Hadith 15448–15487

EnglishUnverified translation

Muḥammad ibn ʿAbdillāh ibn Numayr reported that Shuraḥbīl ibn Ḥasanah was so named for his mother Ḥasanah, among those who emigrated to Abyssinia.

اردو ترجمہ · UrduUnverified translation

محمد بن عبداللہ بن نمیر بیان کرتے ہیں : حضرت شرحبیل بن حسنہ رضی اللہ عنہ ۔’’ حسنہ ‘‘ ان کی والدہ کا نام تھا اور یہ ان خواتین میں سے ایک ہیں ، جنہوں نے حبشہ کی طرف ہجرت کی تھی ۔ یہ روایت امام طبرانی نے نقل کی ہے ۔

EnglishUnverified translation

Al-Ṭabarānī reported that Dhaqirah, mother of Udhaynah's child, was said to have companionship.

اردو ترجمہ · UrduUnverified translation

امام طبرانی بیان کرتے ہیں : سیدہ ذقرہ رضی اللہ عنہا اذینہ کی ام ولد تھیں ، ایک قول کے مطابق انہیں صحابیہ ہونے کا شرف حاصل ہے ۔

EnglishUnverified translation

He reported that Rāʾiṭah bint Munabbih ibn al-Ḥajjāj al-Sahmī was the mother of ʿAbdullāh ibn ʿAmr ibn al-ʿĀṣ.

اردو ترجمہ · UrduUnverified translation

امام طبرانی بیان کرتے ہیں : سیدہ رائطہ بنت منبہ بن حجاج سہمی رضی اللہ عنہا یہ حضرت عبداللہ بن عمرو بن العاص رضی اللہ عنہ کی والدہ تھیں ۔

EnglishUnverified translation

He reported that Saffānah bint Ḥātim was the sister of ʿAdī ibn Ḥātim.

اردو ترجمہ · UrduUnverified translation

امام طبرانی بیان کرتے ہیں : سیدہ سفانہ بنت حاتم رضی اللہ عنہا ، یہ حضرت عدی بن حاتم رضی اللہ عنہ کی بہن تھیں ۔

EnglishUnverified translation

He reported that al-Sawdāʾ was the daughter of Khalaf ibn Ḍirār ibn ʿAbdillāh ibn Qurṭ ibn Zarāḥ ibn ʿAdī ibn Kaʿb.

اردو ترجمہ · UrduUnverified translation

امام طبرانی بیان کرتے ہیں : سیدہ سوداء رضی اللہ عنہا بنت خلف بن ضرار بن عبداللہ قرط بن زراح بن عدی بن کعب ۔

EnglishUnverified translation

He reported that Shaymāʾ bint al-Ḥārith ibn ʿAbd al-ʿUzzā ibn Rifāʿah was the foster sister of the Messenger of Allah ﷺ.

اردو ترجمہ · UrduUnverified translation

امام طبرانی بیان کرتے ہیں : سیدہ شیماء رضی اللہ عنہا بنت حارث بن عبدالعزیٰ بن رفاعہ ، یہ نبی اکرم ﷺ کی رضائی بہن تھیں ۔

EnglishUnverified translation

He reported that Laylā bint Abī Ḥathmah ibn Ḥudhayfah ibn Ghānim ibn ʿAbdillāh ibn ʿUbayd ibn Huwayj ibn ʿAdī ibn Kaʿb, mother of ʿAbdullāh ibn ʿĀmir ibn Rabīʿah, was among emigrant women, noting her account concerned emigration to Abyssinia.

اردو ترجمہ · UrduUnverified translation

امام طبرانی بیان کرتے ہیں : سیده لیلیٰ رضی اللہ عنہا بنت ابوحثمہ بن حذیفہ بن غانم بن عبداللہ بن عبید بن ہویج بن عدی بن کعب ، یہ حضرت عبداللہ بن عامر بن ربیعہ کی والدہ تھیں اور ہجرت کرنے والی خواتین میں سے ایک ہیں ۔ ( علامہ ہیثمی فرماتے ہیں : ) میں یہ کہتا ہوں : اس خاتون نے حبشہ کی طرف ہجرت کرنے کے بارے میں حدیث نقل کی ہے ۔

EnglishUnverified translation

He reported Umm Usayd al-Anṣāriyyah.

اردو ترجمہ · UrduUnverified translation

امام طبرانی بیان کرتے ہیں : سیدہ ام اسید انصاریہ رضی اللہ عنہا ۔

EnglishUnverified translation

He reported that Umm ʿAbdillāh bint al-Ḥārith ibn Qudayd al-Hudhaliyyah, mother of ʿAbdullāh ibn Masʿūd, was granted by ʿUmar among women's acquisition from spoils.

اردو ترجمہ · UrduUnverified translation

امام طبرانی بیان کرتے ہیں : سیدہ ام عبدالله رضی اللہ عنہا بنت حارث بن قدید ہذلیہ ، یہ حضرت عبداللہ بن مسعود رضی اللہ عنہ کی والدہ ہیں ، حضرت عمر رضی اللہ عنہ نے مال غنیمت میں سے خواتین کے لئے جو حصہ لیا تھا ، اُس میں ان کے لئے حصہ مقرر کیا تھا ۔

EnglishUnverified translation

Al-ʿAbbās رضي الله عنه reported that ʿAbd al-Muṭṭalib married Hālah bint Uhayb ibn ʿAbd Manāf ibn Zuhrah, who bore him Ḥamzah and Ṣafiyyah.

اردو ترجمہ · UrduUnverified translation

حضرت عباس رضی اللہ عنہ بیان کرتے ہیں : جناب عبدالمطلب نے ہالہ بنت اہیب بن عبدمناف بن زہرہ سے شادی کی تھی ، تو اس خاتون نے جناب عبدالمطلب کے صاحبزادے حضرت حمزہ رضی اللہ عنہ اور صاحبزادی سیدہ صفیہ رضی اللہ عنہا کو جنم دیا تھا ۔ یہ روایت امام طبرانی نے نقل کی ہے اس کی سند میں ایک راوی عبدالعزیز بن عمران ہے اور وہ ضعیف ہے ۔

EnglishUnverified translation

ʿUrwah in naming those who witnessed Badr with the Messenger of Allah ﷺ listed Ḥamzah ibn ʿAbd al-Muṭṭalib.

اردو ترجمہ · UrduUnverified translation

عروہ نے نبی اکرم ﷺ کے ساتھ غزوہ بدر میں شرکت کرنے والے افراد کے ناموں میں ، حضرت حمزہ بن عبدالمطلب رضی اللہ عنہ کا ذکر کیا ہے ۔ یہ روایت امام طبرانی نے ’’ مرسل ‘‘ روایت کے طور پر نقل کی ہے اور اس کی سند حسن ہے ۔

EnglishUnverified translation

Ibn Shihāb in naming those who witnessed Badr with the Messenger of Allah ﷺ listed Ḥamzah ibn ʿAbd al-Muṭṭalib ibn ʿAbd Manāf.

