Hadith 15328–15367

EnglishUnverified translation

Ibn ʿAbbās رضي الله عنهما reported he told her she was only named Mother of the Believers to be blessed, and it was her name before she was born. > **"You were only named Mother of the Believers to be blessed, and it is your name before you were born."**

اردو ترجمہ · UrduUnverified translation

حضرت عبداللہ بن عباس رضی اللہ عنہما کے بارے میں یہ بات منقول ہے کہ انہوں نے سیدہ عائشہ رضی اللہ عنہا کے بارے میں یہ شعر کہا : ’’ آپ کا نام اُم المومنین رکھا گیا ہے تاکہ آپ کی سعادت ظاہر ہوا اور آپ کا یہ نام آپ کی پیدائش سے پہلے تجویز کر دیا گیا تھا ۔‘‘ یہ روایت امام احمد نے نقل کی ہے ، اور اس کی سند میں ایک راوی ایسا ہے جس کا نام بیان نہیں کیا گیا ہے ۔

EnglishUnverified translation

Al-Zubayr ibn Bakkār reported that the children of ʿUmar were ʿAbdullāh ibn ʿUmar and his full sister, and their mother Ḥafṣah bint ʿUmar رضي الله عنها wife of the Prophet ﷺ, and ʿAbd al-Raḥmān the elder, and their mother was Zaynab bint Maẓʿūn ibn Ḥabīb ibn Wahb ibn Ḥudhāfah ibn Jumaḥ among the emigrant women, before the Prophet ﷺ she was with Khunays ibn Ḥudhāfah al-Sahmī, her father witnessed Badr, her uncle Zayd ibn al-Khaṭṭāb, her maternal uncles ʿUthmān, Qudāmah and ʿAbdullāh, and her cousin al-Sāʾib ibn ʿUthmān.

اردو ترجمہ · UrduUnverified translation

زبیر بن بکار بیان کرتے ہیں : حضرت عمر رضی اللہ عنہ کے ہاں حضرت عبداللہ بن عمر رضی اللہ عنہما پیدا ہوئے اور ان کی سگی بہن سیدہ حفصہ بنت عمر رضی اللہ عنہما ہیں جو نبی اکرم ﷺ کی زوجہ محترمہ ہیں اور ایک بھائی عبدالرحمن اکبر ہیں ، ان سب کی والدہ کا نام زینب بنت مظعون بن حبیب بن وہب بن حذافہ بن جمح ہے ، یہ ہجرت کرنے والی خواتین میں سے ایک ہیں ۔ سیدہ حفصہ رضی اللہ عنہا نبی اکرم ﷺ سے پہلے حضرت خنیس بن حذافہ سہمی رضی اللہ عنہ کے نکاح میں تھیں ، سیدہ حفصہ رضی اللہ عنہا کے والد ( حضرت عمر رضی اللہ عنہ ) ان کے چچا حضرت زید بن خطاب رضی اللہ عنہ ، ان کے ماموں حضرت عثمان رضی اللہ عنہ ، حضرت قدامہ رضی اللہ عنہ اور حضرت عبداللہ رضی اللہ عنہ اور ان کے ماموں زاد بھائی حضرت سائب بن عثمان رضی اللہ عنہ کو غزوہ بدر میں شرکت کا شرف حاصل ہے ۔ یہ روایت امام طبرانی نے نقل کی ہے ۔

EnglishUnverified translation

Ibn ʿUmar رضي الله عنهما reported that ʿUmar entered upon Ḥafṣah weeping asking what made her weep, perhaps the Messenger of Allah ﷺ had divorced her, for the Prophet ﷺ had divorced and reviewed her for his sake, swearing if he had divorced her he would never speak a word to her ever.

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : ایک مرتبہ حضرت عمر رضی اللہ عنہ سیدہ حفصہ رضی اللہ عنہا کے ہاں آئے تو وہ رو رہی تھیں ، حضرت عمر رضی اللہ عنہ نے دریافت کیا : تم کیوں روتی ہو ؟ شاید اللہ کے رسول نے نہیں طلاق دے دی ہے ، اللہ کے رسول نے پہلے بھی تمہیں طلاق دی تھی اور میری وجہ سے تم سے رجوع کر لیا تھا ، اللہ کی قسم ! اگر اب انہوں نے تمہیں طلاق دے دی تو میں تمہارے ساتھ کبھی کوئی بات نہیں کروں گا ۔ یہ روایت امام طبرانی نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

ʿUqbah ibn ʿĀmir al-Juhanī رضي الله عنه reported that the Prophet ﷺ divorced Ḥafṣah, word reached ʿUmar ibn al-Khaṭṭāb who placed dust upon his head declaring what Allah cared for him O son of al-Khaṭṭāb after her, so Jibrīl عليه السلام descended upon the Prophet ﷺ commanding him by Allah to review Ḥafṣah as mercy for ʿUmar. > **"Allah commands you to take back Ḥafṣah as mercy for ʿUmar."**

اردو ترجمہ · UrduUnverified translation

حضرت عقبہ بن عامر جہنی رضی اللہ عنہ بیان کرتے ہیں : نبی اکرم ﷺ نے سیدہ حفصہ رضی اللہ عنہا کو طلاق دے دی ، حضرت عمر بن خطاب رضی اللہ عنہ کو اس بات کی اطلاع ملی تو انہوں نے اپنے سر میں مٹی ڈالی اور بولے اے ابن خطاب اس کے بعد اللہ تعالیٰ کو تمہاری کیا پرواہ ہو گی ، تو حضرت جبرائیل علیہ السلام نبی اکرم ﷺ پر نازل ہوئے اور بولے : اللہ تعالیٰ آپ کو یہ حکم دیتا ہے کہ آپ سیدہ حفصہ رضی اللہ عنہا سے رجوع کر لیں ، یہ حضرت عمر رضی اللہ عنہ کے لئے رحمت کی وجہ سے ہے ۔ یہ روایت امام طبرانی نے نقل کی ہے اس کی سند میں ایک راوی عمرو بن صالح حضرمی ہے اور میں اس سے واقف نہیں ہوں اور اس کے رجال ثقہ ہیں ۔

EnglishUnverified translation

ʿAmmār ibn Yāsir رضي الله عنه reported that when the Messenger of Allah ﷺ divorced Ḥafṣah, Jibrīl came telling him to take back Ḥafṣah for she was fasting, praying by night, and his wife in Paradise, while al-Ṭabarānī's wording reported the Messenger of Allah ﷺ intended to divorce her when Jibrīl عليه السلام came telling him not to divorce her for the same reason. > **"Take back Ḥafṣah, for she is fasting, praying by night, and she is your wife in Paradise."**

