Hadith 12810–12849

EnglishUnverified translation

ʿAbd Allāh ibn Busr, may Allah be pleased with him, reports that he heard the Messenger of Allah ﷺ say not to come to houses from their doors, but to come to them from their sides, then seek permission, and if permitted enter, otherwise return. > **"Do not come to houses from their doors, but come to them from their sides and seek permission; if you are permitted, enter, otherwise return."**

اردو ترجمہ · UrduUnverified translation

حضرت عبداللہ بن بشر رضی اللہ عنہ بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ’’ تم گھروں کے دروازے کے بالکل سامنے نہ آؤ ، بلکہ اطراف میں آؤ اور پھر اجازت مانگو اگر تمہیں اجازت مل جائے ، تو داخل ہو جاؤ ورنہ واپس چلے جاؤ ۔‘‘ ( علامہ ہیثمی فرماتے ہیں : ) میں یہ کہتا ہوں ان صحابی کے حوالے سے ایک اور حدیث مذکور ہے ، جسے امام ابوداؤد نے روایت کیا ہے ، اور وہ اس روایت کے علاوہ ہے ۔ یہ روایت امام طبرانی نے مختلف طرق کے ساتھ نقل کی ہے ، اور اس روایت کے رجال صحیح کے رجال ہیں ، صرف محمد بن عبدالرحمن بن عرق کا معاملہ مختلف ہے اور وہ ثقہ ہے ۔

EnglishUnverified translation

ʿUbādah ibn al-Ṣāmit, may Allah be pleased with him, reports that the Messenger of Allah ﷺ was asked about seeking permission in houses and said that whoever's eye enters before he seeks permission and greets has no permission left and has disobeyed his Lord. > **"Whoever's eye enters before he seeks permission and greets, there is no permission left and he has disobeyed his Lord."**

اردو ترجمہ · UrduUnverified translation

حضرت عبادہ بن صامت رضی اللہ عنہ بیان کرتے ہیں : نبی اکرم ﷺ سے گھر میں داخل ہونے سے پہلے اجازت لینے کے بارے میں دریافت کیا گیا ، تو آپ نے ارشاد فرمایا : ’’ جس شخص کی نگاہ اجازت لینے اور سلام کرنے سے پہلے داخل ہو گئی ، تو پھر اجازت تو باقی نہ رہی اور اس شخص نے اپنے پروردگار کی نافرمانی کی ۔‘‘ یہ روایت امام طبرانی نے نقل کی ہے ، اسحاق بن یحیی نامی راوی نے حضرت عبادہ رضی اللہ عنہ کا زمانہ نہیں پایا ہے ۔ اس روایت کے بقیہ رجال ثقہ ہیں ۔

EnglishUnverified translation

Ibn ʿAbbās, may Allah be pleased with him, reports that ʿUmar, may Allah be pleased with him, came to the Prophet ﷺ while he was in his upper chamber and said peace be upon you, O Messenger of Allah, peace be upon you all, may ʿUmar enter. > **"Peace be upon you, O Messenger of Allah; peace be upon you all; may ʿUmar enter?"**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : حضرت عمر رضی اللہ عنہ نبی اکرم ﷺ کی خدمت میں حاضر ہوئے ، نبی اکرم ﷺ اس وقت اپنے بالاخانے میں موجود تھے ۔ انہوں نے عرض کی : یا رسول اللہ ! آپ پر سلام ہو ! السلام علیکم ، کیا عمر اندر آ جائے ؟ یہ روایت امام احمد نے نقل کی ہے ، اور اس کے رجال صحیح کے رجال ہیں ۔

EnglishUnverified translation

ʿAbd Allāh ibn Abī Mūsā reports that Mudrik sent him to ʿĀʾishah, may Allah be pleased with her, to ask her about some matters, so he came to her while she was praying the forenoon prayer, and thought to sit until she finished, but they said what was the matter, so he said he wanted to announce himself and asked how to seek permission from her, and he said to say peace be upon you, O Prophet, and the mercy of Allah and His blessings, peace be upon us and upon the righteous servants of Allah, peace be upon the Mothers of the Believers, the wives of the Prophet ﷺ, peace be upon you all, then he mentioned the rest of the account.

اردو ترجمہ · UrduUnverified translation

عبداللہ بن ابوموسیٰ بیان کرتے ہیں : مدرک نے ( راوی کو شک ہے شاید یہ الفاظ ہیں : ) ابن مدرک نے مجھے سیدہ عائشہ رضی اللہ عنہا کی خدمت میں بھیجا تاکہ میں ان سے کچھ چیزوں کے بارے میں دریافت کروں ۔ راوی کہتے ہیں : میں ان کے پاس آیا تو وہ اس وقت چاشت کی نماز ادا کر رہی تھیں ، میں نے سوچا میں بیٹھ جاتا ہوں ، جب تک یہ فارغ نہیں ہو جاتیں ، لوگوں نے کہا : کیا بات ہے ؟ میں نے کہا : میں ان سے اجازت لینا چاہتا ہوں ، میں ان سے کیسے اجازت لوں ، تو اس شخص نے کہا : تم یہ کہو : اے نبی ! آپ پر سلام ہو ، اور اللہ کی رحمت اور اس کی برکتیں نازل ہوں ، ہم پر بھی اور تمام نیک بندوں پر بھی سلام ہو ! امہات المؤمنین اور نبی اکرم ﷺ کی ازواج پر سلام ہو ، اسلام علیکم ....... اس کے بعد راوی نے پوری حدیث ذکر کی ہے ۔ یہ روایت امام احمد نے نقل کی ہے ، اور اس کے رجال صحیح کے رجال ہیں ۔

EnglishUnverified translation

Abū Suwayd al-ʿAbdī reports that they came to Ibn ʿUmar, may Allah be pleased with him, and sat at his door to be given permission, but permission was delayed, so he rose to a hole in the door and began to peer through it, and Ibn ʿUmar noticed him, and when they were permitted and sat, he asked which of them had peered into his house a short while before, and he said it was he, so he asked by what right he deemed it lawful to peer into his house, and he said permission had been delayed so he looked without intending it, then they asked him about matters, and he asked O Abū ʿAbd al-Raḥmān what he said about jihād, and he said that whoever strives strives only for himself.

