین العلائی نے فرمایا ہے : شاید اس میں سے ایک لفظ رہ گیا ہے ( اور اصل جملہ یوں ہونا چاہیے : ) جس طرح تم لوگوں کے اور جربی اور اذرح کے درمیان فاصلہ ہے ۔ یہ بات میں نے ان سے سنی ہے ۔ یہ روایت امام احمد اور امام طبرانی نے عمرو بن عمر احموسیٰ کی مخارق بن ابومخارق کے حوالے سے نقل کردہ روایت کے طور پر نقل کی ہے اور اس کے باپ کا نام عبداللہ بن جابر ہے ابن حبان نے ان دونوں کا تذکرہ کتاب الثقات میں کیا ہے امام احمد کے استاد ابومغیرہ صحیح کے رجال میں سے ہیں ۔

EnglishUnverified translation

Abū Umāmah al-Bāhilī, may Allāh be pleased with him, reported from the Prophet ﷺ that his Basin spans as between ʿAdan and ʿUmān, with cups as numerous as stars; whoever drinks never thirsts thereafter. Among his nation coming to him shall be the dishevelled, soiled in garments, marrying not the pampered, attending not rulers' gates, giving all dues upon them while granted not all dues for them. > **"Whoever drinks never thirsts; the dishevelled who give all dues shall come to it."**

اردو ترجمہ · UrduUnverified translation

حضرت ابوامامہ باہلی رضی اللہ عنہ نبی اکرم ﷺ کا یہ فرمان نقل کرتے ہیں : ’’ میرا حوض اتنا ہے جتنا عدن اور عمان کے درمیان فاصلہ ہے ، اس میں آسمان کے ستاروں کی تعداد میں برتن ہیں ، جو شخص اس میں سے پی لے گا وہ اس کے بعد کبھی پیاسا نہیں ہو گا ، میری امت کے جو لوگ اس حوض پر میرے پاس آئیں گے ان میں کچھ لوگ بکھرے ہوئے بالوں والے میلے کپڑوں والے ہوں گے جو خوشحال عورتوں کے ساتھ شادی نہیں کر سکتے اور نہ ہی بند دروازوں پر آ سکتے ہیں ، راوی کہتے ہیں : اس سے مراد یہ ہے کہ حکمران کے دروازے پر نہیں آ سکتے ۔ ( نبی اکرم ﷺ نے فرمایا : ) انہوں نے وہ چیز ادا کر دی ہو گی جو ان کے ذمہ ہو گی اور انہیں وہ چیز نہیں دی گئی ہو گی جو ان کا حق ہو گا ۔‘‘ یہ روایت امام طبرانی نے نقل کی ہے اور اس کے بعض رجال میں موجود ضعف کے باوجود اس کے رجال کی توثیق کی گئی ہے ۔

EnglishUnverified translation

Thawbān, may Allāh be pleased with him, reported that the Messenger of Allāh ﷺ said he shall drive people from his Basin for his Household, striking them with this staff of his until it overflows. > **"I shall drive people from my Basin for my Household with this staff."**

اردو ترجمہ · UrduUnverified translation

حضرت ثوبان رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ میں اپنے حوض سے کچھ لوگوں کو پرے کروں گا ، اپنے اہل بیت کی خاطر ، میں اپنے عصا کے ذریعے ان لوگوں کو ماروں گا یہاں تک کہ وہ پیچھے ہٹ جائیں گے ۔‘‘ ( علامہ ہیثمی فرماتے ہیں : ) میں یہ کہتا ہوں : اس کے بعد انہوں نے پوری حدیث ذکر کی ہے جو ’’ صحیح ‘‘ میں بھی مذکور ہے تاہم اس میں یہ الفاظ نہیں ہیں :” اپنے اہل بیت کی خاطر .....‘‘۔ یہ روایت امام بزار نے دو اسناد کے ساتھ نقل کی ہے ان دونوں میں سے ایک کے رجال صحیح کے رجال ہیں ۔

EnglishUnverified translation

Buraydah, may Allāh be pleased with him, reported from the Prophet ﷺ that mentioning the Basin he said therein are seen pitchers as numerous as the stars of the sky. > **"In it are pitchers as numerous as the stars of the sky."**

اردو ترجمہ · UrduUnverified translation

حضرت بریدہ رضی اللہ عنہ نبی اکرم ﷺ کے بارے میں یہ بات نقل کرتے ہیں : آپ ﷺ نے حوض کا تذکرہ کرتے ہوئے یہ ارشاد فرمایا : ’’ تم اس میں آسمان کے ستاروں کی تعداد میں برتن دیکھو گے ۔‘‘ یہ روایت امام بزار نے نقل کی ہے ، وہ کہتے ہیں : یہ حدیث غریب ہے ۔ ( علامہ ہیثمی فرماتے ہیں : ) میں یہ کہتا ہوں : اس کی سند میں ایک راوی عائذ بن بشیر ہے اور وہ ضعیف ہے ۔

EnglishUnverified translation

Anas, may Allāh be pleased with him, reported that the Messenger of Allāh ﷺ said he was given al-Kawthar, and striking with his hand found it strong fragrant musk, its pebbles pearl, and its banks, he thought domes, flowing upon the earth unsplit. > **"I was given al-Kawthar of fragrant musk, pearl pebbles, and domed banks."**

اردو ترجمہ · UrduUnverified translation

حضرت انس رضی اللہ عنہ نبی اکرم ﷺ کا یہ فرمان نقل کرتے ہیں : ’’ مجھے کوثر عطا کیا گیا ، میں نے اپنا ہاتھ لگایا تو وہ مشک اذفر تھا اور اس کی کنکریاں موتیوں کی تھیں ( راوی کہتے ہیں : میرا خیال ہے روایت میں یہ الفاظ بھی ہیں : ) اس کے دونوں کناروں پر خیمے ہیں ( اس کا پانی ) زمین پر بہتا ہے اور اس بہاؤ میں کوئی رکاوٹ ( یا وقفہ ) نہیں ہے ۔‘‘ ( علامہ ہیثمی فرماتے ہیں : ) میں یہ کہتا ہوں : حضرت انس رضی اللہ عنہ کے حوالے سے کچھ احادیث ’’ صحیح ‘‘ میں مذکور ہیں ، جو حوض کوثر کے بارے میں ہیں ، لیکن اس سیاق کے بغیر ہیں ۔ یہ روایت امام بزار نے نقل کی ہے اور اس کے رجال کی توثیق کی گئی ہے اگرچہ ان میں سے بعض میں ضعف پایا جاتا ہے ۔

EnglishUnverified translation

Ibn ʿAbbās, may Allāh be pleased with them, reported that the Messenger of Allāh ﷺ said his Basin is a month's journey, equal-sided, cups as numerous as stars, water whiter than snow, sweeter than honey, more fragrant than musk; whoever drinks a draught never thirsts thereafter. > **"My Basin is a month's journey; whoever drinks never thirsts thereafter."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ میرے حوض کی مسافت ایک ماہ کی ہے اور اس کے دونوں کنارے برابر ہیں ، اس کے برتن آسمان کے ستاروں کی تعداد میں ہیں ، اس کا پانی برف سے زیادہ سفید اور شہد سے زیادہ میٹھا اور مشک سے زیادہ خوشبودار ہے ، جو شخص اس میں سے ایک مرتبہ پی لے گا وہ اس کے بعد کبھی پیاسا نہیں ہو گا ۔‘‘ یہ روایت امام طبرانی نے نقل کی ہے اور اس کے رجال صحیح کے رجال ہیں ، صرف محمد بن عبدالوہاب حارثی کا معاملہ مختلف ہے اور وہ ثقہ ہے ۔

EnglishUnverified translation

Abū Barzah, may Allāh be pleased with him, reported that he heard the Messenger of Allāh ﷺ say his Basin spans Aylah to Ṣanʿāʾ, width as length, into which two spouts pour from Paradise, one of silver and one of gold. It is whiter than milk, sweeter than honey, cooler than snow, with pitchers as numerous as stars; whoever drinks never thirsts until entering Paradise. > **"Two spouts pour into it from Paradise; whoever drinks never thirsts until Paradise."**

اردو ترجمہ · UrduUnverified translation

حضرت ابوبرزہ رضی اللہ عنہ بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ’’ میرا حوض ایلہ اور صنعاء کے درمیان ( فاصلے جتنا ) ہے ، اس کی چوڑائی اس کی لمبائی جتنی ہے ، اس میں دو پرنالوں سے مسلسل پانی گرتا رہتا ہے ، وہ دونوں پرنالے جنت سے آ رہے ہیں ، ان دونوں میں سے ایک چاندی کا ہے اور دوسرا سونے کا ہے ، وہ ( یعنی اس کا مشروب ) دودھ سے زیادہ سفید اور شہد سے زیادہ میٹھا اور برف سے زیادہ ٹھنڈا ہے ، اور اس کے برتن آسمان کے ستاروں کی تعداد میں ہیں جو شخص اس میں سے پی لے گا وہ پیاسا نہیں ہو گا ، یہاں تک کہ وہ جنت میں داخل ہو جائے گا ۔‘‘ ( علامہ ہیثمی فرماتے ہیں : ) میں یہ کہتا ہوں : اس صحابی کے حوالے سے ایک حدیث مذکور ہے جو حوض کوثر کے بارے میں ہے لیکن اس کے علاوہ ہے ، وہ روایت امام ابوداؤد نے نقل کی ہے ۔ یہ روایت امام احمد نے ایک حدیث کے درمیان نقل کی ہے جو تکلیف دہ چیز ہٹانے کے بارے میں اور ابن خطل کو قتل کرنے کے بارے میں ہے ، اس کے رجال سے صحیح میں استدلال کیا گیا ہے ، یہ روایت امام طبرانی نے نقل کی ہے روایت کے الفاظ ان کی نقل کردہ ہیں ، انہوں نے اسے دو اسناد کے ساتھ نقل کیا ہے ان دونوں میں سے ایک سند میں ایک راوی سعید بن سلیمان نشیطی ہے اور دوسری میں ایک راوی صالح مری ہے اور یہ دونوں ضعیف ہیں ۔