اردو ترجمہ · UrduUnverified translation

حضرت عمار بن یاسر رضی اللہ عنہ بیان کرتے ہیں : جب نبی اکرم ﷺ نے سیدہ حفصہ رضی اللہ عنہا کو طلاق دے دی تو حضرت جبرائیل علیہ السلام نبی اکرم ﷺ کے پاس آئے اور بولے : آپ سیدہ حفصہ رضی اللہ عنہا سے رجوع کر لیں کیونکہ وہ روزہ رکھنے والی نوافل پڑھنے والی خاتون ہیں اور وہ جنت میں آپ کی اہلیہ ہوں گی ۔ یہ روایت امام بزار اور امام طبرانی نے نقل کی ہے تاہم انہوں نے یہ الفاظ نقل کیے ہیں : نبی اکرم ﷺ نے یہ ارادہ کیا کہ آپ سیدہ حفصہ رضی اللہ عنہا کو طلاق دے دیں تو حضرت جبرائیل علیہ السلام آپ کے پاس آئے اور بولے : آپ انہیں طلاق نہ دیں کیونکہ وہ نفلی روزے رکھنے والی نوافل پڑھنے والی خاتون ہیں اور وہ جنت میں آپ کی اہلیہ ہوں گی ۔ ان دونوں کی سند میں ایک راوی حسن بن ابوجعفر ہے اور وہ ضعیف ہے ۔

EnglishUnverified translation

Anas رضي الله عنه reported that the Prophet ﷺ divorced Ḥafṣah and people grieved, her maternal uncle ʿUthmān ibn Maẓʿūn and her brother Qudāmah entered upon her grieving, while with her the Prophet ﷺ entered telling her O Ḥafṣah Jibrīl عليه السلام had just come reporting Allah conveyed salām to him and commanded him to review her for she was fasting, praying by night, and his wife in Paradise. > **"O Ḥafṣah, review her, for she is fasting, praying by night, and she is your wife in Paradise."**

اردو ترجمہ · UrduUnverified translation

حضرت انس رضی اللہ عنہ بیان کرتے ہیں : نبی اکرم ﷺ نے سیدہ حفصہ رضی اللہ عنہا کو طلاق دے دی ، لوگ اس حوالے سے پریشان ہو گئے ، سیدہ حفصہ رضی اللہ عنہا کے ماموں حضرت عثمان بن مظعون رضی اللہ عنہ اور ان کے بھائی حضرت قدامہ رضی اللہ عنہ سیدہ حفصہ رضی اللہ عنہا کے پاس آئے ، یہ حضرات ابھی سیدہ حفصہ رضی اللہ عنہا کے ہاں موجود تھے اور غمگین تھے اسی دوران نبی اکرم ﷺ سیدہ حفصہ رضی اللہ عنہا کے پاس تشریف لائے ، آپ ﷺ نے ارشاد فرمایا : ’’ اے حفصہ ! ابھی جبرائیل میرے پاس آئے تھے اور انہوں نے بتایا کہ اللہ تعالیٰ نے آپ کو سلام کہا ہے اور آپ سے یہ فرمایا ہے کہ آپ حفصہ سے رجوع کر لیں کیونکہ وہ نفلی روزے رکھنے والی نوافل پڑھنے والی خاتون ہیں اور وہ جنت میں آپ کی اہلیہ ہوں گی ۔‘‘ یہ روایت امام طبرانی نے معجم اوسط میں نقل کی ہے اور اس کی سند میں راویوں کی ایک جماعت ایسی ہے جن سے میں واقف نہیں ہوں ۔

EnglishUnverified translation

Qays ibn Yazīd reported that the Messenger of Allah ﷺ divorced Ḥafṣah once, her maternal uncles ʿUthmān and Qudāmah sons of Maẓʿūn came to her, she swore by Allah he had not divorced her from satiety, then the Prophet ﷺ came and entered while she veiled herself, announcing Jibrīl عليه السلام had told him to review Ḥafṣah for she was fasting, praying by night, and his wife in Paradise. > **"Review Ḥafṣah, for she is fasting, praying by night, and she is your wife in Paradise."**

اردو ترجمہ · UrduUnverified translation

حضرت قیس بن یزید رضی اللہ عنہ بیان کرتے ہیں : نبی اکرم ﷺ نے سیدہ حفصہ رضی اللہ عنہا کو ایک طلاق دے دی ، سیدہ حفصہ رضی اللہ عنہا کے دو ماموں حضرت عثمان رضی اللہ عنہ اور حضرت قدامہ رضی اللہ عنہ ، جو دونوں مظعون کے صاحبزادے ہیں ، وہ سیدہ حفصہ رضی اللہ عنہا کے ہاں آئے تو سیدہ حفصہ رضی اللہ عنہا نے بتایا : اللہ کی قسم ! نبی اکرم ﷺ نے مجھے اکتاہٹ کی وجہ سے طلاق نہیں دی ہے ، پھر نبی اکرم ﷺ تشریف لائے ، آپ گھر میں داخل ہوئے تو سیدہ حفصہ رضی اللہ عنہا نے چادر اوڑھ لی ، نبی اکرم ﷺ نے فرمایا : ’’ جبرائیل میرے پاس آئے اور انہوں نے یہ کہا کہ آپ حفصہ سے رجوع کر لیں کیونکہ وہ نوافل پڑھنے والی اور نفلی روزے رکھنے والی خاتون ہیں اور وہ جنت میں آپ کی اہلیہ ہوں گی ۔ یہ روایت امام طبرانی نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Mālik ibn Anas reported that Ḥafṣah died the year Africa was conquered, while Marwān governed Madīnah.

اردو ترجمہ · UrduUnverified translation

امام مالک بن انس بیان کرتے ہیں : سیدہ حفصہ رضی اللہ عنہا کا انتقال اس سال ہوا تھا جس سال افریقہ فتح ہوا تھا جب ان کا انتقال ہوا تھا اس وقت مروان مدینہ منورہ کا گورنر تھا ۔ یہ روایت امام طبرانی نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Zayd ibn Abī Ḥabīb reported that Muʿāwiyah ibn Ḥudayj campaigned to Africa thrice, the first in thirty-four, the second in forty, the third in fifty.

اردو ترجمہ · UrduUnverified translation

یزید بن ابوحبیب بیان کرتے ہیں : حضرت معاویہ بن حدیج رضی اللہ عنہ نے تین مرتبہ افریقہ کے لئے جنگ کی پہلی مرتبہ چونتیس ہجری میں اور دوسری مرتبہ چالیس ہجری میں اور تیسری مرتبہ پچاس ہجری میں ۔ یہ روایت امام طبرانی نے نقل کی ہے اور اس کی سند حسن ہے ۔

EnglishUnverified translation

Al-Ṭabarānī reported that Umm Salamah's name was Hind bint Abī Umayyah Ḥudhayfah ibn al-Mughīrah ibn ʿAbdillāh ibn ʿUmar ibn Makhzūm ibn Yaqaẓah ibn Murrah ibn Kaʿb ibn Luʾayy ibn Ghālib, transmitted by ʿAlī ibn ʿAbd al-ʿAzīz from al-Zubayr ibn Bakkār, noting before the Messenger of Allah ﷺ she was with Abū Salamah ʿAbdullāh ibn ʿAbd al-Asad bearing him Salamah, ʿUmar and Zaynab, then he died and the Messenger of Allah ﷺ succeeded him with her. ---