اردو ترجمہ · UrduUnverified translation

ابوسوید عبدی بیان کرتے ہیں : ہم لوگ حضرت عبداللہ بن عمر رضی اللہ عنہما کے پاس آئے اور ان کے دروازے پر بیٹھ گئے تاکہ ہمیں اجازت مل جائے ، انہوں نے ہمیں اجازت دینے میں تاخیر کر دی ، تو میں اٹھ کر دروازے کی جھری کی طرف بڑھا اور میں نے اندر جھانکنا شروع کیا ، انہیں میرے بارے میں پتہ چل گیا ، جب انہوں نے ہمیں اجازت دی اور ہم بیٹھ گئے ، تو انہوں نے فرمایا : ابھی تھوڑی دیر پہلے تم میں سے کس نے میرے گھر میں جھانکا تھا ؟ میں نے کہا : میں نے ، انہوں نے فرمایا : تم نے کس بنیاد پر اس چیز کو حلال قرار دیا کہ تم میرے گھر میں جھانکو ؟ میں نے جواب دیا : آپ نے ہمارے حوالے سے تاخیر کر دی تھی ، اس لئے میں یہ دیکھ رہا تھا ، میں نے جان بوجھ کر یہ نہیں کیا ، راوی بیان کرتے ہیں : پھر ان لوگوں نے ان سے کچھ چیزوں کے بارے میں دریافت کیا : میں نے کہا : اے ابوعبدالرحمن ! جہاد کے بارے میں آپ کیا کہتے ہیں ؟ انہوں نے فرمایا : جو شخص جہاد کرتا ہے وہ اپنی ذات کے لئے جہاد کرتا ہے ۔ یہ روایت امام احمد نے نقل کی ہے ، اور ابواسود اور برکہ بن یعلیٰ تمیمی نامی دونوں راویوں سے میں واقف نہیں ہوں ۔

EnglishUnverified translation

Sahl ibn Ḥunayf, may Allah be pleased with him, reports from the Prophet ﷺ that while the Messenger of Allah ﷺ was in his chamber, a man peered through a crevice of the house, and he saw him with a comb-like stick in his hand and said that if he had known he was watching him, he would have risen to insert it into his eye, for permission was legislated only to restrain the gaze. > **"If I knew you were watching me, I would have risen to insert this into your eye, for permission is only to restrain the gaze."**

اردو ترجمہ · UrduUnverified translation

حضرت سہل بن حنیف رضی اللہ عنہ نبی اکرم ﷺ کے بارے میں یہ بات نقل کرتے ہیں : ایک مرتبہ نبی اکرم ﷺ اپنے حجرے میں تشریف فرما تھے ، اسی دوران کسی شخص نے دروازے کی جھری میں سے جھانک کر دیکھا ، نبی اکرم ﷺ نے اسے دیکھ لیا ، آپ کے ہاتھ میں اس وقت ایک لکڑی تھی ( جس کے ذریعے خارش کی جاتی تھی ) آپ نے ارشاد فرمایا : اگر مجھے یہ پتہ چل جاتا کہ تم مجھے دیکھ رہے ہو ، تو میں نے اٹھ کر یہ ( لکڑی ) تمہاری آنکھ میں مار دینی تھی ، اجازت لینے کا حکم اس لئے دیا گیا ہے ، تاکہ نگاہ رکی رہے ۔‘‘ ( علامہ ہیثمی فرماتے ہیں : ) میں یہ کہتا ہوں یہ روایت امام طبرانی نے اسی طرح سفیان بن حسین کی زہری کے حوالے سے نقل کردہ روایت کے طور پر نقل کی ہے ، اور یہ روایت ضعیف ہے ۔

EnglishUnverified translation

Jarīr, may Allah be pleased with him, reports that ʿUyaynah ibn Ḥiṣn entered upon the Prophet ﷺ while ʿĀʾishah, may Allah be pleased with her, was with him, and asked who was beside him, so he said ʿĀʾishah, whereupon he asked whether he should step down for him one better than her, meaning his own wife, but the Prophet ﷺ said no, then the Prophet ﷺ told him to go out and seek permission, and he replied that he had taken an oath upon himself never to seek permission from a Muḍarī, so ʿĀʾishah asked who this was, and he said this was a foolish man who is followed. > **"Go out and seek permission."**

اردو ترجمہ · UrduUnverified translation

حضرت جریر رضی اللہ عنہ بیان کرتے ہیں : عیینہ بن حصن رضی اللہ عنہ نبی اکرم ﷺ کی خدمت میں حاضر ہوا ، اس وقت نبی اکرم ﷺ کے پاس سیدہ عائشہ رضی اللہ عنہا موجود تھیں ، اس نے دریافت کیا : یہ آپ کے پہلو میں موجود خاتون کون ہے ؟ نبی اکرم ﷺ نے فرمایا : عائشہ ہے ۔ اس نے عرض کی : یا رسول اللہ ! کیا میں آپ کے لئے اس سے زیادہ بہتر عورت سے لاتعلقی اختیار نہ کر لوں ۔ اس کی مراد اس کی اپنی بیوی تھی ۔ نبی اکرم ﷺ نے فرمایا : جی نہیں ، پھر نبی اکرم ﷺ نے ارشاد فرمایا : تم باہر جاؤ اور اجازت مانگو ، اس نے نبی اکرم ﷺ کی خدمت میں عرض کی : میں نے یہ قسم اٹھائی ہوئی ہے کہ میں مضر قبیلے کے کسی شخص سے اندر آنے کی اجازت نہیں مانگوں گا ( اس کے چلے جانے کے بعد ) سیدہ عائشہ رضی اللہ عنہا دریافت کیا : یہ کون تھا ؟ نبی اکرم ﷺ نے ارشاد فرمایا : یہ ایک ایسا احمق تھا جس کی پیروی کی جاتی ہے ۔ یہ روایت امام طبرانی نے اپنے استاد علی بن سعید بن بشیر کے حوالے سے نقل کی ہے ، اور وہ حافظ الحدیث ہے ، جس نے علم حدیث کی طلب میں بہت زیادہ سفر کیا ہے ۔ اس کے بارے میں یہ بھی کہا گیا ہے کہ وہ اتنے پائے کا نہیں ہے ۔ اس روایت کے بقیہ رجال صحیح کے رجال ہیں ، صرف یحیی بن محمد بن مطیع کا معاملہ مختلف ہے ، اور وہ ثقہ ہے ۔

EnglishUnverified translation

Abū Hurayrah, may Allah be pleased with him, reports that the Messenger of Allah ﷺ sent for them, so they came and sought permission to enter.