EnglishUnverified translation

Al-Barāʾ ibn ʿĀzib, may Allāh be pleased with them, reported that the Messenger of Allāh ﷺ said his Basin spans Aylah to Ṣanʿāʾ, with two spouts, one of gold and one of silver, vessels as numerous as stars, whiter than milk, sweeter than honey, more fragrant than musk; whoever drinks never thirsts ever. > **"Whoever drinks from it never thirsts ever."**

اردو ترجمہ · UrduUnverified translation

حضرت براء بن عازب رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ میرا حوض ( اتنا بڑا ہے ) جتنا ایلہ سے لے کر صنعاء تک کا فاصلہ ہے ، اس کے دو پرنالے ہیں ان دونوں میں سے ایک سونے کا ہے اور دوسرا چاندی کا ہے ، اس کے برتن آسمان کے ستاروں کی تعداد جتنے ہیں ، وہ دودھ سے زیادہ سفید اور شہد سے زیادہ میٹھا ہے اور اس کی خوشبو مشک سے زیادہ پاکیزہ ہے ، جو شخص اس میں سے پی لے گا وہ کبھی پیاسا نہیں ہو گا ۔‘‘ یہ روایت امام طبرانی نے معجم اوسط میں نقل کی ہے اس کی سند میں ایک راوی سفیان بن وکیع ہے اور وہ ضعیف ہے ۔

EnglishUnverified translation

Abū Hurayrah and Jābir ibn ʿAbdullāh, may Allāh be pleased with them, reported that the Messenger of Allāh ﷺ said ʿAlī ibn Abī Ṭālib, may Allāh be pleased with him, is the keeper of his Basin on the Day of Resurrection, with cups as numerous as stars, and its expanse between al-Jābiyah and Ṣanʿāʾ. > **"ʿAlī is the keeper of my Basin, with cups as numerous as stars."**

اردو ترجمہ · UrduUnverified translation

حضرت ابوہریرہ رضی اللہ عنہ اور حضرت جابر بن عبدالله رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ قیامت کے دن علی بن ابوطالب میرے حوض کا نگران ہو گا ، اس ( حوض ) کے برتن ستاروں کی تعداد میں ہوں گے ، اور میرے حوض کی وسعت اتنی ہے جتنا جابیہ اور صنعاء کے درمیان فاصلہ ہے ۔‘‘ یہ روایت امام طبرانی نے معجم اوسط میں نقل کی ہے اور اس کی سند میں ضعیف راوی ہیں جن کی توثیق کی گئی ہے ۔

EnglishUnverified translation

ʿAbdullāh ibn ʿAmr, may Allāh be pleased with them, reported that in the year of Tabūk the Messenger of Allāh ﷺ rose at night to pray while men of his Companions guarded him, and turning to them said he was granted that night five never granted before: sent to all mankind while those before were sent to their peoples, aided by dread across a month's journey, spoils made lawful to eat while those before magnified and burnt them, the earth made mosques and purification wherever prayer overtakes, and a fifth concerning intercession. > **"I was sent to all mankind, aided by dread, given spoils and the earth as mosque."**

اردو ترجمہ · UrduUnverified translation

حضرت عبداللہ بن عمرو رضی اللہ عنہ بیان کرتے ہیں : غزوہ تبوک کے سال نبی اکرم ﷺ رات کے وقت نماز ادا کرنے کے لیے کھڑے ہوئے ، آپ کے پیچھے آپ کے اصحاب سے تعلق رکھنے والے کچھ افراد اکٹھے ہو گئے ، وہ آپ کی حفاظت کرنے لگے ، جب نبی اکرم ﷺ نے نماز ادا کر لی تو نماز سے فارغ ہونے کے بعد آپ ان حضرات کی طرف متوجہ ہوئے اور آپ نے ان سے ارشاد فرمایا : ’’ آج رات مجھے پانچ چیزیں عطا کی گئی ہیں ، جو مجھ سے پہلے کسی کو نہیں دی گئی ہیں ، جہاں تک میری ذات کا تعلق ہے تو مجھے تمام بنی نوع انسان کی طرف عمومی طور پر مبعوث کیا گیا ہے ، مجھ سے پہلے کے انبیاء کو ان کی مخصوص قوم کی طرف مبعوث کیا جاتا تھا اور دشمن کے خلاف رعب کے ذریعے میری مدد کی گئی ہے خواہ میرے اور اس ( یعنی دشمن ) کے درمیان ایک ماہ کی مسافت کا فاصلہ ہو اور میرے لئے مال غنیمت کو کھانا حلال قرار دیا گیا ہے ، مجھ سے پہلے کے لوگ اس کو کھانے کو بڑا ( گناہ ) سمجھتے تھے ، وہ لوگ اسے جلا دیا کرتے تھے ، میرے لیے تمام روئے زمین کو نماز ادا کرنے کی جگہ اور طہارت کے حصول کا ذریعہ قرار دیا گیا ہے ، جہاں بھی مجھے نماز کا وقت آ جائے گا ، میں تیمم کر کے نماز ادا کر سکتا ہوں ، مجھ سے پہلے کے لوگ اسے بڑا ( گناہ ) سمجھتے تھے ، وہ صرف اپنی عبادت گاہوں میں ہی نماز ادا کر سکتے تھے ، پانچویں چیز ، اس کے تو کیا کہنے ؟ مجھ سے کہا گیا : تم مانگو ! کیونکہ ہر نبی نے سوال کیا تھا ( نبی اکرم ﷺ نے فرمایا : ) تو میں نے اپنے سوال کو قیامت کے دن کے لیے مؤخر کر دیا ، تو وہ ( سوال ، شفاعت کی شکل میں ) تم لوگوں کے لیے اور ہر اس شخص کے لیے ہو گا جو اس بات کی گواہی دے کہ اللہ تعالیٰ کے علاوہ اور کوئی معبود نہیں ہے ۔ یہ روایت امام احمد نے نقل کی ہے اور اس کے رجال ثقہ ہیں ۔

EnglishUnverified translation

ʿUbādah ibn al-Ṣāmit, may Allāh be pleased with him, reported that the Companions once missed the Prophet ﷺ, for they left him mid-camp when halting, and feared Allāh had chosen others. Seeing his form they magnified Allāh and said they feared replacement, so the Messenger of Allāh ﷺ said no, rather you are his companions in world and Hereafter. Allāh awakened him saying no prophet or messenger asked a request but was given, and he was offered intercession for his nation. > **"No, you are my companions in world and Hereafter; I chose intercession for my nation."**

اردو ترجمہ · UrduUnverified translation

حضرت عبادہ بن صامت رضی اللہ عنہ بیان کرتے ہیں : ’’ ایک مرتبہ نبی اکرم ﷺ کے اصحاب نے نبی اکرم ﷺ کو غیر موجود پایا ، وہ لوگ جب پڑاؤ کیا کرتے تھے تو نبی اکرم ﷺ کو اپنے درمیان میں ٹھہراتے تھے ، وہ لوگ پریشان ہو گئے ، انہوں نے یہ گمان کیا کہ شاید اللہ تعالیٰ نے نبی اکرم ﷺ کے لئے ان کے علاوہ کوئی اور اصحاب منتخب کر لیے ہیں ، اسی دوران نبی اکرم ﷺ سامنے سے تشریف لے آئے ، ان لوگوں نے جب نبی اکرم ﷺ کو دیکھا تو انہوں نے تکبیر کہی ، ان لوگوں نے عرض کی : یا رسول اللہ ! ہم پریشان ہو گئے تھے کہ کہیں اللہ تعالیٰ نے آپ کے لئے ہمارے علاوہ کوئی اور اصحاب منتخب نہ کر لیے ہوں ، تو نبی اکرم ﷺ نے ارشاد فرمایا : جی نہیں ! بلکہ تم لوگ ہی دنیا اور آخرت میں میرے اصحاب ہو ، اللہ تعالیٰ نے مجھے بیدار کیا اور ارشاد فرمایا : اے محمد ( ﷺ ) ! میں نے جس نبی اور رسول کو مبعوث کیا ، تو اس نے مجھ سے کوئی ایک مخصوص سوال کیا ، تو میں نے وہ چیز اسے دیدی ، اے محمد ( ﷺ ) ! تم بھی سوال کرو تمہیں بھی دیا جائے گا ، میں نے عرض کی : میرا سوال قیامت کے دن اپنی امت کی شفاعت کے لیے ہے ۔‘‘ حضرت ابوبکر رضی اللہ عنہ نے عرض کی : یا رسول اللہ شفاعت کیا ہے ؟ نبی اکرم ﷺ نے فرمایا : میں نے کہا : اے میرے پروردگار ! میری شفاعت وہ ہے جو میں تیرے پاس سنبھال کے رکھوا رہا ہوں ، تو پروردگار نے فرمایا : ٹھیک ہے ، تو پروردگار میری بقیہ امت کو جہنم سے نکال دے گا اور انہیں جنت میں داخل کر دے گا ۔‘‘ یہ روایت امام احمد ، امام طبرانی نے نقل کی ہے امام احمد کے رجال ثقہ ہیں اگرچہ ان میں سے بعض راویوں میں ضعف پایا جاتا ہے ۔