اردو ترجمہ · UrduUnverified translation

ابن شہاب نے نبی اکرم ﷺ کے ساتھ غزوہ بدر میں شرکت کرنے والوں کے ناموں میں ، حضرت حمزہ بن عبدالمطلب بن عبدمناف رضی اللہ عنہ کا ذکر کیا ہے ۔ یہ روایت امام طبرانی نے ’’ مرسل ‘‘ روایت کے طور پر نقل کی ہے اور اس کے رجال ثقہ ہیں ۔

EnglishUnverified translation

Muḥammad ibn Kaʿb al-Quraẓī reported that Ḥamzah's Islam رضي الله عنه was from zeal, he was an archer leaving the sanctuary to hunt, returning past Quraysh gatherings at al-Ṣafā and al-Marwah boasting of shots and deeds then going home, one day returning from shooting a woman met him telling him O Abā ʿUmārah what his nephew suffered from Abū Jahl ibn Hishām in insult, assault and deeds, he asked if any saw, she swore people saw, he advanced to the gathering where Abū Jahl sat, leaned upon his bow recounting shots and deeds, then gripped the bow with both hands striking between Abū Jahl's ears breaking its tooth, declaring take it by bow and another by sword, testifying he was Allah's Messenger come with truth from Allah, they answered O Abā ʿUmārah he reviled their gods and even his excellence would not excuse that, nor was he ever foul. > **"I testify that he is the Messenger of Allah and that he has come with the truth from Allah."**

اردو ترجمہ · UrduUnverified translation

محمد بن کعب قرظی بیان کرتے ہیں : حضرت حمزہ رضی اللہ عنہ نے ، حمیت کی وجہ سے اسلام قبول کیا تھا ، وہ ایک تیر انداز شخص تھے ، وہ حرم کی حدود سے باہر شکار کرنے کے لئے چلے گئے ، جب وہ واپس آئے تو وہ قریش کی ایک محفل کے پاس سے گزرتے ، وہ لوگ صفا اور مروہ کے پاس بیٹھے ہوئے ہوتے تھے ، جب حضرت حمزہ رضی اللہ عنہ ان کے پاس سے گزرتے تو انہیں یہ بتاتے : میں نے اتنے اتنے تیر مارے اور میں نے اتنے اتنے جانوروں کو گرا دیا ، پھر وہ اپنے گھر واپس چلے جاتے ، اسی طرح وہ ایک دن تیر اندازی کر کے واپس آئے ، تو ایک خاتون کی ان سے ملاقات ہوئی ، تو اس خاتون نے کہا : اے ابوعمارہ ! ابوجہل بن ہشام کی طرف سے آپ کے بھتیجے کو کس صورت حال کا سامنا کرنا پڑا ہے ؟ ابوجہل نے انہیں برا کہا ہے اور ان کی گستاخی کی ہے اور ان کے ساتھ یہ کیا ہے اور وہ کیا ہے ، حضرت حمزہ رضی اللہ عنہ نے دریافت کیا : کیا کسی نے اس کو ایسا کرتے ہوئے دیکھا ہے ؟ اس خاتون نے جواب دیا : جی ہاں ! اللہ کی قسم ! کئی لوگوں نے اس کو دیکھا ہے ، تو حضرت حمزہ رضی اللہ عنہ وہاں سے چلتے ہوئے صفا اور مروہ کے پاس اُن لوگوں کی محفل میں آئے ، وہاں وہ لوگ بیٹھے ہوئے تھے ، ان کے درمیان ابوجہل بھی بیٹھا ہوا تھا ، حضرت حمزہ رضی اللہ عنہ نے اپنی کمان کے ساتھ ٹیک لگائی اور بتایا : میں نے اتنے اتنے تیر مارے اور یہ یہ کیا ، پھر انہوں نے دونوں ہاتھوں کے ساتھ کمان پکڑی اور اس کے ذریعے ابوجہل کے دونوں کانوں کے درمیان ضرب لگائی ، اور اس کے دانت توڑ دیئے ، پھر انہوں نے کہا : کمان کے ذریعے یہ ضرب سنبھالو ، اور دوسری ( ضرب ) تلوار کے ذریعے ہو گی ، میں اس بات کی گواہی دیتا ہوں کہ وہ اللہ کے رسول ﷺ ہیں ، اور وہ اللہ کی طرف سے حق لے کر آئیں گے ، ان لوگوں نے کہا : اے ابوعمارہ ! وہ ہمارے معبودوں کو برا کہتے ہیں اور جہاں تک آپ کی بات ہے تو آپ اُن سے زیادہ نمایاں حیثیت کے مالک ہیں ، ہم آپ کو ایسا نہیں کرنے دیں گے ، اور اے ابوعمارہ ! آپ تو بدزبانی کرنے والے نہیں تھے ۔ یہ روایت امام طبرانی نے مرسل روایت کے طور پر نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Yaʿqūb ibn ʿUtbah ibn al-Mughīrah ibn al-Akhnas ibn Sharīq, ally of Banū Zuhrah, reported that Abū Jahl confronted the Messenger of Allah ﷺ at al-Ṣafā harming him while Ḥamzah رضي الله عنه, a hunter, was out hunting, upon return his wife who had witnessed Abū Jahl's deed told him O Abā ʿUmārah had he seen what Abū Jahl did to his nephew, Ḥamzah angered went as he was before entering his house, bow hung upon his neck, till the mosque finding Abū Jahl in a Quraysh gathering, wordlessly split his head with his bow, Quraysh men rose to restrain him, Ḥamzah declared his religion Muḥammad's testifying he was Allah's Messenger never turning from it, daring them to prevent him if truthful, and with Ḥamzah's Islam the Messenger of Allah ﷺ and Muslims were strengthened, their affair stabilized, Quraysh feared knowing Ḥamzah would protect him. > **"My religion is the religion of Muḥammad; I testify that he is the Messenger of Allah."**

