Hadith 16570–16609

EnglishUnverified translation

Abū Hurayrah رضي الله عنه reports that the Messenger of Allah ﷺ, mentioning Banū Tamīm, called them large-headed, firm-footed, helpers of truth at the end, hardest against the Dajjāl. > **"They are large of head, firm of foot, helpers of truth at the end of time, hardest against the Dajjāl."**

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : نبی اکرم ﷺ نے بنو تمیم کا ذکر کرتے ہوئے یہ ارشاد فرمایا : ’’ ان کے سر بڑے ہوتے ہیں ، یہ ثابت قدم ہوتے ہیں ، آخری زمانے میں یہ حق کے مددگار ہوں گے اور دجال کے خلاف سب سے زیادہ سخت قوم ہوں گے ۔‘‘ یہ روایت امام بزار نے سلام کے حوالے سے ، منصور بن زاذان سے نقل کی ہے اور انہوں نے یہ کہا ہے : سلام نامی اس راوی کے بارے میں میرا یہ خیال ہے کہ یہ سلام مدائنی ہے اور وہ حدیث میں کمزور ہے ۔

EnglishUnverified translation

Abū Hurayrah رضي الله عنه reports that the Prophet ﷺ would sometimes strike his shoulder commanding love of Banū Tamīm. > **"Love Banū Tamīm."**

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : بعض اوقات نبی اکرم ﷺ میرے کندھے پر ہاتھ مار کر یہ ارشاد فرماتے تھے : ’’ تم لوگ بنو تمیم سے محبت رکھو !‘‘۔ یہ روایت امام بزار نے نقل کی ہے ، وہ کہتے ہیں : یہ روایت نبی اکرم ﷺ سے صرف اس سند کے حوالے سے منقول ہے ، اس سند میں ایک راوی عبیدہ بن عبدالرحمن ہے جس کا ذکر ابن ابوحاتم نے کیا ہے ، کسی نے اس پر جرح نہیں کی ہے اور اس روایت کے بقیہ رجال ’’ ثقہ ‘‘ ہیں ۔

EnglishUnverified translation

Abū Umāmah رضي الله عنه reports riding with the Prophet ﷺ past a herd asked about and attributed to Banū al-ʿAnbar, whom the Prophet ﷺ claimed as his people. > **"Those are our people."**

اردو ترجمہ · UrduUnverified translation

حضرت ابوامامہ رضی اللہ عنہ بیان کرتے ہیں : ایک مرتبہ ہم نبی اکرم ﷺ کے ساتھ سفر کر رہے تھے ، ہمارا گزر 100 اونٹوں کے لگ بھگ کے پاس سے ہوا ، نبی اکرم ﷺ نے دریافت کیا : یہ کن کے ہیں ؟ لوگوں نے بتایا : بنو عنبر کے ہیں ، نبی اکرم ﷺ نے فرمایا :” وہ لوگ ہماری قوم ہیں ۔‘‘ یہ روایت امام طبرانی نے اپنے استاد مقدام بن داؤد کے حوالے سے نقل کی ہے اور وہ ضعیف ہے ، ابن دقیق العید کہتے ہیں : اس کی توثیق کی گئی ہے ، اس روایت کے رجال ’’ ثقہ ‘‘ ہیں ۔

EnglishUnverified translation

ʿIkrimah ibn Khālid reports a man disparaging Banū Tamīm before him, prompting him to seize pebbles, then citing a Companion that Tamīm mentioned before the Prophet ﷺ drew charges of lateness answered by pointing to Muzaynah's equal pace, then their red and black camels of charity hailed as his people's camels, and finally forbidding aught but good for them as longest-speared against the Dajjāl. > **"Say nothing of Banū Tamīm but good, for they are the longest-speared of men against the Dajjāl."**

اردو ترجمہ · UrduUnverified translation

عکرمہ بن خالد بیان کرتے ہیں : ایک مرتبہ ایک شخص نے ان کی موجودگی میں بنو تمیم کو برا بھلا کہا ، تو عکرمہ نے اپنے ہاتھ میں کنکریاں اُٹھا لیں ، تاکہ وہ اس شخص کو ماریں ، پھر عکرمہ نے بتایا کہ نبی اکرم ﷺ کے اصحاب سے تعلق رکھنے والے ایک صاحب نے مجھے یہ حدیث بیان کی ہے : ’’ ایک مرتبہ نبی اکرم ﷺ کے سامنے تمیم قبیلہ کا ذکر کیا گیا تو ایک شخص نے یہ کہا : بنو تمیم کا یہ قبیلہ اس معاملے میں تاخیر سے کام لے رہا ہے ، تو نبی اکرم ﷺ نے مزینہ کی طرف دیکھا اور فرمایا : وہ قوم تاخیر کرنے والی نہیں ہو گی ، جن میں یہ لوگ شامل ہوں ۔ راوی کہتے ہیں : ایک مرتبہ ایک شخص نے یہ کہا : بنو تمیم کے لوگ صدقہ لانے میں تاخیر کر رہے ہیں ، اسی دوران بنو تمیم کے سرخ اور سیاہ اونٹ آ گئے ، نبی اکرم ﷺ نے ارشاد فرمایا : یہ میری قوم کے جانور ہیں ۔ ایک دن ایک شخص نے نبی اکرم ﷺ کے پاس بنو تمیم پر تنقید کی ، نبی اکرم ﷺ نے ارشاد فرمایا : تم بنو تمیم کے بارے میں صرف بھلائی کی بات کہو ، کیونکہ دجال کے خلاف اُن کے نیزے سب سے زیادہ لمبے ہوں گے ۔ یہ روایت امام احمد نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Sabrah ibn Maʿbad رضي الله عنه, Companion of the Messenger, reports notables gathered with Muʿāwiyah رضي الله عنه praising their peoples until a Juhanī youth faltered, when ʿImrān ibn Ḥuṣayn رضي الله عنه urged full speech, testifying he heard the Messenger of Allah ﷺ declare Juhaynah of him and he of them, angered and pleased together, anger at them anger at Allah; Muʿāwiyah claimed the report concerned Quraysh, answered in verse affirming hearing against ʿUyaynah's dispute, unlike Dhakwān, Riʿl, and two former clans. > **"Juhaynah is of me and I am of them; they anger at my anger and are pleased at my pleasure."**