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : نبی اکرم ﷺ نے ہمیں پیغام بھیج کر بلوایا ، ہم آئے اور ہم نے اندر آنے کی اجازت مانگی ۔ یہ روایت امام ابویعلیٰ نے نقل کی ہے اور اس کے رجال صحیح کے رجال ہیں ، صرف اسحاق بن ابواسرائیل کا معاملہ مختلف ہے ، اور وہ ثقہ ہے ۔

EnglishUnverified translation

Safīnah, may Allah be pleased with him, reports that he was with the Prophet ﷺ when ʿAlī, may Allah be pleased with him, came seeking permission and knocked the door lightly, so the Prophet ﷺ said O Safīnah, open for him. > **"O Safīnah, open for him."**

اردو ترجمہ · UrduUnverified translation

حضرت سفینہ رضی اللہ عنہ بیان کرتے ہیں : میں نبی اکرم ﷺ کے پاس موجود تھا ، اسی دوران حضرت علی رضی اللہ عنہ تشریف لے آئے ، انہوں نے اجازت مانگتے ہوئے دروازہ آرام سے کھٹکھٹایا ۔ نبی اکرم ﷺ نے فرمایا : اے سفینہ اس کے لئے درواز کھول دو ۔ یہ روایت امام طبرانی نے نقل کی ہے اور اس کی سند میں ایک راوی ضرار بن صرد ہے ، اور وہ ضعیف ہے ۔

EnglishUnverified translation

Al-Ḥasan reports that the nobles of Quraysh gathered at the door of ʿUmar ibn al-Khaṭṭāb, may Allah be pleased with him, among them al-Ḥārith ibn Hishām, Abū Sufyān ibn Ḥarb and Suhayl ibn ʿAmr, along with slaves and freedmen from the Companions of the Messenger of Allah ﷺ, and his chamberlain came out and permitted Bilāl, may Allah be pleased with him, and Ṣuhayb, may Allah be pleased with him, and others, leaving the rest, so Abū Sufyān said he had never seen the like of this day, that he permitted these slaves and left them sitting at his door without permission, whereupon Suhayl ibn ʿAmr, who was a man of reason, said O people, by Allah he saw what was in their faces, and if they were angry they should be angry at themselves, for the people were called and they were called, but they hastened and they delayed, then he said by Allah the virtue they were preceded to is a more severe loss upon them than this door over which they compete. Al-Ḥasan said by Allah, Allah does not make a servant hastening to Him like a servant delaying from Him.

اردو ترجمہ · UrduUnverified translation

حسن بیان کرتے ہیں : ایک مرتبہ قریش کے کچھ معززین حضرت عمر بن خطاب رضی اللہ عنہ کے دروازے کے پاس اکٹھے ہوئے ، ان لوگوں میں حارث بن ہشام ، ابوسفیان بن حرب اور سہیل بن عمرو شامل تھے اور اس کے علاوہ نبی اکرم ﷺ کے اصحاب سے تعلق رکھنے والے کچھ غلام یا آزاد شدہ غلام بھی تھے ، پھر اطلاع دینے والا شخص باہر آیا اور اس نے بتایا : حضرت عمر رضی اللہ عنہ نے حضرت بلال رضی اللہ عنہ اور حضرت صہیب رضی اللہ عنہ اور دیگر لوگوں کو اجازت دیدی ہے ، اور باقی لوگوں کو ابھی نہیں دی ، ابوسفیان نے کہا : میں نے آج کی طرح کا دن کبھی نہیں دیکھا کہ انہوں نے غلاموں کو اجازت دیدی ہے اور ہمیں اپنے دروازے پر بیٹھا چھوڑ دیا ہے ، اور ہمیں اجازت نہیں دی ، تو سہیل بن عمرو جو ایک عقل مند شخص تھے ۔ انہوں نے فرمایا : اے لوگو ! اللہ کی قسم ! تمہارے چہروں کی جو صورت حال ہے ۔ وہ میں دیکھ رہا ہوں ، اگر تم نے غضبناک ہونا ہے ، تو تم اپنی ذات کے حوالے سے غضبناک ہو ، کیونکہ ان لوگوں کو بھی دعوت دی گئی تھی اور تمہیں بھی دعوت دی گئی تھی ، تو ان لوگوں نے ( دعوت قبول کرنے میں ) جلدی کی اور تم لوگوں نے تاخیر کی ، پھر انہوں نے فرمایا : اللہ کی قسم ! تمہیں جو فضیلت نصیب نہیں ہوئی وہ اس سے زیادہ شدید ہے ، جو تم اس دروازے پر ( اجازت نہ ملنے پر ) غصہ کر رہے ہو ۔ حسن بیان کرتے ہیں : اللہ کی قسم ! اللہ تعالیٰ نے اپنی طرف تیزی سے آنے والے بندے کو ، اس بندے کی مانند نہیں بنایا ہے ، جو اس کی طرف تاخیر سے آتا ہے ۔‘‘ یہ روایت امام طبرانی نے نقل کی ہے ، اور اس کے رجال صحیح کے رجال ہیں ، البتہ حسن نامی راوی نے حضرت عمر رضی اللہ عنہ سے سماع نہیں کیا ہے ۔

EnglishUnverified translation

Jundub ibn Sufyān, may Allah be pleased with him, reports that he heard the Messenger of Allah ﷺ say that when one of them seeks permission three times and is not permitted, he should return. > **"When one of you seeks permission three times and is not permitted, let him return."**

اردو ترجمہ · UrduUnverified translation

حضرت جندب بن سفیان رضی اللہ عنہ بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : ” جب تم میں سے کوئی ایک شخص تین مرتبہ اجازت مانگ لے اور اسے اجازت نہ ملے تو اسے واپس چلے جانا چاہیے ۔‘‘ یہ روایت امام طبرانی نے معجم کبیر اور معجم اوسط میں نقل کی ہے ، اور اس کے رجال صحیح کے رجال ہیں ، صرف عباس بن محمد دوری کا معاملہ مختلف ہے ، اور وہ ثقہ ہے ۔

EnglishUnverified translation

Aʿyan al-Jarāmīzī reports that he came to Anas ibn Mālik, may Allah be pleased with him, while he was in a corridor, greeted him and asked whether he should enter, and he said this was a place in which no permission is sought.

اردو ترجمہ · UrduUnverified translation

اعین جرامیزی بیان کرتے ہیں : میں حضرت انس بن مالک رضی اللہ عنہ کے پاس آیا ، وہ اس وقت دہلیز میں موجود تھے ، میں نے انہیں سلام کیا ، میں نے دریافت کیا : کیا میں اندر آ جاؤں ؟ تو انہوں نے فرمایا : یہ وہ والی جگہ ہے ، جس میں اجازت کی ضرورت نہیں ہوتی ۔ یہ روایت امام طبرانی نے نقل کی ہے ، اور اعین نامی راوی مجہول ہے ۔

EnglishUnverified translation

ʿAbd Allāh ibn Masʿūd, may Allah be pleased with him, said that when you invite a man, you have already given him permission.

