Hadith 13170–13209

EnglishUnverified translation

Al-Nawwās ibn Samʿān رضي الله عنه said: The Messenger of Allah ﷺ said: It is a great treachery to tell your brother a report while he deems you truthful and you are lying to him about it. > **"It is a great treachery to tell your brother a report while he deems you truthful and you are lying to him about it."**

اردو ترجمہ · UrduUnverified translation

حضرت نواس بن سمعان رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ بڑی خیانت یہ ہے کہ تم اپنے بھائی کے ساتھ کوئی بات کرو ، جس میں وہ تمہیں سچا سمجھ رہا ہو ، اور تم اس کو چھوٹی بات کہہ رہے ہو ۔‘‘ یہ روایت امام احمد اور امام طبرانی نے نقل کی ہے ۔ اس کی سند میں ایک راوی عمر بن ہارون ہے اور وہ ضعیف ہے ۔

EnglishUnverified translation

Salmān, meaning al-Fārisī رضي الله عنه, said: None was greater in sanctity than the Messenger of Allah ﷺ, yet when his Companions wrote to him they wrote: From so-and-so to Muḥammad, the Messenger of Allah ﷺ.

اردو ترجمہ · UrduUnverified translation

حضرت سلمان فارسی رضی اللہ عنہ بیان کرتے ہیں : کوئی بھی شخص نبی اکرم ﷺ سے زیادہ حرمت والا نہیں تھا ، نبی اکرم ﷺ کے اصحاب جب آپ کے نام کوئی خط لکھتے تھے ، تو وہ یہ تحریر کرتے تھے کہ یہ فلاں شخص کی طرف سے اللہ کے رسول حضرت محمد ( ﷺ ) کی طرف ہے ۔ یہ روایت امام طبرانی نے نقل کی ہے ۔ اس کی سند میں ایک راوی قیس بن ربیع ہے ، جسے ثوری اور شعبہ نے ثقہ قرار دیا ہے ، اور دیگر حضرات نے اسے ضعیف کہا ہے ۔ اس روایت کے بقیہ رجال ثقہ ہیں ۔

EnglishUnverified translation

Ḥanẓalah al-Kātib رضي الله عنه reports that the Messenger of Allah ﷺ sent ʿAlī ibn Abī Ṭālib and Khālid ibn al-Walīd رضي الله عنهما to Yemen and said: When you are together then ʿAlī is the commander, and when you separate then each of you is over his own task. Khālid ibn al-Walīd wrote to the Prophet ﷺ beginning with himself, and he did not object to that. ʿAlī wrote to the Prophet ﷺ beginning with the Prophet ﷺ. > **"When you are together then ʿAlī is the commander, and when you separate then each of you is over his own task."**

اردو ترجمہ · UrduUnverified translation

حضرت حنظلہ کاتب رضی اللہ عنہ بیان کرتے ہیں : نبی اکرم ﷺ نے حضرت علی بن ابوطالب رضی اللہ عنہ اور حضرت خالد بن ولید رضی اللہ عنہ کو یمن بھیجا اور فرمایا : ’’ جب تم دونوں اکٹھے ہو گے ، تو علی امیر ہو گا ، اور جب تم دونوں جدا ہو گے ، تو تم دونوں میں سے ہر ایک اپنا متعلقہ کام کرے گا ۔‘‘ پھر حضرت خالد بن ولید رضی اللہ عنہ نے نبی اکرم ﷺ کو خط لکھا جس میں آغاز میں اپنا نام کا ذکر کیا ، تو نبی اکرم ﷺ نے اس حوالے سے ان پر اعتراض نہیں کیا ، حضرت علی رضی اللہ عنہ نے نبی اکرم ﷺ کو خط لکھا تو اس میں انہوں نے نبی اکرم ﷺ کا ذکر پہلے کیا ۔ یہ روایت امام طبرانی نے نقل کی ہے ۔ اس کی سند میں ایک راوی سیف بن عمر اسدی ہے اور وہ متروک ہے ۔

EnglishUnverified translation

Al-ʿAlāʾ ibn al-Ḥaḍramī رضي الله عنه wrote to the Messenger of Allah ﷺ beginning with himself.

اردو ترجمہ · UrduUnverified translation

حضرت علاء بن حضرمی رضی اللہ عنہ بیان کرتے ہیں : انہوں نے نبی اکرم ﷺ کو خط لکھا تو پہلے اپنا ذکر کیا ( یعنی یہ ان کی طرف سے ہے ) ۔ یہ روایت امام بزار نے حضرت علاء بن حضرمی رضی اللہ عنہ کے بیٹے کے حوالے سے ان کے والد سے نقل کی ہے ۔ انہوں نے ان کے بیٹے کا نام بیان نہیں کیا بظاہر یہ لگتا ہے کہ حضرت علاء بن حضرمی رضی اللہ عنہ کے بیٹے کو بھی صحابی ہونے کا شرف حاصل ہے ۔ اس روایت کے بقیہ رجال صحیح کے رجال ہیں ۔

EnglishUnverified translation

Abū al-Dardāʾ رضي الله عنه said: The Messenger of Allah ﷺ said: When one of you writes to a man, let him begin with himself, and when he writes let him soil his letter with dust, for it is more successful. > **"When one of you writes to a man, let him begin with himself, and when he writes let him soil his letter with dust, for it is more successful."**

اردو ترجمہ · UrduUnverified translation

حضرت ابودرداء رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جب تم میں سے کسی ایک نے کسی شخص کو خط لکھنا ہو تو پہلے اپنا ذکر کرے اور جب وہ خط لکھ لے تو اپنی تحریر پر مٹی لگا لے اس طرح یہ زیادہ کامیاب ہو گی ( یعنی اس کی سیاہی نہیں مٹے گی ) ۔‘‘ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی سلیمان بن سلمہ خبائری ہے اور وہ متروک ہے ۔

EnglishUnverified translation

Muslim ibn al-Ḥārith al-Tamīmī رضي الله عنه reports that the Prophet ﷺ wrote for him a letter enjoining those after him among the rulers concerning him, and sealed it.