اردو ترجمہ · UrduUnverified translation

نبی اکرم ﷺ کے صحابی حضرت سبرہ بن معبد رضی اللہ عنہ بیان کرتے ہیں : ایک مرتبہ مختلف قبائل کے لوگ حضرت معاویہ رضی اللہ عنہ کے پاس اکٹھے ہوئے ، حضرت معاویہ رضی اللہ عنہ نے فرمایا : ’’ ہر شخص اپنی قوم کی عزت افزائی کے بارے میں بات چیت کرے کہ ان لوگوں میں کیا فضیلت پائی جاتی ہے ؟ تو ہر شخص نے گفتگو میں حصہ لیا یہاں تک کہ جہینہ قبیلے سے تعلق رکھنے والے ایک شخص کی باری آئی ، تو اس نے گفتگو کی ، لیکن وہ پوری طرح گفتگو نہیں کر سکا ، تو حضرت عمران بن حصین رضی اللہ عنہ اس کی طرف متوجہ ہوئے اور انہوں نے فرمایا : اے جہینہ قبیلے کے فرد ! تم کھل کر گفتگو کرو ! کیونکہ میں گواہی دے کر یہ بات بیان کرتا ہوں کہ میں نے نبی اکرم ﷺ کو یہ ارشاد فرماتے ہوئے سنا ہے : ’’ جہینہ مجھ سے ہیں اور میں اُن سے ہوں ، وہ میرے غضب کی وجہ سے غضبناک ہوتے ہیں اور میری رضامندی کی وجہ سے راضی ہوتے ہیں اور میں اُن کے غضب ناک ہونے کی وجہ سے غضبناک ہوتا ہوں ، اور ان کے راضی ہونے کی وجہ سے راضی ہوتا ہوں ، جو شخص انہیں غضبناک کرے گا وہ مجھے غضب ناک کرے گا ، اور جو مجھے غضبناک کرے گا وہ اللہ تعالیٰ کو غضبناک کرے گا ۔‘‘ تو حضرت معاویہ رضی اللہ عنہ نے کہا : آپ غلط کہہ رہے ہیں ، یہ حدیث قریش کے بارے میں ہے ، تو حضرت عمران بن حصین رضی اللہ عنہ نے یہ کہا : ’’ معاویہ بن حرب نے مجھے جھوٹا قرار دیا ہے اور جہینہ قبیلے کے بارے میں ، میری بیان کی ہوئی بات کے حوالے سے مجھے برا کہا ہے ، میں نے جھوٹ نہیں بولا ہے میں نے اگر جھوٹ بولنا ہوتا تو میری بات ، میری قوم مزینہ قبیلے کے بارے میں ہوتی ، لیکن میں نے ایک دن نبی اکرم ﷺ کو ارشاد فرماتے ہوئے سنا تھا ، اگر میں تحقیق کروں ، تو تم اس وقت مردہ ہو گے ( یعنی مسلمان بھی نہیں ہوئے ہو گے ) نبی اکرم ﷺ نے یہ فرمایا تھا : ’’ یہ یہ لوگ مجھ سے ہیں اور میں ان سے ہوں ‘‘ یہ بات آپ ﷺ نے جہینہ قبیلے کے بارے میں فرمائی تھی ، اور اس دن فرمائی تھی جب عیینہ نے آپ کے ساتھ بحث کی تھی ، نبی اکرم ﷺ نے یہ بھی فرمایا تھا : ’’ جب وہ غضب ناک ہوں گے تو میں بھی غضب ناک ہوؤں گا ، اور ان کی رضامندی میں ، میری رضامندی ہے ، یہ مہربانی ہے اور چھوٹی مہربانی نہیں ہے اور نہ ہی یہ لوگ ذکوان اور رعل قبلے کی مانند ہیں ، اور نہ ہی وہ قبیلے ، جو جہینہ کے پہلے لوگوں میں سے ہیں ۔‘‘ یہ روایت امام طبرانی نے نقل کی ہے ، اس کی سند میں ایک راوی حارث بن معبد ہے ، اور میں اس سے واقف نہیں ہوں ، اس روایت کے رجال ’’ ثقہ ‘‘ ہیں ۔

EnglishUnverified translation

Ṭāriq ibn Shihāb reports that when the Bajīlah delegation came, the Messenger of Allah ﷺ ordered recording them beginning with al-Aḥmusīs, while a Qaysī lingered to watch, then supplicated for them five times for blessing or prayer, doubted by Mukhāriq. > **"Record the Bajalīs and begin with the Aḥmusīs; O Allah, bless them."**

اردو ترجمہ · UrduUnverified translation

حضرت طارق بن شہاب رضی اللہ عنہ بیان کرتے ہیں : ایک مرتبہ ’’ بجیلہ ‘‘ قبیلے کا وفد نبی اکرم ﷺ کی خدمت میں حاضر ہوا ، تو نبی اکرم ﷺ نے فرمایا : بجیلہ قبیلے کے لوگوں کا نام نوٹ کرو اور احمس قبیلے کے لوگوں سے آغاز کرو ! راوی بیان کرتے ہیں : اس قبیلے کا ایک فرد پیچھے رہ گیا ، راوی کہتے ہیں : میں اس بات کا جائزہ لے رہا تھا کہ اب نبی اکرم ﷺ ان کے لئے کیا کہتے ہیں ؟ راوی بیان کرتے ہیں : تو نبی اکرم ﷺ نے ان لوگوں کے لئے پانچ مرتبہ دعا کی :’’ اے اللہ ! ان پر رحمت نازل فرما !‘‘۔ یا شاید یہی الفاظ تھے :’’ اے اللہ ! ان میں برکت رکھ دے ۔‘‘ یہ شک مخارق نامی راوی کو ہے ۔

EnglishUnverified translation

In another wording the delegations of Aḥmus and Qays came to the Messenger of Allah ﷺ, who ordered beginning with the Aḥmusīs before the Qaysīs, then supplicated seven times for blessing upon Aḥmus, its horses, and its men. > **"Begin with the Aḥmusīs before the Qaysīs; O Allah, bless Aḥmus, its horses, and its men."**

اردو ترجمہ · UrduUnverified translation

ایک روایت میں یہ الفاظ ہیں : ’’ احمس قبیلے کے اور قیس قبیلے کے لوگوں کا وفد نبی اکرم ﷺ کی خدمت میں حاضر ہوا تو نبی اکرم ﷺ نے ارشاد فرمایا : قیس قبیلے سے پہلے احمس قبیلے کے لوگوں کو آنے دو ! پھر آپ ﷺ نے احمس قبیلے کے لوگوں کے لئے دعا کرتے ہوئے یہ کہا : ’’ اے اللہ ! تو احمس قبیلے کے لوگوں ، اُن کے گھڑ سواروں اور ان کے پیادہ افراد میں برکت رکھ دے !‘‘۔ ( راوی بیان کرتے ہیں : ) یہ کلمات آپ ﷺ نے سات مرتبہ ارشاد فرمائے ۔ یہ تمام روایات امام احمد نے نقل کی ہیں ، امام طبرانی نے ان کا کچھ حصہ نقل کیا ہے ، تاہم انہوں نے یہ الفاظ نقل کئے ہیں : ’’ میں قبیلے سے پہلے احمس قبیلے کے لوگوں کو آنے دو !‘‘۔ ان دونوں کے رجال ’’ صحیح ‘‘ کے رجال ہیں ۔

EnglishUnverified translation

Khālid ibn ʿUrfuṭah رضي الله عنه reports seeing the Messenger of Allah ﷺ raising his hands in supplication for the horses of Aḥmus and its men. > **"O Allah, bless the horses of Aḥmus and its men."**