اردو ترجمہ · UrduUnverified translation

حضرت عبداللہ بن مسعود رضی اللہ عنہ فرماتے ہیں : جب میں کسی شخص کو بلاؤں تو گویا میں نے اسے اجازت دیدی ۔ یہ روایت امام طبرانی نے نقل کی ہے ، اور اس کے رجال صحیح کے رجال ہیں ۔

EnglishUnverified translation

A man reports that they sought permission from ʿAbd Allāh ibn Masʿūd, may Allah be pleased with him, after the dawn prayer, so he permitted them, cast a cloak over his wife and said that he disliked detaining them.

اردو ترجمہ · UrduUnverified translation

ایک صاحب بیان کرتے ہیں : ہم نے حضرت عبداللہ بن مسعود رضی اللہ عنہ کے ہاں صبح کی نماز کے بعد اندر آنے کی اجازت مانگی ، تو انہوں نے ہمیں اجازت دیدی ، انہوں نے اپنی بیوی پر چادر ڈال دی ، انہوں نے فرمایا : مجھے یہ بات اچھی نہیں لگی کہ میں تم لوگوں کو روک کے رکھوں ( یا اندر نہ آنے دوں ) ۔ یہ روایت امام طبرانی نے نقل کی ہے ، اور اس شخص سے میں واقف نہیں ہوں ۔ اس روایت کے بقیہ رجال صحیح کے رجال ہیں ۔

EnglishUnverified translation

Sahl ibn Saʿd, may Allah be pleased with him, reports that the Messenger of Allah ﷺ said not to enter the houses of the protected non-Muslims except with permission. > **"Do not enter the houses of the protected non-Muslims except with permission."**

اردو ترجمہ · UrduUnverified translation

حضرت سہل بن سعد رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ ذمیوں کے گھروں میں اجازت لیے بغیر داخل نہ ہو ۔‘‘ یہ روایت امام طبرانی نے نقل کی ہے ۔ اس کی سند میں ایک راوی عبدالمنعم بن بشیر ہے ، اور وہ ضعیف ہے ۔

EnglishUnverified translation

ʿAbd Allāh ibn ʿAmr, may Allah be pleased with him, reports that the Prophet ﷺ asked a man how he was, O so-and-so, and he said he praised Allah to him, O Messenger of Allah, so the Messenger of Allah ﷺ said this is what he wanted from him. > **"How are you, O so-and-so?"**

اردو ترجمہ · UrduUnverified translation

حضرت عبداللہ بن عمرو رضی اللہ عنہ کرتے ہیں : نبی اکرم ﷺ نے ایک شخص سے دریافت کیا : اے فلاں تمہارا کیا حال ہے ؟ اس نے عرض کی : یا رسول اللہ میں آپ کے سامنے اللہ کی حمد بیان کرتا ہوں ، نبی اکرم ﷺ نے ارشاد فرمایا : یہی چیز میں تم سے چاہتا تھا ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی رشدین بن سعد ہے اور وہ ضعیف ہے ۔ وہ کہتے ہیں : یہ روایت نبی اکرم ﷺ کے حوالے سے صرف اسی سند کے ساتھ منقول ہے ۔

EnglishUnverified translation

Abū Ṣāliḥ reports that ʿAmr ibn al-ʿĀṣ, may Allah be pleased with him, sought permission from Fāṭimah, may Allah be pleased with her, and she permitted him, so he asked whether ʿAlī was there, and they said no, so he returned, then sought permission from her another time and asked whether ʿAlī was there, and they said yes, so he entered, whereupon ʿAlī, may Allah be pleased with him, asked what had prevented him from entering when he had not found him there, and he said that the Messenger of Allah ﷺ had forbidden them from entering upon women whose husbands were absent.

اردو ترجمہ · UrduUnverified translation

ابوصالح بیان کرتے ہیں : حضرت عمرو بن العاص رضی اللہ عنہ نے سیدہ فاطمہ رضی اللہ عنہا کے ہاں اندر آنے کی اجازت مانگی ، سیدہ فاطمہ رضی اللہ عنہا نے انہیں اجازت دیدی ، انہوں نے دریافت کیا : کیا حضرت علی رضی اللہ عنہ ہیں ؟ گھر والوں نے بتایا : جی نہیں ۔ تو وہ واپس چلے گئے ۔ پھر بعد میں انہوں نے دوسری مرتبہ ان کے ہاں آنے کی اجازت مانگی اور دریافت کیا : حضرت علی رضی اللہ عنہ ہیں ؟ تو گھر والوں نے بتایا : جی ہاں ، تو وہ گھر آ گئے ، حضرت علی رضی اللہ عنہ نے ان سے دریافت کیا : آپ نے جب مجھے نہیں پایا تھا تو آپ اس وقت اندر کیوں نہیں آئے تھے ؟ تو حضرت عمرو رضی اللہ عنہ نے بتایا : نبی اکرم ﷺ نے ہمیں اس بات سے منع کیا ہے کہ ہم ایسی خواتین کے پاس جائیں ، جن کے شوہر گھر میں موجود نہ ہوں ۔ ( علامہ ہیثمی فرماتے ہیں : ) میں یہ کہتا ہوں یہ روایت امام ترمذی نے بھی نقل کی ہے ، تاہم انہوں نے سیدہ فاطمہ رضی اللہ عنہا کی جگہ سیدہ اسماء رضی اللہ عنہا کا ذکر کیا ہے ۔ یہ روایت امام احمد نے نقل کی ہے ، اور اس کے رجال صحیح کے رجال ہیں ، البتہ ابوصالح نامی راوی نے سیدہ فاطمہ رضی اللہ عنہا سے سماع نہیں کیا ہے ۔ اس نے حضرت عمرو رضی اللہ عنہ سے سماع کیا ہے ۔

EnglishUnverified translation

Ibn ʿAbbās, may Allah be pleased with him, reports that the Prophet ﷺ would take good omens and would not take evil omens, and a good name pleased him.