اردو ترجمہ · UrduUnverified translation

حضرت مسلم بن حارث تمیمی رضی اللہ عنہ بیان کرتے ہیں : نبی اکرم ﷺ نے ان کے لئے ایک خط لکھوایا جس میں اپنے بعد کے حکمرانوں کو ان کے بارے میں تلقین کی تھی اور آپ ﷺ نے اس پر مہر لگوا دی ۔ یہ روایت امام احمد نے اور امام طبرانی نے نقل کی ہے ، اور ان دونوں کے رجال ثقہ ہیں ۔

EnglishUnverified translation

Ibn ʿAbbās رضي الله عنهما reports from the Prophet ﷺ that he said: The honour of a letter is its seal. > **"The honour of a letter is its seal."**

اردو ترجمہ · UrduUnverified translation

حضرت عبداللہ بن عباس رضی اللہ عنہما نبی اکرم ﷺ کا یہ فرمان نقل کرتے ہیں : ’’ خط کی عزت یہ ہے کہ اس پر مہر لگائی جائے ۔‘‘ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی محمد بن مروان سدی صغیر ہے اور وہ متروک ہے ۔

EnglishUnverified translation

Ibn ʿImrān al-Jawnī said: One of the Companions of the Prophet ﷺ narrated to me, while we campaigned toward Persia, that the Messenger of Allah ﷺ said: Whoever sleeps atop a house with no parapet and falls and dies, liability is absolved from him, and whoever sails the sea when it rages, liability is absolved from him. > **"Whoever sleeps atop a house with no parapet and falls and dies, liability is absolved from him, and whoever sails the sea when it rages, liability is absolved from him."**

اردو ترجمہ · UrduUnverified translation

ابوعمران جونی بیان کرتے ہیں : ایک صحابی نے مجھے یہ حدیث بیان کی ہے ہم اس وقت فارس کی سمت ایک جنگ میں حصہ لے رہے تھے ۔ انہوں نے یہ بات بیان کی کہ نبی اکرم ﷺ نے ارشاد فرمایا ہے : ’’ جو شخص گھر کی ایسی چھت پر سوئے جس کے کنارے اونچے نہ ہوں اور پھر وہ گر کے مر جائے ، تو اس سے ذمہ لاتعلق ہو جاتا ہے اور جو شخص سمندر میں طغیانی کے وقت سمندری سفر کرے اس سے ذمہ لاتعلق ہو جاتا ہے ۔‘‘ یہ روایت امام احمد نے اپنے استاد ابراہیم بن قاسم کے حوالے سے نقل کی ہے اور میں اس سے واقف نہیں ہوں ۔

EnglishUnverified translation

Ibn ʿImrān al-Jawnī said: We were in Persia under a commander called Zuhayr ibn ʿAbdillah, who said: A man narrated to me that the Prophet of Allah ﷺ said: Whoever spends the night atop a parapet, or atop a house, with nothing around him to restrain his foot, liability is absolved from him, and whoever sails the sea after it rages, liability is absolved from him. > **"Whoever spends the night atop a parapet with nothing around him to restrain his foot, liability is absolved from him, and whoever sails the sea after it rages, liability is absolved from him."**

اردو ترجمہ · UrduUnverified translation

ابوعمران جونی بیان کرتے ہیں : ہم لوگ فارس میں موجود تھے ہمارے امیر زہیر بن عبداللہ تھے ۔ انہوں نے یہ بات بتائی کہ مجھے ایک شخص نے یہ بات بتائی ہے کہ نبی اکرم ﷺ نے ارشاد فرمایا : ’’ جو شخص گھر کی ایسی چھت پر رات بسر کرے جس کے اردگرد ( اونچے کنارے یعنی منڈیر ) نہ ہوں جو اس کے پاؤں کو لوٹا سکیں ( یعنی رکاوٹ بن سکیں ) تو اس سے ذمہ لاتعلق ہو جاتا ہے ، اور جو شخص سمندر میں طغیانی کے وقت سمندری سفر کرے اس سے ذمہ لاتعلق ہو جاتا ہے ۔‘‘ یہ روایت امام احمد نے مرفوع اور موقوف ( دونوں طرح سے ) نقل کی ہے ، اور ان دونوں کے رجال صحیح کے رجال ہیں ۔

EnglishUnverified translation

ʿAbdullah ibn Jaʿfar رضي الله عنهما reports that the Prophet ﷺ said: Whoever shoots us by night is not from us, and whoever sleeps upon a roof with no wall and falls and dies, his blood is wasted. > **"Whoever shoots us by night is not from us, and whoever sleeps upon a roof with no wall and falls and dies, his blood is wasted."**

اردو ترجمہ · UrduUnverified translation

حضرت عبداللہ بن جعفر رضی اللہ عنہ نبی اکرم ﷺ کا یہ فرمان نقل کرتے ہیں : ’’ جو شخص رات کے وقت ہماری طرف تیر مارے وہ ہم میں سے نہیں ہے ، جو شخص ایسی چھت پر سو جائے کہ جس کی دیوار ( یعنی منڈیر ) نہ ہو ، اور پھر وہ گر کے مر جائے تو اس کا خون رائیگاں جائے گا ۔‘‘ یہ روایت امام طبرانی نے نقل کی ہے ۔ اس کی سند میں ایک راوی یزید بن عیاض ہے اور وہ متروک ہے ۔

EnglishUnverified translation

Ibn ʿAbbās رضي الله عنهما reports that the Messenger of Allah ﷺ, when he went out in summer, went out on Friday night, and when winter entered, he entered on Friday night.

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : نبی اکرم ﷺ جب سردی میں گھر سے نکلتے تھے ، تو جمعہ کی رات نکلتے تھے اور جب گرمی میں داخل ہوتے تھے ، تو جمعہ کی رات میں داخل ہوتے تھے ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی عمرو بن موسیٰ بن وجیہ ہے ، اور وہ حدیث ایجاد کرنے والا شخص ہے ۔

EnglishUnverified translation

Abū al-Naḍr reports that Abū Saʿīd رضي الله عنه was complaining of his leg. His brother entered upon him while he lay with one leg placed over the other. He struck his painful leg with his hand and hurt him. He said: You hurt me, did you not know my leg aches. He said: Yes. He said: What prompted you to do that. He said: Did you not know that the Messenger of Allah ﷺ forbade this.