اردو ترجمہ · UrduUnverified translation

حضرت خالد بن عرفطہ بیان کرتے ہیں : میں نے نبی اکرم ﷺ کو دونوں ہاتھ بلند کر کے یہ دعا کرتے ہوئے دیکھا ہے : ’’ اے اللہ ! تو احمس قبیلے کے گھڑ سواروں اور ان کے پیادہ افراد پر برکت نازل فرما !‘‘۔ یہ روایت امام طبرانی نے نقل کی ہے اور اس کی سند میں ایسے راوی ہیں ، جن سے میں واقف نہیں ہوں ۔

EnglishUnverified translation

Ghālib ibn Abjar reports Qays mentioned before the Messenger of Allah ﷺ, who invoked mercy upon Qays despite surprise, noting its adherence to the religion of their father Ismāʿīl ibn Ibrāhīm Khalīl Allāh, mutual greeting between Qays and Yemen, Qays as Allah's horsemen on earth, its sole support of religion at a coming time, marked horsemen of heaven and distinguished horsemen of earth, an egg split from the Household, and Allah's lion on earth. > **"May Allah have mercy on Qays; Qays are Allah's horsemen on earth."**

اردو ترجمہ · UrduUnverified translation

حضرت غالب بن ابجر رضی اللہ عنہ بیان کرتے ہیں : نبی اکرم ﷺ کے سامنے قیس قبیلے کا ذکر کیا گیا تو نبی اکرم ﷺ نے فرمایا : ’’ اللہ تعالیٰ قیس ( یعنی قیس قبیلے کے افراد ) پر رحم کرے ! عرض کی گئی : یا رسول اللہ ! کیا آپے قیس کے لیے دعائے رحمت کر رہے ہیں ؟ نبی اکرم ﷺ نے ارشاد فرمایا : جی ہاں ! وہ ہمارے جدامجد حضرت اسماعیل علیہ السلام بن حضرت ابراہیم خلیل اللہ علیہ السلام کے دین پر تھے ، اسے قیس ! جو یمن کا قبیلہ ہے ، اے یمن ! جو قیس کا قبیلہ ہے ، بے شک قیس قبیلے کے لوگ زمین میں اللہ کے شہسوار ہیں ، اس ذات کی قسم ! جس کے دست قدرت میں میری جان ہے ، لوگوں پر ایک ایسا زمانہ آئے گا کہ جب اس دین کا مددگار ، قیس قبیلے کے افراد کے علاوہ اور کوئی نہیں ہو گا ، بے شک اللہ تعالیٰ نے آسمان والوں میں سے کچھ شہسوار بنائے ہیں ، جن پر نشان لگائے گئے ہیں اور زمین والوں میں سے کچھ شہسوار بنائے ہیں ، جن کی تربیت کی گئی ہے ، اہل زمین میں سے اللہ تعالیٰ کے شہسوار قیس قبیلے کے لوگ ہیں ، بے شک قیس قبیلے کے لوگ ایک ٹکڑا ہیں ، جو ہم سے الگ ہو گیا بے ، شک قیس قبیلے کے لوگ زمین میں اللہ کے شیر ہیں ۔‘‘ راوی کہتے ہیں : لفظ ” ضراء “ کا مطلب شیر ہے ۔ یہ روایت امام طبرانی نے معجم کبیر اور معجم اوسط میں نقل کی ہے اور اس کے رجال ’’ ثقہ ‘‘ ہیں ۔

EnglishUnverified translation

Ibn ʿAbbās رضي الله عنهما reports that the Messenger of Allah ﷺ named the best of Easterners as ʿAbd al-Qays. > **"The best of Easterners is ʿAbd al-Qays."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ اہل مشرق میں سب سے بہتر عبدالقیس ( یعنی اس قبیلے کے لوگ ) ہیں ۔‘‘ یہ روایت امام بزار اور امام طبرانی نے نقل کی ہے ، اس کی سند میں ایک راوی وہب بن یحیی بن زمام ہے اور میں اُس سے واقف نہیں ہوں ۔ اس روایت کے بقیہ رجال ’’ ثقہ ‘‘ ہیں ۔

EnglishUnverified translation

Abū Hurayrah رضي الله عنه reports from the Prophet ﷺ the same words naming the best of Easterners as ʿAbd al-Qays. > **"The best of Easterners is ʿAbd al-Qays."**

اردو ترجمہ · UrduUnverified translation

حضرت ابوہریرہ رضی اللہ عنہ نبی اکرم ﷺ کا یہ فرمان نقل کرتے ہیں : ’’ اہل مشرق میں سب سے بہتر عبدالقیس ( یعنی اس قبیلے کے لوگ ) ہیں ۔‘‘ یہ روایت امام طبرانی نے معجم اوسط میں نقل کی ہے اور اس کے رجال ’’ ثقہ ‘‘ ہیں ۔

EnglishUnverified translation

Nūḥ ibn Mukhallad reports coming to the Prophet ﷺ in Makkah and being asked his origin, answering Ḍubayʿah of Rabīʿah, whereupon the Messenger of Allah ﷺ named the best of Rabīʿah as ʿAbd al-Qays, then the clan he was from, and traded with him in goods to Yemen. > **"The best of Rabīʿah is ʿAbd al-Qays, then the clan you are from."**

اردو ترجمہ · UrduUnverified translation

حضرت نوح بن مخلد رضی اللہ عنہ بیان کرتے ہیں : وہ نبی اکرم ﷺ کی خدمت میں حاضر ہوئے ، نبی اکرم ﷺ اس وقت مکہ میں تھے ، نبی اکرم ﷺ نے دریافت کیا : تمہارا تعلق کس سے ہے ؟ انہوں نے جواب دیا : میں ضبیعہ بن ربیعہ سے تعلق رکھتا ہوں ، نبی اکرم ﷺ نے فرمایا : ربیعہ میں سب سے بہتر عبدالقیس قبیلہ ہے ، اور پھر وہ قبیلہ ہے جس سے تم تعلق رکھتے ہو ، راوی کہتے ہیں : پھر نبی اکرم ﷺ نے اس کے ہمراہ کچھ ساز و سامان بھی یمن بھیجا ۔ یہ روایت امام طبرانی نے معجم کبیر اور معجم اوسط میں نقل کی ہے ، تاہم انہوں نے یہ الفاظ نقل کئے ہیں : ’’ نبی اکرم ﷺ نے ان کے ہمراہ ایک لشکر میں سامان بھیجا ......‘‘۔ اس روایت کی سند میں ایسے راوی ہیں ، جن سے میں واقف نہیں ہوں ۔

