Hadith 17495–17534

EnglishUnverified translation

Salman — meaning al-Farisi, may Allah be pleased with him — reported from the Prophet ﷺ, like the preceding narration, that a man among those before them whom Allah had enriched with wealth and children told his family that when he died they should burn him, and when he became coal grind and scatter him, for if his Lord seized him He would punish him as none in the worlds; they did so, Allah commanded and he was gathered standing before Allah, Who asked what carried him to do it, and he replied fear of his Lord, so he was forgiven. > **"What carried you to do what you did? Fear of You, O my Lord. Then he was forgiven."**

اردو ترجمہ · UrduUnverified translation

حضرت سلمان فارسی رضی اللہ عنہ نبی اکرم ﷺ کے حوالے سے ، اس کی مانند روایت نقل کرتے ہیں ، جو اس سے پہلے گزری ہے ، تاہم ان کے متن کے الفاظ یہ ہیں ، وہ بیان کرتے ہیں : نبی اکرم ﷺ نے ارشاد فرمایا : ’’ تم سے پہلے زمانے میں ایک شخص تھا ، اسے اللہ تعالیٰ نے مال اور اولاد میں کشادگی عطا کی تھی اس نے اپنے گھر والوں سے یہ کہا : کہ جب میں مر جاؤں ، تو تم مجھے جلا دینا اور جب میں کوئلہ بن جاؤں ، تو تم مجھے پیس کر مجھے اُڑا دینا ، کیونکہ اگر میرے پروردگار نے مجھ پر قابو پا لیا ، تو وہ مجھے ایسا عذاب دے گا کہ ویسا عذاب وہ تمام جہانوں میں سے کسی کو نہیں دے گا ، اس کے گھر والوں نے ایسا ہی کیا ، اس کے بارے میں اللہ تعالیٰ نے حکم دیا تو اس کے وجود کو اکٹھا کر کے اللہ تعالیٰ کے سامنے کھڑا کر دیا گیا ، اللہ تعالیٰ نے فرمایا : تم نے جو کیا ، ایسا کیوں کیا ؟ اس شخص نے جواب دیا : تیرے خوف کی وجہ سے ، اے میرے پروردگار ! تو اللہ تعالیٰ نے اس شخص کی مغفرت کر دی ۔‘‘ یہ روایت امام طبرانی نے نقل کی ہے اور اس کے رجال ’’ صحیح ‘‘ کے رجال ہیں ، صرف زکریا بن نافع ارسوقی اور سری بن یحیی کا معاملہ مختلف ہے اور یہ دونوں ثقہ ہیں ۔ یہ روایت امام بزار نے نقل کی ہے اور انہوں نے اس کی نسبت حضرت ابوسعید خدری رضی اللہ عنہ کی نقل کردہ اس حدیث کی طرف کر دی ہے ، جو صحیح میں مذکور ہے اور یہ کہا ہے : یہ اس کی مانند ہے ، انہوں نے اس کا متن نقل نہیں کیا ۔

EnglishUnverified translation

Ibn ʿAbbas, may Allah be pleased with them, reported that Quraysh said to the Prophet ﷺ to ask his Lord to make Safa into gold for them, promising to follow him if it became gold, so he supplicated his Lord, Jibril, peace be upon him, came and said his Lord sent greetings and offered that if he wished Safa would become gold but whoever disbelieved thereafter would be punished as none in the worlds, or if he wished the door of repentance and mercy would be opened for them, and he chose the door of repentance and mercy. > **"Rather, the door of repentance and mercy."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : ’’ قریش نے نبی اکرم ﷺ سے کہا : آپ اپنے پروردگار سے ہمارے لئے یہ دعا کیجئے کہ وہ صفا پہاڑ کو ہمارے لئے سونے کا بنا دے ، اگر وہ سونے کا بن گیا ، تو ہم آپ کی پیروی کر لیں گے ، نبی اکرم ﷺ نے اپنے پروردگار سے دعا کی ، حضرت جبرائیل علیہ السلام آپ کے پاس آئے اور بولے : آپ کا پروردگار آپ کو سلام کہہ رہا ہے ، اس نے آپ سے یہ فرمایا ہے : اگر آپ چاہیں ، تو صفا پہاڑ ان کے لیے سونے کا بن جائے گا ، لیکن اس کے بعد ان میں سے جس شخص نے کفر کیا ، میں اسے ایسا عذاب دوں گا ، جو میں نے تمام جہانوں میں سے کسی کو نہیں دیا ہو گا ، اور اگر آپ چاہیں ، تو میں ان کے لیے توبہ اور رحمت کا دروازہ کھول دیتا ہوں ، نبی اکرم ﷺ نے فرمایا : توبہ اور رحمت کے دروازے ( کو میں اختیار کرتا ہوں ) ۔‘‘ یہ روایت امام طبرانی نے نقل کی ہے اور اس کے رجال ” صحیح “ کے رجال ہیں ۔

EnglishUnverified translation

Ibn ʿAbbas, may Allah be pleased with them, reported that for years in the time of the Messenger of Allah ﷺ they recited the verse concerning those who do not invoke another god with Allah, nor kill the soul Allah forbade except by right, nor commit adultery, until the verse except whoever repents and believes was revealed, and he never saw the Messenger of Allah ﷺ rejoice more intensely than at it, and at the verse indeed We granted you a clear victory. > **"Except whoever repents and believes. I never saw the Messenger of Allah ﷺ rejoice more than at this verse and at: Indeed We granted you a clear victory."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ کے زمانہ اقدس میں ، ہم لوگ چند سال تک اس آیت کی تلاوت کرتے رہے : ’’ اور وہ لوگ جو اللہ تعالیٰ کے ساتھ دوسرے معبود کی عبادت نہیں کرتے ہیں اور وہ اس جان کو قتل نہیں کرتے ہیں ، جسے اللہ تعالیٰ نے حرام قرار دیا ہو ، البتہ حق کا معاملہ مختلف ہے ، اور وہ زنا نہیں کرتے ہیں ۔‘‘ پھر یہ آیت نازل ہو گئی : ’’ البتہ اس کا معاملہ مختلف ہے جو توبہ کر لے اور ایمان لے آئے ۔‘‘ راوی بیان کرتے ہیں : میں نے نبی اکرم ﷺ کو کبھی کسی بات پر اتنا زیادہ خوش نہیں دیکھا ، جتنا آپ اس آیت کے نزول پر اور اس ( آگے والی آیت کے نزول پر ) خوش ہوئے تھے : ’’ بے شک ہم نے تمہیں فتح مبین عطا کی ہے ۔‘‘ یہ روایت امام طبرانی نے معجم اوسط میں نقل کی ہے اور اس کی سند حسن ہے ۔

EnglishUnverified translation

Abu Musa, may Allah be pleased with him, reported that the Messenger of Allah ﷺ said that Allah is happier with the repentance of His servant who wronged himself than a traveller in a deadly desert who loses his mount in the middle, searches right and left until exhausted — or despairing — thinking himself doomed, then finds it in a place he never hoped, so Allah is happier with the repentance of His excessive servant than that man with his mount when he finds it. > **"Allah is happier with the repentance of His servant who wronged himself than a traveller in a deadly desert who loses his mount, despairs of life, then finds it where he never hoped."**