EnglishUnverified translation

Muʿādh ibn Jabal and Abū Mūsā, may Allāh be pleased with them, reported that when the Messenger of Allāh ﷺ halted, the emigrants stayed nearest him. One night he and Muʿādh awoke missing him, sought him hearing a hum like millstones, and he approached asking what ailed them. They said they feared harm had befallen him, so he said a comer in sleep gave him choice between half his nation entering Paradise or intercession, and he chose intercession. > **"I was given choice between half my nation in Paradise or intercession, and chose intercession."**

اردو ترجمہ · UrduUnverified translation

حضرت معاذ بن جبل رضی اللہ عنہ اور حضرت ابوموسیٰ اشعری رضی اللہ عنہ بیان کرتے ہیں : ’’ نبی اکرم ﷺ جب ( کسی سفر کے دوران ) پڑاؤ کیا کرتے تھے تو مہاجرین آپ کے قریب رہتے تھے ، راوی بیان کرتے ہیں : کہ ایک مرتبہ ہم نے پڑاؤ کیا ، نبی اکرم ﷺ سو گئے ہم بھی سو گئے ، رات کو کسی وقت میری اور معاذ کی کھلی ، ہم نے دیکھا تو ہمیں نبی اکرم ﷺ نظر نہیں آئے ، راوی کہتے ہیں : ہم آپ کی تلاش میں نکل کھڑے ہوئے ، اسی دوران ہم نے ایک آواز سنی ، جیسے چکی چلنے کی آواز ہوتی ہے ، اسی دوران آپ سامنے سے تشریف لے آئے ، آپ تشریف لا رہے تھے جب آپ نے دیکھا : تو دریافت کیا : تم لوگوں کا کیا معاملہ ہے ؟ ان لوگوں نے بتایا : جب ہم بیدار ہوئے تو ہم نے آپ کو اس جگہ پر نہیں دیکھا ، جہاں آپ تھے ، تو ہمیں یہ اندیشہ ہوا کہ کہیں آپ کو کوئی نقصان نہ پہنچ جائے تو ہم آپ کی تلاش میں آئے تھے ، نبی اکرم ﷺ نے ارشاد فرمایا : خواب میں میرے پاس ایک ( فرشتہ یا پیغام ) آیا ، اس نے مجھے اختیار دیا کہ یا تو وہ ( یعنی پروردگار ) میری نصف امت کو جنت میں داخل کر دے گا ، یا شفاعت ہو ، تو میں نے ان لوگوں کے لیے شفاعت کو اختیار کر لیا ( راوی بیان کرتے ہیں : ) ہم نے عرض کی : ہم اسلام کے حق اور ساتھی ہونے کے حق کے واسطے سے آپ سے یہ درخواست کرتے ہیں کہ آپ ہمیں بھی اپنی شفاعت میں شامل کریں ، تو نبی اکرم ﷺ نے ان دونوں کے لیے دعا کی ۔ راوی بیان کرتے ہیں : کچھ لوگ نبی اکرم ﷺ کے پاس اکٹھے ہوئے اور انہوں نے ہماری بات کی مانند گزارش کی ، جب لوگوں کی تعداد زیادہ ہو گئی تو نبی اکرم ﷺ نے ارشاد فرمایا : میں ہر اس شخص کی شفاعت کروں گا جو ایسی حالت میں مرے گا کہ وہ کسی کو اللہ کا شریک قرار نہ دیتا ہو ۔‘‘ یہ روایت امام احمد نے نقل کی ہے اور امام طبرانی نے اس کے مانند نقل کی ہے ۔

EnglishUnverified translation

In Aḥmad's variant they said, pray Allāh to place us in your intercession, and he said you and whoever dies associating nothing with Allāh are in his intercession. > **"You and whoever dies associating nothing with Allāh are in my intercession."**

اردو ترجمہ · UrduUnverified translation

امام احمد کی نقل کردہ ایک روایت میں یہ الفاظ ہیں : ’’ ان دونوں نے عرض کی : یا رسول اللہ ! آپ ہمیں بھی اپنی شفاعت میں شامل کریں ، تو نبی اکرم ﷺ نے ارشاد فرمایا : تم لوگ اور جو شخص ایسی حالت میں مرے کہ وہ کسی کو اللہ کا شریک قرار نہ دیتا ہو ، وہ میری شفاعت میں ہو گا ( یعنی اس کا مستحق ہو گا ) ۔‘‘ اس روایت کے رجال صحیح کے رجال ہیں ، صرف عاصم بن ابونجود کا معاملہ مختلف ہے اور اس کی توثیق کی گئی ہے اگرچہ اس میں ضعف پایا جاتا ہے ۔ یہ روایت امام بزار نے اختصار کے ساتھ نقل کی ہے لیکن ابوملیح اور ابوبردہ ، ان دونوں نے حضرت معاذ بن جبل رضی اللہ عنہ کا زمانہ نہیں پایا ہے ۔

EnglishUnverified translation

Abū Mūsā, may Allāh be pleased with him, reported that they campaigned with the Messenger of Allāh ﷺ on a journey, and at night he sought the Prophet's resting place missing him, finding another Companion seeking likewise. The Messenger of Allāh ﷺ came toward them and they said he was in hostile land unguarded, suggesting he take a companion when answering need. He told them of glad tidings of intercession granted that night. > **"I bring glad tidings of intercession granted this night."**

اردو ترجمہ · UrduUnverified translation

حضرت ابوموسیٰ اشعری رضی اللہ عنہ بیان کرتے ہیں : ہم نے نبی اکرم ﷺ کے ساتھ ایک جنگ میں حصہ لیا ، سفر کے دوران رات کے وقت ہم نے پڑاؤ کیا رات کے کسی وقت میں ، میں اُٹھ کر نبی اکرم ﷺ کی مخصوص جگہ کی طرف آیا ، میں نے آپ کو تلاش کیا لیکن میں نے آپ کو نہیں پایا ، میں آپ کی تلاش میں کھلی جگہ کی طرف چلا گیا ، وہاں نبی اکرم ﷺ کے اصحاب سے تعلق رکھنے والے کوئی صاحب موجود تھے وہ بھی اسی تلاش میں تھے جو میں تلاش کر رہا تھا ۔ راوی کہتے ہیں : ابھی ہم اسی حالت میں تھے کہ اسی دوران نبی اکرم ﷺ سامنے سے ہماری طرف آتے ہوئے تشریف لائے ، ہم نے عرض کی : یا رسول اللہ ! آپ ایک ایسی سرزمین پر ہیں جہاں جنگ چل رہی ہے ، ہم آپ کے حوالے سے اندیشے کا شکار تھے ، ایسا کیوں نہیں ہوا کہ اگر آپ کو کوئی ضرورت پیش آئی تھی ، تو آپ اپنے اصحاب میں سے کسی سے کہہ دیتے تو وہ آپ کے ساتھ اُٹھ کے چلا جاتا ، نبی اکرم ﷺ نے ارشاد فرمایا : ’’ میں نے ایک آواز سنی جو چکی چلنے کی آواز کی مانند تھی ۔ ( راوی کو شک ہے ، یا شاید یہ الفاظ ہیں : ) ۔ میں نے ایک بھنبھناہٹ سنی ، جو شہد کی مکھی کی بھنبھناہٹ کی مانند تھی ، میرے پروردگار کی طرف سے ایک پیغام رساں میرے پاس آیا اور اس نے مجھے یہ اختیار دیا : کہ یا تو پروردگار میری امت کے ایک تہائی حصے کو جنت میں داخل کر دے گا ، یا شفاعت ہو ، تو میں نے ان لوگوں کے لیے اپنی شفاعت کو اختیار کر لیا کیونکہ مجھے یہ علم ہے کہ یہ ان کے حق میں زیادہ گنجائش والی ہو گی ۔ راوی کہتے ہیں : ان دونوں نے عرض کی : یا رسول اللہ ! آپ اللہ تعالیٰ سے دعا کیجئے کہ وہ ہمیں آپ کی شفاعت سے بہرہ مند افراد میں شامل کرے ، نبی اکرم ﷺ نے ان دونوں کے لیے دعا کی ، یہ دونوں جب نبی اکرم ﷺ کے اصحاب کے پاس پہنچے اور انہیں نبی اکرم ﷺ کے فرمان کے بارے میں بتایا ، تو راوی بیان کرتے ہیں : لوگ نبی اکرم ﷺ کی خدمت میں آنے لگے اور یہ کہنے لگے : یا رسول اللہ ! آپ اللہ تعالیٰ سے دعا کیجئے کہ وہ ہمیں آپ کی شفاعت سے بہرہ مند افراد میں شامل کرے ، تو نبی اکرم ﷺ ان کے لئے دعا کر دیتے تھے جب لوگ یکے بعد دیگرے آنے لگے اور ان کی آمد بکثرت ہونے لگی ، تو نبی اکرم ﷺ نے ارشاد فرمایا : ’’ ( وہ شفاعت ) ہر اس شخص کے لیے ہو گی ، جو ایسی حالت میں مرے گا کہ وہ اس بات کی گواہی دیتا ہو کہ اللہ تعالیٰ کے علاوہ اور کوئی معبود نہیں ہے ۔‘‘ یہ روایت امام احمد اور امام طبرانی نے نقل کی ہے ۔