EnglishUnverified translation

Ibn ʿAbbās رضي الله عنهما reports that the Messenger of Allah ﷺ declared himself the disputant against whoever wrongs ʿAbd al-Qays. > **"I am the disputant against whoever wrongs ʿAbd al-Qays."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ میں اُس شخص کا مقابل فریق ہوؤں گا جو عبدالقیس ( یعنی اس قبیلے کے افراد ) کے ساتھ زیادتی کرے گا “۔ یہ روایت امام بزار اور امام طبرانی نے نقل کی ہے اور اس کی سند میں ایسے راوی ہیں جن سے میں واقف نہیں ہوں ۔

EnglishUnverified translation

Abū Hurayrah رضي الله عنه reports that the Messenger of Allah ﷺ praised Azd as excellent people with sweet mouths, righteous oaths, and pure hearts. > **"Excellent people are Azd, sweet in mouths, righteous in oaths, pure in hearts."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ ازد ‘‘ قبیلے کے لوگ اچھے لوگ ہیں ، ان کے منہ پاکیزہ ہیں ، ان کی قسمیں سچی ہیں اور ان کے دل پاک و صاف ہیں ۔‘‘ یہ روایت امام احمد نے نقل کی ہے اور اس کی سند حسن ہے ۔

EnglishUnverified translation

Ṭalḥah ibn Dāwūd reports that the Messenger of Allah ﷺ praised the excellent nurslings, the people of Oman, meaning Azd. > **"Excellent nurslings are the people of Oman."**

اردو ترجمہ · UrduUnverified translation

حضرت طلحہ بن داؤد رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ دودھ پلانے والے اچھے لوگ اہل عمان ہیں ‘‘ راوی کہتے ہیں : یعنی ’’ ازد ‘‘ قبیلے کے لوگ ہیں ۔ یہ روایت امام طبرانی نے نقل کی ہے ، اس کی سند میں ایک راوی عنبسہ ہے جو حضرت طلحہ بن داؤد رضی اللہ عنہ کا غلام ہے اور میں اُس سے واقف نہیں ہوں ، اس روایت کے بقیہ رجال ’’ ثقہ ‘‘ ہیں ۔

EnglishUnverified translation

Ibn ʿAbbās رضي الله عنهما reports that the Messenger of Allah ﷺ wrote to an Arab clan inviting them to Islam, who rejected the letter and reported back; he ﷺ said had it been sent to Azd Shanūʾah on the Oman coast and Aslam they would have accepted; he then sent to al-Julandā inviting him, who accepted Islam and sent a gift arriving after the Prophet ﷺ had passed, which Abū Bakr رضي الله عنه treated as inheritance dividing between Fāṭimah رضي الله عنها and al-ʿAbbās رضي الله عنه. > **"Had I sent it to a people on the Oman coast of Azd Shanūʾah and Aslam, they would have accepted it."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ نے عربوں کے ایک قبیلے کو خط لکھ کر انہیں اسلام کی دعوت دی ، ان لوگوں نے اس مکتوب کو قبول نہیں کیا ، مکتوب لے جانے والے لوگ نبی اکرم ﷺ کی طرف واپس آئے ، اور آپ کو اس بارے میں بتایا تو نبی اکرم ﷺ نے ارشاد فرمایا : اگر میں نے یہ مکتوب ’’ عمان ‘‘ کے کنارے موجود ’’ ازدشنوہ ‘‘ اور ’’ اسلم ‘‘ قبیلے سے تعلق رکھنے والے لوگوں کو بھیجا ہوتا ، تو انہوں نے اسے قبول کر لینا تھا ۔ راوی بیان کرتے ہیں : پھر نبی اکرم ﷺ نے ’’ جلند ‘‘ کو خط بھیجا اور انہیں اسلام کی دعوت دی ، تو انہوں نے اسلام قبول کر لیا اور اس مکتوب کو قبول کر لیا ، انہوں نے نبی اکرم ﷺ کو تحفہ بھی بھجوایا ، جب وہ تحفہ آیا تو نبی اکرم ﷺ کا وصال ہو چکا تھا ، حضرت ابوبکر رضی اللہ عنہ نے اس تحفے کو وراثت میں منتقل کر دیا اور اسے سیدہ فاطمہ رضی اللہ عنہا اور حضرت عباس رضی اللہ عنہ کے درمیان تقسیم کر دیا ۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی عمر بن صالح ازدی ہے اور وہ متروک ہے ۔

EnglishUnverified translation

Bishr ibn ʿIṣmah, Companion of the Prophet ﷺ, reports the Messenger of Allah ﷺ declaring Azd of him and he of them, angered and pleased together; when Muʿāwiyah claimed the words concerned Quraysh, Bishr denied lying upon the Messenger ﷺ, saying had he lied he would have assigned it to his own people. > **"Azd is of me and I am of them; I anger when they anger and am pleased when they are pleased."**

اردو ترجمہ · UrduUnverified translation

حضرت بشر بن عصمہ رضی اللہ عنہ جو نبی اکرم ﷺ کے صحابی ہیں ، وہ بیان کرتے ہیں : نبی اکرم ﷺ نے ارشاد فرمایا : ’’ ازد ، مجھ سے ہیں اور میں اُن سے ہوں ، جب وہ غضب ناک ہوں گے تو ان کی وجہ سے میں بھی غضب ناک ہوؤں گا اور جب وہ راضی ہوں گے تو ان کی وجہ سے میں بھی راضی ہوؤں گا ۔‘‘ راوی بیان کرتے ہیں : تو حضرت معاویہ رضی اللہ عنہ نے کہا : نبی اکرم ﷺ نے یہ بات قریش کے بارے میں ارشاد فرمائی تھی ، تو حضرت بشر رضی اللہ عنہ نے کہا : کیا میں نبی اکرم ﷺ کی طرف جھوٹی بات منسوب کروں گا ؟ اگر میں نے نبی اکرم ﷺ کی طرف کوئی جھوٹی بات منسوب کرنی ہوتی ، تو میں اُسے اپنی قوم کے لیے منسوب کرتا ۔ یہ روایت امام طبرانی نے نقل کی ہے ، اس کی سند میں ایسے راوی ہیں جن سے میں واقف نہیں ہوں ۔ علامہ ہیثمی فرماتے ہیں : اس سے پہلے مختلف قبائل کی فضیلت کے بارے میں روایات میں ’’ ازد ‘‘ اور دیگر قبائل کی فضیلت کا بیان گزر چکا ہے ۔

EnglishUnverified translation

Saʿd ibn Abī Waqqāṣ رضي الله عنه reports that the Messenger of Allah ﷺ told Banū Nājiyah that he is of them and they of him. > **"I am of them and they are of me."**

اردو ترجمہ · UrduUnverified translation

حضرت سعد بن ابی وقاص رضی اللہ عنہ بیان کرتے ہیں : نبی اکرم ﷺ نے بارے میں یہ ارشاد فرمایا تھا : ’’ میں اُن سے ہوں اور یہ مجھ سے ہیں ۔‘‘ یہ روایت امام احمد نے متصل اور مرسل ، دونوں طرح سے اختصار کے ساتھ نقل کی ہے ، انہوں نے اسے حضرت سعد رضی اللہ عنہ کے بھتیجے کے حوالے سے نقل کیا ہے ، لیکن اس کا نام بیان نہیں کیا ہے ، ان دونوں کے بقیہ رجال ’’ صحیح ‘‘ کے رجال ہیں ۔