اردو ترجمہ · UrduUnverified translation

امام طبرانی بیان کرتے ہیں : سیدہ ام سلمہ رضی اللہ عنہا کا نام ہند بنت ابوامیہ حذیفہ بن مغیرہ بن عبدالله بن عمر بن مخزوم بن یقظہ بن مرہ بن کعب بن لؤی بن غالب ہے ۔ وہ کہتے ہیں : علی بن عبدالعزیز نے زبیر بن بکار کے حوالے سے ہمیں یہ نسب بیان کیا ہے وہ بیان کرتے ہیں : نبی اکرم ﷺ سے پہلے سیدہ ام سلمہ رضی اللہ عنہا حضرت ابوسلمہ عبداللہ بن عبدالاسد رضی اللہ عنہ کی اہلیہ تھیں ، سیدہ ام سلمہ رضی اللہ عنہا نے ان کے بچوں حضرت سلمہ رضی اللہ عنہ حضرت عمر رضی اللہ عنہ اور حضرت زینب رضی اللہ عنہا کو جنم دیا تھا پھر ان صاحب کا انتقال ہو گیا تو ان کے بعد نبی اکرم ﷺ نے سیدہ ام سلمہ رضی اللہ عنہا کے ساتھ شادی کر لی ۔

EnglishUnverified translation

Umm Salamah رضي الله عنها reported from the Prophet ﷺ that he came to her, folded his cloak upon the threshold, leaned upon it and asked whether she would have him, she answered she was intensely jealous and feared displaying to the Messenger of Allah ﷺ what he disliked, so he left then returned asking whether she would have him and offering increase in her dower, she repeated her words, whereupon Umm ʿAbd said O Umm Salamah did she know what Quraysh women said, that she only refused Muḥammad seeking a younger wealthier Qurashī youth, so she went to the Messenger of Allah ﷺ and he married her. > **"Would you have me, O Umm Salamah?"**

اردو ترجمہ · UrduUnverified translation

سیدہ ام سلمہ رضی اللہ عنہا نبی اکرم ﷺ کے بارے میں یہ بات نقل کرتی ہیں : نبی اکرم ﷺ ان کے ہاں تشریف لائے ، آپ نے اپنی چادر موڑ کر دروازے کی چوکھٹ پر رکھی اور اس کے ساتھ ٹیک لگا لی اور فرمایا : ام سلمہ ! کیا تمہیں اس میں دلچسپی ہے ، انہوں نے عرض کی : میں ایک ایسی خاتون ہوں جس کے مزاج میں تیزی ہے ، مجھے اندیشہ ہے کہ شاید میں اللہ کے رسول کے سامنے کوئی ایسی حرکت کر دوں گی جو انہیں ناگوار گزرے گی ، تو نبی اکرم ﷺ واپس چلے گئے ، پھر آپ تشریف لائے ، آپ نے فرمایا : اے اُم سلمہ ! کیا تمہیں اس بات میں دلچسپی ہے ( کہ تم میرے ساتھ شادی کر لو ) اگر تم مہر میں اضافہ چاہو تو ہم مزید دے دیں گے ، سیدہ ام سلمہ رضی اللہ عنہا نے اپنی بات دہرا دی ، سیدہ ام عبد رضی اللہ عنہا نے کہا : اے ام سلمہ ! کیا تم جانتی ہو قریش کی خواتین کیا بات چیت کر رہی ہیں وہ یہ کہہ رہی ہیں کہ سیدہ ام سلمہ رضی اللہ عنہا نے نبی اکرم ﷺ کے پیغام کو اس لئے قبول نہیں کیا کیونکہ وہ قریش کے کسی نوجوان سے شادی کرنا چاہتی ہیں جو زیادہ کمسن ہو اور جس کے پاس زیادہ مال ہو ۔ راوی کہتے ہیں پھر سیدہ ام سلمہ رضی اللہ عنہا نبی اکرم ﷺ کے پاس گئیں اور نبی اکرم ﷺ نے ان کے ساتھ شادی کر لی ۔ یہ روایت امام طبرانی نے نقل کی ہے اور اس کے رجال ’’ صحیح ‘‘ کے رجال ہیں ۔ ( علامہ ہیثمی فرماتے ہیں : ) میں یہ کہتا ہوں : اس سے پہلے نبی اکرم ﷺ کے اہل بیت کے فضائل سے متعلق باب میں یہ بات گزر چکی ہے کہ نبی اکرم ﷺ نے ان سے فرمایا تھا : ’’ تم اس بھلائی پر ہو ۔‘‘

EnglishUnverified translation

Al-Haytham ibn ʿAdī reported that the first of the Prophet's wives ﷺ to perish was Zaynab bint Jaḥsh in the caliphate of ʿUmar, and the last to perish was Umm Salamah in the time of Yazīd ibn Muʿāwiyah in year sixty-two.

اردو ترجمہ · UrduUnverified translation

ہیثم بن عدی بیان کرتے ہیں : نبی اکرم ﷺ کی ازواج میں سب سے پہلے سیدہ زینب بنت جحش رضی اللہ عنہا کا انتقال ہوا تھا ، ان کا انتقال حضرت عمر رضی اللہ عنہ کے عہد خلافت میں ہوا تھا اور تمام ازواج میں سب سے آخر میں سیدہ ام سلمہ رضی اللہ عنہا کا انتقال ہوا ، جن کا انتقال یزید بن معاویہ کے عہد حکومت میں باسٹھ ہجری میں ہوا ۔ یہ روایت امام طبرانی نے نقل کی ہے اور اس کے رجال ثقہ ہیں ۔

EnglishUnverified translation

ʿĀʾishah رضي الله عنها reported that the Prophet ﷺ married Sawdah bint Zamʿah, her brother ʿAbd ibn Zamʿah came from Ḥajj throwing dust upon his head, and after accepting Islam declared himself foolish that day for resenting the Prophet's ﷺ marriage to Sawdah.

اردو ترجمہ · UrduUnverified translation

سیدہ عائشہ صدیقہ رضی اللہ عنہا بیان کرتی ہیں : نبی اکرم ﷺ نے سیدہ سودہ بنت زمعہ رضی اللہ عنہا کے ساتھ شادی کر لی ، ان کے بھائی عبد بن زمعہ حج کر کے آئے تو انہوں نے اپنے سر میں مٹی ڈالنا شروع کر دی ، بعد میں جب انہوں نے اسلام قبول کر لیا تو انہوں نے فرمایا : میں اس وقت بے وقوف تھا جب میں نے اپنے سر پر اس وقت مٹی ڈالی تھی جب نبی اکرم ﷺ نے سیدہ سودہ رضی اللہ عنہا کے ساتھ شادی کی تھی ۔ یہ روایت امام طبرانی نے نقل کی ہے اور اس کے رجال ثقہ ہیں ۔ اس سے پہلے سیدہ عائشہ رضی اللہ عنہا کے مناقب سے متعلق باب میں امام احمد کی نقل کردہ ایک روایت گزر چکی ہے ۔

EnglishUnverified translation

Sahl ibn Ḥunayf رضي الله عنه reported that the Messenger of Allah ﷺ then married Sawdah bint Zamʿah, who before him was under al-Sakrān ibn ʿAmr, brother of ʿĀmir ibn Luʾayy.