اردو ترجمہ · UrduUnverified translation

ابونضر بیان کرتے ہیں : حضرت ابوسعید رضی اللہ عنہ کی ایک ٹانگ میں تکلیف تھی ، ان کے بھائی ان کے پاس آئے ، انہوں نے ایک ٹانگ دوسرے پر رکھی ہوئی تھی اور وہ لیٹے ہوئے تھے ، تو ان کے بھائی نے اپنا ہاتھ ان کی ٹانگ پر مارا اور اس طرح مارا کہ جس سے انہیں تکلیف ہوئی ، تو انہوں نے کہا : کیا تم نے مجھے تکلیف پہنچائی ہے ، کیا تم یہ بات نہیں جانتے کہ میری ٹانگ میں پہلے ہی تکلیف ہے ؟ انہوں نے کہا : جی ہاں ( یعنی میں یہ بات جانتا ہوں ) انہوں نے دریافت کیا ، تو پھر آپ نے ایسا کیوں کیا ہے ؟ دوسرے صاحب نے کہا : کیا آپ یہ بات نہیں جانتے کہ نبی اکرم ﷺ نے اس سے منع کیا ہے ۔ یہ روایت امام احمد نے نقل کی ہے اور اس کے رجال صحیح کے رجال ہیں ، البتہ ابونضر نامی راوی نے حضرت ابوسعید رضی اللہ عنہ سے سماع نہیں کیا ہے ۔

EnglishUnverified translation

ʿUbayd ibn Ḥunayn said: While I was sitting, Qatādah ibn al-Nuʿmān رضي الله عنه came to me and said: Come with us, O Ibn Jubayr, to Abū Saʿīd. We went until we entered upon Abū Saʿīd al-Khudrī رضي الله عنه and found him reclining with his right leg raised over his left. We greeted and sat. Qatādah ibn al-Nuʿmān raised his hand to the leg of Abū Saʿīd and pinched it hard. Abū Saʿīd said: Glory be to Allah, O son of my mother, you hurt me. He said: That is what I intended, for the Messenger of Allah ﷺ said: When Allah completed His creation He reclined, placed one leg over the other, and said: None of My creation should do this. Abū Saʿīd said: By Allah, I will never do it again. > **"When Allah completed His creation He reclined, placed one leg over the other, and said: None of My creation should do this."**

اردو ترجمہ · UrduUnverified translation

عبید بن حنین بیان کرتے ہیں ایک مرتبہ میں بیٹھا ہوا تھا اسی دوران حضرت قتادہ بن نعمان رضی اللہ عنہ میرے پاس تشریف لائے اور بولے : اے ابن جبیر ! تم ہمارے ساتھ حضرت ابوسعید خدری رضی اللہ عنہ کی طرف چلو ۔ ہم لوگ روانہ ہوئے ، یہاں تک کہ ہم حضرت ابوسعید خدری رضی اللہ عنہ کی خدمت میں حاضر ہوئے ، تو ہم نے انہیں پایا کہ وہ چت لیٹے ہوئے تھے اور انہوں نے دایاں پاؤں بائیں پاؤں پر رکھا ہوا تھا ، ہم نے سلام کیا اور بیٹھ گئے ، حضرت قتادہ بن نعمان رضی اللہ عنہ نے ہاتھ بلند کیا اور حضرت ابوسعید خدری رضی اللہ عنہ کی ٹانگ پر زور سے مارا ، تو حضرت ابوسعید خدری رضی اللہ عنہ نے فرمایا : سبحان اللہ ! اے میری ماں کے بیٹے آپ نے مجھے تکلیف پہنچائی ہے ، تو حضرت قتاده بن نعمان رضی اللہ عنہ نے کہا : میں یہی ارادہ رکھتا تھا کیونکہ نبی اکرم ﷺ نے ارشاد فرمایا ہے : ’’ جب اللہ تعالیٰ نے اپنی تخلیق کو مکمل کر لیا ( یا اپنی مخلوق کے بارے میں فیصلہ کیا ) تو وہ سیدھا لیٹا اس نے اپنا ایک پاؤں دوسرے پر رکھا اور پھر فرمایا : میری مخلوق میں سے کسی کے لئے ایسا کرنا مناسب نہیں ہے ۔‘‘ تو حضرت ابوسعید خدری رضی اللہ عنہ نے فرمایا : اللہ کی قسم ! اب میں کبھی ایسا نہیں کروں گا ۔ یہ روایت امام طبرانی نے تین مشائخ کے حوالے سے نقل کی ہے جعفر بن سلیمان نوفلی ، احمد بن رشدین مصری اور احمد بن داؤد مکی احمد بن رشدین ضعیف ہے اور باقی دو سے میں واقف نہیں ہوں ۔ اس روایت کے بقیہ رجال صحیح کے رجال ہیں ۔

EnglishUnverified translation

Jābir رضي الله عنه reports that the Prophet ﷺ forbade a man to place one leg over the other while reclining.

اردو ترجمہ · UrduUnverified translation

حضرت جابر رضی اللہ عنہ بیان کرتے ہیں : نبی اکرم ﷺ نے اس بات سے منع کیا ہے کہ آدمی اپنا ایک پاؤں دوسرے پاؤں پر رکھے جبکہ اس نے ٹیک لگائی ہوئی ہو ۔ یہ روایت امام طبرانی نے معجم اوسط میں نقل کی ہے ، اور اس کے رجال ثقہ ہیں ۔

EnglishUnverified translation

Abū Qirṣāfah رضي الله عنه reports that he saw the Messenger of Allah ﷺ reclining upon his back with one leg placed over the other.