EnglishUnverified translation

In a variant with him, they marched near dawn, halted and gathered about him as customary, he hobbled his camel, laid his cheek upon its hobble, slept, and dispersed. Raising his head one found him gone and feared, then heard like a mill's hum from the valley, and the Messenger of Allāh ﷺ came joyful with the choice of intercession. > **"He came joyful with the choice of intercession for his nation."**

اردو ترجمہ · UrduUnverified translation

ان کی نقل کردہ ایک روایت میں یہ الفاظ ہیں : ’’ ہم لوگ روانہ ہوئے ، یہاں تک کہ صبح کے قریب نبی اکرم ﷺ نے پڑاؤ کیا ، ہم آپ کے اردگرد اکٹھے ہو گئے ، ہم اسی طرح کیا کرتے تھے ، نبی اکرم ﷺ نے اپنی اوٹنی کو باندھا پھر آپ نے اپنا رخسار اس کی رسی پر رکھا اور آپ سو گئے ، ہم بھی ادھر ادھر بکھر گئے ، میں نے اپنا سر اٹھایا تو میں نے نبی اکرم ﷺ کو آپ کی مخصوص جگہ پر نہ پایا ، میں اس پر گھبرا گیا ، میں اُٹھا میں نے نشیبی حصے کی طرف سے چکی چلنے کی سی آواز سنی اسی دوران نبی اکرم ﷺ تشریف لے آئے ، آپ کے چہرے پر خوشی کے آثار نمایاں تھے ، راوی کہتے ہیں : میں نے عرض کی : یا رسول اللہ ! آپ کہاں تھے ؟ نبی اکرم ﷺ نے فرمایا : لگتا ہے تم نے مجھے میری جگہ پر نہیں دیکھا تو تم پریشان ہو گئے ، میں نے عرض کی : جی ہاں ! اللہ کی قسم ! میں پریشان ہو گیا تھا ، نبی اکرم ﷺ نے فرمایا : ابھی جبرائیل میرے پاس آئے تھے اور انہوں نے مجھے یہ اختیار دیا کہ یا شفاعت ہو ، یا ( پروردگار ) میری نصف امت کی مغفرت کر دے ، تو میں نے شفاعت کو اختیار کر لیا ۔‘‘ اسی دوران لوگ بھی اُٹھ کر نبی اکرم ﷺ کے پاس آ گئے ، انہوں نے عرض کی : یا رسول اللہ ! آپ ہماری بھی شفاعت کیجئے گا ، نبی اکرم ﷺ نے فرمایا : میری شفاعت تمہیں بھی نصیب ہو گی ، جب لوگ بکثرت آنے لگے تو نبی اکرم ﷺ نے ارشاد فرمایا : ’’ جو شخص ایسی حالت میں اللہ تعالیٰ کی بارگاہ میں حاضر ہو کہ وہ کسی کو اُس کا شریک نہ ٹھہراتا ہو تو وہ جنت میں داخل ہو گا ۔‘‘ طبرانی کی مختلف اسانید میں سے ایک کے رجال ثقہ ہیں ، یہ روایت انہوں نے معجم صغیر میں اس کی مانند نقل کی ہے ۔

EnglishUnverified translation

Muṣʿab al-Aslamī reported that a youth came to the Prophet ﷺ asking to be placed among those he intercedes for on the Day of Resurrection. He asked who commanded, taught, or guided him to this, and he said none but himself. He said then you are among those he intercedes for that Day, and the youth went joyful to his family. When he turned, he said return the youth, and they returned him dejected fearing something new, and he said aid him against himself with abundant prostration. > **"You are among those I intercede for, so aid yourself with abundant prostration."**

اردو ترجمہ · UrduUnverified translation

حضرت مصعب اسلمی رضی اللہ عنہ بیان کرتے ہیں : ہمارا ایک لڑکا گیا اور نبی اکرم ﷺ کی خدمت میں حاضر ہوا ، اس نے کہا : میں آپ سے ایک سوال کرنا چاہتا ہوں ، نبی اکرم ﷺ نے دریافت کیا : وہ کیا ؟ اس نے کہا : میں آپ سے یہ درخواست کرتا ہوں کہ آپ مجھے بھی ان افراد میں شامل کریں ، جن کی آپ قیامت کے دن شفاعت کریں گے ، نبی اکرم ﷺ نے دریافت کیا : تمہیں اس کا حکم کس نے دیا ہے ؟ یا تمہیں اس کی تعلیم کس نے دی ہے ؟ یا اس کے بارے میں تمہاری رہنمائی کس نے کی ہے ؟ ( یعنی یہ شک راوی کو ہے ) اس نے کہا : مجھے اس کے بارے میں کسی نے نہیں کہا ، یہ میرا اپنا خیال ہے ، نبی اکرم ﷺ نے ارشاد فرمایا : تو تم ان افراد میں سے ایک ہو ، جن کی میں قیامت کے دن شفاعت کروں گا ، پھر وہ لڑکا چلا گیا تاکہ اپنے اہل خانہ کو اس بارے میں بتائے ، جب وہ مڑ کر چلا گیا ، تو نبی اکرم ﷺ نے ارشاد فرمایا : اس لڑکے کو میرے پاس لے کے آؤ ! لوگو اسے واپس لے کر آئے ، تو وہ پریشان تھا اسے یہ اندیشہ تھا کہ کہیں اس کے بارے میں کوئی نیا حکم نہ آ گیا ہو ، نبی اکرم ﷺ نے ارشاد فرمایا : ’’ تم بکثرت سجود ( یعنی بکثرت نوافل ) کے ذریعے اپنی ذات کے بارے میں میری مدد کرنا ۔‘‘ یہ روایت امام طبرانی نے نقل کی ہے اور اس کے رجال صحیح کے رجال ہیں ۔

EnglishUnverified translation

ʿAwf ibn Mālik al-Ashjaʿī, may Allāh be pleased with him, reported that travelling with the Messenger of Allāh ﷺ, his eyes stayed sleepless at night. Rising, he saw no beast but cheek to earth, sensing every thing fallen at saddle-backs, and threading through, found the Prophet's bed empty and cold, crying to Allāh we belong to Him and return. Then the Prophet ﷺ came reporting the choice between half his nation in Paradise or intercession. > **"I was given choice between half my nation in Paradise or intercession."**

اردو ترجمہ · UrduUnverified translation

حضرت عوف بن مالک اشجعی رضی اللہ عنہ بیان کرتے ہیں : ’’ ہم لوگ نبی اکرم ﷺ کے ساتھ سفر کر رہے تھے ، جب رات کا وقت ہوا تو نیند میری آنکھوں سے دور تھی ، مجھے نیند نہیں آ رہی تھی ، تو میں اٹھ کھڑا ہوا ، لشکر میں موجود ہر جانور نے اپنا رخسار زمین پر رکھا ہوا تھا ، میں نے سوچا میں نبی اکرم ﷺ کے پاس جاتا ہوں اور صبح ہونے تک رات بھر آپ کی حفاظت کرتا رہوں گا ، میں نکلا اور مختلف لوگوں کے درمیان سے گزرتا ہوا نبی اکرم ﷺ کے پالان کے پاس آیا تو نبی اکرم ﷺ اپنے پالان میں نہیں تھے ، میں وہاں سے نکلا اور مختلف لوگوں کے پالانوں کے درمیان میں سے ہوتا ہوا لشکر سے باہر نکل آیا ، مجھے سامنے کوئی ہیولیٰ نظر آیا ، میں اس کی طرف بڑھا تو وہ حضرت ابوعبیدہ بن جراح رضی اللہ عنہ اور حضرت معاذ بن جبل رضی اللہ عنہ تھے ، انہوں نے مجھ سے دریافت کیا ہے : تم کیوں باہر آئے ہو ؟ میں نے کہا : اسی وجہ سے جس کی وجہ سے آپ دونوں باہر آئے ہیں ، ہمارے سامنے کشادہ میدان تھا ، جسے لوگ قضائے حاجت کے لئے استعمال کرتے تھے ، وہ زیادہ دور نہیں تھا ، ہم اس میدان کی طرف چل پڑے اسی دوران ہم نے وہاں سے آواز سنی جو شہد کی مکھی کی بھنبھناہٹ کی مانند تھی ، یوں جیسے ہوا چل رہی ہو ، نبی اکرم ﷺ نے دریافت کیا : کیا یہاں ابوعبیدہ بن جراح ہے ؟ ہم نے عرض کی : جی ہاں ! نبی اکرم ﷺ نے دریافت کیا : اور معاذ بن جبل ہے ؟ ہم نے عرض کی : جی ہاں ! نبی اکرم ﷺ نے دریافت کیا : اور عوف بن مالک ہے ؟ ہم نے عرض کی : جی ہاں ! نبی اکرم ﷺ ہمارے پاس تشریف لے آئے ، ہم نے آپ سے کوئی سوال نہیں کیا ، نہ ہی آپ نے ہم سے کوئی اور سوال کیا ، یہاں تک کہ آپ اپنے پالان کے پاس واپس تشریف لے آئے ، تو آپ نے ارشاد فرمایا : کیا میں تمہیں اس چیز کے بارے میں نہ بتاؤں جو ابھی تھوڑی دیر پہلے میرے پروردگار نے مجھے اختیار دیا ہے ؟ ہم نے عرض کی : جی ہاں ! یا رسول اللہ ! نبی اکرم ﷺ نے ارشاد فرمایا : اس نے مجھے یہ اختیار دیا ہے کہ وہ میری امت کے دو تہائی حصے کو کسی حساب اور عذاب کے بغیر جنت میں داخل کر دے ، اس چیز اور شفاعت کے درمیان اختیار دیا ہے ، ہم نے دریافت کیا : یا رسول اللہ ! تو پھر آپ نے کیا اختیار کیا ؟ نبی اکرم ﷺ نے ارشاد فرمایا : میں نے شفاعت کو اختیار کر لیا ۔ ہم سب نے عرض کی : یا رسول اللہ ! آپ ہمیں اپنی شفاعت سے بہرہ مند افراد میں شامل کیجئے ، نبی اکرم ﷺ نے ارشاد فرمایا : میری شفاعت ہر مسلمان کے لئے ہو گی ۔