اردو ترجمہ · UrduUnverified translation

حضرت سہل بن حنیف رضی اللہ عنہ بیان کرتے ہیں : پھر نبی اکرم ﷺ نے سیدہ سودہ بنت زمعہ رضی اللہ عنہا کے ساتھ شادی کر لی ، وہ اس سے پہلے سکران بن عمرو کے نکاح میں تھیں جن کا تعلق بنو عامر بن لؤی سے تھا ۔ یہ روایت امام طبرانی نے نقل کی ہے اس کی سند میں ایک راوی قاسم بن عبداللہ بن مہدی ہے اور وہ ضعیف ہے ، ویسے اس کی توثیق کی گئی ہے اس روایت کے بقیہ رجال ثقہ ہیں ۔

EnglishUnverified translation

ʿAbd al-Raḥmān ibn Sābiṭ reported that the Prophet ﷺ intended separation from Sawdah and summoned Abū Bakr and ʿUmar to witness her divorce, whereupon she pleaded O Messenger of Allah she had no desire for the world except to be mustered on Resurrection Day among his wives with their reward. > **"I have no desire for the world except to be mustered on Resurrection Day among your wives."**

اردو ترجمہ · UrduUnverified translation

حضرت عبدالرحمن بن سابط رضی اللہ عنہ بیان کرتے ہیں : نبی اکرم ﷺ نے سیدہ سودہ رضی اللہ عنہا سے علیحدگی اختیار کرنے کا ارادہ کیا ، آپ نے حضرت ابوبکر رضی اللہ عنہ اور حضرت عمر رضی اللہ عنہ کو بلوایا تاکہ ان دونوں کو اس خاتون کو دی گئی طلاق پر گواہ بنا لیں تو سیدہ سودہ رضی اللہ عنہا نے عرض کی : یا رسول اللہ ! مجھے دنیا میں کوئی رغبت نہیں ہے ، البتہ میں صرف یہ چاہتی ہوں کہ قیامت کے دن میرا حشر آپ کی ازواج میں ہو اور مجھے وہ ثواب ملے جو ان کو ملے گا ۔ یہ روایت امام طبرانی نے مرسل روایت کے طور پر نقل کی ہے اس کی سند میں ایک راوی جابر جعفی ہے اور وہ ضعیف ہے ۔

EnglishUnverified translation

Al-Haytham, or Abū al-Haytham, reported that the Prophet ﷺ divorced Sawdah once, she sat in his path, and when he passed she asked for return and to gift her share to whichever wife he wished, hoping to be raised on Resurrection Day as his wife, so he reviewed her and accepted it from her.

اردو ترجمہ · UrduUnverified translation

حضرت ہیثم ( راوی کو شک ہے شاید یہ الفاظ ہیں ) حضرت ابوالہیثم رضی اللہ عنہ بیان کرتے ہیں : نبی اکرم ﷺ نے سیدہ سودہ رضی اللہ عنہا کو ایک طلاق دے دی وہ نبی اکرم ﷺ کے راستے میں بیٹھ گئیں جب نبی اکرم ﷺ ان کے پاس سے گزرے تو انہوں نے نبی اکرم ﷺ سے یہ درخواست کی کہ آپ رجوع کر لیں اور وہ اپنی باری کا مخصوص دن اس خاتون کو ہبہ کرتی ہیں ، جس زوجہ محترمہ کے بارے میں نبی اکرم ﷺ چاہیں اور انہیں یہ امید ہے کہ قیامت کے دن انہیں ، نبی اکرم ﷺ کی زوجہ کے طور پر اٹھایا جائے گا ، تو نبی اکرم ﷺ نے ان سے رجوع کر لیا اور ان کی اس بات کو قبول کر لیا ۔ یہ روایت امام طبرانی نے نقل کی ہے اور اس کی سند میں ضعف پایا جاتا ہے ۔

EnglishUnverified translation

Zaynab bint Jaḥsh رضي الله عنها reported that several Qurashīs proposed to her so she sent her sister Ḥamnah to consult the Messenger of Allah ﷺ, who asked where she was from one who would teach her her Lord's Book and her Prophet's Sunnah, naming Zayd ibn Ḥārithah, whereupon Ḥamnah angrily objected at marrying his cousin to his freedman, came informing her, she grew angrier and spoke harsher, so Allah revealed no believer male or female had choice when Allah and His Messenger decreed, she then sent word seeking forgiveness, obeying Allah and His Messenger to do as he saw, he married her to Zayd, she behaved proudly toward him, he complained to the Messenger of Allah ﷺ who reproached her, she repeated offense with her tongue, he complained again, the Messenger of Allah ﷺ told him to keep his wife and fear Allah, he declared he would divorce her, did so, and when her waiting period ended she found the Messenger of Allah ﷺ entering upon her while her hair was uncovered, declared it a heavenly command, asked without proposal or witnesses, and he answered Allah was the Marrier and Jibrīl the witness. > **"Allah is the Marrier, and Jibrīl is the witness."**

اردو ترجمہ · UrduUnverified translation

سیده زینب بنت جحش رضی اللہ عنہا بیان کرتی ہیں : قریش کے کچھ نوجوانوں نے مجھے شادی کے لئے پیغام بھیجا ، میں نے اپنی بہن حمنہ کو نبی اکرم ﷺ کے پاس بھیجا تاکہ نبی اکرم ﷺ سے اس بارے میں مشورہ لوں ، تو نبی اکرم ﷺ نے اس سے فرمایا : وہ اس شخص سے کہاں غافل ہے جس نے اسے اس کے پروردگار کی کتاب اور اس کے نبی کی سنت کی تعلیم دی ہے ، حمنہ نے دریافت کیا : وہ کون ہے ؟ نبی اکرم ﷺ نے فرمایا : زید بن حارثہ ، راوی کہتے ہیں ، تو حمنہ شدید غصے میں آ گئیں اور بولیں یا رسول اللہ ! آپ اپنی چچا زاد کی شادی اپنے غلام سے کریں گے ۔ سیدہ زینب رضی اللہ عنہا بیان کرتی ہیں : حمنہ میرے پاس آئی اور اس نے مجھے اس بارے میں بتایا تو میں اس سے بھی زیادہ شدید غصے میں آ گئی اور میں نے اس سے بھی زیادہ سخت بات کہی تو اللہ تعالیٰ نے یہ آیت نازل کی : ’’ کسی مومن مرد اور مومن عورت کے لئے اس بارے میں اختیار نہیں ہے کہ جب اللہ اور اس کا رسول کسی معاملے میں فیصلہ دے دیں تو اس معاملے کے بارے میں ( اس فیصلے کو مسترد کرنے کا ) کوئی اختیار ہو ۔‘‘ سیدہ زینب رضی اللہ عنہا بیان کرتی ہیں : تو میں نے نبی اکرم ﷺ کو پیغام بھیجا کہ میں اللہ تعالیٰ سے مغفرت طلب کرتی ہوں اور اللہ اور اس کے رسول کی اطاعت کرتی ہوں آپ جو مناسب سمجھتے ہیں ویسا کر لیں ، تو نبی اکرم ﷺ نے میری شادی زید کے ساتھ کر دی ، میری طرف سے زید کے ساتھ کچھ نامناسب رویہ ہوا تو انہوں نے میری شکایت نبی اکرم ﷺ سے کی ، نبی اکرم ﷺ نے مجھے ڈانٹا ، پھر میں نے ایسا کیا اور زبانی طور پر انہیں پریشانی کا شکار کیا تو انہوں نے پھر میری شکایت نبی اکرم ﷺ سے کی ، نبی اکرم ﷺ نے فرمایا : تم اپنی بیوی کو اپنے پاس رکھو اور اللہ تعالیٰ سے ڈرتے رہو ، حضرت زید رضی اللہ عنہ نے کہا : یا رسول اللہ ! میں انہیں طلاق دینا چاہتا ہوں ، سیدہ زینب رضی اللہ عنہا نے کہا : انہوں نے مجھے طلاق دے دی ، جب میری عدت ختم ہو گئی تو مجھے پتہ نہیں چلا ، البتہ یہ ہوا کہ نبی اکرم ﷺ میرے ہاں تشریف لائے ، میں نے بال کھولے ہوئے تھے ۔ میں نے کہا : یہ آسمان کی طرف سے آنے والا فیصلہ تھا ، میں نے عرض کی : یا رسول اللہ ! کسی شادی کے پیغام کے بغیر اور کسی گواہ کے بغیر ؟ تو نبی اکرم ﷺ نے فرمایا : اللہ تعالیٰ شادی کروانے والا ہے ، اور جبرائیل گواہ ہے ۔ یہ روایت امام طبرانی نے نقل کی ہے اس کی سند میں ایک راوی حفص بن سلیمان ہے اور وہ متروک ہے اور اس کے بارے میں کمزور توثیق کی گئی ہے ۔