EnglishUnverified translation

Shuʿbah reports asking Saʿd ibn Ibrāhīm about Banū Nājiyah, who called them of them, citing a report through Saʿīd ibn Zayd رضي الله عنه from the Prophet ﷺ that they are a clan of him and he of them. > **"They are a clan of me, and I am of them."**

اردو ترجمہ · UrduUnverified translation

شعبہ بیان کرتے ہیں : میں نے سعد بن ابراہیم سے بنو ناجیہ کے بارے میں دریافت کیا : تو انہوں نے بتایا : وہ ہم میں سے ہیں ۔ شعبہ بیان کرتے ہیں : لوگوں نے حضرت سعید بن زید رضی اللہ عنہ کے حوالے سے ، نبی اکرم ﷺ سے یہ روایت نقل کی ہے : ” وہ ایسا قبیلہ ہے ، جو مجھ سے ہے ۔‘‘ راوی کہتے ہیں : میرا خیال ہے روایت میں یہ الفاظ بھی ہیں :” اور میں اُن سے ہوں ۔‘‘ یہ روایت امام ابویعلیٰ نے نقل کی ہے اور اس کے رجال ’’ صحیح ‘‘ کے رجال ہیں ، البتہ سعد بن ابراہیم نامی راوی نے حضرت سعید بن زید رضی اللہ عنہ سے سماع نہیں کیا ہے ۔

EnglishUnverified translation

Ibn ʿAbbās رضي الله عنهما reports four hundred of Daws coming to the Messenger of Allah ﷺ, who welcomed them as best-faced, sweetest-mouthed, and most trustworthy. > **"Welcome, best of men in faces, sweetest in mouths, and greatest in trust."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں :” دوس ‘‘ قبیلے سے تعلق رکھنے والے چار سو افراد ، نبی اکرم ﷺ کی خدمت میں حاضر ہوئے ، تو نبی اکرم ﷺ نے ارشاد فرمایا : ’’ ایسے لوگوں کو خوش آمدید ہے ، جو چہرے کے اعتبار سے لوگوں میں سب سے زیادہ خوبصورت ہیں ، سب سے زیادہ پاکیزہ منہ والے ہیں اور سب سے زیادہ امانت دار ہیں ۔‘‘ یہ روایت امام طبرانی نے معجم کبیر اور معجم اوسط میں نقل کی ہے ، اس کی سند میں ایک راوی عمر بن صالح ازدی ہے اور وہ متروک ہے ۔

EnglishUnverified translation

Salamah ibn Saʿd رضي الله عنه reports arriving as a delegation with household and sons, seeking permission and entering, identified as the delegation of ʿAnazah, praised as an excellent clan wronged yet aided, welcomed as the people of Shuʿayb and the two sisters linked with Mūsā; asked his need, he asked the obligations on camels, sheep, and goats, was informed, sat awhile, sought leave, and was bidden farewell with supplication for sufficient provision without lack or excess. > **"Excellent clan is ʿAnazah, wronged yet aided; O Allah, provide ʿAnazah sufficiency without lack or excess."**

اردو ترجمہ · UrduUnverified translation

حضرت سلمہ بن سعد رضی اللہ عنہ بیان کرتے ہیں : وہ اپنے گھر والوں اور اولاد کے ایک گروہ کے ہمراہ وفد کی شکل میں ، نبی اکرم ﷺ کی خدمت میں حاضر ہوئے ، انہوں نے اندر آنے کی اجازت مانگی ، جب وہ اندر آئے تو نبی اکرم ﷺ نے دریافت کیا : یہ کون لوگ ہیں ؟ تو آپ کو بتایا گیا : یہ عنزہ قبیلے کے وفد کے افراد ہیں ، نبی اکرم ﷺ نے فرمایا : بہت خوب ، بہت خوب ، عنزہ ، اچھا قبیلہ ہے ، جب ان کے خلاف کوشش کی گئی تو ان کی مدد کی گئی ، حضرت شعیب علیہ السلام کی قوم کو خوش آمدید ! اور حضرت موسیٰ علیہ السلام کے واقعہ والی دو بہنوں کی قوم کو خوش آمدید ! اے سلمہ ! تم اپنی حاجت کے بارے میں پوچھو ! تو حضرت سلمہ بن سعد رضی اللہ عنہ نے عرض کی : میں آپ کے پاس یہ دریافت کرنے کے لئے آیا ہوں کہ اونٹوں اور بکریوں وغیرہ میں مجھ پر کیا زکوۃ فرض ہو گی ؟ نبی اکرم ﷺ نے انہیں اس بارے میں بتایا ، پھر وہ کچھ دیر نبی اکرم ﷺ کے پاس بیٹھے رہے ، پھر انہوں نے نبی اکرم ﷺ سے واپسی کی اجازت مانگی ، تو نبی اکرم ﷺ نے فرمایا : تم واپس چلے جاؤ ! جب وہ واپس جانے کے لیے اُٹھنے لگے تو نبی اکرم ﷺ نے فرمایا : ’’ اے اللہ ! تو عنزہ قبیلے کے لوگوں کو ایسا رزق عطا فرما جو بنیادی ضروریات پوری کرتا ہو ، نہ وہ اس سے کم ہو اور نہ فضول خرچی والا ہو ۔‘‘ یہ روایت امام طبرانی نے نقل کی ہے ، امام بزار نے ان صحابی کے حوالے سے اختصار کے ساتھ یہ الفاظ نقل کئے ہیں : ’’ اے اللہ ! تو عنزہ قبیلے کو ایسی خوراک عطا فرما ، جس میں اسراف نہ ہو ۔‘‘ اس روایت کی سند میں ایسے لوگ ہیں ، جن سے میں واقف نہیں ہوں ۔

EnglishUnverified translation

Ḥanẓalah ibn Nuʿaym reports ʿUmar ibn ʿIṣām asking what the Commander of the Faithful ʿUmar رضي الله عنه told him concerning ʿAnazah; he answered that ʿUmar, upon hearing his lineage, recalled the Messenger of Allah ﷺ mentioning his people and pointing eastward as a clan wronged yet aided. > **"A clan from here, wronged yet aided."**