EnglishUnverified translation

In another variant from ʿAwf, halting with the Messenger of Allāh ﷺ, he awoke seeing nothing taller than a saddle-back, every man and camel clinging to earth. Reaching the Prophet's bed missing and cold, he threaded people crying to Allāh, then heard the like except he said he was given choice to admit half his nation to Paradise. > **"He was given choice to admit half his nation or intercede, and chose intercession."**

اردو ترجمہ · UrduUnverified translation

ایک روایت میں یہ الفاظ ہیں : حضرت عوف رضی اللہ عنہ بیان کرتے ہیں : ’’ ہم نے نبی اکرم ﷺ کے ساتھ ایک جگہ پر پڑاؤ کیا ، رات کے وقت میں بیدار ہوا تو مجھے پورے لشکر میں کوئی ایسی چیز نظر نہیں آتی تھی ، جو پالان کی پچھلی لکڑی سے زیادہ لمبی ہو ، ہر انسان اور اونٹ زمین کے ساتھ لگا ہوا تھا ، میں اُٹھا اور لوگوں کے درمیان میں سے گزرتا ہوا نبی اکرم ﷺ کے آرام کی جگہ کے پاس آیا تو آپ وہاں نہیں تھے میں نے اپنا ہاتھ آپ کے بستر پر رکھا تو وہ ٹھنڈا تھا ، میں اُٹھا اور لوگوں کے درمیان سے گزرتا ہوا ’’ انا للہ وانا الیہ راجعون ‘‘ پڑھنے لگا ۔‘‘ اس کے بعد راوی نے حسب سابق حدیث ذکر کی ہے ، تاہم اس میں یہ الفاظ ہیں : ’’ اس نے مجھے یہ اختیار دیا کہ وہ میری امت کے نصف حصے کو جنت میں داخل کر دے ......‘‘۔

EnglishUnverified translation

In a variant Abū Mūsā was placed where Abū ʿUbaydah stood in the chain of the same report. > **"The same report with Abū Mūsā in place of Abū ʿUbaydah."**

اردو ترجمہ · UrduUnverified translation

ایک روایت میں حضرت ابوعبیدہ رضی اللہ عنہ کی جگہ حضرت ابوموسیٰ اشعری رضی اللہ عنہ کا نام مذکور ہے ۔ ( علامہ ہیثمی فرماتے ہیں : ) میں یہ کہتا ہوں : امام ترمذی اور امام ابن ماجہ نے اس روایت کا ایک حصہ نقل کیا ہے ۔ یہ روایت امام طبرانی نے مختلف اسانید کے ساتھ نقل کی ہے ، جن میں سے بعض کے رجال ثقہ ہیں ۔

EnglishUnverified translation

Abū Kaʿb the silk-merchant reported that he asked al-Naḍr ibn Anas to narrate a report by which Allāh benefits him concerning intercession and the Basin. > **"Narrate to me a report by which Allāh benefits me concerning intercession."**

اردو ترجمہ · UrduUnverified translation

ابوکعب بیان کرتے ہیں : میں نے حضرت انس رضی اللہ عنہ کے صاحبزادے نصر سے کہا : آپ مجھے کوئی ایسی حدیث بیان کیجئے جس کے ذریعے اللہ تعالیٰ مجھے نفع عطا کرے تو انہوں نے فرمایا : ٹھیک ہے میں تمہیں ایسی حدیث بیان کرتا ہوں جو انہوں نے مدینہ منورہ سے ہماری طرف لکھ کے بھیجی تھی ، حضرت انس رضی اللہ عنہ نے فرمایا : اس کو محفوظ کر لینا کیونکہ یہ حدیث کے خزانوں میں سے ہے انہوں نے بتایا : ’’ ایک مرتبہ نبی اکرم ﷺ نے ایک غزوہ میں شرکت کی ، آپ دن بھر سفر کرتے رہے یہاں تک کہ رات ہو گئی جب رات ہو گئی تو آپ نے پڑاؤ کیا لوگوں نے آپ کے اردگرد پڑاؤ کر لیا ، نبی اکرم ﷺ اور حضرت ابوطلحہ رضی اللہ عنہ جو سیده ام سلیم رضی اللہ عنہا کے شوہر ہیں ، اور فلاں اور فلاں یہ چار افراد تھے ، یہ سو گئے ، نبی اکرم ﷺ نے اپنی سواری کے بازو کا تکیہ بنا لیا اور آپ سو گئے ، باقی چار افراد بھی آپ کے اردگرد سو گئے ، جب رات کا ایک حصہ گزر گیا اور ان لوگوں نے اپنا سر اٹھایا تو انہوں نے نبی اکرم ﷺ کو نہیں دیکھا ( یہ حضرات آپ کی تلاش میں نکل کھڑے ہوئے ) یہاں تک کہ ان کا نبی اکرم ﷺ کا سامنا ہوا ، جو سامنے سے تشریف لا رہے تھے ان حضرات نے کہا : اللہ تعالیٰ ہمیں آپ پر فدا کرے آپ کہاں تھے ؟ ہم نے جب آپ کو نہیں دیکھا تو ہم آپ کے حوالے سے پریشان ہو گئے تھے ، نبی اکرم ﷺ نے ارشاد فرمایا : میں سو گیا تھا ، جیسا کہ تم نے دیکھا تھا ، نیند میں ، میں نے ایک آواز سنی جو چکی کی بھنبھناہٹ کی مانند تھی ( راوی کو شک ہے ، یا شاید یہ الفاظ ہیں : ) چکی چلنے کی آواز کی مانند تھی ، میں گھبرا کر نیند سے بیدار ہو گیا ، میں اُٹھا اور چل پڑا جبرائیل میرے سامنے آئے اور انہوں نے یہ کہا : اے حضرت محمد ( ﷺ ) ! بے شک اللہ تعالیٰ نے ابھی مجھے آپ کی طرف بھیجا ہے تاکہ میں آپ کو اختیار دوں تو آپ ( دو میں سے کوئی ایک صورت ) اختیار کر لیں ، یا تو یہ ہے کہ آپ کی امت کا نصف حصہ جنت میں داخل ہو جائے یا پھر قیامت کے دن شفاعت ہو ( نبی اکرم علی نے فرمایا : ) تو میں نے اپنی امت کے لئے شفاعت کو اختیار کر لیا ۔‘‘ ان چاروں افراد نے عرض کی : اے اللہ کے نبی ! آپ ہمیں بھی ان میں شامل کریں ، جن کی آپ شفاعت کریں گے ۔ پھر نبی اکرم ﷺ اور وہ چاروں افراد واپس آئے تو ان کا سامنا دس افراد سے ہوا ، انہوں نے دریافت کیا : ہمارے نبی ، جو نبی رحمت ہیں ، وہ کہاں تھے ؟ راوی کہتے ہیں : نبی اکرم ﷺ نے ان لوگوں کو بھی وہی بات بتائی جو پہلے دوسرے لوگوں کو بتا چکے تھے تو ان لوگوں نے بھی یہی عرض کی : اللہ تعالیٰ ہمیں آپ پر فدا کرے ، آپ ہمیں بھی ان میں شامل کریں جن کی آپ قیامت کے دن شفاعت کریں گے ، نبی اکرم ﷺ نے فرمایا : وہ تمہارے لئے واجب ہو گئی ، پھر یہ سب حضرات باقی دیگر لوگوں کے پاس آ گئے ، ان لوگوں نے باقی لوگوں میں یہ اعلان کیا کہ یہ ہمارے نبی ، جو نبی رحمت ہیں ، اس کے بعد انہوں نے نبی اکرم ﷺ کے فرمان کے بارے میں باقی لوگوں کو بھی بتایا تو ان سب نے بلند آواز میں پکار کر کہا : اللہ تعالیٰ ہمیں آپ پر فدا کرے ، آپ ہمیں بھی ان میں شامل کریں ، جن کی آپ قیامت کے دن شفاعت کریں گے ، نبی اکرم ﷺ نے تین مرتبہ بلند آواز میں پکار کر یہ فرمایا : ’’ میں اللہ تعالیٰ کو گواہ بنا کر اور جو سن رہا ہے ، اُسے بھی گواہ بنا کر یہ کہتا ہوں : کہ میری شفاعت ہر اس شخص کو نصیب ہو گی ، جو ایسی حالت میں مرے گا کہ وہ کسی کو اللہ تعالیٰ کا شریک نہ ٹھہراتا ہو ۔‘‘ یہ روایت امام طبرانی نے معجم اوسط میں نقل کی ہے اس کی سند میں ایک راوی علی بن قرہ بن حبیب ہے اور میں اس سے واقف نہیں ہوں اس روایت کے بقیہ رجال ثقہ ہیں ۔