EnglishUnverified translation

Sahl ibn Ḥunayf رضي الله عنه reported that the Prophet ﷺ then married Zaynab bint Jaḥsh, who before him was under Zayd ibn Ḥārithah.

اردو ترجمہ · UrduUnverified translation

حضرت سہل بن حنیف رضی اللہ عنہ بیان کرتے ہیں : پھر نبی اکرم ﷺ نے سیدہ زینب بنت جحش رضی اللہ عنہا کے ساتھ شادی کر لی وہ اس سے پہلے حضرت زید بن حارثہ رضی اللہ عنہ کے نکاح میں تھیں ۔ یہ روایت امام طبرانی نے اپنے استاد قاسم بن عبداللہ بن مہدی کے حوالے سے نقل کی ہے اور وہ ضعیف ہے ویسے اس کی توثیق کی گئی ہے اس روایت کے بقیہ رجال ثقہ ہیں ۔

EnglishUnverified translation

Al-Zuhrī reported that the Messenger of Allah ﷺ married Zaynab bint Jaḥsh ibn Riʾāb ibn Asad ibn Khuzaymah, her mother Umaymah bint ʿAbd al-Muṭṭalib ibn Hāshim, paternal aunt of the Messenger of Allah ﷺ, and she was the first of the Prophet's ﷺ wives to die.

اردو ترجمہ · UrduUnverified translation

زہری بیان کرتے ہیں : نبی اکرم ﷺ نے سیدہ زینب رضی اللہ عنہا بنت جحش بن رئاب بن اسد بن خزیمہ کے ساتھ شادی کر لی ان کی والدہ کا نام امیمہ بنت عبدالمطلب بن ہاشم تھا اور وہ ( یعنی امیمہ ) نبی اکرم ﷺ کی پھوپھی تھیں ۔ راوی بیان کرتے ہیں : نبی اکرم ﷺ کی ازواج میں سب سے پہلے انہی کا ( یعنی سیدہ زینب بنت جحش رضی اللہ عنہا ) کا انتقال ہوا ۔ یہ روایت امام طبرانی نے مرسل روایت کے طور پر نقل کی ہے اور اس کے رجال ثقہ ہیں ۔

EnglishUnverified translation

Muḥammad ibn Isḥāq reported that among Banū Asad women who emigrated were Zaynab bint Jaḥsh and other women whom he named.

اردو ترجمہ · UrduUnverified translation

محمد بن اسحاق بیان کرتے ہیں : بنو اسد کی خواتین میں سے سیدہ زینب بنت جحش رضی اللہ عنہا نے ہجرت کی اور کچھ دیگر خواتین نے بھی کی جن کا ذکر ابن اسحاق نے کیا ہے ۔ یہ روایت امام طبرانی نے نقل کی ہے اور اس کے قائل تک اس کے رجال ثقہ ہیں ۔

EnglishUnverified translation

Abū Bakr ibn Sulaymān ibn Abī Ḥathmah reported in mursal form, part from Umm Salamah as seen, that the Messenger of Allah ﷺ came to Zayd ibn Ḥārithah's house seeking permission, Zaynab admitted him with no head-cover, casting her sleeve's cuff upon her head, he asked of Zayd, she said he went nearby O Messenger of Allah, so the Messenger of Allah ﷺ rose murmuring, Umm Salamah followed hearing him repeat blessed is the Turner of hearts till he vanished. > **"Blessed is the Turner of hearts."**

اردو ترجمہ · UrduUnverified translation

ابوبکر بن سلیمان بن ابوحثمہ بیان کرتے ہیں : نبی اکرم ﷺ حضرت زید بن حارثہ رضی اللہ عنہ کے گھر تشریف لائے ، آپ نے اندر آنے کے لئے اجازت طلب کی ، سیدہ زینب رضی اللہ عنہا نے آپ کو اجازت پیش کی ، ان کے سر پر اس وقت چادر نہیں تھی ، انہوں نے اپنی آستین اپنے سر پر رکھ لی ، نبی اکرم ﷺ نے اس خاتون سے حضرت زید رضی اللہ عنہ کے بارے میں دریافت کیا تو انہوں نے بتایا : یا رسول اللہ ! وہ تھوڑی دور گئے ہیں ( یا تھوڑی دیر پہلے گئے ہیں ) تو نبی اکرم ﷺ اٹھ کھڑے ہوئے ، آپ کے کچھ کہنے کی ہلکی آواز آئی ، سیدہ ام سلمہ رضی اللہ عنہا بیان کرتی ہیں : میں آپ کے پیچھے گئی تو میں نے آپ کو یہ کہتے ہوئے سنا :’’ برکت والی ہے وہ ذات جو دلوں کو پھیر دیتی ہے ‘‘ آپ مسلسل یہ کلمات کہتے رہے ، یہاں تک کہ نگاہوں سے اوجھل ہو گئے ۔ یہ روایت امام طبرانی نے مرسل روایت کے طور پر نقل کی ہے اس کا کچھ حصہ سیدہ ام سلمہ رضی اللہ عنہا سے منقول ہے جیسا کہ آپ ملاحظہ کر سکتے ہیں اس روایت کے بقیہ رجال کی توثیق کی گئی اور اس کے بعض راویوں میں ضعف پایا جاتا ہے ۔

EnglishUnverified translation

Anas رضي الله عنه reported that the Messenger of Allah ﷺ consummated with Zaynab bint Jaḥsh, then narrated the walīmah account till saying Zaynab sat at the side of the house, a woman granted beauty while the Messenger of Allah ﷺ was intensely modest, then narrated the account.