اردو ترجمہ · UrduUnverified translation

یعقوب بن عتبہ بن مغیرہ بن اخنس بن شریق ، جو بنو زہرہ کے حلیف ہیں ، وہ بیان کرتے ہیں : ایک مرتبہ صفا پہاڑ کے پاس ابوجہل نبی اکرم ﷺ کے سامنے آیا ، اور اس نے نبی اکرم ﷺ کو اذیت پہنچائی ، حضرت حمزہ رضی اللہ عنہ شکار کرنے کے لئے جایا کرتے تھے وہ اُس دن شکار کرنے گئے ہوئے تھے ، جب وہ واپس آئے تو ان کی اہلیہ نے ان سے کہا : وہ خاتون نبی اکرم ﷺ کے ساتھ ابوجہل کے سلوک کو دیکھ چکی تھی ، اُس نے کہا : اے ابوعمارہ ! اگر آپ اس کو دیکھتے کہ اس نے آپ کے بھتیجے کے ساتھ کیا کیا ہے ؟ اس خاتون کی مراد ابوجہل تھا ، تو حضرت حمزہ رضی اللہ عنہ غصے میں آ گئے ، وہ گھر میں داخل ہونے سے پہلے واپس چلے گئے ، انہوں نے اپنی گردن میں کمان لٹکائی ہوئی تھی ، وہ مسجد میں داخل ہوئے ، انہوں نے ابوجہل کو ایک محفل میں بیٹھے ہوئے دیکھا ، انہوں نے اس کے ساتھ کوئی بات چیت نہیں کی ، یہاں تک کہ اس کے سر پر کمان مار کر اسے زخمی کر دیا ، قریش کے کچھ نوجوان اُٹھ کر حضرت حمزہ رضی اللہ عنہ کے پاس آئے تاکہ انہیں روکیں ، تو حضرت حمزہ رضی اللہ عنہ نے کہا : میرا بھی وہی دین ہے جو محمد ( ﷺ ) کا دین ہے ، میں اس بات کی گواہی دیتا ہوں کہ وہ اللہ کا رسول ہے ، اللہ کی قسم ! اب میں اس بات سے پیچھے نہیں ہٹوں گا ، اگر تم لوگ سچے ہو تو مجھے اس سے روک کے دکھاؤ ، جب حضرت حمزہ رضی اللہ عنہ نے اسلام قبول کر لیا ، تو اس کے ذریعے نبی اکرم ﷺ اور مسلمانوں کو مضبوطی کا احساس ہوا اور ان کے بعض معاملات اُن کے لئے پختہ ہو گئے اور قریش خوف زدہ ہو گئے ، اور انہیں یہ بات پتہ چل گئی کہ حضرت حمزہ رضی اللہ عنہ اُن کو روک دیں گے ۔ یہ روایت امام طبرانی نے ’’ مرسل ‘‘ روایت کے طور پر نقل کی ہے اور اس کے رجال ثقہ ہیں ۔

EnglishUnverified translation

Yaḥyā ibn ʿAbd al-Raḥmān ibn Abī Labībah from his father from his grandfather reported that the Messenger of Allah ﷺ swore by Him in whose Hand was his soul that it was written with Allah in the seventh heaven that Ḥamzah was Allah's lion and His Messenger's lion. > **"By Him in whose Hand is my soul, it is written with Allah in the seventh heaven: Ḥamzah is the lion of Allah and the lion of His Messenger."**

اردو ترجمہ · UrduUnverified translation

یحیی بن عبدالرحمن بن ابولبیبہ اپنے والد کے حوالے سے ، اپنے دادا کے حوالے سے ، نبی اکرم ﷺ کا یہ فرمان نقل کرتے ہیں : ’’ اس ذات کی قسم ! جس کے دست قدرت میں میری جان ہے ، ساتویں آسمان میں اللہ تعالیٰ کے پاس یہ لکھا ہوا ہے : ’’ حمزہ ، اللہ اور اس کے رسول کا شیر ہے ۔‘‘ یہ روایت امام طبرانی نے نقل کی ہے ، یحیی نامی راوی اور اس کا والد ، میں ان دونوں سے واقف نہیں ہوں ، اس روایت کے بقیہ رجال ’’ صحیح ‘‘ کے رجال ہیں ۔

EnglishUnverified translation

ʿUmayr ibn Isḥāq reported that Ḥamzah ibn ʿAbd al-Muṭṭalib fought before the Messenger of Allah ﷺ declaring himself Allah's lion and His Messenger's lion. > **"I am the lion of Allah and the lion of His Messenger."**

اردو ترجمہ · UrduUnverified translation

عمیر بن اسحاق بیان کرتے ہیں : حضرت حمزہ بن عبدالمطلب رضی اللہ عنہ نبی اکرم ﷺ کے آگے دو تلواروں کے ساتھ جنگ میں حصہ لیتے تھے اور یہ فرماتے تھے : ’’ میں اللہ کا شیر ہوں اور اس کے رسول کا شیر ہوں ۔‘‘ یہ روایت امام طبرانی نے نقل کی ہے اور اس کے قائل تک اس کے رجال ’’ صحیح ‘‘ کے رجال ہیں ۔

EnglishUnverified translation

ʿAlī, meaning Ibn Abī Ṭālib رضي الله عنه, reported that the Messenger of Allah ﷺ declared the master of martyrs to be Ḥamzah ibn ʿAbd al-Muṭṭalib. > **"The master of martyrs is Ḥamzah ibn ʿAbd al-Muṭṭalib."**

اردو ترجمہ · UrduUnverified translation

حضرت علی بن ابوطالب رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ شہداء کے سردار ، حمزہ بن عبدالمطلب ہیں ۔‘‘ یہ روایت امام طبرانی نے نقل کی ہے اس کی سند میں ایک راوی علی بن حزور ہے اور وہ متروک ہے ۔

EnglishUnverified translation

Jābir رضي الله عنه reported that the Messenger of Allah ﷺ declared the best of martyrs with Allah to be Ḥamzah ibn ʿAbd al-Muṭṭalib. > **"The best of martyrs with Allah is Ḥamzah ibn ʿAbd al-Muṭṭalib."**

اردو ترجمہ · UrduUnverified translation

حضرت جابر رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ اللہ تعالیٰ کے نزدیک تمام شہداء میں سب سے زیادہ فضیلت والے حمزہ بن عبدالمطلب ہیں ۔‘‘ یہ روایت امام طبرانی نے معجم اوسط میں نقل کی ہے ، اس کی سند میں ایک راوی حکیم بن زید ہے ، ازدی کہتے ہیں : اس میں غور و فکر کی گنجائش ہے ، اس روایت کے بقیہ رجال کی توثیق کی گئی ہے ۔

EnglishUnverified translation

Ibn ʿAbbās رضي الله عنهما reported that the Messenger of Allah ﷺ declared the master of martyrs on Resurrection Day to be Ḥamzah ibn ʿAbd al-Muṭṭalib, and a man who stood to an unjust ruler enjoining and forbidding till he killed him. > **"The master of martyrs on Resurrection Day is Ḥamzah ibn ʿAbd al-Muṭṭalib, and a man who stands to an unjust ruler, enjoining him and forbidding him, and he kills him."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ قیامت کے دن تمام شہداء کے سردار ، حمزہ بن عبدالمطلب ہوں گے ، اور وہ شخص ہو گا جو ظالم حکمران کے سامنے کھڑا ہو کر اسے ( نیکی کا ) حکم دے ، یا اُسے ( برائی سے ) منع کرے ، اور وہ ( حکمران ) اُسے قتل کروا دے ۔‘‘ یہ روایت امام طبرانی نے معجم اوسط میں نقل کی ہے ، اور اس میں ضعف پایا جاتا ہے ۔

EnglishUnverified translation

Muḥammad ibn Isḥāq reported that al-ʿAbbās ibn ʿAbd al-Muṭṭalib was called Abū al-Faḍl, his mother Natīlah bint Janāb ibn Kulayb ibn Mālik ibn ʿAbd Manāf ibn ʿAmr ibn ʿĀmir ibn Zayd ibn ʿAbd Manāh ibn ʿĀmir ibn Saʿd ibn al-Khazraj ibn Taym Allāt ibn Namir ibn Qāsiṭ ibn Afṣā ibn Jadīlah ibn Asad ibn Rabīʿah ibn Nizār ibn Maʿadd ibn ʿAdnān.