EnglishUnverified translation

ʿAbd al-Raḥmān ibn Abī ʿUqayl reported that he came in a delegation to the Messenger of Allāh ﷺ, halting at the door hating the man they would enter upon, and leaving loving him most among people. One asked why he did not ask his Lord for a kingdom like Sulaymān's, peace be upon him, so he laughed and said perhaps your companion holds better with Allāh than Sulaymān's kingdom. Every prophet was given a supplication, some taking worldly gain, some invoking against disobedient peoples unto ruin, while he reserved his for intercession. > **"Every prophet was given a supplication, and I reserved mine for intercession."**

اردو ترجمہ · UrduUnverified translation

حضرت عبدالرحمن بن ابوعقیل رضی اللہ عنہ بیان کرتے ہیں : میں ایک وفد کے ہمراہ نبی اکرم ﷺ کی خدمت میں حاضر ہوا ، ہم آپ کے پاس آئے ، ہم نے آپ کے دروازے پر سواریاں باندھیں ، اس وقت میرے نزدیک آپ سب سے ناپسندیدہ فرد تھے ، جب میں آپ کے پاس جانے لگا تھا ، لیکن جب ہم آپ کے پاس سے اٹھے تو آپ ہمارے نزدیک سب سے زیادہ پسندیدہ فرد تھے ، ہم میں سے کسی نے عرض کی : یا رسول اللہ ! آپ اپنے پروردگار سے ایسی بادشاہی کیوں نہیں مانگتے جس طرح حضرت سلیمان علیہ السلام کی بادشاہی تھی ، راوی بیان کرتے ہیں : نبی اکرم ﷺ ہنس پڑے ، پھر آپ نے ارشاد فرمایا : ’’ ہو سکتا ہے تمہارے آقا کے لئے اللہ تعالیٰ کی بارگاہ میں وہ چیز ہو جو حضرت سلیمان علیہ السلام کی بادشاہی سے زیادہ فضیلت رکھتی ہو ، اللہ تعالیٰ نے جس بھی نبی کو مبعوث کیا اُسے ایک مخصوص دعا کا اختیار دیا ، ان انبیاء میں سے کسی نے اس مخصوص دعا کے ذریعے کوئی دنیاوی نتیجہ حاصل کرنا چاہا تو وہ انہیں دے دیا گیا ، اُن میں سے کسی نے اس مخصوص دعا کو اپنی قوم کے خلاف استعمال کیا جب اس قوم نے ان کی نافرمانی کی تھی ، تو اس دعا کی وجہ سے انھیں ہلاکت کا شکار کر دیا گیا ، اللہ تعالیٰ نے مجھے بھی ایک مخصوص دعا کا اختیار دیا تو میں نے وہ قیامت کے دن اپنی امت کی شفاعت کے لیے اپنے پروردگار کے پاس سنبھال کے رکھوا دی ۔‘‘ یہ روایت امام طبرانی اور امام بزار نے نقل کی ہے اور ان دونوں کے رجال ثقہ ہیں ۔

EnglishUnverified translation

Abū Saʿīd, may Allāh be pleased with him, reported that the Messenger of Allāh ﷺ said every prophet was given a gift and hastened it, but he reserved his gift as intercession for his nation. > **"Every prophet hastened his gift, but I reserved mine as intercession for my nation."**

اردو ترجمہ · UrduUnverified translation

حضرت ابوسعید خدری رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ ہر نبی کو ایک ( ایک مخصوص دعا کے طور پر ) مخصوص عطیہ دیا گیا اور ہر نبی نے اس دعا کے نتیجے کو اختیار کر لیا ، البتہ میں نے اپنے مخصوص عطیہ کو اپنی امت کی شفاعت کے لیے سنبھال کے رکھ لیا ۔‘‘ یہ روایت امام بزاز ، امام ابویعلیٰ اور امام احمد نے نقل کی ہے اور اس کی سند حسن ہے کیونکہ اس کے طریق بکثرت ہیں ۔

EnglishUnverified translation

Abū Dharr, may Allāh be pleased with him, reported that the Messenger of Allāh ﷺ said he was given five never granted before: the earth made purification and mosque, spoils made lawful never lawful to a prophet before, aided by dread a month against his enemy, sent to every red and black, and given intercession reaching whoever of his nation associates nothing with Allāh. > **"I was given five never granted before, and intercession reaching unassociating monotheists."**

اردو ترجمہ · UrduUnverified translation

حضرت ابوذر غفاری رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ مجھے پانچ چیزیں عطا کی گئی ہیں جو مجھ سے پہلے کسی کو عطا نہیں کی گئی ہیں ، میرے لیے روئے زمین کو طہارت کے حصول کا ذریعہ اور نماز ادا کرنے کی جگہ قرار دے دیا گیا ، میرے لیے مال غنیمت کو حلال قرار دیا گیا جو مجھ سے پہلے کسی نبی کے لیے حلال نہیں ہوا ، میرے دشمن کے خلاف ایک ماہ کی مسافت سے رعب کے ذریعے میری مدد کی گئی ۔‘‘ مجھے ہر سرخ فام اور سیاہ فام ( یعنی تمام بنی نوع انسان ) کی طرف مبعوث کیا گیا اور مجھے شفاعت عطا کی گئی جسے میں نے اپنی امت کے لیے مؤخر کر دیا اور وہ میری امت کے ہر اُس فرد کو نصیب ہو گی جو ایسی حالت میں مرے گا کہ وہ کسی کو اللہ تعالیٰ کا شریک قرار نہ دیتا ہو ۔‘‘ ( علامہ ہیثمی فرماتے ہیں : ) میں یہ کہتا ہوں : امام ابوداؤد نے اس روایت کا یہ حصہ نقل کیا ہے : ’’ میرے لیے تمام روئے زمین کو طہارت کے حصول کا ذریعہ اور نماز ادا کرنے کی جگہ بنا دیا گیا ۔‘‘ یہ روایت امام بزار نے نقل کی ہے اور اس کے رجال صحیح کے رجال ہیں ، صرف یہ ہے کہ مجاہد نامی راوی نے ’’ حضرت ابوذر غفاری رضی اللہ عنہ سے سماع نہیں کیا ہے ، باقی اللہ بہتر جانتا ہے ۔

EnglishUnverified translation

Ibn ʿAbbās, may Allāh be pleased with them, reported that the Messenger of Allāh ﷺ said he was given five never granted to a prophet before: sent to red and black while those before were sent to their peoples, the earth made mosque and purification, aided by dread a month ahead, spoils made lawful to him never lawful before, and given intercession which he deferred for his nation, reaching whoever associates nothing with Allāh. > **"I was given five never granted before, and deferred intercession for whoever associates nothing with Allāh."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ مجھے پانچ چیزیں عطا کی گئی ہیں ، جو مجھ سے پہلے کسی نبی کو نہیں دی گئی ہیں ، مجھے سرخ فام اور سیاہ فام ( یعنی تمام بنی نوع انسان ) کی طرف مبعوث کیا گیا ، مجھ سے پہلے کے ( انبیاء ) کو ان کی مخصوص قوم کی طرف مبعوث کیا جاتا تھا ، میرے لیے روئے زمین کو نماز ادا کرنے کی جگہ اور طہارت کے حصول کا ذریعہ قرار دیا گیا اور ایک ماہ کی مسافت سے میرے سامنے رعب کے ذریعے میری مدد کی گئی ، میرے لیے مال غنیمت کو حلال قرار دیا گیا جو مجھ سے پہلے کسی کے لیے حلال نہیں ہوا اور مجھے شفاعت عطا کی گئی ، جسے میں نے اپنی امت کے لیے مؤخر کر دیا تو وہ ہر اس شخص کو نصیب ہو گی جو کسی کو اللہ تعالیٰ کا شریک قرار نہ دیتا ہو ۔‘‘ یہ روایت امام بزار نے دو حسن اسناد کے ساتھ نقل کی ہے ۔ ( علامہ ہیثمی فرماتے ہیں : ) میں یہ کہتا ہوں : اس حدیث کے مختلف طرق تیمم کے متعلق باب میں گزر چکے ہیں اور کچھ طرق نبوت کی علامات سے متعلق کتاب میں نبی اکرم ﷺ کی بعثت کی عمومیت سے متعلق باب میں گزر چکے ہیں ۔

EnglishUnverified translation

Umm Salamah, may Allāh be pleased with her, reported that the Messenger of Allāh ﷺ said he saw what his nation would do after him, so he chose for them intercession on the Day of Resurrection. > **"I saw what my nation would do after me, so I chose intercession for them."**