اردو ترجمہ · UrduUnverified translation

حضرت انس رضی اللہ عنہ بیان کرتے ہیں : نبی اکرم ﷺ نے سیدہ زینب بنت جحش رضی اللہ عنہا کی رخصتی کروائی اس کے بعد انہوں نے ولیمہ سے متعلق حدیث ذکر کی ہے جس میں آگے چل کر وہ یہ کہتے ہیں : سیدہ زینب رضی اللہ عنہا گھر کے ایک کونے میں بیٹھی ہوئی تھیں ۔ راوی بیان کرتے ہیں : وہ ایک خاتون تھیں جنہیں خوبصورتی عطا کی گئی تھی اور نبی اکرم ﷺ شدید حیاء والے تھے ........ اس کے بعد راوی نے پوری حدیث ذکر کی ہے ۔ یہ روایت امام ابویعلیٰ نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Rāshid ibn Saʿd reported that the Prophet ﷺ entered his dwelling with ʿUmar ibn al-Khaṭṭāb finding Zaynab bint Jaḥsh praying and supplicating in her prayer, so the Prophet ﷺ declared her oft-returning to Allah. > **"She is indeed awwāhah."**

اردو ترجمہ · UrduUnverified translation

راشد بن سعد بیان کرتے ہیں : نبی اکرم ﷺ اپنے گھر میں داخل ہوئے ، آپ کے ساتھ حضرت عمر بن خطاب رضی اللہ عنہ بھی تھے ، وہاں سیدہ زینب بنت جحش رضی اللہ عنہا نماز ادا کر رہی تھیں اور وہ نماز کے دوران دعا کر رہی تھیں تو نبی اکرم ﷺ نے فرمایا : یہ عبادت گزار عورت ہے ۔ یہ روایت امام طبرانی نے نقل کی ہے اور اس کی سند منقطع ہے اس کی سند میں ایک راوی یحیی بن عبداللہ بابلتی ہے اور وہ ضعیف ہے ۔

EnglishUnverified translation

Abū Barzah رضي الله عنه reported that the Prophet ﷺ had nine wives and said one day the best of them was longest of hand, each stood placing her hand upon the wall, so he clarified he did not mean that but most industrious of hands. > **"The best of you is the longest of you in hand."**

اردو ترجمہ · UrduUnverified translation

حضرت ابوبرزہ رضی اللہ عنہ بیان کرتے ہیں : نبی اکرم ﷺ کی نو ازواج تھیں ، آپ نے ارشاد فرمایا : تم میں سب سے زیادہ بہتر وہ ہے جس کا ہاتھ سب سے زیادہ لمبا ہو ان میں سے ہر خاتون اٹھی اور اس نے دیوار پر رکھ کر اپنا ہاتھ ناپا نبی اکرم ﷺ نے ارشاد فرمایا : میں نے یہ مراد نہیں لیا تھا ، بلکہ میری مراد یہ تھی کہ جو دونوں ہاتھوں کے ذریعے زیادہ کام کرتی ہے ( اور آمدن صدقہ کر دیتی ہے ) ۔ یہ روایت امام ابویعلیٰ نے نقل کی ہے اور اس کی سند حسن ہے یہ روایت اس روایت کے ذریعے مستند ہو جاتی ہے جو آگے آئے گی ۔

EnglishUnverified translation

Maymūnah, wife of the Prophet ﷺ, رضي الله عنها reported that the Messenger of Allah ﷺ entered while they sat and declared the first of them to reach him at the Ḥawḍ would be longest of hand, so they measured forearms which was longest, and the Messenger of Allah ﷺ clarified he did not mean that but most industrious of hand. > **"The first of you to reach me at the Ḥawḍ is the longest of you in hand."**

اردو ترجمہ · UrduUnverified translation

نبی اکرم ﷺ کی زوجہ محترمہ سیدہ میمونہ رضی اللہ عنہا بیان کرتی ہیں : ایک مرتبہ نبی اکرم ﷺ ہمارے پاس تشریف لائے ، ہم بیٹھی ہوئی تھیں ، آپ نے ارشاد فرمایا : تم میں سے حوض پر میرے پاس سب سے پہلے وہ آئے گی ، جس کے ہاتھ سب سے زیادہ لمبے ہیں ، تو ہم نے اپنی کلائیوں کو ناپنا شروع کیا کہ کس کے ہاتھ زیادہ لمبے ہیں ، تو نبی اکرم ﷺ نے فرمایا : میں نے یہ مراد نہیں لیا ، میری مراد یہ تھی کہ جو ہاتھ کے ذریعے زیادہ کام کرتی ہے ۔ یہ روایت امام طبرانی نے معجم اوسط میں نقل کی ہے اس کی سند میں ایک راوی مسلمہ بن علی ہے اور وہ ضعیف ہے ۔

EnglishUnverified translation

ʿAbd al-Raḥmān ibn Abzā reported that ʿUmar gave four takbīrs over Zaynab bint Jaḥsh, then sent to the Prophet's wives ﷺ asking who should lower her into her grave, they answered whoever used to enter upon her in life, then ʿUmar recalled the Messenger of Allah ﷺ used to say the quickest of them to join him was longest of hand, so they stretched hands, though it meant she was craftswoman aiding with her craft in Allah's path. > **"The quickest of you to join me is the longest of you in hand."**

اردو ترجمہ · UrduUnverified translation

عبدالرحمن بن ابزیٰ بیان کرتے ہیں : حضرت عمر رضی اللہ عنہ نے سیدہ زینب بنت جحش رضی اللہ عنہا کی نماز جنازہ میں چار تکبیریں پڑھیں ، پھر انہوں نے نبی اکرم ﷺ کی ازواج کو پیغام بھیج کر دریافت کیا کہ انہیں قبر میں کون اتارے گا ، تو ان ازواج نے بتایا کہ جو شخص ان کی زندگی میں ان کے ہاں آیا کرتا تھا ، پھر حضرت عمر رضی اللہ عنہ نے فرمایا : نبی اکرم ﷺ یہ فرمایا کرتے تھے کہ تم میں سے مجھ سے پہلے وہ ملے گی ، جس کے ہاتھ زیادہ لمبے ہوں گے ، تو نبی اکرم ﷺ کی ازواج نے اپنے ہاتھوں کی پیمائش کی ، حالانکہ اصل بات تھی کہ سیده زینب رضی اللہ عنہا کام کرتی تھیں اور اپنے کیے ہوئے کام کے معاوضے کو اللہ کی راہ میں خرچ کرتی تھیں ۔ یہ روایت امام بزار نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Ibn al-Munkadir reported that Zaynab bint Jaḥsh, wife of the Prophet ﷺ, died in the caliphate of ʿUmar رضي الله عنهما.

اردو ترجمہ · UrduUnverified translation

ابن منکدر بیان کرتے ہیں : نبی اکرم ﷺ کی زوجہ محترمہ سیدہ زینب بنت جحش رضی اللہ عنہا انا کا انتقال حضرت عمر رضی اللہ عنہ کے عہد خلافت میں ہوا تھا ۔ یہ روایت امام طبرانی نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Muḥammad ibn Isḥāq reported that Zaynab bint Jaḥsh, wife of the Prophet ﷺ, died in year twenty.

اردو ترجمہ · UrduUnverified translation

محمد بن اسحاق بیان کرتے ہیں : نبی اکرم ﷺ کی زوجہ محترمہ سیدہ زینب بنت جحش رضی اللہ عنہا کا انتقال بیس ہجری میں ہوا تھا ۔ یہ روایت امام طبرانی نے نقل کی ہے اور اس کے رجال ( مستند ہیں ) ۔

EnglishUnverified translation

Al-Shaʿbī reported he prayed with ʿUmar over Zaynab, she was the first of the Prophet's wives ﷺ to die, ʿUmar wished to lower her into her grave and sent to the Prophet's wives ﷺ asking who should lower her, they answered whoever saw her in life should lower her.