اردو ترجمہ · UrduUnverified translation

محمد بن اسحاق بیان کرتے ہیں : حضرت عبداللہ بن عباس رضی اللہ عنہما ۔ ان کی کنیت ’’ ابوالفضل ‘‘ تھی ، اُن کی والدہ کا نام نتیلہ بنت جناب بن كليب بن مالک بن عبدمناف بن عمرو بن عامر بن زيد بن عبدمناة بن عامر بن سعد بن خزرج بن تیم بن لات بن نمر بن قاسط بن افصی بن جدیلہ بن اسد بن ربیعہ بن نزار بن معد بن عدنان ہے ۔ یہ روایت امام طبرانی نے نقل کی ہے اور اس کے قائل تک اس کے رجال ثقہ ہیں ۔

EnglishUnverified translation

Ibn ʿAbbās رضي الله عنهما reported that ʿUmar ibn al-Khaṭṭāb told al-ʿAbbās to accept Islam, swearing his Islam was dearer to him than al-Khaṭṭāb's, solely because he was dearer to the Messenger of Allah ﷺ, so his precedence would benefit him. > **"Accept Islam, for by Allah your accepting Islam is dearer to me than al-Khaṭṭāb's accepting Islam."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : حضرت عمر بن خطاب رضی اللہ عنہ نے ، حضرت عباس رضی اللہ عنہ نے کہا : آپ اسلام قبول کر لیں ، اللہ کی قسم ! آپ کا اسلام قبول کرنا میرے نزدیک اس سے زیادہ محبوب ہو گا کہ ( میرے والد ) ’’ خطاب ‘‘ مسلمان ہو جاتے ، اور اس کی وجہ صرف یہ ہے کہ نبی اکرم ﷺ کے نزدیک یہ بات زیادہ محبوب ہے ، تو آپ اسلام قبول کر لیں ، اس طرح آپ کو سبقت حاصل ہو جائے گی ۔ یہ روایت امام بزار نے نقل کی ہے اس کی سند میں ایک راوی عبدالعزیز بن ابان ہے اور وہ متروک ہے ۔

EnglishUnverified translation

Abū Rāfiʿ رضي الله عنه reported he gave the Prophet ﷺ glad tidings of al-ʿAbbās's Islam, whereupon the Messenger of Allah ﷺ freed him.

اردو ترجمہ · UrduUnverified translation

حضرت ابورافع رضی اللہ عنہ بیان کرتے ہیں : انہوں نے نبی اکرم ﷺ کو حضرت عباس رضی اللہ عنہ کے اسلام قبول کرنے کی خوشخبری سنائی ، تو نبی اکرم ﷺ نے انہیں آزاد کر دیا ۔ یہ روایت امام طبرانی نے معجم اوسط میں نقل کی ہے اور اس کی سند حسن ہے ۔

EnglishUnverified translation

Saʿd ibn Abī Waqqāṣ رضي الله عنه reported that the Messenger of Allah ﷺ said of al-ʿAbbās that he was the most generous-handed and most joining of kin among Quraysh. > **"This is al-ʿAbbās ibn ʿAbd al-Muṭṭalib, the most generous-handed of Quraysh and the most joining of kin."**

اردو ترجمہ · UrduUnverified translation

حضرت سعد بن ابی وقاص رضی اللہ عنہ روایت کرتے ہیں : نبی اکرم ﷺ نے حضرت عباس رضی اللہ عنہ کے بارے میں یہ فرمایا : ’’ یہ حضرت عباس بن عبدالمطلب ہیں ، جو قریش میں سب سے زیادہ سخی ہیں ، اور سب سے زیادہ صلہ رحمی کرنے والے ہیں ۔‘‘ یہ روایت امام احمد نے نقل کی ہے ، امام بزار نے اس کی مانند اور نقل کی ہے اور امام ابویعلیٰ نے نقل کی ہے ، تاہم انہوں نے یہ الفاظ روایت کیے ہیں : ہم ’’ بقیع الخیل ‘‘ کے مقام پر نبی اکرم ﷺ کے پاس موجود تھے ، اسی دوران حضرت عباس : تشریف لائے ....... راوی بیان کرتے ہیں : اُس کے بعد انہوں نے حسب سابق حدیث روایت کی ہے ۔ یہ روایت امام طبرانی نے اس کی مانند نقل کی ہے ، تاہم انہوں نے یہ الفاظ نقل کئے ہیں : نبی اکرم ﷺ ایک لشکر کی تیاری کے سلسلے میں نکلے ، آپ نے حضرت عباس رضی اللہ عنہ کو دیکھا تو ارشاد فرمایا :...... یعنی اس کے بعد سابقہ روایت ہے ۔ اس کی سند میں ایک راوی محمد بن طلحہ تیمی ہے ، جس کو ایک سے زیادہ افراد نے ثقہ قرار دیا ہے ، امام احمد اور امام ابویعلیٰ کے بقیہ رجال ’’ صحیح ‘‘ کے رجال ہیں ۔

EnglishUnverified translation

Sahl ibn Saʿd al-Sāʿidī رضي الله عنه reported that al-ʿAbbās ibn ʿAbd al-Muṭṭalib sought the Prophet's ﷺ permission to emigrate, who told him O uncle remain where he was, for Allah would seal emigration with him as He sealed prophethood with him. > **"O uncle, remain in your place, for Allah will seal emigration with you as He sealed prophethood with me."**

اردو ترجمہ · UrduUnverified translation

حضرت سہل بن سعد ساعدی رضی اللہ عنہ بیان کرتے ہیں : حضرت عباس بن عبدالمطلب رضی اللہ عنہ نے نبی اکرم ﷺ سے ہجرت کرنے کی اجازت مانگی تو نبی اکرم ﷺ نے ان سے فرمایا : ’’ اے چچا جان ! آپ اپنی اس جگہ پر مقیم رہیں ، جہاں آپ ہیں ، کیونکہ اللہ تعالیٰ آپ کے ذریعے ہجرت کو ختم کرے گا ، جس طرح اس نے میرے ذریعے نبوت کو ختم کیا ہے ۔‘‘ یہ روایت امام ابویعلیٰ اور امام طبرانی نے نقل کی ہے ، اس کی سند میں ایک راوی ابومصعب اسماعیل بن قیس ہے اور وہ متروک ہے ۔

EnglishUnverified translation

ʿUrwah ibn al-Zubayr reported that al-ʿAbbās had accepted Islam, remained over his watering duty, and did not emigrate.