اردو ترجمہ · UrduUnverified translation

سیدہ ام سلمہ رضی اللہ عنہا بیان کرتی ہیں : نبی اکرم ﷺ نے ارشاد فرمایا : ’’ میں نے دیکھا کہ میرے بعد میری امت کیا عمل کرے گی ( یا میری امت جو عمل کرے گی ) تو میں نے قیامت کے دن ان کے لئے شفاعت کو اختیار کر لیا ۔‘‘ یہ روایت امام ابویعلیٰ اور امام طبرانی نے نقل کی ہے اس کی سند میں ایک راوی موسیٰ بن عبیدہ ربذی ہے اور وہ ضعیف ہے ۔ اس روایت کے مختلف طرق کتاب الفتن میں گزر چکے ہیں ۔

EnglishUnverified translation

ʿAbdullāh ibn ʿUmar, may Allāh be pleased with them, reported that the Messenger of Allāh ﷺ said a man will keep begging people until he comes on the Day of Resurrection with no morsel of flesh on his face. He also said the sun will draw near until sweat reaches half the ear, and while thus they will seek Ādam, peace be upon him, who will say he is not its man, then Mūsā likewise, then Muḥammad ﷺ, who will intercede and Allāh will judge creation. He will walk to grasp Paradise's ring, and that Day Allāh will raise him to the Praiseworthy Station praised by all the gathering. > **"Then Muḥammad ﷺ will intercede, grasp Paradise's ring, and be raised to the Praiseworthy Station."**

اردو ترجمہ · UrduUnverified translation

حضرت عبداللہ بن عمر رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ کوئی شخص لوگوں سے مسلسل مانگتا رہے گا یہاں تک کہ جب وہ قیامت کے دن آئے گا تو اس کے چہرے پر گوشت کا کوئی ٹکڑا نہیں ہو گا ۔‘‘ نبی اکرم ﷺ نے یہ بھی ارشاد فرمایا :’’ قیامت کے دن سورج قریب آ جائے گا ، یہاں تک کہ پسینہ نصف کان تک پہنچ رہا ہو گا ، لوگ اسی حالت میں ہوں گے ، اسی دوران وہ حضرت آدم علیہ السلام سے مدد چاہیں گے تو وہ کہیں گے : میں اس کا متعلقہ فرد نہیں ہوں ، پھر وہ حضرت موسیٰ علیہ السلام ( سے مدد چاہیں گے ) تو وہ بھی یہی کہیں گے ، پھر وہ حضرت محمد ﷺ ( سے مدد چاہیں گے ) تو وہ شفاعت کریں گے ، تو اللہ تعالیٰ مخلوق کے درمیان فیصلہ کرے گا ، پھر حضرت محمد ﷺ چلتے ہوئے جائیں گے ، یہاں تک کہ وہ جنت کے حلقے ( یعنی دروازے کی کنڈی ) کو پکڑ لیں گے ، اس دن اللہ تعالیٰ انہیں ’’ مقام محمود ‘‘ پر فائز کرے گا جس کے حوالے سے تمام اہل محشر ان کی تعریف کریں گے ۔‘‘ ( علامہ ہیثمی فرماتے ہیں : ) میں یہ کہتا ہوں : یہ روایت ’’ صحیح ‘‘ میں اختصار کے ساتھ مذکور ہے جو یہ الفاظ ہیں :” تو اللہ تعالیٰ مخلوق کے درمیان فیصلہ کرے گا ......‘‘ اس کے بعد سے لے کر آخر تک کے الفاظ ہیں ۔ یہ روایت امام طبرانی نے معجم اوسط میں مطلب بن شعیب کے حوالے سے عبداللہ بن صالح سے نقل کی ہے اور ان دونوں کی توثیق کی گئی ہے ، اگرچہ ان دونوں میں ضعف پایا جاتا ہے ، اس روایت کے بقیہ رجال صحیح کے رجال ہیں ۔

EnglishUnverified translation

Salmān, may Allāh be pleased with him, reported that the sun on the Day of Resurrection will be given ten years' heat then drawn near skulls. They will come to the Prophet ﷺ saying, O Prophet of Allāh, you by whom Allāh opened and forgave past and future sins, you see our plight, so intercede for us. He will say, I am your man, going forth herding people to Paradise's gate, grasping a golden ring and knocking. Asked who, he will say Muḥammad, and it will be opened until he stands before Allāh, prostrates, and is told to raise his head. > **"I am your man; I shall knock at Paradise's gate until opened for me."**

اردو ترجمہ · UrduUnverified translation

حضرت سلمان رضی اللہ عنہ بیان کرتے ہیں : قیامت کے دن سورج کو دس سال کی گرمی دے دی جائے گی ، پھر وہ لوگوں کے سروں کے قریب آ جائے گا ، راوی کہتے ہیں اس کے بعد انہوں نے پوری حدیث ذکر کی ہے جس میں آگے چل کر وہ بیان کرتے ہیں : ’’ پھر لوگ نبی اکرم ﷺ کے پاس آئیں گے اور یہ کہیں گے : اے اللہ کے نبی ! آپ وہ ہیں کہ اللہ تعالیٰ نے آپ کو فتح عطا کی ، آپ کے گزشتہ اور آئندہ ذنب کی مغفرت کر دی ، ہم جس صورتحال کا شکار ہیں ، آپ اُسے ملاحظہ کر رہے ہیں ، تو آپ اپنے پروردگار کی بارگاہ میں ہماری شفاعت کریں ، نبی اکرم ﷺ فرمائیں گے : تمہارا متعلقہ فرد ہوں ، پھر نبی اکرم ﷺ سب لوگوں کو ساتھ لے کر روانہ ہوں گے ، یہاں تک کہ آپ جنت کے دروازے کے پاس آ جائیں گے ، آپ دروازے کی کنڈی کو پکڑیں گے ، جو سونے کی بنی ہوئی ہو گی اور اس کے ذریعے دروازہ کھٹکھٹائیں گے ( اندر سے دربان فرشتہ ) دریافت کرے گا : کون ہے ؟ آپ فرمائیں گے : محمد ( ﷺ ) تو آپ کے لئے قیامت کے دن اس کو کھول دیا جائے گا ، یہاں تک کہ آپ اللہ تعالیٰ کے سامنے آئیں گے اور سجدے میں چلے جائیں گے تو پروردگار فرمائے گا : تم اپنا سر اٹھاؤ ، تو مانگو تمھیں دیا جائے گا ، تم شفاعت کرو تمھاری شفاعت قبول ہو گی ( حضرت سلمان فارسی رضی اللہ عنہ نے یا نبی اکرم ﷺ نے یہ فرمایا : ) یہ ’’ مقام محمود ‘‘ ہے ۔ یہ روایت امام طبرانی نے نقل کی ہے اور اس کے رجال صحیح کے رجال ہیں ۔

EnglishUnverified translation

Abū Naḍrah reported that he heard Ibn ʿAbbās, may Allāh be pleased with them, address from Baṣrah's pulpit that the Messenger of Allāh ﷺ said every prophet had a supplication hastened in the world, but he reserved his as intercession for his nation on the Day of Resurrection. He is the master of Ādam's children without boast, first over whom the earth splits without boast, in his hand the banner of praise with Ādam and below beneath it without boast. The Day will lengthen and harden until people say go to Ādam, father of mankind, to intercede for judgment, and they will go to Ādam, then through the prophets, until reaching him ﷺ. > **"I reserved my supplication as intercession, and in my hand is the banner of praise."**