اردو ترجمہ · UrduUnverified translation

حنظلہ بن نعیم بیان کرتے ہیں : عمر بن ہشام اُن کے پاس آئے اور بولے : اے ابورباح ! وہ واقعہ کیا ہے ؟ کہ جب آپ اپنی قوم عنزہ قبیلے کے ہمراہ حضرت عمر رضی اللہ عنہ کے پاس آئے تھے تو حضرت عمر رضی اللہ عنہ نے آپ کے سامنے وہ بات کی تھی ، تو انہوں نے بتایا : ایک مرتبہ میں حضرت عمر رضی اللہ عنہ کے پاس سے گزرا ، انہوں نے مجھ سے دریافت کیا : تم کون ہو اور تمہارا تعلق کس سے ہے ؟ میں نے کہا : اے امیرالمومنین ! میں حنظلہ بن نعیم عنزی ہوں ، انہوں نے دریافت کیا : عنزہ قبیلے سے ہو ؟ میں نے جواب دیا : جی ہاں ! تو حضرت عمر رضی اللہ عنہ نے بتایا : میں نے نبی اکرم ﷺ کو ایک دن تمہاری قوم کا ذکر کرتے ہوئے سنا ، نبی اکرم ﷺ کے اصحاب نے دریافت کیا : یا رسول اللہ ! عنزہ قبیلے کے لوگ کون ہیں ؟ تو نبی اکرم ﷺ نے اپنے دست مبارک کے ذریعے مشرق کی طرف اشارہ کرتے ہوئے یہ فرمایا : ’’ وہ اس طرف کا ایک قبیلہ ہے ، جب ان کے خلاف لڑائی کی جائے تو ان کی مدد کی جاتی ہے ۔‘‘ یہ روایت ابویعلیٰ نے کبیر میں نقل کی ہے ، امام بزار نے اس کی مانند روایت اس صحابی کے حوالے سے اختصار کے ساتھ نقل کی ہے ، امام طبرانی نے معجم اوسط میں اور امام احمد نے بھی یہ روایت نقل کی ہے ، تاہم انہوں نے یہ الفاظ نقل کئے ہیں : ’’ غضبان بن حنظلہ بیان کرتے ہیں : ان کے والد وفد کے ساتھ حضرت عمر رضی اللہ عنہ کی خدمت میں حاضر ہوئے ، انہوں نے حنظلہ کا ذکر نہیں کیا ، امام ابویعلیٰ کی دو اسناد میں سے ایک کے تمام رجال ’’ ثقہ ‘‘ ہیں ۔

EnglishUnverified translation

Abū Juḥayfah رضي الله عنه reports coming to the Prophet ﷺ at al-Abṭaḥ in his red tent, asked their identity and answering Banū ʿĀmir, welcomed as of him ﷺ. > **"Welcome, you are of me."**

اردو ترجمہ · UrduUnverified translation

حضرت ابوجحیفہ رضی اللہ عنہ بیان کرتے ہیں :’’ ابطح ‘‘ کے مقام پر ہم لوگ نبی اکرم ﷺ کی خدمت میں حاضر ہوئے ، آپ اس وقت سرخ رنگ کے خیمے میں موجود تھے ، آپ ﷺ نے دریافت کیا : تم لوگ کون ہو ؟ ہم نے عرض کی بنو عامر ہیں ، نبی اکرم ﷺ نے فرمایا : خوش آمدید ! تم لوگ مجھ سے ہو ۔

EnglishUnverified translation

In another wording the welcome is addressed to them directly. > **"Welcome to you."**

اردو ترجمہ · UrduUnverified translation

ایک روایت میں یہ الفاظ ہیں :’’ تم لوگوں کو خوش آمدید !‘‘

EnglishUnverified translation

In another wording he ﷺ adds his belonging to them. > **"And I am of you."**

اردو ترجمہ · UrduUnverified translation

ایک روایت میں یہ الفاظ ہیں :” اور میں تم سے ہوں “ یہ تمام روایات امام طبرانی نے معجم کبیر میں نقل کی ہیں اور معجم اوسط میں اُن صحابی کے حوالے سے اختصار کے ساتھ نقل کی ہیں ، یہ روایات امام ابویعلیٰ نے بھی نقل کی ہیں اور ان کی سند میں ایک راوی حجاج بن ارطاۃ ہے اور وہ مدلس ہے ، اس روایت کے بقیہ رجال ” صحیح “ کے رجال ہیں ۔

EnglishUnverified translation

ʿAbd Allāh ibn Masʿūd رضي الله عنه reports witnessing the Messenger of Allah ﷺ supplicate for this clan of Nakhaʿ, or praise them, until he wished himself one of them. > **"O Allah, bless this clan of Nakhaʿ."**

اردو ترجمہ · UrduUnverified translation

حضرت عبداللہ بن مسعود رضی اللہ عنہ بیان کرتے ہیں : میں نبی اکرم ﷺ کے پاس موجود تھا ، نبی اکرم ﷺ نے نخع قبیلے کے لئے دعا کی تھی راوی کہتے ہیں ، یا شاید یہ الفاظ ہیں : نبی اکرم ﷺ نے اُن لوگوں کی تعریف بیان کی ، یہاں تک کہ میں نے یہ آرزو کی : کہ کاش میں اُن کا ایک فرد ہوتا ۔ یہ روایت امام احمد ، امام بزار اور امام طبرانی نے نقل کی ہے ، امام احمد کے رجال ’’ ثقہ ‘‘ ہیں ۔

EnglishUnverified translation

Yazīd ibn Maʿbad reports delegating to the Prophet ﷺ, asked in whose hands lies justice among Yamāmah's people; intending Banū ʿAbd al-Duʾal but fearing to lie, he named Banū ʿUbayd, confirmed truthful as a land firm on hardship never perishing, explained by working with hands and eating with slaves. > **"You spoke truly; they work with their hands and eat with their slaves."**

اردو ترجمہ · UrduUnverified translation

حضرت یزید بن معبد رضی اللہ عنہ بیان کرتے ہیں : میں وفد کے ساتھ نبی اکرم ﷺ کی خدمت میں حاضر ہوا ، آپ نے مجھ سے یمامہ کے بارے میں دریافت کیا : کہ وہاں کے رہنے والوں میں عادل کون ہے ؟ میں نے یہ کہنے کا ارادہ کیا کہ یہ چیز بنو عبدالدؤل میں پائی جاتی ہے ، لیکن پھر مجھے یہ اچھا نہیں لگا کہ میں نبی اکرم ﷺ کے ساتھ غلط بیانی کروں ، تو میں نے کہا : ان میں عدل ، بنو عبید میں پایا جاتا ہے ، نبی اکرم ﷺ نے فرمایا : تم نے سچ کہا ہے ، وہ ایک ایسی سرزمین ہے جو شدت پر جمی رہتی ہے ، اور ہلاکت کا شکار نہیں ہو گی ، لوگوں نے عرض کی : یا رسول اللہ ! اس کی وجہ کیا ہے ؟ نبی اکرم ﷺ نے فرمایا : وہ لوگ اپنے ہاتھوں کے ذریعے خود کام کرتے ہیں ، اور اپنے غلاموں کو اپنے ساتھ کھلاتے ہیں ۔ یہ روایت امام طبرانی نے نقل کی ہے ، اس کی سند میں راویوں کی ایک جماعت ایسی ہے جن سے میں واقف نہیں ہوں ۔