اردو ترجمہ · UrduUnverified translation

عروہ بن زبیر بیان کرتے ہیں : حضرت عباس رضی اللہ عنہ نے اسلام قبول کر لیا تھا اور وہ ’’ سقایہ ‘‘ ( یعنی حاجیوں کو آب زم زم پلانے ) کی ذمہ داری سرانجام دیتے رہے ، انھوں نے ہجرت نہیں کی ۔ یہ روایت امام طبرانی نے مرسل روایت کے طور پر نقل کی ہے اور اس کی سند حسن ہے ۔

EnglishUnverified translation

Al-Ḥasan ibn ʿAlī رضي الله عنهما reported that the Messenger of Allah ﷺ commanded guarding him concerning al-ʿAbbās, remnant of his forefathers. > **"Guard me concerning al-ʿAbbās, for he is the remnant of my forefathers."**

اردو ترجمہ · UrduUnverified translation

حضرت امام حسن بن علی رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ حضرت عباس رضی اللہ عنہ کے بارے میں ، میری حفاظت کرنا ( یعنی میری وجہ سے ان کا خیال رکھنا ) کیونکہ وہ میرے آباؤ اجداد کا بقیہ ہیں ۔‘‘ یہ روایت امام طبرانی نے معجم صغیر میں اور معجم اوسط میں نقل کی ہے اور اس کی سند میں راویوں کی ایک ایسی جماعت ہے ، جن سے میں واقف نہیں ہوں ۔

EnglishUnverified translation

Ibn ʿAbbās رضي الله عنهما reported that the Messenger of Allah ﷺ commanded treating his uncle al-ʿAbbās well as remnant of his forefathers, for a man's uncle was like his father. > **"Treat my uncle al-ʿAbbās well, for he is the remnant of my forefathers; a man's uncle is like his father."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ میرے چچا حضرت عباس رضی اللہ عنہ کے بارے میں بھلائی کی تلقین قبول کرو ! کیونکہ وہ میرے آباؤ اجداد کا بقیہ ہیں ، اور آدمی کا چچا ، اُس کے باپ کی جگہ ہوتا ہے ۔‘‘ یہ روایت امام طبرانی نے نقل کی ہے ، اس کی سند میں ایک راوی عبداللہ بن خراش ہے اور وہ ضعیف ہے ، ابن حبان نے اسے ثقہ قرار دیا ہے ، وہ کہتے ہیں : یہ بعض اوقات غلطی کر جاتا ہے ، اس روایت کے بقیہ رجال کی توثیق کی گئی ہے ۔

EnglishUnverified translation

ʿIṣmah رضي الله عنه reported that al-ʿAbbās ibn ʿAbd al-Muṭṭalib entered the mosque greeting them but perceived dislike in their faces, returned to the Messenger of Allah ﷺ at home asking why dislike met him, so the Messenger of Allah ﷺ entered the mosque declaring they would not believe in Allah nor be believers till they loved ʿAbbās. > **"O people, you will not believe in Allah nor be believers until you love ʿAbbās."**

اردو ترجمہ · UrduUnverified translation

حضرت عصمہ رضی اللہ عنہ بیان کرتے ہیں : ایک دن حضرت عباس بن عبدالمطلب رضی اللہ عنہ مسجد میں داخل ہوئے ، انہوں نے لوگوں کو سلام کیا ، انہیں لوگوں کے چہرے پر ناگواری کا احساس ہوا ، تو وہ نبی اکرم ﷺ کے پاس آپ کے گھر تشریف لے گئے ، انہوں نے عرض کی : یا رسول اللہ ! کیا وجہ ہے ؟ جب میں مسجد میں داخل ہوا ، تو مجھے لوگوں کے چہرے پر ناگواری کا احساس ہوا ، راوی بیان کرتے ہیں : نبی اکرم ﷺ تشریف لائے ، آپ مسجد میں آئے اور آپ نے ارشاد فرمایا : ’’ اے لوگوں کے گروہ ! تم اُس وقت تک اللہ تعالیٰ پر ایمان رکھنے والے شمار نہیں ہو گے ، اور مومن شمار نہیں ہو گے ، جب تک تم حضرت عباس رضی اللہ عنہ سے محبت نہیں رکھتے ۔‘‘ یہ روایت امام طبرانی نے نقل کی ہے ، اس کی سند میں ایک راوی فضل بن مختار ہے اور وہ ضعیف ہے ۔

EnglishUnverified translation

Sahl ibn Saʿd رضي الله عنه reported that the Prophet ﷺ returned from a campaign on a hot day, water was placed for cooling, al-ʿAbbās came turning his back shading him with his cloak, he asked who it was, they said his uncle al-ʿAbbās O Messenger of Allah, when finished the Prophet ﷺ raised his hands till they appeared from the cloak praying Allah shield his uncle and progeny from the Fire. > **"May Allah shield you, O uncle, and your progeny from the Fire."**

اردو ترجمہ · UrduUnverified translation

حضرت سہل بن سعد رضی اللہ عنہ بیان کرتے ہیں : ایک مرتبہ ، ایک گرم دن میں ، نبی اکرم ﷺ ایک جنگ سے واپس تشریف لائے ، آپ کے لئے پانی رکھا گیا ، تاکہ آپ اس کے ذریعے ٹھنڈک حاصل کریں ، اسی دوران حضرت عباس رضی اللہ عنہ تشریف لے آئے ، انہوں نے نبی اکرم ﷺ کی پشت کی طرف ایک چادر پردے کے طور پر لٹکا دی ، جو ان کے جسم پر تھی ، نبی اکرم ﷺ نے دریافت کیا : کون ہے ؟ لوگوں نے بتایا : یا رسول اللہ ! آپ کے چچا حضرت عباس رضی اللہ عنہ ہیں ، جب نبی اکرم ﷺ غسل کر کے فارغ ہوئے ، تو آپ نے اس چادر سے باہر آ کر دونوں ہاتھ بلند کر کے یہ دعا کی : ’’ اے چچا جان ! اللہ تعالیٰ آپ کو اور آپ کی ذریت کو جہنم سے بچا کے رکھے ۔‘‘ یہ روایت امام طبرانی نے نقل کی ہے ، اس کی سند میں ایک راوی ابومصعب اسماعیل بن قیس ہے اور وہ ضعیف ہے ۔

EnglishUnverified translation

Sahl ibn Saʿd رضي الله عنه reported that the Messenger of Allah ﷺ told his uncle al-ʿAbbās he was the seal of prophets, then raised his hands praying forgiveness for al-ʿAbbās, his sons, and his sons' sons. > **"O Allah, forgive al-ʿAbbās, the sons of al-ʿAbbās, and the sons of the sons of al-ʿAbbās."**