اردو ترجمہ · UrduUnverified translation

حضرت ابوقرصافہ رضی اللہ عنہ بیان کرتے ہیں : انہوں نے نبی اکرم ﷺ کو دیکھا کہ آپ گدی کے بل چت لیٹے ہوئے تھے اور آپ نے ایک پاؤں دوسرے پر رکھا ہوا تھا ۔ یہ روایت امام طبرانی نے نقل کی ہے ۔ اس کی سند میں ایسے راوی ہیں جن سے میں واقف نہیں ہوں ۔

EnglishUnverified translation

Ibn ʿAbbās رضي الله عنهما said: The Messenger of Allah ﷺ said: When one of you reclines, let him not place one leg over the other. > **"When one of you reclines, let him not place one leg over the other."**

اردو ترجمہ · UrduUnverified translation

حضرت عبدالله بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ جب تم میں سے کوئی ایک چت لیٹا ہوا ہو تو وہ اپنا ایک پاؤں دوسرے پر نہ رکھے ۔‘‘ یہ روایت امام بزار نے نقل کی ہے ، اور اس کے رجال صحیح کے رجال ہیں ، صرف خداش عبدی کا معاملہ مختلف ہے ، اور وہ ثقہ ہے ۔

EnglishUnverified translation

Jābir ibn ʿAbdillah رضي الله عنهما said: The Messenger of Allah ﷺ forbade a man to sleep between people, and to sleep on the roadway.

اردو ترجمہ · UrduUnverified translation

حضرت جابر بن عبداللہ رضی اللہ عنہما بیان کرتے ہیں : نبی اکرم ﷺ نے اس بات سے منع کیا ہے کہ آدمی لوگوں کے درمیان ( لیٹ کر ) سو جائے یا آدمی راستے میں سو جائے ۔ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی ابوبلال اشعری ہے اور وہ ضعیف ہے ۔

EnglishUnverified translation

Abū Hurayrah رضي الله عنه said: The Prophet ﷺ passed by a man lying upon his belly and said: This is a lying that Allah does not love. > **"This is a lying that Allah does not love."**

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : نبی اکرم ﷺ ایک شخص کے پاس سے گزرے جو پیٹ کے بل ( الٹا ہو کر ) لیٹا ہوا تھا تو آپ نے ارشاد فرمایا : یہ لیٹنے کا ایسا طریقہ ہے ، جسے اللہ تعالیٰ پسند نہیں کرتا ہے ۔ یہ روایت امام احمد نے نقل کی ہے ۔ اس کی سند میں ایک راوی محمد بن عمرو بن علقمہ ہے ، اور وہ حسن الحدیث ہے ۔ اس روایت بقیہ رجال صحیح کے رجال ہیں ۔

EnglishUnverified translation

ʿAmr ibn al-Sharīd reports from his father that when the Messenger of Allah ﷺ found a man lying upon his face with nothing upon his backside, he prodded him with his foot and said: This is the most hateful lying to Allah. > **"This is the most hateful lying to Allah."**

اردو ترجمہ · UrduUnverified translation

حضرت عمرو بن شرید رضی اللہ عنہ نے نبی اکرم ﷺ کے بارے میں یہ بات نقل کی ہے کہ جب آپ کسی شخص کو چہرے کے بل لیٹا ہوا دیکھتے تھے کہ اس کے پہلو پر کوئی چیز نہ ہو ، تو آپ اسے پاؤں مارتے تھے اور ارشاد فرماتے تھے : ’’ اللہ تعالیٰ کے نزدیک یہ لیٹنے کا سب سے زیادہ ناپسندیدہ طریقہ ہے ۔‘‘ یہ روایت امام احمد نے نقل کی ہے اور اس کے رجال صحیح کے رجال ہیں ۔

EnglishUnverified translation

Al-Ḥārith ibn ʿAbd al-Raḥmān said: While I sat with Abū Salamah ibn ʿAbd al-Raḥmān, a man of Banū Ghifār, son of ʿAbdullah ibn Ṭihfah رضي الله عنه, came upon us. Abū Salamah said: Will you not inform us of your father. He said that ʿAbdullah ibn Ṭihfah said: When guests grew numerous with the Messenger of Allah ﷺ he would say: Let each man return with his guest. One night many guests gathered, so the Messenger of Allah ﷺ said: Let each man return with his companion. I was among those who returned with the Messenger of Allah ﷺ. When he entered he said: O ʿĀʾishah, is there anything. She said: Yes, a little ḥays I prepared for your breaking fast. She brought it in her small bowl, the Messenger of Allah ﷺ took a little and ate, then said: Eat in the name of Allah. We ate from it until we no longer looked at it. Then he said: Have you any drink. She said: Yes, a little milk I kept for you. He said: Bring it. She brought it, the Messenger of Allah ﷺ took it, raised it to his mouth, drank a little, then said: Drink in the name of Allah. We drank until, by Allah, we no longer looked at it. Then we went out, I came to the mosque and lay upon my face. The Messenger of Allah ﷺ came out unaware, waking the people for prayer, as he would wake them when he went out. He passed by me while I lay upon my face and said: Who is this. I said: ʿAbdullah ibn Ṭihfah. He said: This is a lying that Allah dislikes. > **"Let each man return with his guest. Let each man return with his companion. O ʿĀʾishah, is there anything? Eat in the name of Allah. Have you any drink? Bring it. Drink in the name of Allah. Who is this? This is a lying that Allah dislikes."**