اردو ترجمہ · UrduUnverified translation

حضرت ابوموسیٰ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جو بندہ اپنی ذات پر زیادتی کرتا ہے ، اس کے توبہ کرنے سے اللہ تعالیٰ اس سے زیادہ خوش ہوتا ہے ، جتنا وہ شخص خوش ہوتا ہے ، جو کسی ویرانے میں سفر کر رہا ہو ، جہاں خشک سالی اور ہلاکت ہو اور جب وہ اس ویرانے کے درمیان میں پہنچے ، تو اس کی سواری گم ہو جائے ، وہ اس کی تلاش میں دوڑ کر دائیں طرف جائے ، بائیں طرف جائے ، یہاں تک کہ وہ تھک جائے ۔ ( راوی کو شک ہے ، یا شاید یہ الفاظ ہیں : ) ۔ وہ اس کے حوالے سے مایوس ہو جائے اور یہ گمان کر لے کہ اب وہ خود ہلاکت کا شکار ہو جائے گا ، پھر وہ دیکھے اور اسے وہ سواری اس جگہ مل جائے ، جہاں کے بارے میں اسے یہ توقع نہیں تھی کہ وہ اس سواری کو پا لے گا ، تو اللہ تعالیٰ اپنے گناہگار بندے کی توبہ سے ، اُس سے زیادہ خوش ہوتا ہے جتنا وہ شخص اپنی سواری کو پا کر خوش ہوتا ہے ۔‘‘ یہ روایت امام ابویعلیٰ نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Abu Saʿid, may Allah be pleased with him, reported that the Messenger of Allah ﷺ said that whoever draws near to Allah a span, He draws near to him a cubit, whoever draws near a cubit, He draws near a fathom, and whoever comes to Him walking, He comes to him running. > **"Whoever draws near to Allah a span, He draws near to him a cubit; whoever draws near a cubit, He draws near a fathom; and whoever comes to Him walking, He comes to him running."**

اردو ترجمہ · UrduUnverified translation

حضرت ابوسعید رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جو شخص ایک بالشت اللہ تعالیٰ کے قریب ہوتا ہے ، اللہ تعالیٰ اس کے ایک ’’ ذراع ‘‘ قریب ہوتا ہے ، اور جو شخص ایک ’’ ذراع ‘‘ اللہ تعالیٰ کے قریب ہوتا ہے ، اللہ تعالیٰ اس کے ایک ’’ باع ‘‘ قریب ہوتا ہے ، جو شخص چل کر اللہ تعالیٰ کی طرف جاتا ہے ، اللہ تعالیٰ دوڑ کر اُس کی طرف جاتا ہے ۔‘‘ یہ روایت امام احمد اور امام بزار نے نقل کی ہے ، اس کی سند میں ایک راوی عطیہ عوفی ہے اور وہ ضعیف ہے ۔

EnglishUnverified translation

Shurayh reported that he heard a man from among the Companions of the Prophet ﷺ say that the Prophet ﷺ said Allah, Mighty and Majestic, says, O son of Adam, stand to Me and I walk to you, and walk to Me and I hasten to you. > **"O son of Adam, stand to Me and I walk to you; walk to Me and I hasten to you."**

اردو ترجمہ · UrduUnverified translation

شریح بیان کرتے ہیں : میں نے نبی اکرم ﷺ کے اصحاب میں سے ، ایک صاحب کو یہ بیان کرتے ہوئے سنا ہے : نبی اکرم ﷺ نے ارشاد فرمایا : ’’ اللہ تعالیٰ فرماتا ہے : اے ابن آدم ! تم میرے لیے کھڑے ہو جاؤ ، میں چل کر تمہاری طرف آؤں گا ، تم میری طرف چل کر آؤ ، میں دوڑ کر تمہاری طرف آؤں گا ۔‘‘ یہ روایت امام احمد نے نقل کی ہے اور اس کے رجال ’’ صحیح ‘‘ کے رجال ہیں ، صرف شریح بن حارث کا معاملہ مختلف ہے اور وہ ثقہ ہے ۔

EnglishUnverified translation

Yazid ibn Nuʿaym reported that he heard Abu Dharr al-Ghifari, may Allah be pleased with him, upon the minbar at Fustat say that he heard the Prophet ﷺ say that whoever draws near to Allah a span, He draws near a cubit, whoever draws near a cubit, He draws near a fathom, and whoever comes to Allah walking, Allah comes to him hastening, and Allah is Most High and Most Great, repeated thrice. > **"Whoever draws near to Allah a span, He draws near to him a cubit; whoever draws near a cubit, He draws near a fathom; and whoever comes to Allah walking, Allah comes to him hastening, and Allah is Most High and Most Great."**

اردو ترجمہ · UrduUnverified translation

یزید بن نعیم بیان کرتے ہیں : میں نے حضرت ابوذر غفاری رضی اللہ عنہ کو ’’ فسطاط ‘‘ میں منبر پر یہ بیان کرتے ہوئے سنا ، وہ کہتے ہیں ، میں نے نبی اکرم ﷺ کو یہ ارشاد فرماتے ہوئے سنا ہے : ’’ جو شخص ایک بالشت اللہ تعالیٰ کے قریب ہوتا ہے ، اللہ تعالیٰ ایک ’’ ذراع ‘‘ اس کے قریب ہوتا ہے ، اور جو شخص ایک ’’ ذراع ‘‘ اللہ تعالیٰ کے قریب ہوتا ہے ، اللہ تعالیٰ ایک ’’ باع ‘‘ اُس کے قریب ہوتا ہے ، اور جو شخص چل کر اللہ تعالیٰ کی طرف آتا ہے ، اللہ تعالیٰ دوڑ کر اس کی طرف جاتا ہے ، حالانکہ اللہ تعالیٰ بلند و برتر ہے ، اللہ تعالیٰ بلند و برتر ہے ، اللہ تعالیٰ بلند و برتر ہے ۔‘‘ یہ روایت امام احمد اور امام طبرانی نے نقل کی ہے اور ان دونوں کی سند حسن ہے ۔

EnglishUnverified translation

Salman — raising it as marfuʿ — reported that Allah, Mighty and Majestic, says that when His servant draws near to Him a span He draws near a cubit, when he draws near a cubit He draws near a fathom, and when he comes walking He comes hastening. > **"When My servant draws near to Me a span I draw near to him a cubit; when he draws near to Me a cubit I draw near to him a fathom; and when he comes to Me walking I come to him hastening."**