اردو ترجمہ · UrduUnverified translation

امام شعبی بیان کرتے ہیں : انہوں نے حضرت عمر رضی اللہ عنہ کی اقتداء میں سیدہ زینب رضی اللہ عنہا کی نماز جنازہ ادا کی تھی ، نبی اکرم ﷺ کی ازواج میں سے سب سے پہلے اُن کا انتقال ہوا ، حضرت عمر رضی اللہ عنہ کی یہ خواہش تھی کہ وہ سیدہ زینب رضی اللہ عنہا کو قبر میں اتاریں ، انہوں نے نبی اکرم ﷺ کی ازواج کو پیغام بھیج کر دریافت کیا کہ انہیں قبر میں کون اتار سکتا ہے ؟ تو ان ازواج نے بتایا کہ جو ان کی زندگی میں انہیں دیکھ سکتا تھا وہ انہیں قبر میں اتارے گا ۔ یہ روایت امام طبرانی نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Al-Zuhrī reported that the Prophet ﷺ married Zaynab bint Khuzaymah, Mother of the Poor, so named for abundantly feeding the poor, of Banū Hilāl ibn ʿĀmir ibn Ṣaʿṣaʿah, and she died while the Messenger of Allah ﷺ lived, remaining with him only briefly.

اردو ترجمہ · UrduUnverified translation

زہری بیان کرتے ہیں : نبی اکرم ﷺ نے سیدہ زینب بنت خزیمہ رضی اللہ عنہا کے ساتھ شادی کر لی جو ام المساکین ہیں ، انہیں یہ نام اس لئے دیا گیا تھا کہ کیونکہ وہ غریبوں کو کھانا کثرت سے کھلایا کرتی تھیں ، ان کا تعلق بنو ہلال بن عامر بن صعصہ سے تھا ، ان کا انتقال نبی اکرم ﷺ کی زندگی میں ہو گیا تھا اور وہ نبی اکرم ﷺ کے ساتھ تھوڑا ہی عرصہ رہی تھیں ۔ یہ روایت امام طبرانی نے نقل کی ہے اور اس کے رجال ثقہ ہیں ۔

EnglishUnverified translation

Muḥammad ibn Isḥāq reported that the Messenger of Allah ﷺ married Zaynab bint Khuzaymah al-Hilāliyyah, Mother of the Poor, before him with al-Ḥuṣayn, or with al-Ṭufayl ibn al-Ḥārith, she died in Madīnah, first of his wives to die.

اردو ترجمہ · UrduUnverified translation

محمد بن اسحاق بیان کرتے ہیں : نبی اکرم ﷺ نے سیدہ زینب بنت خزیمہ ہلالیہ رضی اللہ عنہا کے ساتھ شادی کر لی ، جو ام المساکین ہیں ، وہ نبی اکرم ﷺ سے پہلے حصین ( راوی کو شک ہے شاید یہ الفاظ ہیں ) طفیل بن حارث کے نکاح میں تھیں ، اس خاتون کا انتقال مدینہ منورہ میں ہوا ۔ نبی اکرم ﷺ کی ازواج میں سب سے پہلے اُنہی کا انتقال ہوا ۔ یہ روایت امام طبرانی نے نقل کی ہے اور اس کے رجال ثقہ ہیں ۔

EnglishUnverified translation

Al-Zuhrī reported that Maymūnah bint al-Ḥārith ibn Ḥazn ibn Bujayr ibn al-Huzam ibn Ruʾaybah ibn ʿAbdillāh ibn Hilāl ibn ʿĀmir ibn Ṣaʿṣaʿah was the one who offered herself to the Prophet ﷺ.

اردو ترجمہ · UrduUnverified translation

زہری بیان کرتے ہیں : یہ سیدہ میمونہ رضی اللہ عنہا بنت حارث بن حزن بن بجیر بن ہزم بن رؤیبہ بن عبداللہ بن ہلال بن عامر بن صعصہ ہیں ، یہ وہ خاتون ہیں جنہوں نے اپنا آپ نبی اکرم ﷺ کو ہبہ کیا تھا ۔ یہ روایت امام طبرانی نے نقل کی ہے اور اس کے رجال ثقہ ہیں ۔

EnglishUnverified translation

Abū Rāfiʿ رضي الله عنه reported he was once in an expedition when the Messenger of Allah ﷺ told him to go bring Maymūnah, he objected he was in the expedition, the Messenger of Allah ﷺ asked whether he did not love what he loved, he affirmed, so he commanded him to go bring her, which he did. > **"Do you not love what I love?"**

اردو ترجمہ · UrduUnverified translation

حضرت ابورافع رضی اللہ عنہ بیان کرتے ہیں : میں ایک مہم میں تھا ، نبی اکرم ﷺ نے فرمایا : تم جاؤ اور میمونہ کو میرے پاس لے آؤ ، میں نے عرض کی : یا رسول اللہ ! میں ایک مہم میں جانا چاہتا ہوں ، نبی اکرم ﷺ نے فرمایا : کیا تمہیں یہ بات پسند نہیں ہے جو مجھے پسند ہو ، میں نے کہا : جی ہاں ! نبی اکرم ﷺ نے فرمایا : تو پھر تم جاؤ اور اسے لے آؤ ، میں گیا اور انہیں لے آیا ۔ یہ روایت امام احمد نے نقل کی ہے اور اس کے رجال ’’ صحیح ‘‘ کے رجال ہیں ، صرف حسن بن علی بن ابورافع کا معاملہ مختلف ہے ، اور وہ ثقہ ہے ۔

EnglishUnverified translation

Anas ibn Mālik رضي الله عنه reported that the Messenger of Allah ﷺ married Maymūnah at Sarif.

اردو ترجمہ · UrduUnverified translation

حضرت انس بن مالک رضی اللہ عنہ بیان کرتے ہیں : نبی اکرم ﷺ نے سرف کے مقام پر سیدہ میمونہ رضی اللہ عنہا کے ساتھ شادی کی تھی ۔ یہ روایت امام طبرانی نے معجم اوسط میں نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Yazīd ibn al-Aṣamm reported that Maymūnah, wife of the Prophet ﷺ, grew heavy in Makkah with none of her nephews present, so she asked to be taken out of Makkah for she would not die in it as the Messenger of Allah ﷺ had told her she would not die in Makkah, they carried her to Sarif to the tree under which the Messenger of Allah ﷺ had consummated with her at the dome's site, she died, and when placed in her laḥd he took his cloak placing it under her cheek, but Ibn ʿAbbās took and cast it away.