اردو ترجمہ · UrduUnverified translation

حارث بن عبدالرحمن بیان کرتے ہیں : ایک مرتبہ میں ابوسلمہ بن عبدالرحمن کے ساتھ بیٹھا ہوا تھا ، اسی دوران بنو غفار سے تعلق رکھنے والا ایک شخص ہمارے سامنے آیا جو حضرت عبداللہ بن طہفہ رضی اللہ عنہ کا بیٹا تھا ، ابوسلمہ نے کہا : کیا تم ہمیں اپنے والد کے بارے میں خبر نہیں دو گے ، تو اس نے یہ بات بیان کی کہ حضرت عبداللہ بن طہفہ رضی اللہ عنہ نے یہ بات بیان کی ہے : ’’ جب نبی اکرم ﷺ کے ہاں مہمان زیادہ ہو جاتے تھے ، تو آپ فرماتے تھے : ہر شخص اپنے متعلقہ مہمان کو ساتھ لے کے واپس جائے ، ایک مرتبہ رات کے وقت آپ کے پاس بہت سے مہمان اکٹھے ہو گئے ، تو نبی اکرم ﷺ نے ارشاد فرمایا : ہر شخص اپنے ساتھ بیٹھے ہوئے شخص کو ساتھ لے کر واپس جائے ، راوی کہتے ہیں : میں نبی اکرم ﷺ کے ساتھ گیا ، جب آپ گھر میں داخل ہوئے ، تو آپ نے ارشاد فرمایا : اے عائشہ ! کیا کوئی چیز ہے ۔ انہوں نے جواب دیا : جی ہاں ! آپ کی افطاری کے لیے تھوڑا سا ’’ حیس ‘‘ ہے ، نبی اکرم ﷺ نے اس میں سے تھوڑا سا لے کر اس کو کھا لیا ، پھر آپ نے فرمایا : تم لوگ اللہ کا نام لے کے اس کو کھاؤ ، تو ہم نے اس میں سے کھایا ، یہاں تک کہ ہم اس کی طرف نہیں دیکھ رہے تھے ، پھر نبی اکرم ﷺ نے دریافت کیا : کیا تمہارے پاس مشروب ہے ۔ سیدہ عائشہ رضی اللہ عنہا نے جواب دیا : جی ہاں ۔ تھوڑا سا دودھ ہے ، جو میں نے آپ کے لئے سنبھال کے رکھا تھا تو نبی اکرم ﷺ نے فرمایا : وہی لے آؤ ، راوی بیان کرتے ہیں : سیدہ عائشہ رضی اللہ عنہا وہ لے آئیں ، نبی اکرم ﷺ نے اسے لیا ، آپ نے اسے اپنے منہ کی طرف بلند کیا پھر اس میں سے تھوڑا سا پیا پھر فرمایا : تم اللہ کا نام لے کے پیو ، ہم نے پی لیا ، یہاں تک کہ اللہ کی قسم ہم اس کی طرف نہیں دیکھ رہے تھے ، پھر ہم نکلے ، میں مسجد میں آیا اور اپنے چہرے کے بل ( یعنی الٹا ہو کر ) لیٹ گیا ، نبی اکرم ﷺ تشریف لائے ، آپ لوگوں کو نماز کے لئے بیدار کر رہے تھے ، لوگوں کو نماز کے لئے بیدار کرتے ہوئے ، جب آپ میرے پاس سے گزرے تو میں چہرے کے بل لیٹا ہوا تھا ، آپ نے فرمایا : یہ کون ہے ؟ میں نے کہا : عبداللہ بن طہفہ ، آپ نے فرمایا : یہ لیٹنے کا ایسا طریقہ ہے جسے اللہ تعالیٰ پسند نہیں کرتا ہے ۔ ( علامہ ہیثمی فرماتے ہیں : ) میں یہ کہتا ہوں یہ روایت امام ابوداؤد نے حضرت طہفہ رضی اللہ عنہ کے حوالے سے اختصار کے ساتھ نقل کی ہے ، اور امام نسائی نے بھی حضرت طہفہ رضی اللہ عنہ کے حوالے سے نقل کی ہے ، اور اس کے علاوہ ایک اور حوالے سے نقل کی ہے ، لیکن انہوں نے اس دوسرے شخص کا نام بیان نہیں کیا اور میں نے ایسے کسی شخص کو نہیں پایا جس نے اسے حضرت طہفہ رضی اللہ عنہ کے بیٹے کے حوالے سے نقل کیا ہو ، باقی اللہ بہتر جانتا ہے ۔ یہ روایت امام احمد نے نقل کی ہے ، اور حضرت عبداللہ بن طہفہ رضی اللہ عنہ کے بیٹے سے میں واقف نہیں ہوں ۔ اس روایت کے بقیہ رجال ثقہ ہیں ۔

EnglishUnverified translation

Ibn ʿAbbās رضي الله عنهما said: The Messenger of Allah ﷺ said: No man shall touch another man, nor a woman another woman. > **"No man shall touch another man, nor a woman another woman."**

اردو ترجمہ · UrduUnverified translation

حضرت عبداللہ بن عباس رضی اللہ عنہما روایت کرتے ہیں : نبی اکرم ﷺ نے ارشاد فرمایا : ’’ کوئی مرد کسی مرد کے ساتھ ، یا کوئی عورت کسی عورت کے ساتھ مباشرت نہ کرے ( یعنی اس طرح نہ لیٹیں کہ دونوں کے جسم پر کوئی کپڑا نہ ہو ، اور ان کے جسم ایک دوسرے کے ساتھ ملے ہوں ) ۔‘‘ یہ روایت امام احمد امام بزار اور امام طبرانی نے معجم صغیر میں نقل کی ہے امام احمد کی دو اسناد میں سے ایک کے رجال صحیح کے رجال ہیں ، امام بزار کے رجال کا معاملہ بھی اسی طرح ہے ۔

EnglishUnverified translation

Jābir ibn ʿAbdillah رضي الله عنهما said: I heard the Messenger of Allah ﷺ say: No man shall touch another man in one garment, nor a woman another woman in one garment. The narrator said: I said to Jābir: Did you count sins as idolatry. He said: Allah forbid. > **"No man shall touch another man in one garment, nor a woman another woman in one garment."**

اردو ترجمہ · UrduUnverified translation

حضرت جابر بن عبداللہ رضی اللہ عنہما بیان کرتے ہیں : میں نے نبی اکرم ﷺ کو یہ ارشاد فرماتے ہوئے سنا ہے : کوئی شخص ایک ہی کپڑے میں دوسرے شخص کے ساتھ مباشرت نہ کرے اور کوئی عورت ایک ہی کپڑے میں دوسری عورت کے ساتھ مباشرت نہ کرے ( یعنی وہ اس طرح سے اکٹھے نہ ہوں کہ ان کے جسم پر صرف ایک ہی کپڑا ہو ، جسم پر اور کچھ نہ ہو ) راوی کہتے ہیں : میں نے حضرت جابر رضی اللہ عنہ سے دریافت کیا : کیا آپ لوگ گناہوں کے ارتکاب کو شرک شمار کرتے تھے ؟ انہوں نے جواب دیا : اس بات سے اللہ کی پناہ ہے ۔ یہ روایت امام احمد نے نقل کی ہے اور امام طبرانی نے معجم اوسط میں اختصار کے ساتھ نقل کی ہے ۔ اس کی سند میں ایک راوی عبدالرحمن بن ابوزناد ہے ، اور وہ ضعیف ہے ۔

EnglishUnverified translation

Abū al-Zubayr said: I asked Jābir رضي الله عنه about a man touching another man, and Jābir said: The Prophet ﷺ rebuked that. I asked Jābir about a woman touching another woman, and he said: The Prophet ﷺ forbade that.