اردو ترجمہ · UrduUnverified translation

حضرت سہل بن سعد رضی اللہ عنہ روایت کرتے ہیں : نبی اکرم ﷺ نے اپنے چچا حضرت عباس رضی اللہ عنہ سے ارشاد فرمایا : ’’ میں انبیاء کے سلسلے کو ختم کرنے والا ہوں ‘‘ پھر نبی اکرم ﷺ نے دونوں ہاتھ بلند کیے اور یہ فرمایا : ’’ اے اللہ ! تو حضرت عباس رضی اللہ عنہ کی ، حضرت عباس رضی اللہ عنہ کے بیٹوں کی اور حضرت عباس رضی اللہ عنہ کے بیٹوں کے بیٹوں کی مغفرت فرما دے ۔‘‘ یہ روایت امام طبرانی نے اپنے استاد عبدالرحمن بن حاتم مرادی سے روایت کی ہے اور وہ متروک ہے ۔

EnglishUnverified translation

ʿAbdullāh ibn al-Ghasīl رضي الله عنه reported he was with the Messenger of Allah ﷺ when he passed al-ʿAbbās bidding him O uncle follow with his sons, he brought six sons, al-Faḍl, ʿAbdullāh, ʿUbaydullāh, ʿAbd al-Raḥmān, Qutham and Maʿbad, the Prophet ﷺ entered them into a house covering them with his black shawl striped with red, praying they were his Household and kin to be shielded from the Fire as the shawl shielded them, whereupon every mud-brick and door in the house said amen. > **"O Allah, my Household and my kin, shield them from the Fire as I have shielded them with this shawl."**

اردو ترجمہ · UrduUnverified translation

حضرت عبداللہ بن غسیل رضی اللہ عنہ بیان کرتے ہیں : میں نبی اکرم ﷺ کے ساتھ تھا ، آپ حضرت عباس رضی اللہ عنہ کے پاس سے گزرے تو آپ نے ارشاد فرمایا : چچا جان ! آپ اپنے بیٹوں کو لے کر میرے پاس آئیں ، تو حضرت عباس رضی اللہ عنہ گئے اور اپنے چھ بیٹوں کو ساتھ لائے ، حضرت فضل رضی اللہ عنہ ، حضرت عبداللہ رضی اللہ عنہ ، حضرت عبیداللہ رضی اللہ عنہ ، حضرت عبدالرحمن رضی اللہ عنہ ، حضرت قثم رضی اللہ عنہ اور حضرت معبد رضی اللہ عنہ ، نبی اکرم ﷺ ان لوگوں کو گھر لے گئے ، آپ نے اپنی سرخ کڑھائی والی سیاہ چادر کے ذریعے انہیں ڈھانپ لیا اور یہ دعا کی : ’’ اے اللہ ! یہ میرے اہل بیت اور میری عترت ہیں ، تو انہیں جہنم سے اُس طرح ڈھانپ لے ( یعنی بچا لے ) جس طرح میں نے انہیں اس چادر کے ذریعے ڈھانپا ہے ۔‘‘ راوی بیان کرتے ہیں : گھر میں جو بھی اینٹ اور دروازہ موجود تھا انہوں نے اس پر آمین کہا ۔ یہ روایت امام طبرانی نے معجم اوسط میں نقل کی ہے ، اس کی سند میں راویوں کی ایک ایسی جماعت ہے ، جن سے میں واقف نہیں ہوں ۔

EnglishUnverified translation

Abū Usayd al-Sāʿidī رضي الله عنه reported that the Messenger of Allah ﷺ told al-ʿAbbās ibn ʿAbd al-Muṭṭalib not to leave his house with his sons next day till he came for a need with them, they awaited till after forenoon, he entered greeting, asking their morning, they praised Allah well, he bade them draw near till he enfolded them in his mantle praying O Lord this was his uncle and his father's like and these his Household, shield them from the Fire as his mantle shielded them, and the threshold and walls said amen thrice. > **"O Lord, this is my uncle and my father's like, and these are my Household, so shield them from the Fire as I have shielded them with this mantle."**

اردو ترجمہ · UrduUnverified translation

حضرت ابواسید ساعدی رضی اللہ عنہ روایت کرتے ہیں : نبی اکرم ﷺ نے حضرت عباس بن عبدالمطلب رضی اللہ عنہ سے ارشاد فرمایا : ’’ کل آپ نے اور آپ کے صاحبزادوں نے گھر سے باہر نہیں جانا ، جب تک میں آپ لوگوں کے پاس نہیں آ جاتا ، کیونکہ مجھے آپ لوگوں سے ایک کام ہے ، اگلے دن وہ لوگ نبی اکرم ﷺ کا انتظار کرتے رہے ، یہاں تک کہ دن چڑھ جانے کے بعد ، نبی اكرم ﷺ ان لوگوں کے پاس تشریف لائے ، آپ نے ارشاد فرمایا : السلام علیکم ! انہوں نے جواب دیا : وعلیکم السلام و رحمۃ اللہ و برکاتہ ، نبی اکرم ﷺ نے دریافت کیا : آپ لوگوں کا کیا حال ہے ؟ انہوں نے جواب دیا : کہ ٹھیک ہے ، ہم اللہ تعالیٰ کی حمد بیان کرتے ہیں ، نبی اکرم ﷺ نے ارشاد فرمایا : آپ لوگ ایک دوسرے کے قریب آ کر مل جائیں ، جب ان لوگوں نے ایسا کر لیا تو نبی اکرم ﷺ نے اپنی چادر ان پر ڈالی اور پھر یہ فرمایا : ’’ اے میرے پروردگار ! یہ میرے چچا ہیں اور یہ میرے والد کی جگہ ہیں اور یہ میرے اہل بیت ہیں ، تو انہیں جہنم سے اُس طرح ڈھانپ کے رکھنا ( یعنی بچا کے رکھنا ) جس طرح میں نے ان لوگوں کو اپنی اس چادر کے ذریعے ڈھانپ کے رکھا ہے ۔‘‘ راوی بیان کرتے ہیں : تو دروازے کی چوکھٹ نے اور گھر کی دیواروں نے اس پر آمین کہتے ہوئے آمین آمین امین کہا ۔ ( علامہ ہیثمی فرماتے ہیں : ) میں یہ کہتا ہوں : امام ابن ماجہ نے کتاب الادب میں اس روایت کا کچھ حصہ نقل کیا ہے ، یہ روایت امام طبرانی نے نقل کی ہے اور اس کی سند حسن ہے ۔