اردو ترجمہ · UrduUnverified translation

یزید بن اصم بیان کرتے ہیں : مکہ میں نبی اکرم ﷺ کی زوجہ محترمہ سیدہ میمونہ رضی اللہ عنہا کی طبیعت خراب ہو گئی ، اس وقت ان کے بھتیجوں میں کوئی ان کے پاس موجود نہیں تھا ، تو انہوں نے فرمایا : تم لوگ مجھے مکہ سے باہر لے جاؤ کیونکہ میں یہاں نہیں مرنا چاہتی ، نبی اکرم ﷺ نے مجھے یہ بتایا ہے کہ میں مکہ میں نہیں مروں گی ، راوی کہتے ہیں ، تو وہ لوگ انہیں اٹھا کر سرف کے مقام پر اس درخت کے پاس لے آئے جہاں نبی اکرم ﷺ نے اُن کی رخصتی کروائی تھی اور اس درخت کے نیچے خیمے کی جگہ تھی ، راوی کہتے ہیں وہاں ان کا انتقال ہو گیا ، جب ہم نے انہیں لحد میں اتارا تو میں نے اپنی چادر لی اور وہ لحد میں ان کے رخسار کے نیچے رکھ دی تو حضرت عبداللہ بن عباس رضی اللہ عنہما نے وہ چادر لے کر اسے پھینک دیا ۔ یہ روایت امام ابویعلیٰ نے نقل کی ہے اور اس کے رجال ’’ صحیح ‘‘ کے رجال ہیں ۔

EnglishUnverified translation

Yazīd ibn al-Aṣamm reported he saw the Mother of the Believers shaving her head after the Messenger of Allah ﷺ, and when questioned Yazīd ibn al-Aṣamm considered she debased her adornment.

اردو ترجمہ · UrduUnverified translation

یزید بن اصم بیان کرتے ہیں : میں نے اُم المومنین کو دیکھا کہ نبی اکرم ﷺ کے بعد انہوں نے اپنا سر مونڈوا دیا تھا ۔ میں نے یزید بن اصم سے کہا ( یعنی اس بارے میں دریافت کیا ) تو انہوں نے فرمایا : ان کے بارے میں میرا یہ خیال ہے کہ وہ اپنے حلیے کو خراب کرنا چاہتی تھیں ۔ یہ روایت امام طبرانی نے نقل کی ہے اور اس کے رجال ’’ صحیح ‘‘ کے رجال ہیں ، صرف عقبہ بن وہب کا معاملہ مختلف ہے اور وہ ثقہ ہے ۔

EnglishUnverified translation

Maymūnah رضي الله عنها reported that the Messenger of Allah ﷺ declared the sisters believers, meaning Maymūnah bint al-Ḥārith, Umm al-Faḍl bint al-Ḥārith, Salmā wife of Ḥamzah, and Asmāʾ bint ʿUmays. > **"The sisters are believers."**

اردو ترجمہ · UrduUnverified translation

سیدہ میمونہ رضی اللہ عنہا بیان کرتی ہیں : نبی اکرم ﷺ نے ارشاد فرمایا :” بہنیں مومن ہیں ۔‘‘ نبی اکرم ﷺ کی مراد سیدہ میمونہ بنت حارث رضی اللہ عنہا تھیں اور سیدہ ام فضل بنت حارث رضی اللہ عنہا تھیں اور سیدہ سلمی تھیں ، جو حضرت حمزہ رضی اللہ عنہ کی اہلیہ تھیں اور سیدہ اسماء بنت عمیس رضی اللہ عنہا تھیں ۔ یہ روایت امام طبرانی نے نقل کی ہے اس کی سند میں ایک راوی یعقوب بن محمد زہری ہے جسے ایک جماعت نے ثقہ قرار دیا ہے اور دوسرے لوگوں نے اسے ضعیف کہا ہے اس روایت کے بقیہ رجال ” صحیح “ کے رجال ہیں ۔

EnglishUnverified translation

Muḥammad ibn Isḥāq reported that Maymūnah bint al-Ḥārith, wife of the Prophet ﷺ, died the year of al-Ḥarrah, year sixty-three.

اردو ترجمہ · UrduUnverified translation

محمد بن اسحاق بیان کرتے ہیں : نبی اکرم ﷺ کی زوجہ محترمہ سیدہ میمونہ بنت حارث رضی اللہ عنہا کا انتقال حرہ کے سال تریسٹھ ہجری میں ہوا تھا ۔ یہ روایت امام طبرانی نے نقل کی ہے اور اس کے رجال ثقہ ہیں ۔

EnglishUnverified translation

Al-Zuhrī reported that the Messenger of Allah ﷺ married Umm Ḥabībah bint Abī Sufyān ibn Ḥarb ibn Umayyah ibn ʿAbd Shams ibn ʿAbd Manāf ibn Quṣayy ibn Kilāb ibn Murrah ibn Kaʿb ibn Luʾayy ibn Ghālib ibn Fihr ibn Mālik, her name Ramla, and noted the Messenger of Allah ﷺ married Ruqayyah رضي الله عنها to ʿUthmān ibn ʿAffān رضي الله عنه because Umm Ḥabībah's mother Ṣafiyyah bint Abī al-ʿĀṣ was ʿUthmān's paternal aunt, full sister of ʿAffān, and Sharḥbīl ibn Ḥasanah brought Umm Ḥabībah to the Messenger of Allah ﷺ.

اردو ترجمہ · UrduUnverified translation

زہری بیان کرتے ہیں : نبی اکرم ﷺ نے سیدہ ام حبیبہ رضی اللہ عنہا بنت ابوسفیان بن حرب بن امیہ بن عبدشمس بن عبدمناف بن قصی بن کلاب بن مرہ بن کعب بن لؤی بن غالب بن فہر بن مالک کے ساتھ شادی کی تھی ، سیدہ ام حبیبہ رضی اللہ عنہا کا نام رملہ تھا ، نبی اکرم ﷺ نے سیدہ رقیہ رضی اللہ عنہا کی شادی حضرت عثمان رضی اللہ عنہ سے کروا دی تھی ، کیونکہ سیدہ ام حبیبہ رضی اللہ عنہا کی والدہ صفیہ بنت ابو العاص تھیں اور یہ صفیہ حضرت عثمان رضی اللہ عنہ کی پھوپھی تھیں اور ( حضرت عثمان رضی اللہ عنہ کے والد ) عفان کی سگی بہن تھیں ۔ حضرت شرحبیل بن حسنہ رضی اللہ عنہ سیدہ ام حبیبہ رضی اللہ عنہا کو لے کر نبی اکرم ﷺ کے پاس آئے تھے ۔ یہ روایت امام طبرانی نے نقل کی ہے اور اس کی سند حسن ہے ۔

EnglishUnverified translation

Sahl ibn Ḥunayf رضي الله عنه reported that the Messenger of Allah ﷺ took captive Juwayriyah bint al-Ḥārith ibn Abī Ḍirār of Banū al-Muṣṭaliq of Khuzāʿah in his campaign wherein he demolished Manāt, the campaign of al-Muraysīʿ.

اردو ترجمہ · UrduUnverified translation

حضرت سہل بن حنیف رضی اللہ عنہ بیان کرتے ہیں : غزوہ بنو مصطلق کے موقع پر خزاعہ قبیلے کی شاخ بنو مصطلق کے قیدیوں میں نبی اکرم ﷺ نے سیدہ جویریہ رضی اللہ عنہا بنت حارث بن ابوضرار کو قیدی بنایا تھا ، یہ وہ غزوہ ہے جس میں مناۃ کو منہدم کیا گیا تھا اور اس کو غزوہ مریسیع کہتے ہیں ۔ یہ روایت امام طبرانی نے اپنے استاد قاسم بن عبداللہ بن مہدی کے حوالے سے نقل کی ہے اور وہ ضعیف ہے ویسے اس کی توثیق کی گئی ہے اس روایت کے بقیہ رجال ثقہ ہیں ۔