اردو ترجمہ · UrduUnverified translation

ابوزبیر بیان کرتے ہیں : میں نے حضرت جابر رضی اللہ عنہ سے ایسے شخص کے بارے میں دریافت کیا : جو دوسرے شخص کے ساتھ مباشرت کرتا ہے ، تو حضرت جابر رضی اللہ عنہ نے بتایا : نبی اکرم ﷺ نے اس سے منع کیا ہے ، میں نے حضرت جابر رضی اللہ عنہ سے ایسی عورت کے بارے میں دریافت کیا : جو دوسری عورت کے ساتھ مباشرت کرتی ہے ، تو انہوں نے بتایا : نبی اکرم ﷺ نے ایسا کرنے سے منع کیا ہے ۔ یہ روایت امام احمد نے نقل کی ہے ۔ اس کی سند میں ایک راوی ابن لہیعہ ہے اور اس میں ضعف پایا جاتا ہے ، اور وہ حسن الحدیث ہے ۔ اس روایت کے بقیہ رجال صحیح کے رجال ہیں ۔

EnglishUnverified translation

Abū Hurayrah رضي الله عنه said: The Messenger of Allah ﷺ said: No man shall touch another man, nor a woman another woman. > **"No man shall touch another man, nor a woman another woman."**

اردو ترجمہ · UrduUnverified translation

حضرت ابوہریرہ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ مرد کسی مرد کے ساتھ ، یا عورت کسی عورت کے ساتھ مباشرت نہ کرے ۔‘‘ یہ روایت امام طبرانی نے معجم اوسط میں اپنے استاد محمد بن عثمان بن سعید ابوعمر ضریر کے حوالے سے نقل کی ہے ، میزان الاعتدال میں یہ بات مذکور ہے یہ راوی محمد بن عثمان بن سعید مصری ہے ، اگر تو یہ وہی ہے تو پھر یہ ضعیف ہے ۔ اس روایت کے بقیہ رجال صحیح کے رجال ہیں ۔

EnglishUnverified translation

Abū Mūsā رضي الله عنه said: The Messenger of Allah ﷺ said: No woman touches another woman except that both are adulteresses, and no man touches another man except that both are adulterers. > **"No woman touches another woman except that both are adulteresses, and no man touches another man except that both are adulterers."**

اردو ترجمہ · UrduUnverified translation

حضرت ابوموسیٰ رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ جو عورت دوسری عورت کے ساتھ مباشرت کرتی ہے تو وہ دونوں زنا کرنے والی شمار ہوتی ہیں اور جو مرد دوسرے مرد کے ساتھ مباشرت کرتا ہے وہ دونوں زنا کرنے والے شمار ہوتے ہیں ۔‘‘ یہ روایت امام طبرانی نے معجم کبیر اور معجم اوسط میں اپنے استاد علی بن سعید رازی کے حوالے سے نقل کی ہے ، جس میں کمزوری پائی جاتی ہے ۔ اس روایت کے بقیہ رجال ثقہ ہیں ۔

EnglishUnverified translation

Samurah, meaning Ibn Jundub رضي الله عنه, reports that the Messenger of Allah ﷺ used to forbid women to lie together with one another except with garments between them, and a man to lie with his companion except with a garment between them.

اردو ترجمہ · UrduUnverified translation

حضرت سمرہ بن جندب رضی اللہ عنہ بیان کرتے ہیں : نبی اکرم ﷺ خواتین کو اس بات سے منع کرتے تھے کہ وہ ایک دوسرے کے ساتھ یوں لیٹیں کہ ان کے درمیان کوئی کپڑا نہ ہو ، البتہ ان کے درمیان کوئی کپڑا ہو تو حکم مختلف ہے ، اور اس بات سے بھی منع کیا ہے کہ کوئی شخص دوسرے شخص کے ساتھ یوں لیٹے کہ ان کے درمیان کوئی کپڑا نہ ہو ، البتہ اگر ان کے درمیان کوئی کپڑا ہو تو حکم مختلف ہے ۔‘‘ یہ روایت امام طبرانی نے نقل کی ہے اور اس کی سند میں ایسے راوی ہیں جن سے میں واقف نہیں ہوں ۔ یہ روایت امام بزار نے نقل کی ہے ۔ اس کی سند میں ایک راوی یوسف بن خالد سمتی ہے اور وہ ضعیف ہے ۔

EnglishUnverified translation

A man of Hudhayl said: I saw ʿAbdullah ibn ʿAmr ibn al-ʿĀṣ رضي الله عنهما, his dwelling in the Ḥill and his mosque in the Ḥaram. While I was with him, he saw Umm Saʿīd, daughter of Abū Jahl, wearing a bow and walking with the gait of men. ʿAbdullah asked: Who is this. I said: This is Umm Saʿīd bint Abī Jahl. He said: I heard the Messenger of Allah ﷺ say: Not from us are those women who imitate men, nor those men who imitate women. > **"Not from us are those women who imitate men, nor those men who imitate women."**