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ فال لے لیتے تھے لیکن آپ شگون نہیں لیتے تھے اور آپ کو اچھا نام پسند تھا ۔ یہ روایت امام احمد نے اور امام طبرانی نے نقل کی ہے ۔ اس کی سند میں ایک راوی لیث بن ابوسلیم ہے ، اور وہ جھوٹ کے بغیر ضعیف ہے ۔

EnglishUnverified translation

ʿAbd Allāh ibn al-Shikhkhīr, may Allah be pleased with him, reports that when the Messenger of Allah ﷺ asked about a man's name and it was good, that would be recognized in his face, and if it was otherwise he disliked it, and when he stopped at a village he would ask its name, and if its name was good he rejoiced at that, and if it was otherwise that would be seen in his face.

اردو ترجمہ · UrduUnverified translation

حضرت عبداللہ بن شخیر رضی اللہ عنہ بیان کرتے ہیں : نبی اکرم ﷺ جب کسی شخص کا نام پوچھتے تھے ، تو اگر وہ اچھا ہوتا تھا تو اچھائی کا اندازہ آپ کے چہرے سے ہو جاتا تھا ، اور اگر وہ اس کے علاوہ ہوتا تھا تو آپ اس کو ناپسند کرتے تھے ، جب آپ کسی بستی میں پڑاؤ کرتے تھے ، تو وہاں کا نام دریافت کر لیتے تھے ، اگر اس کا نام اچھا ہوتا تھا تو آپ اس بات پر خوش ہوتے تھے اور اگر وہ اس کے علاوہ ( یعنی برا ) ہوتا تھا تو اس کا اندازہ آپ کے چہرے سے ہو جاتا تھا ۔ یہ روایت امام طبرانی نے معجم کبیر اور معجم اوسط میں نقل کی ہے ، اور اس کے رجال صحیح کے رجال ہیں ، صرف سعید بن بشیر کا معاملہ مختلف ہے ، اور وہ ثقہ ہے اور اس میں ضعف پایا جاتا ہے ۔

EnglishUnverified translation

Abū Hurayrah, may Allah be pleased with him, reports that the Messenger of Allah ﷺ said that part of the right of a child upon his father is that he make his name good and make his upbringing good. > **"Part of the right of a child upon his father is that he make his name good and make his upbringing good."**

اردو ترجمہ · UrduUnverified translation

حضرت ابوہریرہ رضی اللہ عنہ نبی اکرم ﷺ کا یہ فرمان نقل کرتے ہیں : ’’ والد کے ذمہ اولاد کے حقوق میں یہ بات شامل ہے کہ والد اس کا نام اچھا رکھے اور اس کی تربیت اچھی طرح سے کرے ۔‘‘ یہ روایت امام بزار نے نقل کی ہے ۔ اس کی سند میں ایک راوی عبداللہ بن سعید مقبری ہے ، اور وہ متروک ہے ۔

EnglishUnverified translation

Abū Hurayrah, may Allah be pleased with him, reports that the Messenger of Allah ﷺ said that when they send a messenger to him, they should send one of handsome face and handsome name. > **"When you send a messenger to me, send one of handsome face and handsome name."**

اردو ترجمہ · UrduUnverified translation

ان کے حوالے سے یہ بات منقول ہے ۔ وہ بیان کرتے ہیں : نبی اکرم ﷺ نے ارشاد فرمایا : ’’ جب تم لوگ میری طرف کسی قاصد کو بھیجو ، تو ایسے شخص کو بھیجو جس کا چہرہ بھی اچھا ہو اور نام بھی اچھا ہو ۔‘‘ یہ روایت امام بزار نے اور امام طبرانی نے معجم اوسط میں نقل کی ہے ، امام طبرانی کی سند میں ایک راوی عمر بن راشد ہے ، جسے عجلی نے ثقہ قرار دیا ہے ، اور جمہور ائمہ نے اسے ضعیف کہا ہے ۔ اس روایت کے بقیہ رجال ثقہ ہیں ، امام بزار کا طریق ضعیف ہے ۔

EnglishUnverified translation

Yaʿīsh al-Ghifārī, may Allah be pleased with him, reports that the Messenger of Allah ﷺ called for a she-camel one day and asked who would milk it, so a man said he would, and asked his name, and he said Murrah, so he told him to sit, then another stood and asked his name, and he said Murrah, so he told him to sit, then another stood and asked his name, and he said Jamrah, so he told him to sit, then Yaʿīsh stood and asked his name, and he said Yaʿīsh, so he told him to milk it. > **"What is your name? Milk it."**

اردو ترجمہ · UrduUnverified translation

حضرت یعیش غفاری رضی اللہ عنہ بیان کرتے ہیں : ایک دن نبی اکرم ﷺ نے اونٹنی منگوائی ، آپ نے دریافت کیا : کون اس کا دودھ دوہ لے گا ؟ ایک صاحب نے عرض کی : میں ۔ نبی اکرم ﷺ نے دریافت کیا : تمہارا نام کیا ہے ؟ اس نے عرض کی : مرہ ( یعنی کڑوا ) نبی اکرم ﷺ نے فرمایا : تم بیٹھ جاؤ ۔ پھر ایک اور صاحب کھڑے ہوئے ۔ نبی اکرم ﷺ نے دریافت کیا : تمہارا کیا نام ہے ؟ اس نے کہا : مرہ ۔ نبی اکرم ﷺ نے ارشاد فرمایا : تم بیٹھ جاؤ ۔ پھر ایک اور صاحب کھڑے ہوئے ، نبی اکرم ﷺ نے دریافت کیا : تمہارا نام کیا ہے ؟ اس نے جواب دیا : جمرہ ( یعنی انگارہ ) نبی اکرم ﷺ نے فرمایا : تم بیٹھ جاؤ ۔ پھر حضرت یعیش رضی اللہ عنہ کھڑے ہوئے ، نبی اکرم ﷺ نے دریافت کیا : تمہارا نام کیا ہے ؟ انہوں نے جواب دیا : یعیش ۔ نبی اکرم ﷺ نے فرمایا : تم اس کا دودھ دوہ لو ۔ یہ روایت امام طبرانی نے نقل کی ہے ، اور اس کی سند حسن ہے ۔

EnglishUnverified translation

Abū Ḥadrad, may Allah be pleased with him, reports that the Prophet ﷺ asked who would drive these camels of theirs, or who would convey them, so a man stood and asked his name, and he said so-and-so, so he told him to sit, then another stood and said he would, and asked his name, and he said Nājiyah, so he said he was for it and told him to drive them. > **"What is your name? You are for it, so drive them."**