اردو ترجمہ · UrduUnverified translation

حضرت سلمان فارسی رضی اللہ عنہ مرفوع روایت کے طور پر یہ بات نقل کرتے ہیں : ( نبی اکرم ﷺ نے ارشاد فرمایا ہے : ) ’’ اللہ تعالیٰ فرماتا ہے : جب میرا بندہ ایک بالشت میرے قریب ہوتا ہے تو میں ایک ’’ ذراع ‘‘ اُس کے قریب ہوتا ہوں اور جب وہ ایک ’’ ذراع ‘‘ میرے قریب ہوتا ہے تو میں ایک ’’ باع ‘‘ اُس کے قریب ہوتا ہوں اور جب وہ چل کر میری طرف آتا ہے تو میں دوڑ کر اس کی طرف جاتا ہوں ۔‘‘ یہ روایت امام طبرانی نے نقل کی ہے ، اور اس کے رجال ’’ صحیح ‘‘ کے رجال ہیں ، صرف زکریا بن نافع ارسوقی اور سری بن یحیی کا معاملہ مختلف ہے اور یہ دونوں ثقہ ہیں ، یہ روایت امام بزار نے نقل کی ہے ۔

EnglishUnverified translation

ʿAbdullah ibn ʿAmr, may Allah be pleased with them, reported that whoever repents a year before his death, repentance is accepted from him, and whoever repents a month before his death, repentance is accepted, continuing until he mentioned a day, then an hour, then the briefest moment, whereupon a man asked what if he were a disbeliever who then embraced Islam, and he replied that he was only narrating as he heard from the Messenger of Allah ﷺ. > **"Whoever repents a year before his death, repentance is accepted from him; and whoever repents a month before his death, repentance is accepted — until even a day, an hour, the briefest moment before death."**

اردو ترجمہ · UrduUnverified translation

حضرت عبداللہ بن عمرو رضی اللہ عنہ فرماتے ہیں : ’’ جو شخص مرنے سے ایک سال پہلے توبہ کر لے ، اس کی توبہ بھی قبول ہو جاتی ہے ، جو شخص مرنے سے ایک ماہ پہلے توبہ کر لے ، اس کی توبہ بھی قبول ہو جاتی ہے ۔‘‘ راوی بیان کرتے ہیں : یہاں تک کہ انہوں نے ایک دن کا ذکر کیا ، یہاں تک کہ ایک پہر کا ذکر کیا ، یہاں تک کہ تھوڑی سی دیر کا ذکر کیا ۔ راوی بیان کرتے ہیں : ایک شخص نے دریافت کیا : اس بارے میں آپ کی کیا رائے ہے ؟ کہ اگر وہ شخص کافر ہو اور پھر مسلمان ہو جائے ؟ انہوں نے فرمایا : میں تمہیں وہ چیز بیان کر رہا ہوں ، جو میں نے نبی اکرم ﷺ کی زبانی سنی ہے ۔ یہ روایت امام احمد نے نقل کی ہے ، اس کی سند میں ایک راوی ایسا ہے ، جس کا نام بیان نہیں کیا گیا ہے ، اس روایت کے بقیہ رجال ’’ ثقہ ‘‘ ہیں ۔

EnglishUnverified translation

ʿAbdullah ibn ʿAmr, may Allah be pleased with them, reported that he heard the Messenger of Allah ﷺ say that whoever repents before his death by the time of milking a camel, Allah turns to him. > **"Whoever repents before his death by the time of milking a camel, Allah turns to him."**

اردو ترجمہ · UrduUnverified translation

امام طبرانی نے معجم اوسط میں ان صحابی کے حوالے سے یہ روایت نقل کی ہے ، وہ بیان کرتے ہیں : میں نے نبی اکرم ﷺ کو یہ فرماتے ہوئے سنا ہے : ’’ جو شخص مرنے سے اتنی دیر پہلے توبہ کر لے ، جتنی دیر میں اونٹنی کا دودھ دوہ لیا جاتا ہے تو اللہ تعالیٰ اس کی توبہ قبول کر لیتا ہے ۔‘‘

EnglishUnverified translation

ʿAbd al-Rahman al-Baylamani reported that four of the Companions of the Messenger of Allah ﷺ gathered, and one said he heard the Messenger of Allah ﷺ say that Allah accepts His servant's repentance a day before he dies, the second asked if he truly heard it and affirmed, adding that he heard Him say half a day before death, the third likewise added the forenoon before death, and the fourth said he heard Him say that Allah accepts His servant's repentance so long as he has not reached the death rattle. > **"Allah accepts His servant's repentance a day before he dies; half a day before; in the forenoon before; so long as he has not reached the death rattle."**

اردو ترجمہ · UrduUnverified translation

عبدالرحمن بیلمانی بیان کرتے ہیں : نبی اکرم ﷺ کے اصحاب سے تعلق رکھنے والے چار افراد اکٹھے ہوئے : اُن میں سے ایک صاحب نے یہ بات بیان کی : میں نے نبی اکرم ﷺ کو یہ ارشاد فرماتے ہوئے سنا ہے : ’’ بے شک اللہ تعالیٰ اپنے بندے کی توبہ اس کے مرنے سے ایک دن پہلے بھی قبول کر لیتا ہے ۔‘‘ دوسرے صحابی نے دریافت کیا : کیا آپ نے خود نبی اکرم ﷺ کی زبانی یہ بات سنی ہے ؟ انہوں نے جواب دیا : جی ہاں ! تو دوسرے صحابی نے فرمایا : میں نے نبی اکرم ﷺ کو یہ ارشاد فرماتے ہوئے سنا ہے : ’’ بے شک اللہ تعالیٰ اپنے بندے کی توبہ ، اُس کے مرنے سے نصف دن پہلے بھی قبول کر لیتا ہے ۔‘‘ تیسرے صحابی نے دریافت کیا : کیا آپ نے خود نبی اکرم ﷺ کی زبانی یہ بات سنی ہے ؟ انہوں نے جواب دیا : جی ہاں ! تو ان تیسرے صحابی نے فرمایا : میں نے نبی اکرم ﷺ کو یہ ارشاد فرماتے ہوئے سنا ہے : ’’ بے شک اللہ تعالیٰ اپنے بندے کی توبہ اُس کے مرنے سے ، اتنا پہلے بھی قبول کر لیتا ہے ( جتنا سورج نکلنے کے بعد ) دن چڑھے کا وقت ہوتا ہے ۔‘‘ چوتھے صحابی نے دریافت کیا : کیا آپ نے خود نبی اکرم ﷺ کی زبانی یہ بات سنی ہے ؟ انہوں نے جواب دیا : جی ہاں ! تو ان چوتھے صحابی نے فرمایا : میں نے نبی اکرم ﷺ کو یہ ارشاد فرماتے ہوئے سنا ہے : ’’ بے شک اللہ تعالیٰ اپنے بندے کی توبہ اُس وقت بھی قبول کر لیتا ہے جب اُس پر نزع کا عالم طاری نہ ہوا ہو ۔‘‘ یہ روایت امام احمد نے نقل کی ہے ، اور اس کے رجال ’’ صحیح ‘‘ کے رجال ہیں ، صرف عبدالرحمن کا معاملہ مختلف ہے اور وہ ثقہ ہے ۔