اردو ترجمہ · UrduUnverified translation

ابونضرہ بیان کرتے ہیں : میں نے حضرت عبداللہ بن عباس رضی اللہ عنہما کو بصرہ کے منبر پر خطبہ دینے کے دوران یہ ارشاد فرماتے ہوئے سنا : نبی اکرم ﷺ نے ارشاد فرمایا : ’’ ہر نبی کے لئے ایک مخصوص دعا تھی جسے اس نے دنیا میں مخصوص نتیجے کے حصول کے لیے استعمال کر لیا اور میں نے اپنی مخصوص دعا کو قیامت کے دن اپنی امت کی شفاعت کے لیے سنبھال کے رکھ لیا ہے ، میں اولاد آدم کا سردار ہوں اور یہ بات فخر کے طور پر نہیں کہہ رہا ( قیامت کے دن ) سب سے پہلے میرے لئے زمین کو شق کیا جائے گا اور یہ فخر کے طور پر نہیں کہہ رہا ، میرے ہاتھ میں ’’ لواء الحمد ‘‘ ہو گا ، حضرت آدم علیہ السلام اور ان کے علاوہ سب میرے جھنڈے کے نیچے ہوں گے اور یہ فخر کے طور پر نہیں کہہ رہا ۔ قیامت کا دن لوگوں کے لئے طویل اور مشکل کا باعث ہو گا یہاں تک کہ وہ ایک دوسرے سے یہ کہیں گے : تم ہمارے ساتھ حضرت آدم علیہ السلام کے پاس چلو جو بنی نوع انسان کے جد امجد ہیں ، تاکہ وہ ہمارے پروردگار کی بارگاہ میں ہماری شفاعت کریں اور وہ پروردگار ہمارے درمیان فیصلہ کر دے ، وہ لوگ حضرت آدم علیہ السلام کے پاس جائیں گے اور یہ کہیں گے : اے حضرت آدم ! آپ اپنے پروردگار کی بارگاہ میں ہماری شفاعت کیجئے تاکہ وہ ہمارے درمیان فیصلہ کر دے ، تو حضرت آدم علیہ السلام کہیں گے ، میں یہ نہیں کر سکتا ، کیونکہ میری خطا کی وجہ سے مجھے جنت سے نکالا گیا تھا ، تو آج مجھے صرف اپنی ذات کے حوالے سے پریشانی ہے ، تم لوگ حضرت نوح علیہ السلام کے پاس جاؤ ، لوگ حضرت نوح علیہ السلام کے پاس آئیں گے اور یہ کہیں گے : اے حضرت نوح ( علیہ السلام ) ! آپ اپنے پروردگار کی بارگاہ میں ہماری شفاعت کیجئے کہ وہ ہمارے درمیان فیصلہ کر دے ، تو حضرت نوح علیہ السلام کہیں گے : میں یہ نہیں کر سکتا کیونکہ میں نے ایک دعا کی تھی ، جس کی وجہ سے تمام اہل زمین ڈوب گئے ، تو آج مجھے صرف اپنی ذات کی فکر ہے ، تم لوگ حضرت ابراہیم خلیل الرحمن علیہ السلام کے پاس جاؤ ! وہ لوگ حضرت ابراہیم علیہ السلام کے پاس آئیں گے اور یہ کہیں گے : اے حضرت ابراہیم ( علیہ السلام ) ! آپ اپنے پروردگار کے سامنے ہماری شفاعت کیجئے تاکہ وہ ہمارے درمیان فیصلہ کر دے ، حضرت ابراہیم علیہ السلام کہیں گے : میں یہ نہیں کر سکتا ، میں نے اسلام میں تین مرتبہ ذومعنی باتیں کی تھیں ( شاید راوی کہتے ہیں : ایک بات تو ان کا یہ کہنا ہے کہ میں بیمار ہوں ، ایک بات ان کا یہ کہنا ہے : بلکہ ان میں سے بڑے نے یہ کیا ہے اور ایک وہ بات جو انہوں نے بادشاہ سے کہی تھی ، جب وہ اس کے علاقے سے گزرے تھے ) نبی اکرم ﷺ نے ارشاد فرمایا ہے : اللہ کی قسم ! انہوں نے ان ذومعنی باتوں کے ذریعے مراد صرف اللہ کے دین کا غلبہ لیا تھا ( حضرت ابراہیم علیہ السلام کہیں گے : ) آج مجھے صرف اپنی فکر ہے ، تم لوگ حضرت موسیٰ علیہ السلام کے پاس جاؤ جو ایسے بندے ہیں جنہیں اللہ تعالیٰ نے اپنی رسالت کے لئے منتخب کیا اور ان کے ساتھ کلام کیا ، لوگ حضرت موسیٰ علیہ السلام کے پاس آئیں گے اور یہ کہیں گے : اے حضرت موسیٰ ( علیہ السلام ) ! آپ اپنے پروردگار کے سامنے ہماری شفاعت کیجئے کہ وہ ہمارے درمیان فیصلہ کر دے ، حضرت موسیٰ علیہ السلام کہیں گے : میں یہ نہیں کر سکتا کیونکہ میں نے ایک شخص کو قتل کیا تھا ، تو آج مجھے صرف اپنی فکر ہے ، تم لوگ حضرت عیسیٰ علیہ السلام کے پاس جاؤ جو اللہ کی روح اور اس کا کلمہ ہیں ، وہ لوگ حضرت عیسیٰ علیہ السلام کے پاس آئیں گے اور یہ کہیں گے : اے حضرت عیسیٰ علیہ السلام ! آپ اپنے پروردگار کے سامنے ہماری شفاعت کیجئے کہ وہ ہمارے درمیان فیصلہ کر دے تو حضرت عیسیٰ علیہ السلام کہیں گے : میں یہ نہیں کر سکتا ، مجھے اللہ کو چھوڑ کر معبود بنا لیا گیا تھا ، تو آج مجھے صرف اپنی فکر ہے ، اس بارے میں تمہارا کیا خیال ہے ؟ اگر کوئی ایسا سامان ہو جو مہر بند ہو اور وہ کسی ایسے برتن میں ہو جس پر مہر لگائی گئی ہو تو کیا اس سامان کو نکالا جا سکتا ہے ، جب تک مہر کو توڑا نہ جائے ؟ لوگ جواب دیں گے : جی نہیں ! تو حضرت عیسیٰ علیہ السلام کہیں گے : حضرت محمد ( ﷺ ) خاتم النبیین ہیں ، وہ موجود ہیں ، اللہ تعالیٰ نے ان کے گزشتہ اور آئندہ ذنب کی مغفرت کر دی ہوئی ہے ، نبی اکرم ﷺ فرماتے ہیں : تو وہ لوگ میرے پاس آئیں گے اور یہ کہیں گے : اے حضرت محمد ( ﷺ ) ! آپ اپنے پروردگار کے سامنے ہماری شفاعت کیجئے کہ وہ ہمارے درمیان فیصلہ کر دے ، تو میں یہ کہوں گا : میں اس کام کے لیے ہوں ، یہاں تک کہ اللہ تعالیٰ جس کو چاہے گا اور جس سے راضی ہو گا ، اُسے اجازت دے گا ۔ جب اللہ تعالیٰ اپنی مخلوق کے درمیان فیصلہ کرنے کا ارادہ کرے گا تو ایک منادی پکار کر یہ کہے گا : حضرت احمد ( ﷺ ) اور ان کی امت کہاں ہے ؟ حضرت احمد ( ﷺ ) اور ان کی امت کہاں ہیں ؟ تو وہ لوگ آئیں گے ، ہم پہلے والے ہیں اور آخر والے ہیں ، ہم آخر میں مبعوث ہونے والے ہیں اور وہ لوگ ہیں جن سے آخر میں حساب لیا جائے گا ، تو دیگر امتیں ہمارے لئے راستہ چھوڑ دیں گی اور ہم چلتے ہوئے جائیں گے ، طہارت کے آثار کی وجہ سے ہماری پیشانیاں چمک رہی ہوں گی ، دوسری امتیں یہ کہیں گی : یہ امت ( تعداد کے حوالے سے ) اس کے قریب ہے کہ جتنی دیگر تمام انبیاء کی امتیں ہیں ۔‘‘ یہ روایت امام ابویعلیٰ اور امام احمد نے نقل کی ہے اس کی سند میں ایک راوی علی بن زید ہے ، جس کے ضعیف ہونے کے باوجود اس کی توثیق کی گئی ہے ان دونوں کے بقیہ رجال صحیح کے رجال ہیں ، امام احمد نے یہ الفاظ زائد نقل کیے ہیں : ’’ ہم جنت کے دروازے پر آئیں گے ، میں دروازے کی کنڈی پکڑوں گا اور دروازہ کھٹکھٹاؤں گا ، تو کہا جائے گا : آپ کون ہیں ؟ تو میں جواب دوں گا : میں محمد ( ﷺ ) ہوں ، تو میرے لئے دروازہ کھول دیا جائے گا ، میں اپنے پروردگار کی بارگاہ میں آؤں گا جو اپنی کرسی پر ۔ ( راوی کو شک ہے ، یا شاید یہ الفاظ ہیں : ) ۔ اپنے پلنگ پر ہو گا ، میں اس کے سامنے سجدے میں گر جاؤں گا اور ایسے کلمات کے ہمراہ اس کی حمد بیان کروں گا کہ اس جیسے کلمات کے ذریعے مجھ سے پہلے کسی نے اس کی حمد بیان نہیں کی ہو گی اور ان کلمات کے ذریعے کوئی میرے بعد اس کی حمد بیان نہیں کرے گا ، پھر یہ کہا جائے گا : اے محمد ( ﷺ ) ! تم اپنا سر اٹھاؤ ، تو مانگو ، تمھیں دیا جائے گا ، تم شفاعت کرو ، تمھاری شفاعت قبول ہو گی ، تو میں اپنا سر اٹھاؤں گا اور میں یہ کہوں گا : اے میرے پروردگار ! میری امت ، میری امت ، تو پروردگار فرمائے گا : تم اس شخص کو نکال دو جس کے دل میں یہ یہ ہو ۔ ( یہاں روایت کے الفاظ حماد نامی راوی کو یاد نہیں رہے ) ۔ نبی اکرم ﷺ نے فرمایا : پھر میں واپس آؤں گا اور سجدے میں چلا جاؤں گا ، پھر میں کچھ کلمات پڑھوں گا تو یہ کہا جائے گا : تم اپنا سر اٹھاؤ ، تم کہو سنا جائے گا ، تم مانگو تمھیں دیا جائے گا ، تم شفاعت کرو تمھاری شفاعت قبول کی جائے گی ، تو میں یہ کہوں گا : اے میرے پروردگار ! میری امت ، میری امت ، تو یہ کہا جائے گا : تم اس کو نکال دو ، جس کے دل میں یہ اور یہ ہو ، یہ مقدار پہلے والی سے کم ہو گی ، پھر میں دوبارہ آؤں گا اور سجدے میں چلا جاؤں گا اس کی مانند کلمات پڑھوں گا تو یہ کہا جائے گا : تم اپنا سر اٹھاؤ اور تم کہو ، تمہاری بات کو سنا جائے گا ، تم مانگو تمھیں دیا جائے گا ، تم شفاعت کرو تمھاری شفاعت قبول ہو گی ، تو میں کہوں گا : اے میرے پروردگار ! میری امت ، میری امت ، تو یہ کہا جائے گا : تم اُس کو نکال لو ، جس کے دل میں یہ اور یہ ہو ، یہ مقدار پہلی والی سے بھی کم ہو گی ۔‘‘