EnglishUnverified translation

Ibn ʿAbbās رضي الله عنهما reported that Abū Bakr had a seat with the Prophet ﷺ he vacated only for al-ʿAbbās, delighting the Messenger of Allah ﷺ, one day al-ʿAbbās approached and Abū Bakr yielded, the Messenger of Allah ﷺ asked why, he said his uncle approached, the Messenger of Allah ﷺ looked then smiled at Abū Bakr noting al-ʿAbbās approached in white while his descendants after him would wear black and twelve men among them would rule, and when al-ʿAbbās asked what he told Abū Bakr he affirmed only good repeating it, which al-ʿAbbās affirmed with his parents' ransom that he spoke only good. > **"This is al-ʿAbbās approaching in white garments, and his descendants after him shall wear black, and twelve men among them shall rule."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : حضرت ابوبکر رضی اللہ عنہ نبی اکرم ﷺ کے ساتھ جب بیٹھے ہوئے ہوتے تھے تو آپ کے پاس سے اُٹھتے نہیں تھے ، البتہ حضرت عباس رضی اللہ عنہ کا معاملہ مختلف تھا ، نبی اکرم ﷺ کو یہ بات پسند تھی ، ایک دن حضرت عباس رضی اللہ عنہ آ رہے تھے تو حضرت ابوبکر رضی اللہ عنہ ان کے لیے اپنی جگہ سے ہٹ گئے ، نبی اکرم ﷺ نے دریافت کیا : تمہیں کیا ہوا ہے ؟ انہوں نے عرض کی : یا رسول اللہ ! آپ کے چچا تشریف لا رہے ہیں ، نبی اکرم ﷺ نے ان کی طرف دیکھا ، پھر حضرت ابوبکر رضی اللہ عنہ کی طرف رخ کر کے مسکراتے ہوئے ارشاد فرمایا : ’’ یہ حضرت عباس رضی اللہ عنہ تشریف لا رہے ہیں ، انہوں نے سفید لباس پہنا ہوا ہے ، حالانکہ ان کے بعد ان کی اولاد سیاہ لباس پہنے گی اور ان لوگوں میں سے بارہ افراد بادشاہ بنیں گے ۔‘‘ جب حضرت عباس رضی اللہ عنہ تشریف لائے تو انہوں نے عرض کی : یا رسول اللہ ! آپ نے ابوبکر سے کچھ کہا ہے ؟ نبی اکرم ﷺ نے فرمایا : میں نے صرف بھلائی کی بات کہی ہے ، حضرت عباس رضی اللہ عنہ نے کہا : میرے ماں باپ آپ پر قربان ہوں ! آپ ٹھیک کہہ رہے ہیں ، آپ صرف بھلائی کی بات کہتے ہیں ، نبی اکرم ﷺ نے ارشاد فرمایا : میں نے یہ کہا تھا کہ حضرت عباس رضی اللہ عنہ تشریف لا رہے ہیں ، جو میرے چچا ہیں انہوں نے سفید لباس پہنا ہوا ہے ، اور ان کے بعد عنقریب ان کی اولاد سیاہ لباس پہنے گی اور ان میں سے بارہ افراد بادشاہ بنیں گے ۔ یہ روایت امام طبرانی نے معجم اوسط میں نقل کی ہے اور معجم کبیر میں اختصار کے ساتھ نقل کی ہے ، اس کی سند میں راویوں کی ایک ایسی جماعت ہے جن سے میں واقف نہیں ہوں ۔

EnglishUnverified translation

ʿAbdullāh ibn Ḥārithah رضي الله عنه reported that when Ṣafwān ibn Umayyah al-Jumaḥī came to the Messenger of Allah ﷺ, he asked O Abā Wahb with whom he lodged, he said with al-ʿAbbās, and he declared him the most loving of Quraysh to Quraysh. > **"With the most loving of Quraysh to Quraysh."**

اردو ترجمہ · UrduUnverified translation

حضرت عبداللہ بن حارثہ رضی اللہ عنہ بیان کرتے ہیں : جب صفوان بن امیہ جمحی نبی اکرم ﷺ کے پاس تشریف لائے ، تو نبی اکرم ﷺ نے ان سے دریافت کیا : اے ابووہب ! آپ کہاں ٹھہرے ہیں ؟ انہوں نے بتایا : میں حضرت عباس رضی اللہ عنہ کے ہاں ٹھہرا ہوں ، نبی اکرم ﷺ نے فرمایا : آپ ایک ایسے فرد کے ہاں ٹھہرے ہیں ، جو قریش میں ، قریش سے سب سے زیادہ محبت رکھتے ہیں ۔ یہ روایت امام طبرانی نے نقل کی ہے اور اس کی سند میں ایسے راوی ہیں ، جن سے میں واقف نہیں ہوں ۔

EnglishUnverified translation

Abū Razīn رضي الله عنه reported al-ʿAbbās was asked who was greater, he or the Prophet ﷺ, and answered he was greater than him though he was born before him, al-ʿAbbās being older, born three years before the Elephant. > **"He is greater than me, though I was born before him."**

اردو ترجمہ · UrduUnverified translation

حضرت ابورزین رضی اللہ عنہ بیان کرتے ہیں : حضرت عباس رضی اللہ عنہ سے دریافت کیا گیا : کون بڑا ہے ؟ آپ ، یا نبی اکرم ﷺ ؟ انہوں نے جواب دیا : وہ مجھ سے بڑے ہیں ، لیکن میں اُن سے پہلے پیدا ہوا تھا ۔ راوی بیان کرتے ہیں : حضرت عباس رضی اللہ عنہ کی عمر ، نبی اکرم ﷺ سے زیادہ تھی ، وہ عام الفیل سے تین سال پہلے پیدا ہوئے تھے ۔ یہ روایت امام طبرانی نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Al-Haytham ibn ʿAdī reported that al-ʿAbbās ibn ʿAbd al-Muṭṭalib, Ibn Masʿūd, and Abū Sufyān ibn Ḥarb perished nine years into ʿUthmān's rule, some saying year thirty-four, and ʿUthmān رضي الله عنهما prayed over him.

اردو ترجمہ · UrduUnverified translation

ہیثم بن عدی بیان کرتے ہیں : حضرت عباس بن عبدالمطلب ، حضرت عبداللہ بن مسعود اور حضرت ابوسفیان بن حرب رضی اللہ عنہم کا انتقال حضرت عثمان رضی اللہ عنہ کے عہد خلافت کے 9 سال گزرنے کے بعد ہوا ۔ بعض لوگ یہ کہتے ہیں : اُن کا انتقال 34 میں ہوا تھا اور حضرت عثمان غنی نے اُن کی نماز جنازہ پڑھائی تھی ۔

EnglishUnverified translation

It reached him that ʿAbd al-Muṭṭalib lost his sight, al-ʿAbbās lost his sight, and ʿAbdullāh ibn al-ʿAbbās lost his sight.