EnglishUnverified translation

Ibn ʿUmar, may Allah be pleased with them, reported that he heard the Messenger of Allah ﷺ say that no believing servant repents to Allah a month before death but Allah accepts it, or even less, a day or an hour before death, if Allah knows repentance and sincerity in him, but Allah accepts it from him. > **"No believing servant repents to Allah a month before death, or a day or an hour before, with Allah knowing repentance and sincerity in him, but Allah accepts it from him."**

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ’’ جو مومن بندہ مرنے سے ایک ماہ پہلے اللہ تعالیٰ کی بارگاہ میں توبہ کر لیتا ہے ، اللہ تعالیٰ اس کی توبہ کو قبول کرتا ہے ، اگر وہ اس سے بھی کم عرصہ پہلے کر لے ، مرنے سے ایک دن پہلے کر لے ، یا ایک پہر پہلے کر لے ، اور اللہ تعالیٰ اس کی توبہ اور اس کے اخلاص سے واقف ہو ، تو اللہ تعالیٰ اس کی توبہ قبول کر لیتا ہے ۔‘‘ ( علامہ ہیثمی فرماتے ہیں : ) میں یہ کہتا ہوں : امام ترمذی نے ان صحابی کے حوالے سے یہ روایت نقل کی ہے : ’’ بے شک اللہ تعالیٰ بندے کی توبہ قبول کر لیتا ہے ، جبکہ اُس پر نزع کا عالم طاری نہ ہوا ہو ۔‘‘ یہ روایت امام طبرانی نے نقل کی ہے ، اس کی سند میں ایک راوی یحیی بن عبداللہ بابلتی ہے اور وہ ضعیف ہے ۔

EnglishUnverified translation

ʿAbdullah ibn Salam, may Allah be pleased with him, said he would narrate only from a sent prophet or a revealed Book: that if a servant committed every sin then repented to Allah a day before his death, it would be accepted from him. > **"If a servant committed every sin then repented to Allah a day before his death, it would be accepted from him."**

اردو ترجمہ · UrduUnverified translation

حضرت عبداللہ بن سلام رضی اللہ عنہ فرماتے ہیں : کیا میں تمہیں ’’ نبی مرسل ‘‘ یا ’’ نازل شدہ کتاب ‘‘ کے حوالے سے بات بیان نہ کروں ؟ ( وہ بات یہ ہے : ) ’’ اگر بندہ سارے گناہ کر لے ، اور پھر وہ مرنے سے ایک دن پہلے اللہ تعالیٰ کی بارگاہ میں توبہ کر لے ، تو اللہ تعالیٰ اس کی توبہ قبول کر لیتا ہے ۔‘‘ یہ روایت امام طبرانی نے نقل کی ہے اور اس کے رجال ’’ ثقہ ‘‘ ہیں ۔

EnglishUnverified translation

ʿAbdullah ibn Salam, may Allah be pleased with him, said he would narrate only from a revealed Book or a sent prophet: that no soul repents before the illness in which it dies but its repentance is accepted, until the sun rises from the west. > **"No soul repents before the illness in which it dies but its repentance is accepted, until the sun rises from the west."**

اردو ترجمہ · UrduUnverified translation

حضرت عبداللہ بن سلام رضی اللہ عنہ فرماتے ہیں : کیا میں تم لوگوں کو ’’ نازل شدہ کتاب ‘‘ یا ’’ نبی مرسل ‘‘ کے حوالے سے بات بیان کروں : ( وہ بات یہ ہے : ) ’’ جو شخص اس بیماری کا شکار ہونے سے پہلے توبہ کر لیتا ہے ، جس بیماری میں اس کا انتقال ہو جائے ، تو اس کی توبہ قبول ہو جاتی ہے ، اور ایسا اُس وقت تک رہے گا جب تک سورج مغرب سے طلوع نہیں ہوتا ۔‘‘ یہ روایت امام طبرانی نے ابوفائد کی ربعی سے نقل کردہ روایت کے طور پر نقل کی ہے ، اور میں ابوفائد سے واقف نہیں ہوں ، اس روایت کے بقیہ رجال ’’ صحیح ‘‘ کے رجال ہیں ۔

EnglishUnverified translation

ʿAbdullah ibn Masʿud, may Allah be pleased with him, reported that the Messenger of Allah ﷺ said that Paradise has eight gates, seven closed and one gate open for repentance until the sun rises from its direction. > **"Paradise has eight gates, seven closed and one gate open for repentance until the sun rises from its direction."**

اردو ترجمہ · UrduUnverified translation

حضرت عبداللہ بن مسعود رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جنت کے آٹھ دروازے ہیں ، اُن میں سے سات دروازے بند ہیں ، اور ایک دروازہ توبہ کے لئے کھلا ہوا ہے اور یہ اس وقت تک کھلا رہے گا جب تک سورج اس طرف سے ( یعنی مغرب کی طرف سے ) طلوع نہیں ہو جاتا ۔‘‘ یہ روایت امام ابویعلیٰ اور امام طبرانی نے نقل کی ہے اور اس کی سند عمدہ ہے ۔

EnglishUnverified translation

Abu Hurayrah, may Allah be pleased with him, reported from the Prophet ﷺ that whoever repents before the sun rises from the west, Allah turns to him. > **"Whoever repents before the sun rises from the west, Allah turns to him."**

اردو ترجمہ · UrduUnverified translation

حضرت ابوہریرہ رضی اللہ عنہ نبی اکرم ﷺ کا یہ فرمان نقل کرتے ہیں : ’’ جو شخص سورج کے مغرب کی طرف سے طلوع ہونے سے پہلے توبہ کر لے گا ، اللہ تعالیٰ اس کی توبہ قبول کر لے گا ۔‘‘ یہ روایت امام طبرانی نے معجم اوسط میں نقل کی ہے ، اس کی سند میں ایک راوی حسن بن ابوجعفر ہے اور وہ ضعیف ہے ۔

EnglishUnverified translation

ʿAbdullah ibn Masʿud, may Allah be pleased with him, said that repentance is offered to the son of Adam if he accepts it, so long as one of three has not emerged: the sun rising from the west, the Beast emerging, or Gog and Magog emerging. > **"Repentance is offered to the son of Adam so long as the sun has not risen from the west, the Beast has not emerged, and Gog and Magog have not emerged."**

اردو ترجمہ · UrduUnverified translation

حضرت عبداللہ بن مسعود رضی اللہ عنہ فرماتے ہیں : ’’ ابن آدم کے لئے توبہ کی گنجائش رہے گی ، جب تک تین میں سے کوئی ایک چیز سامنے نہیں آ جاتی ، سورج کا مغرب کی طرف سے طلوع ہونا ، دابۃ الارض کا نکلنا ، یاجوج ماجوج کا نکلنا ۔‘‘ یہ روایت امام طبرانی نے منقطع سند کے ساتھ نقل کی ہے ۔

EnglishUnverified translation

Abu Dharr, may Allah be pleased with him, reported that the Messenger of Allah ﷺ said that Allah accepts His servant's repentance — or forgives His servant — so long as the veil has not fallen, and when asked what the falling of the veil is, he said the soul departing while associating partners with Allah. > **"Allah accepts His servant's repentance so long as the veil has not fallen: the soul departing while associating partners with Allah."**