EnglishUnverified translation

Ibn ʿAbbās رضي الله عنهما reports that the Messenger of Allah ﷺ placed justice in Muḍar when men differ. > **"When men differ, justice lies in Muḍar."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ جب لوگوں کے درمیان اختلاف ہو ، تو عدل ، مضر میں ہو گا ۔‘‘ یہ روایت امام طبرانی نے عبداللہ بن مؤمل کے حوالے سے مثنیٰ بن صباح سے نقل کی ہے اور یہ دونوں ضعیف ہیں ، ویسے ان دونوں کی توثیق کی گئی ہے ۔

EnglishUnverified translation

Abū Labīd reports a Ṭāḥiyah migrant Bayraḥ ibn Asad reaching Madīnah days after the Messenger's ﷺ passing, recognised by ʿUmar رضي الله عنه as a stranger of Oman, taken to Abū Bakr رضي الله عنه as of the land the Messenger ﷺ knew as Oman washed by the sea, whose Arabs would not shoot his messenger with arrow or stone. > **"I know a land called Oman, washed at its side by the sea, with an Arab clan whom, had my messenger come to them, they would not shoot with arrow or stone."**

اردو ترجمہ · UrduUnverified translation

ابولبید بیان کرتے ہیں : ہم میں سے ایک شخص ” طاحیہ ‘‘ سے ہجرت کر کے نکلا ، اس کا نام بیرح بن اسد تھا ، وہ نبی اکرم ﷺ کے وصال کے کچھ دن بعد مدینہ منورہ پہنچا ، حضرت عمر رضی اللہ عنہ نے اسے دیکھا ، تو انہیں اندازہ ہو گیا کہ یہ اجنبی شخص ہے ، انہوں نے دریافت کیا : تمہارا تعلق کہاں سے ہے ؟ اس نے بتایا : اہل عمان سے ہے ، حضرت عمر رضی اللہ عنہ نے دریافت کیا : کیا اہل عمان سے ہے ؟ اس نے جواب دیا : جی ہاں ! تو حضرت عمر رضی اللہ عنہ نے اس کا ہاتھ پکڑا اور اسے ساتھ لے کر حضرت ابوبکر رضی اللہ عنہ کے پاس گئے اور یہ بات بیان کی : کہ یہ شخص اس سرزمین سے تعلق رکھتا ہے ، جس کے بارے میں ، میں نے نبی اکرم ﷺ کو یہ ارشاد فرماتے ہوئے سنا ہے : ’’ میں ایک ایسی سرزمین کے بارے میں جانتا ہوں ، جس کا نام عمان ہے ، اور اس کے کنارے پر سمندر موجود ہے ، وہاں عربوں کا ایک قبیلہ ہے ، اگر ان لوگوں کے پاس میرا قاصد پہنچ جائے تو وہ لوگ اسے تیر یا پتھر نہیں ماریں گے ۔‘‘ یہ روایت امام احمد نے نقل کی ہے اور اس کے رجال ’’ صحیح ‘‘ کے رجال ہیں ، صرف لمازہ بن زبار کا معاملہ مختلف ہے اور وہ ثقہ ہے امام ابویعلیٰ نے بھی یہ روایت اس طرح نقل کی ہے ۔

EnglishUnverified translation

ʿAlī ibn Abī Ṭālib رضي الله عنه reports the Messenger of Allah ﷺ enjoining him twice to goodness toward the Arabs. > **"O ʿAlī, I enjoin goodness toward the Arabs; I enjoin goodness toward the Arabs."**

اردو ترجمہ · UrduUnverified translation

حضرت علی بن ابوطالب رضی اللہ عنہ روایت کرتے ہیں : نبی اکرم ﷺ نے مجھ سے ارشاد فرمایا : ’’ اے علی ! میں تمہیں عربوں کے بارے میں بھلائی کی تلقین کرتا ہوں ، میں تمہیں عربوں کے بارے میں بھلائی کی تلقین کرتا ہوں ۔‘‘ یہ روایت امام طبرانی اور امام بزار نے نقل کی ہے ، تاہم انہوں نے اس میں یہ الفاظ نقل کئے ہیں : ’’ میں نے نبی اکرم ﷺ کو اپنے سینے کے ساتھ ٹیک دی ہوئی تھی ، تو آپ ﷺ نے ارشاد فرمایا :......‘‘۔ اس کے بعد راوی نے حسب سابق روایت ذکر کی ہے ۔ امام بزار کے رجال کے ضعیف ہونے کے باوجود ان کی توثیق کی گئی ہے ۔

EnglishUnverified translation

Ibn ʿAbbās رضي الله عنهما reports that the Messenger of Allah ﷺ commanded love of the Arabs for three: his Arabness, the Arabic Qurʾān, and the Arabic speech of Paradise's people. > **"Love the Arabs for three: I am Arab, the Qurʾān is Arabic, and the speech of Paradise's people is Arabic."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ تین وجوہ سے ، عربوں سے محبت رکھو ! کیونکہ میں عربی ہوں ، قرآن عربی ہے اور اہل جنت کا کلام عربی ہو گا ۔‘‘ یہ روایت امام طبرانی نے معجم کبیر اور معجم اوسط میں نقل کی ہے ، تاہم انہوں نے یہ الفاظ نقل کئے ہیں : ’’ اہل جنت کی زبان عربی ہو گی ۔‘‘ اس روایت کی سند میں ایک راوی علاء بن عمرو حنفی ہے اور اس کے ضعیف ہونے پر اتفاق ہے ۔

EnglishUnverified translation

Abū Mūsā رضي الله عنه reports that the Messenger of Allah ﷺ supplicated for the Arabs that whoever meets Allah affirming Him be forgiven life's days, the supplication of Ibrāhīm and Ismāʿīl عليهما السلام, with the banner of praise in his hand on the Day of Resurrection and the Arabs nearest to his banner. > **"O Allah, whoever of them meets Thee affirming Thee, forgive him the days of his life."**

اردو ترجمہ · UrduUnverified translation

حضرت ابوموسیٰ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ میں نے عربوں کے لئے دعا کرتے ہوئے یہ کہا : ’’ اے اللہ ! ان میں سے جو شخص ایسی حالت میں تیری بارگاہ میں حاضر ہو کہ وہ تیرے بارے میں اعتراف کرتا ہو ، تو اس کی پوری زندگی کی مغفرت کر دینا ‘‘ حضرت ابراہیم علیہ السلام اور حضرت اسماعیل علیہ السلام کی بھی یہی دعا تھی ، اور قیامت کے دن لواء الحمد میرے ہاتھ میں ہو گا ، اور اُس دن مخلوق میں سے میرے جھنڈے کے سب سے زیادہ قریب عرب ہوں گے ۔‘‘ یہ روایت امام طبرانی نے نقل کی ہے ، امام بزار نے اس میں سے یہ حصہ نقل کیا ہے : ’’ اے اللہ ! ان میں سے جو ایسی حالت میں تیری بارگاہ میں حاضر ہوں کہ وہ تیری تصدیق کرتا ہو اور تجھ پر یقین رکھتا ہو ، تو اس کی مغفرت کر دینا ۔‘‘ ان دونوں روایات کے رجال ’’ ثقہ ‘‘ ہیں ۔