اردو ترجمہ · UrduUnverified translation

وہ بیان کرتے ہیں : مجھ تک یہ روایت پہنچی ہے کہ جناب عبدالمطلب کی بینائی رخصت ہو گئی تھی اور حضرت عباس رضی اللہ عنہ کی بینائی بھی رخصت ہو گئی تھی ، اور حضرت عبداللہ بن عباس رضی اللہ عنہما کی بینائی بھی رخصت ہو گئی تھی ۔

EnglishUnverified translation

It reached him that al-ʿAbbās had ten male children besides females, among them al-Faḍl ibn al-ʿAbbās, ʿAbdullāh, Qutham, ʿAbd al-Raḥmān, Maʿbad, and Umm Ḥabīb, their mother Umm al-Faḍl the younger named Lubābah bint al-Ḥārith ibn Ḥazn ibn Qays Ghaylān, early Muslim in Makkah, about whom the poet said no noble woman bore from a stallion on known hill or plain like six from Umm al-Faḍl's womb, honored gray couple, uncle of the chosen Prophet of merit, seal and best of messengers, while al-Ḥārith ibn al-ʿAbbās's mother was Ḥujaylah bint Jundub ibn Rabīʿah of Tamīm ibn Saʿd ibn Hudhayl ibn Mudrikah, his daughter Ummuhu married al-ʿAbbās ibn ʿUtbah ibn Abī Lahab, Ṣafiyyah full sister of al-Ḥārith though some said otherwise, and Kathīr, ʿAwn, Rawḥ, and Tamām ibn al-ʿAbbās the youngest, Tamām full brother of Kathīr, about whom al-ʿAbbās versified they were completed by Tamām to ten, praying his Lord make them noble dutiful, a remembrance and fruitful growth.

اردو ترجمہ · UrduUnverified translation

مجھ تک یہ روایت پہنچی ہے : حضرت عباس رضی اللہ عنہ کی صاحبزادیوں کے علاوہ ، آپ کے دس بیٹے تھے ، آپ کی اولاد میں حضرت فضل بن عباس رضی اللہ عنہما ، حضرت عبدالله رضی اللہ عنہ ، حضرت قثم رضی اللہ عنہ ، حضرت عبدالرحمن رضی اللہ عنہ ، حضرت معبد رضی اللہ عنہ اور سیدہ ام حبیب رضی اللہ عنہا ، حضرت عباس رضی اللہ عنہ کے ان بچوں کی والدہ سیدہ ام فضل صغریٰ رضی اللہ عنہا ہیں ، اُس خاتون کا نام لبابہ بنت حارث بن حزن بن قیس غیلان ہے ، انہوں نے قدیم زمانے میں ، مکہ میں اسلام قبول کر لیا تھا ۔ سیده ام فضل رضی اللہ عنہ کے بارے میں شاعر نے یہ کہا ہے : ’’ ہمارے علم کے مطابق ، پہاڑ پر یا ہموار جگہ پر ، کسی معزز خاتون نے ایسے بیٹوں کو جنم نہیں دیا جیسے سیدہ ام فضل رضی اللہ عنہا کے چھ بیٹے ہیں ، ان کے حوالے سے بڑھاپے اور بوڑھے فرد کی عزت افزائی ہوئی ( اس خاتون کے شوہر ) نبی مصطفی ﷺ کے چچا ہیں ( وہ نبی مصطفی ﷺ ) جو فضیلت والے ہیں ، رسولوں ( کی بعثت کے سلسلے کو ) ختم کرنے والے ہیں اور سب رسولوں سے بہتر ہیں ۔‘‘ ( حضرت عباس کے صاحبزادوں میں ) ایک حضرت حارث بن عباس رضی اللہ عنہما ہیں ، اُن کی والدہ حجیلہ بنت جندب بن ربیعہ ہیں ، جو تمیم بن سعد بن ہذیل بن مدرکہ کی اولاد میں سے ہے اور امیمہ بنت عباس ہیں ، جن کے ہاتھ عباس بن عتبہ بن ابولہب نے شادی کی تھی ، ایک صفیہ ہیں ، یہ دونوں حارث کی سگی بہنیں تھیں ، بعض لوگوں کا یہ کہنا ہے : اس خاتون کی والدہ حارث کی والدہ سے الگ ہیں ۔ حضرت عباس رضی اللہ عنہ کی دیگر اولاد ، حضرت کثیر بن عباس رضی اللہ عنہما ، حضرت عون بن عباس رضی اللہ عنہما ، حضرت روح رضی اللہ عنہ ، حضرت تمام بن عباس رضی اللہ عنہما ہیں ۔ جو اپنے والد کی اولاد میں ، سب سے چھوٹے ہیں ، یہ بات بیان کی جاتی ہے : حضرت تمام بن عباس رضی اللہ عنہما ، حضرت کثیر بن عباس رضی اللہ عنہما کے سگے بھائی تھے ، حضرت تمام بن عباس رضی اللہ عنہما کے بارے میں حضرت عباس بن عبدالمطلب نے یہ شعر کہے ہیں : ’’ تمام کے ذریعے وہ مکمل ہو گئے اور وہ دس ہو گئے ، تو اے پروردگار ! تو انہیں معزز اور نیک بنا دے ، تو انہیں نصیحت اور سب سے زیادہ پھل پھول والا بنا دے ۔‘‘ یہ روایت امام طبرانی نے نقل کی ہے اور ہیثم بن عدی نامی راوی متروک ہے ۔

EnglishUnverified translation

Al-Haytham ibn ʿAdī reported that al-Faḍl ibn al-ʿAbbās perished four years before his father in year twenty-eight, though they differed saying martyred in Syria at Ajnādayn or Marj al-Ṣuffar both in year thirteen, or at Yarmūk in fifteen, or in ʿAmwās plague in eighteen, dying aged twenty-one.

اردو ترجمہ · UrduUnverified translation

ہیثم بن عدی بیان کرتے ہیں : حضرت فضل بن عباس رضی اللہ عنہما کا انتقال اپنے والد کے انتقال سے چار سال پہلے 28 ہجری میں ہو گیا تھا ، حضرت فضل بن عباس رضی اللہ عنہما کے انتقال کے بارے میں لوگوں نے اختلاف کیا ہے ، بعض کا یہ کہنا ہے کہ انہوں نے جنگ ’’ اجنادین ‘‘ میں شام میں جام شہادت نوش کیا تھا ، ایک قول یہ ہے : جنگ "" مرج صفر ‘‘ میں جام شہادت نوش کیا تھا ، یہ دونوں واقعات 13 ہجری میں پیش آئے تھے ، ایک قول کے مطابق انہوں نے جنگ ’’ یرموک ‘‘ میں 15 ہجری میں جام شہادت نوش کیا ، یہ بات بھی بیان کی گئی ہے : کہ ان کا انتقال ” عمواس ‘‘ کے طاعون میں 18 ہجری میں ہوا ، انتقال کے وقت ان کی عمر 21 سال تھی ۔ یہ روایت امام طبرانی نے نقل کی ہے اور ہیثم نامی راوی متروک ہے ۔

EnglishUnverified translation

Al-Ṭabarānī reported that Jaʿfar ibn Abī Ṭālib al-Ṭayyār in Paradise رضي الله عنه was called Abū ʿAbdillāh, his mother Fāṭimah bint Asad ibn Hāshim.

اردو ترجمہ · UrduUnverified translation

امام طبرانی میں بیان کرتے ہیں : حضرت جعفر طیار بن ابوطالب رضی اللہ عنہ جنتی ہیں ، اُن کی کنیت ابوعبداللہ ہے ، ان کی والدہ سیدہ فاطمہ بنت اسد بن ہاشم رضی اللہ عنہا ہیں ۔