اردو ترجمہ · UrduUnverified translation

حضرت ابوذر غفاری رضی اللہ عنہ بیان کرتے ہیں : نبی اکرم ﷺ نے ارشاد فرمایا : ’’ اللہ تعالیٰ بندے کی توبہ قبول کرتا رہتا ہے ( راوی کو شک ہے ، یا شاید یہ الفاظ ہیں : ) اللہ تعالیٰ بندے کی مغفرت کرتا رہتا ہے ، جب تک حجاب واقع نہیں ہو جاتا ، عرض کی گئی : حجاب واقع ہونے سے مراد کیا ہے ؟ آپ نے فرمایا : جان کا ایسی حالت میں نکلنا کہ وہ مشرک ہو ۔‘‘ یہ روایت امام احمد اور امام بزار نے نقل کی ہے ، اس کی سند میں ایک راوی عبدالرحمن بن ثابت بن ثوبان ہے ، جسے ایک جماعت نے ثقہ قرار دیا ہے ، اور دوسرے لوگوں نے اسے ضعیف کہا ہے ، اس روایت کے بقیہ رجال ’’ ثقہ ‘‘ ہیں ، امام بزار کی دو اسناد میں سے ، ایک میں ایک راوی ابراہیم بن ہانی ہے اور وہ ضعیف ہے ۔

EnglishUnverified translation

Abu Hurayrah, may Allah be pleased with him, reported that the Messenger of Allah ﷺ said that Allah, Blessed and Exalted, continues to accept repentance from His servant so long as he has not reached the death rattle. > **"Allah continues to accept repentance from His servant so long as he has not reached the death rattle."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ اللہ تعالیٰ مسلسل بندے کی توبہ قبول کرتا رہتا ہے ، جب تک بندے پر نزع کا عالم طاری نہیں ہوتا ۔‘‘ یہ روایت امام بزار نے نقل کی ہے ، اس کی سند میں ایک راوی یزید بن عبدالملک نوفلی ہے اور وہ متروک ہے ۔

EnglishUnverified translation

ʿA'ishah, may Allah be pleased with her, reported that the Messenger of Allah ﷺ said to her, O ʿA'ishah, if you have committed a sin then seek Allah's forgiveness, for repentance from sin is remorse and seeking forgiveness. > **"O ʿA'ishah, if you have committed a sin then seek Allah's forgiveness, for repentance from sin is remorse and seeking forgiveness."**

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں : نبی اکرم ﷺ نے مجھ سے فرمایا : ’’ اے عائشہ ! اگر تم گناہ کا ارتکاب کر لیا ہو ، تو تم اللہ تعالیٰ سے مغفرت طلب کرو ، کیونکہ گناہ سے توبہ یہ ہے کہ ندامت کا شکار ہوا جائے اور مغفرت طلب کی جائے ۔‘‘ ( علامہ ہیثمی فرماتے ہیں : ) میں یہ کہتا ہوں :’’ صحیح ‘‘ میں اس روایت کا ابتدائی حصہ مذکور ہے ۔ یہ روایت امام احمد نے نقل کی ہے اور اس کے رجال ’’ صحیح ‘‘ کے رجال ہیں ، صرف محمد بن یزید واسطی کا معاملہ مختلف ہے اور وہ ثقہ ہے ۔

EnglishUnverified translation

Ibn ʿAbbas, may Allah be pleased with them, reported that the Messenger of Allah ﷺ said that the expiation of sin is remorse. > **"The expiation of sin is remorse."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ گناہ کا کفارہ ندامت ہے “۔ یہ روایت امام احمد نے اور امام طبرانی نے معجم کبیر اور معجم اوسط میں نقل کی ہے اور اس کی سند میں ایک راوی یحیی بن عمرو بن مالک نکری ہے اور وہ ضعیف ہے ۔

EnglishUnverified translation

Ibn ʿAbbas, may Allah be pleased with them, reported from the Prophet ﷺ that the remorseful one awaits repentance, while the self-admiring one awaits wrath. > **"The remorseful one awaits repentance, while the self-admiring one awaits wrath."**

اردو ترجمہ · UrduUnverified translation

حضرت عبداللہ بن عباس رضی اللہ عنہما نبی اکرم ﷺ کے یہ فرمان نقل کرتے ہیں : ’’ ندامت کا شکار شخص ، توبہ کا منتظر ہوتا ہے اور خود پسندی کا شکار شخص ، ناراضگی کا منتظر ہوتا ہے ۔‘‘ یہ روایت امام طبرانی نے معجم صغیر میں نقل کی ہے ، اس کی سند میں ایک راوی مطرف بن مازن ہے اور وہ ضعیف ہے ۔

EnglishUnverified translation

Anas, may Allah be pleased with him, reported that the Messenger of Allah ﷺ said that remorse is repentance. > **"Remorse is repentance."**

اردو ترجمہ · UrduUnverified translation

حضرت انس رضی اللہ عنہ نبی اکرم ﷺ کا یہ فرمان نقل کرتے ہیں :’’ ندامت ، توبہ ہے ۔‘‘ یہ روایت امام بزار نے اپنے استاد عمرو بن مالک رواسی سے نقل کی ہے ، جسے ایک سے زیادہ افراد نے ضعیف قرار دیا ہے ، جبکہ ابن حبان نے اسے ثقہ کہا ہے ، وہ کہتے ہیں : یہ غریب روایات نقل کرتا ہے اور غلطی بھی کر جاتا ہے ، اس روایت کے بقیہ رجال ’’ صحیح ‘‘ کے رجال ہیں ۔

EnglishUnverified translation

Wa'il ibn Hujr, may Allah be pleased with him, reported that the Prophet ﷺ said that remorse is repentance. > **"Remorse is repentance."**

اردو ترجمہ · UrduUnverified translation

حضرت وائل بن حجر رضی اللہ عنہ نبی اکرم ﷺ کا یہ فرمان نقل کرتے ہیں : ’’ ندامت ، توبہ ہے ۔‘‘ یہ روایت امام طبرانی نے نقل کی ہے ، اس کی سند میں ایک راوی اسماعیل بن عمرو بجلی ہے ، جسے ابن حبان نے ثقہ قرار دیا ہے ، اور ایک سے زیادہ افراد نے اسے ضعیف کہا ہے ، اس روایت کے بقیہ رجال کی توثیق کی گئی ہے ۔

EnglishUnverified translation

The son of Abu Saʿid reported from his father that the Messenger of Allah ﷺ said that remorse is repentance, and the one who repents from sin is like one with no sin. > **"Remorse is repentance, and the one who repents from sin is like one with no sin."**