اردو ترجمہ · UrduUnverified translation

حضرت ابوحددرد رضی اللہ عنہ نبی اکرم ﷺ کا یہ فرمان نقل کرتے ہیں : ’’ کون ہمارے ان اونٹوں کو ہانک کر لے جائے گا ( راوی کو شک ہے شاید یہ الفاظ ہیں : ) کون ہمارے اونٹوں کو ( منزل مقصود تک ) پہنچائے گا ، تو ایک صاحب کھڑے ہوئے ، نبی اکرم ﷺ نے دریافت کیا : تمہارا نام کیا ہے ؟ انہوں نے جواب دیا : فلاں ۔ پھر ایک اور صاحب کھڑے ہوئے انہوں نے عرض کی : میں ایسا کر دوں گا ۔ نبی اکرم ﷺ نے دریافت کیا : تمہارا نام کیا ہے ؟ انہوں نے جواب دیا : ناجیہ ۔ نبی اکرم ﷺ نے فرمایا : تم یہ کام کرو گے ، تم انہیں لے جاؤ ۔ یہ روایت امام طبرانی نے احمد بن بشیر کے حوالے سے اس کے چچا سے نقل کی ہے ، اور میں نے ان دونوں کے بارے میں کوئی جرح یا کوئی تعدیل نہیں پائی ہے ۔ اس روایت کے بقیہ رجال ثقہ ہیں ۔

EnglishUnverified translation

ʿAbd al-Raḥmān ibn Abī ʿAmrah reports from his uncle that the Messenger of Allah ﷺ said not to combine his name and his kunya. > **"Do not combine my name and my kunya."**

اردو ترجمہ · UrduUnverified translation

عبدالرحمن بن ابوعمرہ اپنے چچا کے حوالے سے یہ بات نقل کرتے ہیں : نبی اکرم ﷺ نے ارشاد فرمایا : ’’ میرے نام اور میری کنیت کو جمع نہ کرو ۔‘‘ یہ روایت امام احمد نے نقل کی ہے ، اور اس کے رجال صحیح کے رجال ہیں ۔

EnglishUnverified translation

Abū Ḥumayd, may Allah be pleased with him, reports that the Messenger of Allah ﷺ said that whoever is named with his name should not use his kunya. > **"Whoever is named with my name, let him not use my kunya."**

اردو ترجمہ · UrduUnverified translation

حضرت ابوحمید رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جو شخص میرے نام کے مطابق نام رکھتا ہے ، تو وہ میری کنیت کے مطابق کنیت اختیار نہ کرے ‘‘ یہ روایت امام بزار نے نقل کی ہے ۔ اس کی سند میں ایک راوی ابوبکر بن ابوسبرہ ہے اور وہ متروک ہے ۔

EnglishUnverified translation

On the authority of Ibn ʿAbbās رضي الله عنهما, the Messenger of Allah ﷺ gave instruction concerning his blessed name and kunya. > **"Name yourselves with my name, but do not take my kunya."**

اردو ترجمہ · UrduUnverified translation

حضرت عبداللہ بن عباس رضی اللہ عنہ نبی اکرم ﷺ کا یہ فرمان نقل کرتے ہیں : ’’ میرے نام کے مطابق نام رکھو لیکن میری کنیت کے مطابق کنیت اختیار نہ کرو ۔‘‘ یہ روایت امام طبرانی نے دو اسناد کے ساتھ نقل کی ہے ، اور ان دونوں میں سے ایک کے رجال ثقہ ہیں ۔

EnglishUnverified translation

Muḥammad ibn Faḍāla al-Ẓafarī رضي الله عنه reported that the Messenger of Allah ﷺ arrived when he was two weeks old, he was brought to him, he wiped his head, commanded his naming, and he was later taken for Ḥajjat al-Wadāʿ at ten years of age. He lived long until his head grew white, except the spot touched by the hand of the Messenger of Allah ﷺ never grew white. > **"Name him with my name, and do not give him my kunya."**

اردو ترجمہ · UrduUnverified translation

حضرت محمد بن فضالہ ظفری رضی اللہ عنہ بیان کرتے ہیں ، جب نبی اکرم ﷺ مدینہ منورہ تشریف لائے ، تو میں دو ہفتوں کا تھا ، مجھے آپ کی خدمت میں لایا گیا ، آپ نے میرے سر پر ہاتھ پھیرا اور ارشاد فرمایا : ’’ میرے نام کے مطابق اس کا نام رکھ دو لیکن میری کنیت کے مطابق اس کی کنیت نہ رکھنا ۔‘‘ راوی بیان کرتے ہیں : میرے والد مجھے ساتھ لے کر حجۃ الوداع پر گئے تھے اس وقت میری عمر دس سال تھی ، راوی کہتے ہیں : حضرت محمد بن فضالہ رضی اللہ عنہ کی عمر طویل ہوئی تھی ، یہاں تک کہ ان کے سر کے بال سفید ہو گئے تھے لیکن اس جگہ کے بال سفید نہیں ہوئے تھے جہاں نبی اکرم ﷺ نے دست مبارک رکھا تھا ۔ یہ روایت امام طبرانی نے نقل کی ہے ۔ اس کی سند میں ایک راوی یعقوب بن محمد زہری ہے ، جسے ابن حبان اور دیگر حضرات نے ثقہ قرار دیا ہے ، اور ایک جماعت نے اسے ضعیف کہا ہے ۔ اس روایت کے بقیہ رجال ثقہ ہیں ۔

EnglishUnverified translation

Abū Ghaziyya al-Anṣārī رضي الله عنه reported that the Messenger of Allah ﷺ forbade joining his name and his kunya together. > **"Do not combine my name and my kunya."**

اردو ترجمہ · UrduUnverified translation

حضرت ابوغزیہ انصاری رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ میرے نام اور میری کنیت کو جمع نہ کرو ۔‘‘ یہ روایت امام طبرانی نے نقل کی ہے ۔ اس کی سند میں ایک راوی یزید بن ربیعہ رحبی ہے اور وہ متروک ہے ۔

EnglishUnverified translation

ʿUbayd ibn ʿĀzib رضي الله عنه reported that the Messenger of Allah ﷺ forbade joining his name with his kunya. > **"Do not combine my name and my kunya."**

اردو ترجمہ · UrduUnverified translation

حضرت عبید بن عازب رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ میرے نام اور میری کنیت کو جمع نہ کرو ۔‘‘ یہ روایت امام طبرانی نے نقل کی ہے ۔ اس کی سند میں ایک راوی حفصہ بنت براء ہیں ، اور میں اس خاتون سے واقف نہیں ہوں اور ایک ایسا راوی ہے جس سے استدلال کرنے کے بارے میں اختلاف کیا گیا ہے ۔

EnglishUnverified translation

Anas رضي الله عنه reported that the Prophet ﷺ rebuked those who give the name Muḥammad and then curse its bearer. > **"You name them Muḥammad and then you curse them!"**