EnglishUnverified translation

Abū Hurayrah رضي الله عنه reports that the Messenger of Allah ﷺ declared himself Arab, the Qurʾān Arabic, and the tongue of Paradise's people Arabic. > **"I am Arab, the Qurʾān is Arabic, and the tongue of Paradise's people is Arabic."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ میں عربی ہوں ، قرآن عربی ہے اور اہل جنت کی زبان عربی ہو گی ۔‘‘ یہ روایت امام طبرانی نے معجم اوسط میں نقل کی ہے ، اس کی سند میں ایک راوی عبدالعزیز بن عمران ہے اور وہ متروک ہے ۔

EnglishUnverified translation

Abū Hurayrah رضي الله عنه reports that the Messenger of Allah ﷺ swore that Allah never sent down direct revelation to a prophet but in Arabic, after which he conveys it to his people in his tongue. > **"By Him in Whose Hand is my soul, Allah never sent down revelation to a prophet between Him and him but in Arabic, then he conveys it to his people in his tongue."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ اس ذات کی قسم ! جس کے دست قدرت میں میری جان ہے ، اللہ تعالیٰ نے جس بھی نبی پر جو بھی وحی نازل کی ، تو اللہ تعالیٰ اور اس نبی کے درمیان ، وہ وحی ، عربی زبان میں ہوتی تھی ، اور پھر اس کے بعد وہ نبی اُس وحی کو اپنی قوم کی زبان میں قوم تک پہنچاتا تھا ۔‘‘ یہ روایت امام طبرانی نے معجم اوسط میں نقل کی ہے ، اس کی سند میں ایک راوی سلیمان بن ارقم ہے اور وہ ضعیف ہے ۔

EnglishUnverified translation

Anas رضي الله عنه reports that the Messenger of Allah ﷺ made love of Quraysh faith and hatred disbelief, and love of the Arabs faith and hatred disbelief, tying love and hatred of the Arabs to love and hatred of himself. > **"Love of Quraysh is faith and hatred of them disbelief, and love of the Arabs is faith and hatred of them disbelief."**

اردو ترجمہ · UrduUnverified translation

حضرت انس رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ قریش سے محبت رکھنا ایمان ہے اور اُن سے بغض رکھنا کفر ہے ، عربوں سے محبت رکھنا ایمان ہے اور اُن سے بغض رکھنا کفر ہے ، جو شخص عربوں سے محبت رکھتا ہے وہ مجھ سے محبت رکھتا ہے اور جو عربوں سے بغض رکھتا ہے وہ مجھ سے بغض رکھتا ہے ۔‘‘ یہ روایت امام طبرانی نے معجم اوسط میں نقل کی ہے اور اس کی سند میں ایک راوی ہیثم بن جماز ہے اور وہ متروک ہے ۔

EnglishUnverified translation

ʿAlī رضي الله عنه reports that the Messenger of Allah ﷺ declared none hates the Arabs but a hypocrite. > **"None hates the Arabs but a hypocrite."**

اردو ترجمہ · UrduUnverified translation

حضرت علی رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ عربوں سے بغض کوئی منافق ہی رکھے گا ۔‘‘ یہ روایت عبداللہ نے نقل کی ہے اس کی سند میں ایک راوی زید بن جبیرہ ہے اور وہ متروک ہے ۔

EnglishUnverified translation

Ibn ʿUmar رضي الله عنهما reports hearing the Messenger of Allah ﷺ declare no believer hates the Arabs, nor does a believer love Thaqīf. > **"No believer hates the Arabs, and no believer loves Thaqīf."**

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ’’ کوئی مومن ، عربوں سے بغض نہیں رکھے گا اور کوئی مومن ، ثقیف سے محبت نہیں رکھے گا ۔‘‘ یہ روایت امام طبرانی نے نقل کی ہے ، اس کی سند میں ایک راوی سہل بن عامر ہے اور وہ ضعیف ہے ۔

EnglishUnverified translation

Jābir ibn ʿAbd Allāh رضي الله عنه reports that the Prophet ﷺ tied the humiliation of Islam to the humiliation of the Arabs. > **"When the Arabs are humiliated, Islam is humiliated."**

اردو ترجمہ · UrduUnverified translation

حضرت جابر بن عبداللہ رضی اللہ عنہما نبی اکرم ﷺ کا یہ فرمان نقل کرتے ہیں : ’’ جب عرب ذلت کا شکار ہو جائیں گے تو اسلام کمزور ہو جائے گا ۔‘‘ یہ روایت امام ابویعلیٰ نے نقل کی ہے ، اس کی سند میں ایک راوی محمد بن خطاب بصری ہے جسے ازدی اور دیگر لوگوں نے ضعیف قرار دیا ہے ، ابن حبان نے اسے ثقہ کہا ہے ، اس روایت کے بقیہ رجال ’’ صحیح ‘‘ کے رجال ہیں ۔

EnglishUnverified translation

Jarīr reports from the Prophet ﷺ that Iblīs despaired of being worshipped in the land of the Arabs. > **"Iblīs has despaired of being worshipped in the land of the Arabs."**

اردو ترجمہ · UrduUnverified translation

حضرت جریر رضی اللہ عنہ نبی اکرم ﷺ کا یہ فرمان نقل کرتے ہیں : ’’ ابلیس اس بات سے مایوس ہو چکا ہے کہ عرب کی سرزمین پر اس کی عبادت کی جائے ۔‘‘ یہ روایت امام طبرانی نے نقل کی ہے اس کی سند میں ایک راوی حصین بن عمر احمسی ہے ، جس کو عجلی نے ثقہ قرار دیا ہے اور جمہور نے اسے ضعیف کہا ہے ، اس روایت کے بقیہ رجال ’’ صحیح ‘‘ کے رجال ہیں ۔

EnglishUnverified translation

Abū al-Dardāʾ رضي الله عنه and ʿUbādah ibn al-Ṣāmit رضي الله عنه report the Messenger of Allah ﷺ telling them Satan despaired of being worshipped in the Arabian Peninsula. > **"Satan has despaired of being worshipped in the Arabian Peninsula."**

اردو ترجمہ · UrduUnverified translation

حضرت ابودرداء رضی اللہ عنہ اور حضرت عبادہ بن صامت رضی اللہ عنہ بیان کرتے ہیں : نبی اکرم ﷺ نے ہم سے فرمایا : ’’ شیطان اس بات سے مایوس ہو چکا ہے کہ جزیرہ عرب میں اُس کی عبادت کی جائے ۔‘‘ ( علامہ ہیثمی فرماتے ہیں : ) میں یہ کہتا ہوں : اس کے بعد انہوں نے پوری حدیث ذکر کی ہے ۔ یہ روایت امام طبرانی نے نقل کی ہے اور اس کی سند حسن ہے ۔