اردو ترجمہ · UrduUnverified translation

حضرت ابوسعید خدری رضی اللہ عنہ کے صاحبزادے اپنے والد کے حوالے سے یہ بات نقل کرتے ہیں : نبی اکرم ﷺ نے ارشاد فرمایا ہے : ’’ ندامت توبہ ہے ، اور گناہ سے توبہ کرنے والا ، اس شخص کی مانند ہے ، جس کا گناہ نہ ہو ۔‘‘ یہ روایت امام طبرانی نے نقل کی ہے ، اس کی سند میں ایک ایسا راوی ہے جس سے میں واقف نہیں ہوں ۔

EnglishUnverified translation

Abu Hurayrah, may Allah be pleased with him, reported that the Messenger of Allah ﷺ said that remorse is repentance. > **"Remorse is repentance."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ ندامت ، توبہ ہے ۔‘‘ یہ روایت امام طبرانی نے معجم صغیر میں نقل کی ہے اور اس کے رجال کی توثیق کی گئی ہے ، اور ان کے بارے میں اختلاف پایا جاتا ہے ۔

EnglishUnverified translation

Abu Hurayrah, may Allah be pleased with him, reported that the Messenger of Allah ﷺ said that a servant commits a sin, then when he remembers it what he did grieves him, and when Allah sees him grieved by what he did, He forgives him. > **"A servant commits a sin, then what he did grieves him when he remembers it, and when Allah sees him grieved by what he did, He forgives him."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ کوئی بندہ کسی گناہ کا ارتکاب کرتا ہے ، پھر جب اسے اس کا خیال آتا ہے ، تو اپنا وہ عمل اسے غمگین کر دیتا ہے ، جب اللہ تعالیٰ اس کی طرف سے یہ بات دیکھتا ہے کہ وہ اپنے کئے ہوئے پر غمگین ہے ، تو اللہ تعالیٰ اس کی مغفرت کر دیتا ہے ۔‘‘ یہ روایت امام طبرانی نے معجم اوسط میں نقل کی ہے ، اس کی سند میں ایک راوی داؤد بن محبر ہے اور وہ ضعیف ہے ۔

EnglishUnverified translation

ʿA'ishah, may Allah be pleased with her, reported that the Messenger of Allah ﷺ said that whoever commits a sin then feels remorse, Allah forgives him that sin before he even seeks forgiveness, and whoever receives a blessing from Allah and knows it is from Allah, Allah records gratitude for him before he praises Him for it, and whoever Allah clothes with a garment and knows Allah clothed him, he is forgiven before the garment reaches his knees. > **"Whoever commits a sin then feels remorse, Allah forgives him before he seeks forgiveness; whoever knows a blessing is from Allah, gratitude is recorded before he praises; and whoever knows Allah clothed him is forgiven before the garment reaches his knees."**

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں : نبی اکرم ﷺ نے ارشاد فرمایا : ’’ جو شخص گناہ کا ارتکاب کرے اور پھر ندامت کا شکار ہو جائے ، اللہ تعالیٰ اس کے مغفرت طلب کرنے سے پہلے ، اس شخص کے اس گناہ کی مغفرت کر دیتا ہے ، اور جس شخص کو اللہ تعالیٰ کوئی نعمت عطا کرے اور وہ شخص یہ بات جانتا ہو ( یعنی اس بات پر ایمان رکھتا ہو ) کہ وہ نعمت اللہ تعالیٰ کی طرف سے ہے ، تو اللہ تعالیٰ اس شخص کے لئے اس نعمت کا شکر نوٹ کر لیتا ہے ، اس سے پہلے کہ اس شخص نے اس نعمت کے حوالے سے اللہ تعالیٰ کی حمد بیان کی ہو ، اور جس شخص کو اللہ تعالیٰ لباس پہننے کے لئے دے اور وہ شخص یہ بات جانتا ہو کہ یہ اللہ تعالیٰ ہی نے اسے پہننے کے لیے دیا ہے ، تو اس لباس کے اس کے گھٹنوں تک پہنچنے سے پہلے اس شخص کی مغفرت ہو جاتی ہے ۔‘‘ یہ روایت امام طبرانی نے معجم اوسط میں دو اسناد کے ساتھ نقل کی ہے ، ان دونوں میں سے ایک میں ایک راوی بزیع بن حسان ابوخلیل ہے اور دوسری میں ایک راوی سلیمان بن داؤد منقری ہے اور یہ دونوں ضعیف ہیں ۔

EnglishUnverified translation

al-Aswad ibn Sariʿ, may Allah be pleased with him, reported that a captive was brought to the Prophet ﷺ and said, O Allah, I repent to You and I do not repent to Muhammad, whereupon the Prophet ﷺ said that he recognised the right for its people. > **"He recognised the right for its people."**

اردو ترجمہ · UrduUnverified translation

حضرت اسود بن سریع رضی اللہ عنہ بیان کرتے ہیں : ایک قیدی نبی اکرم ﷺ کے پاس لایا گیا ، اس نے کہا : اے اللہ ! میں تیری بارگاہ میں توبہ کرتا ہوں ، میں حضرت محمد ﷺ کی بارگاہ میں توبہ نہیں کرتا ، تو نبی اکرم ﷺ نے ارشاد فرمایا : اس نے حق کو اس کے اہل کے لیے پہچان لیا ۔ یہ روایت امام احمد اور امام طبرانی نے نقل کی ہے ، اس کی سند میں ایک راوی محمد بن مصعب ہے ، جسے امام احمد نے ثقہ قرار دیا ہے ، اور دیگر حضرات نے اسے ضعیف کہا ہے ، اس روایت کے بقیہ رجال ’’ صحیح ‘‘ کے رجال ہیں ۔

EnglishUnverified translation

ʿAbdullah — meaning Ibn Masʿud, may Allah be pleased with him — reported that the Messenger of Allah ﷺ said that repentance from sin is to repent from it, then not return to it. > **"Repentance from sin is to repent from it, then not return to it."**

اردو ترجمہ · UrduUnverified translation

حضرت عبداللہ بن مسعود رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ گناہ سے توبہ یہ ہے کہ جب آدمی اس سے توبہ کر لے تو پھر دوبارہ وہ گناہ نہ کرے ۔‘‘ یہ روایت امام احمد نے نقل کی ہے اور اس کی سند ضعیف ہے ۔

EnglishUnverified translation

ʿAwf ibn Malik, may Allah be pleased with him, said there is no sin but he knows its repentance, and when asked what its repentance is, he said to abandon it then never return to it. > **"There is no sin but I know its repentance: to abandon it then never return to it."**

اردو ترجمہ · UrduUnverified translation

حضرت عوف بن مالک رضی اللہ عنہ فرماتے ہیں : میں ہر ایک گناہ کی توبہ سے واقف ہوں ، ان سے دریافت کیا گیا : اس کی توبہ کیا ہو گی ؟ انہوں نے فرمایا : یہ کہ آدمی اُسے یوں چھوڑ دے کہ دوبارہ وہ ( گناہ ) نہ کرے ۔ یہ روایت امام طبرانی نے حسن سند کے ساتھ نقل کی ہے ۔

EnglishUnverified translation

ʿAbdullah ibn Masʿud, may Allah be pleased with him, reported from the Prophet ﷺ that the one who repents from sin is like one with no sin. > **"The one who repents from sin is like one with no sin."**