اردو ترجمہ · UrduUnverified translation

ہذیل قبیلے سے تعلق رکھنے والے ایک صاحب بیان کرتے ہیں : میں نے حضرت عبداللہ بن عمرو العاص رضی اللہ عنہ کو دیکھا کہ ان کی رہائش گاہ حرم کی حدود سے باہر تھی اور ان کی نماز والی جگہ حرم کے حدود کے اندر تھی ، راوی کہتے ہیں : ایک مرتبہ میں ان کے پاس موجود تھا ، انہوں نے ابوجہل کی صاحبزادی اُم سعید کو دیکھا کہ جس نے کمان لٹکائی ہوئی تھی اور وہ مردوں کی طرح چلتی ہوئی جا رہی تھی ، تو حضرت عبداللہ رضی اللہ عنہ نے دریافت کیا : یہ کون ہے ؟ میں نے بتایا : یہ ام سعید بنت ابوجہل ہے ، تو حضرت عبداللہ بن عمرو رضی اللہ عنہ نے فرمایا : میں نے نبی اکرم ﷺ کو یہ ارشاد فرماتے ہوئے سنا ہے : ” وہ ہم میں سے نہیں ، جو عورتیں مردوں کے ساتھ مشابہت اختیار کرتی ہیں ، اور جو مرد عورتوں کے ساتھ مشابہت اختیار کرتے ہیں ۔‘‘ یہ روایت امام احمد نے نقل کی ہے اور ہذیلی شخص سے میں واقف نہیں ہوں ۔ اس روایت کے بقیہ رجال ثقہ ہیں ۔ یہ روایت امام طبرانی نے اختصار کے ساتھ نقل کی ہے انہوں نے مبہم ہذلی شخص کا ذکر نہیں کیا اس بنیاد پر طبرانی کے تمام رجال ثقہ ہوں گے ۔

EnglishUnverified translation

Ibn ʿAbbās رضي الله عنهما reports that a woman passed the Messenger of Allah ﷺ wearing a bow, so the Prophet ﷺ said: May Allah curse the women who imitate men and the men who imitate women. > **"May Allah curse the women who imitate men and the men who imitate women."**

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : ایک خاتون نبی اکرم ﷺ کے پاس سے گزری جس نے کمان گلے میں لڑکائی ہوئی تھی تو نبی اکرم ﷺ نے ارشاد فرمایا : ’’ اللہ تعالیٰ مردوں کے ساتھ مشابہت اختیار کرنے والی عورتوں پر اور عورتوں کے ساتھ مشابہت اختیار کرنے والے مردوں پر لعنت کرے ۔‘‘ یہ روایت امام طبرانی نے معجم اوسط میں اپنے استاد علی بن سعید رازی کے حوالے سے نقل کی ہے ، اور وہ کمزور ہے ۔ اس روایت کے بقیہ رجال ثقہ ہیں ۔

EnglishUnverified translation

Ibn ʿUmar رضي الله عنهما said: The Messenger of Allah ﷺ cursed the effeminate among men and the masculine among women.

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : نبی اکرم ﷺ نے عورتوں کے ساتھ مشابہت اختیار کرنے والے مردوں اور مردوں کے ساتھ مشابہت اختیار کرنے والی عورتوں پر لعنت کی ہے ۔ یہ روایت امام احمد امام بزار اور امام طبرانی نے نقل کی ہے اس کی سند میں ایک راوی ثویر بن ابوفاختہ ہے اور وہ متروک ہے ۔

EnglishUnverified translation

Abū Hurayrah رضي الله عنه reports that the Messenger of Allah ﷺ cursed the effeminate men who imitate women, the masculine women who imitate men, and the lone rider in the desert.

اردو ترجمہ · UrduUnverified translation

حضرت ابوہریرہ رضی اللہ عنہ بیان کرتے ہیں : نبی اکرم ﷺ نے ان مردوں پر لعنت کی ہے ، جو عورتوں کے ساتھ مشابہت اختیار کرتے ہیں ، اور ان عورتوں پر لعنت کی ہے ، جو مردوں کے ساتھ مشابہت اختیار کرتی ہیں اور ویرانے میں اکیلے سوار پر لعنت کی ہے ۔‘‘ یہ روایت امام احمد نے نقل کی ہے ۔ اس کی سند میں ایک راوی طبیب بن محمد ہے ، جسے ابن حبان نے ثقہ قرار دیا ہے اور عقیلی نے اسے ضعیف کہا ہے ۔ اس روایت کے بقیہ رجال صحیح کے رجال ہیں ۔

EnglishUnverified translation

Abū Saʿīd رضي الله عنه said: The Messenger of Allah ﷺ cursed the men who imitate women and the women who imitate men.

اردو ترجمہ · UrduUnverified translation

حضرت ابوسعید خدری رضی اللہ عنہ بیان کرتے ہیں : نبی اکرم ﷺ نے عورتوں کے ساتھ مشابہت اختیار کرنے والے مردوں اور مردوں کے ساتھ مشابہت اختیار کرنے والی عورتوں پر لعنت کی ہے ۔ یہ روایت امام طبرانی نے معجم اوسط میں نقل کی ہے اور امام بزار نے نقل کی ہے ۔ اس کی سند میں ایک راوی عطیہ عوفی ہے اور وہ ضعیف ہے ۔

EnglishUnverified translation

Anas رضي الله عنه reports that the Prophet ﷺ cursed the effeminate among men and the masculine among women.

اردو ترجمہ · UrduUnverified translation

حضرت انس رضی اللہ عنہ بیان کرتے ہیں : نبی اکرم ﷺ نے مردوں کے ساتھ مشابہت اختیار کرنے والی عورتوں اور عورتوں کے ساتھ مشابہت اختیار کرنے والے مردوں پر لعنت کی ہے ۔ اس روایت کی سند میں ایک راوی مبارک بن سحیم ہے اور وہ متروک ہے ۔

EnglishUnverified translation

Abū Umāmah رضي الله عنه said: The Messenger of Allah ﷺ said: Four are cursed in this world and the Hereafter, and the angels say amen: a man whom Allah made male yet feminizes himself and imitates women, a woman whom Allah made female yet masculinizes herself and imitates men, one who misleads the blind, and a celibate man, though Allah made none celibate except Yaḥyā ibn Zakariyyā. > **"Four are cursed in this world and the Hereafter, and the angels say amen: a man whom Allah made male yet feminizes himself and imitates women, a woman whom Allah made female yet masculinizes herself and imitates men, one who misleads the blind, and a celibate man, though Allah made none celibate except Yaḥyā ibn Zakariyyā."**