اردو ترجمہ · UrduUnverified translation

حضرت انس رضی اللہ عنہ بیان کرتے ہیں : نبی اکرم ﷺ نے ارشاد فرمایا : ’’ تم لوگ ان ( بچوں ) کا نام محمد لکھ لیتے ہو ، اور پھر ان پر لعنت بھی کرتے ہو ۔‘‘ یہ روایت امام ابویعلیٰ اور امام بزار نے نقل کی ہے ، اور اس کی سند میں ایک راوی حکم بن عطیہ ہے ، جسے امام احمد نے ثقہ قرار دیا ہے ، اور دیگر حضرات نے اسے ضعیف کہا ہے ۔ اس روایت کے بقیہ رجال صحیح کے رجال ہیں ۔

EnglishUnverified translation

Abū Rāfiʿ رضي الله عنه reported that he heard the Messenger of Allah ﷺ command honour toward a child given the name Muḥammad. > **"When you name him Muḥammad, then do not beat him and do not deprive him."**

اردو ترجمہ · UrduUnverified translation

حضرت ابورافع رضی اللہ عنہ بیان کرتے ہیں ، میں نے نبی اکرم ﷺ کو یہ ارشاد فرماتے ہوئے سنا ہے : ’’ جب تم ( کسی بچے کا ) نام محمد رکھ دو تو تم اس کی پٹائی نہ کرو اور تم اسے محروم نہ رکھو ۔‘‘ یہ روایت امام بزار نے اپنے استاد غسان بن عبید کے حوالے سے نقل کی ہے ، جسے ابن حبان اور دیگر حضرات نے ثقہ قرار دیا ہے ، اور اس میں ضعف پایا جاتا ہے ۔

EnglishUnverified translation

ʿAbd al-Raḥmān ibn Abī Laylā reported that ʿUmar رضي الله عنه saw the son of ʿAbd al-Ḥamīd, whose name was Muḥammad, while a man was saying to him, May Allah do such-and-such to you, O Muḥammad. So he named him ʿAbd al-Raḥmān, then sent for Banū Ṭalḥa, who were seven, their chief and eldest being Muḥammad ibn Ṭalḥa, and changed their names. Muḥammad said, I remind you by Allah, O Commander of the Believers, for Muḥammad ﷺ himself named me. He then said, Rise, for there is no way against anything the Messenger of Allah ﷺ has named. > **"Rise, for there is no way against anything the Messenger of Allah ﷺ has named."**

اردو ترجمہ · UrduUnverified translation

عبدالرحمن بن ابولیلی بیان کرتے ہیں حضرت عمر رضی اللہ عنہ نے عبدالحمید کے بیٹے کی طرف دیکھا ، اس کا نام محمد تھا ، اور وہ شخص اس سے یہ کہہ رہا تھا : اے محمد ! اللہ تعالیٰ تمہارے ساتھ یہ کرے ، تو حضرت عمر رضی اللہ عنہ نے اس کا نام عبدالرحمن رکھ دیا ، پھر انہوں نے بنو طلحہ کو پیغام بھیجا ، وہ سات افراد تھے ، ان سب کے سردار اور ان سب کے بڑے محمد بن طلحہ تھے ، حضرت عمر رضی اللہ عنہ نے ان کے نام تبدیل کیے ، تو محمد بن طلحہ نے کہا : اے امیرالمؤمنین میں آپ کو اللہ کا واسطہ دے کر کہتا ہوں ( کہ آپ ایسا نہ کریں ) کیونکہ حضرت محمد ﷺ نے میرا یہ نام رکھا ہے ، تو حضرت عمر رضی اللہ عنہ نے فرمایا : تم اٹھ جاؤ ! کیونکہ جس کا نام نبی اکرم ﷺ نے تجویز کیا ہو اسے ( تبدیل کرنے کی ) کوئی صورت نہیں ہے ۔ یہ روایت امام طبرانی نے نقل کی ہے ، روایت کے یہ الفاظ ان کے نقل کردہ ہیں اور امام احمد نے نقل کی ہے امام احمد کے رجال صحیح کے رجال ہیں ۔

EnglishUnverified translation

Ibn ʿAbbās رضي الله عنهما reported that the Messenger of Allah ﷺ described ignorance in one who has three children yet names none of them Muḥammad. > **"Whoever has three born to him and does not name one of them Muḥammad has indeed acted ignorantly."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ جس شخص کے تین بچے ہوں اور وہ ان میں سے کسی کا نام محمد نہ رکھے تو اس نے جہالت کا مظاہرہ کیا ۔‘‘ یہ روایت امام طبرانی نے نقل کی ہے ۔ اس کی سند میں ایک راوی مصعب بن سعید ہے اور وہ ضعیف ہے ۔

EnglishUnverified translation

Wāthila رضي الله عنه reported that the Messenger of Allah ﷺ described ignorance in one granted three sons yet naming none Muḥammad. > **"Whoever has three sons born to him and does not name one of them Muḥammad has indeed acted ignorantly."**

اردو ترجمہ · UrduUnverified translation

حضرت واثلہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جس شخص کے ہاں تین اولادیں ہوں ( یعنی تین بیٹے ہوں ) اور وہ ان میں سے کسی کا نام محمد نہ رکھے تو اس نے جہالت کا مظاہرہ کیا ۔‘‘ یہ روایت امام طبرانی نے نقل کی ہے ۔ اس کی سند میں ایک راوی عمر بن موسیٰ بن وجیہ ہے اور وہ کذاب ہے ۔

EnglishUnverified translation

ʿĪsā ibn Ṭalḥa reported from the wet-nurse of Muḥammad ibn Ṭalḥa that when Muḥammad ibn Ṭalḥa was born she brought him to the Prophet ﷺ. He asked what they had named him, they said Muḥammad, and he affirmed his name and kunya. Muḥammad ibn Ṭalḥa ibn ʿUbayd Allāh رضي الله عنه was born in the lifetime of the Messenger of Allah ﷺ, who named him Muḥammad and gave him the kunya Abū al-Qāsim. > **"What have you named him? This is my name, and his kunya is Abū al-Qāsim."**