اردو ترجمہ · UrduUnverified translation

حضرت عبداللہ بن مسعود رضی اللہ عنہ نبی اکرم ﷺ کا یہ فرمان نقل کرتے ہیں : ’’ گناہ سے توبہ کرنے والا ، اُس شخص کی مانند ہوتا ہے ، جس کا گناہ نہ ہو ۔‘‘ یہ روایت امام طبرانی نے نقل کی ہے اور اس کے رجال ” صحیح “ کے رجال ہیں ، البتہ ابوعبیدہ نامی راوی نے اپنے والد ( یعنی حضرت عبداللہ بن مسعود رضی اللہ عنہ ) سے سماع نہیں کیا ہے ۔

EnglishUnverified translation

The son of Abu Saʿid reported from his father that the Messenger of Allah ﷺ said that remorse is repentance, and the one who repents from sin is like one with no sin. > **"Remorse is repentance, and the one who repents from sin is like one with no sin."**

اردو ترجمہ · UrduUnverified translation

حضرت ابوسعید خدری رضی اللہ عنہ کے صاحبزادے ، اپنے والد کے حوالے سے نبی اکرم ﷺ کا یہ فرمان نقل کرتے ہیں : ’’ ندامت ، توبہ ہے ، اور گناہ سے توبہ کرنے والا ، اُس شخص کی مانند ہے ، جس کا گناہ نہ ہو ۔‘‘ یہ روایت امام طبرانی نے نقل کی ہے ، اس کی سند میں ایسے راوی ہیں ، جن سے میں واقف نہیں ہوں ۔ ( علامہ ہیثمی فرماتے ہیں : ) میں یہ کہتا ہوں : اس بارے میں کچھ احادیث ، اس سے پہلے کتاب الایمان میں ، اس باب میں گزر چکی ہے : اسلام اپنے سے پہلے کی چیزوں ( یعنی گناہوں ) کو کالعدم کر دیتا ہے ۔

EnglishUnverified translation

ʿA'ishah, may Allah be pleased with her, reported that the Messenger of Allah ﷺ said that whoever wishes to outstrip the constant, striving worshipper should refrain from sins. > **"Whoever wishes to outstrip the constant, striving worshipper should refrain from sins."**

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں : نبی اکرم ﷺ نے ارشاد فرمایا : ’’ جو شخص یہ چاہتا ہو کہ وہ منہمک اور بھرپور کوشش کرنے والے سے سبقت لے جائے ، اُسے گناہوں سے باز رہنا چاہیے ۔‘‘ یہ روایت امام ابویعلیٰ نے نقل کی ہے ، اس کی سند میں ایک راوی یوسف بن میمون ہے ، جسے ابن حبان نے ثقہ قرار دیا ہے ، اور جمہور نے اسے ضعیف کہا ہے ، اس روایت کے بقیہ رجال ’’ صحیح ‘‘ کے رجال ہیں ۔

EnglishUnverified translation

ʿAli ibn Abi Talib, may Allah be pleased with him, reported that the Messenger of Allah ﷺ said that Allah, Mighty and Majestic, loves the believing servant who is repeatedly tested yet constantly repentant. > **"Allah loves the believing servant who is repeatedly tested yet constantly repentant."**

اردو ترجمہ · UrduUnverified translation

حضرت علی بن ابوطالب رضی اللہ عنہ روایت کرتے ہیں : نبی اکرم ﷺ نے ارشاد فرمایا ہے : ’’ بے شک اللہ تعالیٰ ایسے مؤمن بندے کو پسند کرتا ہے جو آزمائش کا شکار ہو ( یعنی گناہ کا مرتکب ہو جائے ) اور بہت زیادہ توبہ کرتا رہے ۔‘‘ یہ روایت عبداللہ اور ابویعلیٰ نے نقل کی ہے ، اس کی سند میں ایسا راوی ہے جس سے میں واقف نہیں ہوں ۔

EnglishUnverified translation

ʿUqbah ibn ʿAmir, may Allah be pleased with him, reported that a man came to the Messenger of Allah ﷺ and said that one of them commits a sin, and he said it is recorded against him; then he seeks forgiveness and repents, and he said he is forgiven and turned to; then he returns and sins again, and he said it is recorded against him; then he seeks forgiveness and repents, and he said he is forgiven and turned to, and Allah never tires until you tire. > **"It is recorded against him; then he seeks forgiveness and repents, so he is forgiven and turned to; and Allah never tires until you tire."**

اردو ترجمہ · UrduUnverified translation

حضرت عقبہ بن عامر رضی اللہ عنہ بیان کرتے ہیں : ایک شخص نبی اکرم ﷺ کی خدمت میں حاضر ہوا ، اس نے عرض کی : یا رسول اللہ ! ہم میں سے کوئی ایک شخص گناہ کا ارتکاب کر لیتا ہے ، نبی اکرم ﷺ نے فرمایا : وہ ( گناہ ) اس کے خلاف نوٹ کیا جائے گا ، اس شخص نے دریافت کیا : پھر وہ اس سے مغفرت طلب کرتا ہے ، اور توبہ کرتا ہے ، نبی اکرم ﷺ نے فرمایا : اُس کی مغفرت ہو جائے گی ، اور اس کی توبہ قبول ہو گی ۔ اس شخص نے دریافت کیا : اگر وہ شخص دوبارہ اس گناہ کا ارتکاب کرتا ہے ؟ نبی اکرم ﷺ نے فرمایا : وہ اس کے خلاف نوٹ کیا جائے گا ، اس شخص نے کہا : اگر وہ پھر اس سے مغفرت طلب کرے اور توبہ کر لے ؟ نبی اکرم ﷺ نے فرمایا : اس کی مغفرت ہو جائے گی ، اور اس کی توبہ قبول ہو گی ، اللہ تعالیٰ تھکتا نہیں ہے ( اس کا بامحاورہ مفہوم یہ ہو گا کہ اللہ تعالیٰ کا فضل تم سے منقطع نہیں ہوتا ہے ) تم لوگ اُکتاہٹ کا شکار ہو جاتے ہو ۔ یہ روایت امام طبرانی نے معجم کبیر اور معجم اوسط میں نقل کی ہے اور اس کی سند حسن ہے ۔

EnglishUnverified translation

ʿA'ishah, may Allah be pleased with her, reported that Habib ibn al-Harith came to the Messenger of Allah ﷺ and said he was a man given to sins, so he told him to repent to Allah, O Habib; he said he repents then returns, so he told him that whenever he sins he should repent; he said then his sins would multiply, so he said that Allah's pardon is greater than his sins, O Habib ibn al-Harith. > **"Whenever you sin, repent; Allah's pardon is greater than your sins, O Habib ibn al-Harith."**