اردو ترجمہ · UrduUnverified translation

عیسیٰ بن طلحہ بیان کرتے ہیں : محمد بن طلحہ کی دائی ماں بیان کرتی ہیں کہ جب محمد بن طلحہ پیدا ہوئے ، تو میں انہیں لے کر نبی اکرم ﷺ کے پاس آئی ، نبی اکرم ﷺ نے دریافت کیا : تم لوگ اس کا کیا نام رکھو گے ؟ ہم نے عرض کی : محمد ۔ نبی اکرم ﷺ نے ارشاد فرمایا : یہ میرے نام کے مطابق ہے اور اس کی کنیت ابوالقاسم ہو گی ۔ یہ روایت امام طبرانی نے نقل کی ہے ۔ اس کی سند میں ایک راوی ابراہیم بن عثمان بن ابوشیبہ ہے اور وہ متروک ہے ۔ امام طبرانی کہتے ہیں : حضرت محمد بن طلحہ بن عبیداللہ رضی اللہ عنہ نبی اکرم ﷺ کے زمانہ اقدس میں پیدا ہوئے تھے اور نبی اکرم ﷺ نے ان کا نام محمد رکھا تھا ، اور ان کی کنیت ابوالقاسم تجویز کی تھی ۔

EnglishUnverified translation

Anas رضي الله عنه reported that the Messenger of Allah ﷺ named the most beloved names to Allah. > **"The most beloved names to Allah are ʿAbd Allāh, ʿAbd al-Raḥmān, and al-Ḥārith."**

اردو ترجمہ · UrduUnverified translation

حضرت انس رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ اللہ تعالیٰ کے نزدیک سب سے زیادہ پسندیدہ نام عبداللہ ، عبدالرحمن اور حارث ہیں ۔‘‘ یہ روایت امام ابویعلیٰ نے نقل کی ہے ۔ اس کی سند میں ایک راوی اسماعیل بن مسلم مکی ہے ، اور وہ ضعیف ہے ۔

EnglishUnverified translation

Khaythama ibn ʿAbd al-Raḥmān ibn Sabra reported that his father ʿAbd al-Raḥmān went with his grandfather to the Messenger of Allah ﷺ. The Prophet ﷺ asked the name of his son, he said ʿAzīz, so the Prophet ﷺ ordered him not to call him ʿAzīz but to name him ʿAbd al-Raḥmān, then stated the best of names. > **"Do not name him ʿAzīz, but name him ʿAbd al-Raḥmān. Indeed the best of names are ʿAbd Allāh, ʿAbd al-Raḥmān, and al-Ḥārith."**

اردو ترجمہ · UrduUnverified translation

خیثمہ بن عبدالرحمن بن سبرہ بیان کرتے ہیں : ان کے والد حضرت عبدالرحمن رضی اللہ عنہ کے دادا کے ساتھ نبی اکرم ﷺ کے پاس گئے ، نبی اکرم ﷺ نے ان سے دریافت کیا : تمہارے بیٹے کا کیا نام ہے ؟ انہوں نے جواب دیا : عزیز ۔ نبی اکرم ﷺ نے فرمایا : تم اسے عزیز نام نہ دو ، بلکہ تم اس کا نام عبدالرحمن رکھو ، پھر آپ نے ارشاد فرمایا : سب سے بہتر نام عبداللہ ، عبدالرحمن اور حارث ہیں ۔

EnglishUnverified translation

Khaythama reported in a variant that a boy was born to his grandfather, he named him ʿAzīz, then came to the Prophet ﷺ and said a boy was born to me. When asked his chosen name and answering ʿAzīz, the Prophet ﷺ corrected it. > **"What did you name him? No, rather he is ʿAbd al-Raḥmān."**

اردو ترجمہ · UrduUnverified translation

خیثمہ کے حوالے سے منقول ایک روایت میں یہ الفاظ ہیں : وہ بیان کرتے ہیں : میرے دادا کے ہاں بیٹا پیدا ہوا ، انہوں نے اس کا نام عزیز رکھا ، وہ نبی اکرم ﷺ کی خدمت میں حاضر ہوئے ، انہوں نے عرض کی : میرے ہاں بیٹا ہوا ہے ۔ نبی اکرم ﷺ نے دریافت کیا : تم نے اس کا کیا نام رکھا ہے ؟ انہوں نے عرض کی : عزیز ۔ نبی اکرم ﷺ نے ارشاد فرمایا : جی نہیں ! بلکہ وہ عبدالرحمن ہے ۔

EnglishUnverified translation

Khaythama reported from his father that his father's name in Jāhiliyya was ʿAzīz, and the Messenger of Allah ﷺ named him ʿAbd al-Raḥmān. > **"In Jāhiliyya my father's name was ʿAzīz, so the Messenger of Allah ﷺ named him ʿAbd al-Raḥmān."**

اردو ترجمہ · UrduUnverified translation

ایک روایت میں یہ الفاظ ہیں : خیثمہ اپنے والد کے بارے میں یہ بات نقل کرتے ہیں : زمانہ جاہلیت میں میرے والد کا نام عزیز تھا ، تو نبی اکرم ﷺ نے ان کا نام عبدالرحمن رکھا ۔ یہ روایت امام احمد نے مختلف اسانید کے ساتھ نقل کی ہے ، جن کے رجال صحیح کے رجال ہیں ، لیکن دونوں پہلے والی روایتوں سے بظاہر یہ لگتا ہے کہ یہ مرسل ہیں ۔

EnglishUnverified translation

Khaythama ibn ʿAbd al-Raḥmān reported from his father that he came with his father to the Prophet ﷺ as a boy. The Prophet ﷺ asked his father the boy's name, he said ʿAzīz, so the Messenger of Allah ﷺ ordered him to change it and stated the most beloved names to Allah. > **"Do not name him ʿAzīz, but name him ʿAbd al-Raḥmān, for indeed the most beloved names to Allah are ʿAbd Allāh and ʿAbd al-Raḥmān."**

اردو ترجمہ · UrduUnverified translation

خیثمہ بن عبدالرحمن اپنے والد کا یہ بیان نقل کرتے ہیں : میں اپنے والد کے ساتھ نبی اکرم ﷺ کی خدمت میں حاضر ہوا میں بچہ تھا ، نبی اکرم ﷺ نے ان سے دریافت کیا : تمہارے بیٹے کا کیا نام ہے ؟ انہوں نے کہا : اس کا نام عزیز ہے ۔ نبی اکرم ﷺ نے فرمایا : ’’ تم اس کا نام عزیز نہ رکھو بلکہ اس کا نام عبدالرحمن رکھو کیونکہ اللہ تعالیٰ کے نزدیک سب سے زیادہ پسندیدہ نام عبداللہ اور عبدالرحمن ہیں ۔‘‘ یہ روایت امام طبرانی نے نقل کی ہے ، اور اس کے رجال صحیح کے رجال ہیں ۔