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں : حبیب بن حارث نبی اکرم ﷺ کی خدمت میں حاضر ہوا ، اس نے عرض کی : یا رسول اللہ ! میں گناہ گار شخص ہوں ، نبی اکرم ﷺ نے فرمایا : اے حبیب ! تم اللہ تعالیٰ کی بارگاہ میں توبہ کرو ، اس نے عرض کی : یا رسول اللہ ! میں توبہ کرتا ہوں ، پھر وہی گناہ کر لیتا ہوں ، نبی اکرم ﷺ نے فرمایا : تم جب بھی گناہ کا ارتکاب کرو ، تم توبہ بھی کر لو ! اس نے عرض کی : یا رسول اللہ ! ایسی صورت میں ، تو میرے گناہ زیادہ ہو جائیں گے ، نبی اکرم ﷺ نے ارشاد فرمایا : ’’ اے حبیب بن حارث ! اللہ تعالیٰ کا معاف کرنا ، تمہارے گناہوں سے زیادہ بڑا ہے ۔‘‘ یہ روایت امام طبرانی نے معجم اوسط میں نقل کی ہے ، اس کی سند میں ایک راوی نوح بن ذکوان ہے اور وہ ضعیف ہے ۔

EnglishUnverified translation

Anas, may Allah be pleased with him, reported that a man came to the Messenger of Allah ﷺ and said he had sinned, so the Messenger of Allah ﷺ told him that when he sins he should seek his Lord's forgiveness; he said he seeks forgiveness then returns to sin, so he told him that when he sins he should return and seek forgiveness; this was repeated until the fourth time, when he said that when he sins he should seek his Lord's forgiveness until Satan is the loser. > **"When you sin, seek your Lord's forgiveness, until Satan is the loser."**

اردو ترجمہ · UrduUnverified translation

حضرت انس رضی اللہ عنہ بیان کرتے ہیں : ایک شخص نبی اکرم ﷺ کی خدمت میں حاضر ہوا ، اس نے عرض کی : یا رسول اللہ ! میں گناہ کا ارتکاب کرتا ہوں ، نبی اکرم ﷺ نے فرمایا : جب تم گناہ کا ارتکاب کرو تو اپنے پروردگار سے مغفرت مانگ لو ! اس نے کہا : میں اس سے مغفرت مانگتا ہوں اور پھر گناہ کا ارتکاب کر لیتا ہوں ، نبی اکرم ﷺ نے فرمایا : جب تم گناہ کا ارتکاب کرو تو دوبارہ اپنے پروردگار سے مغفرت مانگ لینا ، اس نے کہا : میں مغفرت مانگتا ہوں ، پھر گناہ کا ارتکاب کر لیتا ہوں ، نبی اکرم ﷺ نے فرمایا : جب تم پھر گناہ کا ارتکاب کرو ، تو پھر اپنے پروردگار سے مغفرت مانگ لینا ، یہ مکالمہ چوتھی مرتبہ ہوا ، تو نبی اکرم ﷺ نے ارشاد فرمایا : ’’ جب تم گناہ کا ارتکاب کرو ، تو اپنے پروردگار سے مغفرت مانگ لو ( یعنی ہمیشہ ایسا کرتے رہو ) تاکہ شیطان جو ہے ، وہ خسارے کا شکار ہونے والا ہو ۔‘‘ یہ روایت امام بزار نے نقل کی ہے ، اس کی سند میں ایک راوی بشار بن حکم ضبی ہے جسے ایک سے زیادہ افراد نے ضعیف قرار دیا ہے ، ابن عدی کہتے ہیں : مجھے یہ امید ہے کہ اس میں کوئی حرج نہیں ہو گا ، اس روایت کے بقیہ رجال کی توثیق کی گئی ہے ۔ ( علامہ ہیثمی فرماتے ہیں : ) میں یہ کہتا ہوں : استغفار کے بارے میں کچھ احادیث اس کے بعد بھی آئیں گی ۔

EnglishUnverified translation

Ibn ʿAbbas, may Allah be pleased with them, reported from the Prophet ﷺ that no believing servant is without a sin he returns to time after time, or a sin he remains upon without parting from it until he parts from life; yet the believer was created tested, oft-repenting, forgetful — but when reminded, he remembers. > **"The believer was created tested, oft-repenting, forgetful — but when reminded, he remembers."**

اردو ترجمہ · UrduUnverified translation

حضرت عبداللہ بن عباس رضی اللہ عنہما نبی اکرم ﷺ کا یہ فرمان نقل کرتے ہیں : ’’ جس بھی مومن کی یہ عادت ہو کہ وہ وقتاً فوقتاً کسی گناہ کا ارتکاب کرتا رہتا ہو ، یا کوئی ایسا گناہ ہو ، جس پر وہ عامل ہو اور وہ اس گناہ سے الگ نہ ہوتا ہو ، یہاں تک کہ وہ الگ ہو جائے ، تو مومن کی تخلیق ایسی حالت میں کی گئی ہے کہ وہ آزمائش کا شکار ہوتا ہے ( یعنی گناہ کا مرتکب ہوتا ہے ) اور بہت زیادہ توبہ کرنے والا ہوتا ہے ، اور بھولنے والا ہوتا ہے ، لیکن جب اسے یاد دلا دیا جائے ، تو اسے یاد آ جاتا ہے ۔‘‘ یہ روایت امام طبرانی نے معجم کبیر میں نقل کی ہے اور معجم اوسط میں ، اسے اختصار کے ساتھ نقل کیا ہے ، معجم کبیر کی اسانید میں سے ایک کے رجال ’’ ثقہ ‘‘ ہیں ، اور سیاق ان کے حوالے سے منقول ہے ۔

EnglishUnverified translation

Abu Saʿid al-Khudri, may Allah be pleased with him, reported from the Prophet ﷺ that the example of the believer and faith is like a horse on its tether: it roams then returns to its tether; the believer slips then returns to faith; so feed the God-fearing with your food and bestow your kindness upon the believers. > **"The believer slips then returns to faith, like a horse that roams then returns to its tether; so feed the God-fearing and bestow kindness upon the believers."**

اردو ترجمہ · UrduUnverified translation

حضرت ابوسعید خدری رضی اللہ عنہ نبی اکرم ﷺ کا یہ فرمان نقل کرتے ہیں : ’’ ایمان کی مثال اس طرح ہے جیسے کوئی گھوڑا اصطبل میں ، بڑی رسی کے ساتھ بندھا ہوتا ہے ، وہ گھومتا پھرتا ہے ، اور واپس اپنی جگہ پر آ جاتا ہے ، مومن سہو کا شکار ہوتا ہے ، اور پھر وہ ایمان کی طرف لوٹ جاتا ہے ، تو تم اپنا کھانا پرہیزگار لوگوں کو کھلاؤ ، اور اہل ایمان تمہاری بھلائی کے مستحق ہیں ۔‘‘ یہ روایت امام احمد اور امام ابویعلیٰ نے نقل کی ہے اور ان دونوں کے رجال ’’ صحیح ‘‘ کے رجال ہیں ، صرف ابوسلیمان لیثی اور عبداللہ بن ولید تحبیبی کا معاملہ مختلف ہے اور یہ دونوں سے ثقہ ہیں ۔