اردو ترجمہ · UrduUnverified translation

حضرت ابوامامہ رضی اللہ عنہ بیان کرتے ہیں : نبی اکرم ﷺ نے ارشاد فرمایا : ’’ چار قسم کے لوگوں پر دنیا اور آخرت میں لعنت کی گئی ہے اور فرشتے اس پر آمین کہتے ہیں ، ایک وہ شخص جسے اللہ تعالیٰ نے مذکر بنایا ہے ، اور وہ اپنے آپ کو مؤنث بنائے اور خواتین کے ساتھ مشابہت اختیار کرے ، ایک وہ عورت جسے اللہ تعالیٰ نے مؤنث بنایا ہو اور وہ خود کو مذکر بنائے اور مردوں کے ساتھ مشابہت اختیار کرے ، اور وہ شخص جو کسی نابینا کو گمراہ کر دے اور وہ شخص جو عورتوں سے لاتعلق رہتا ہو ، حالانکہ اللہ تعالیٰ نے صرف حضرت یحیی بن زکریا علیہما السلام کو ایسا بنایا ہے کہ وہ عورتوں سے لاتعلق رہیں ‘‘ ( یعنی شادی نہ کریں ) ۔ یہ روایت امام طبرانی نے نقل کی ہے ۔ اس کی سند میں ایک راوی علی بن زید الہانی ہے اور وہ متروک ہے ۔

EnglishUnverified translation

Abū Bakrah رضي الله عنه said: The Messenger of Allah ﷺ cursed the men who imitate women and the women who imitate men.

اردو ترجمہ · UrduUnverified translation

حضرت ابوبکرہ رضی اللہ عنہ بیان کرتے ہیں : نبی اکرم ﷺ نے عورتوں کے ساتھ مشابہت اختیار کرنے والے مردوں اور مردوں کے ساتھ مشابہت اختیار کرنے والی عورتوں پر لعنت کی ہے ۔ یہ روایت امام طبرانی نے نقل کی ہے اس کی سند میں ایک راوی عمرو بن عبید ہے ، اور وہ خبیث اور متروک ہے ۔

EnglishUnverified translation

Wāthilah رضي الله عنه said: The Messenger of Allah ﷺ cursed the effeminate among men and the masculine among women, and said: Expel them from your houses. So the Prophet ﷺ expelled Anjashah, and ʿUmar رضي الله عنه expelled so-and-so. > **"Expel them from your houses."**

اردو ترجمہ · UrduUnverified translation

حضرت واثلہ رضی اللہ عنہ بیان کرتے ہیں : نبی اکرم ﷺ نے عورتوں کے ساتھ مشابہت اختیار کرنے والے مردوں اور مردوں کے ساتھ مشابہت اختیار کرنے والی عورتوں پر لعنت کی ہے ، اور ارشاد فرمایا ہے : ایسے لوگوں کو اپنے گھروں سے نکال دو ! نبی اکرم ﷺ نے انجشہ کو نکلوا دیا تھا ، اور حضرت عمر رضی اللہ عنہ نے فلاں شخص کو نکلوا دیا تھا ۔ یہ روایت امام طبرانی نے نقل کی ہے ۔ اس کی سند میں ایک راوی حماد ہے ، جو بنوامیہ کا غلام ہے اور وہ متروک ہے ۔

EnglishUnverified translation

ʿUmar ibn Abī Salamah رضي الله عنه reports that the Messenger of Allah ﷺ entered the house of Umm Salamah رضي الله عنها and saw with them an effeminate man saying: O ʿAbdullah ibn Abī Umayyah, if Allah conquers al-Ṭāʾif I shall show you Bādiyah bint Ghaylān, approaching with four and retreating with eight. The Prophet ﷺ said: These shall not enter upon you. > **"These shall not enter upon you."**

اردو ترجمہ · UrduUnverified translation

حضرت عمر بن ابوسلمہ رضی اللہ عنہ بیان کرتے ہیں : نبی اکرم ﷺ سیدہ ام سلمہ رضی اللہ عنہا کے گھر میں داخل ہوئے ، تو آپ نے ان کے ہاں ایک ہیجڑے کو پایا جو یہ کہہ رہا تھا : اے عبداللہ بن ابوامیہ ! اگر اللہ تعالیٰ نے طائف فتح کروا دیا تو میں تمہیں بادیہ بنت غیلان دکھاؤں گا ، جو آتی ہے تو چار سلوٹیں پڑتی ہیں ، اور جاتی ہے تو آٹھ پڑتی ہیں ، تو نبی اکرم ﷺ نے فرمایا : اس قسم کے لوگ تمہارے ہاں اندر نہ آئیں ۔ یہ روایت امام طبرانی نے نقل کی ہے ، اور اس کے رجال صحیح کے رجال ہیں ۔

EnglishUnverified translation

Ibn ʿAbbās رضي الله عنهما reports that a man went out, two men followed him, and a third man trailed them saying: Return, return. They returned. He said to him: These two are devils, and I kept with them until I turned them back. When you come to the Prophet ﷺ, convey greetings to him and inform him that we have gathered our charities, and if it were suitable for him we would send them to him. He said: The Messenger of Allah ﷺ forbade solitude at that time.

اردو ترجمہ · UrduUnverified translation

حضرت عبداللہ بن عباس رضی اللہ عنہما بیان کرتے ہیں : ایک شخص نکلا ، اس کے پیچھے دو آدمی گئے اور ان دونوں کے پیچھے ایک اور شخص تھا جو یہ کہہ رہا تھا ، تم لوگ واپس آ جاؤ ، تم لوگ واپس آ جاؤ ۔ راوی کہتے ہیں : تو دو افراد واپس آ گئے ، تو انہوں نے ان سے کہا : یہ دونوں دو شیطان ہیں ، میں مسلسل ان دونوں کے ساتھ رہا یہاں تک کہ میں نے انہیں واپس کروا دیا ، جب تم نبی اکرم ﷺ کے پاس جاؤ تو انہیں سلام کہنا اور انہیں یہ بتانا کہ میں نے اپنے صدقات جمع کر لیے ہیں ، اگر آپ ان کے بارے میں کچھ مناسب سمجھتے ہیں تو ہم انہیں اس طرف بھجوا دیتے ہیں ، راوی کہتے ہیں : نبی اکرم ﷺ نے اس وقت خلوت سے منع کیا ۔

EnglishUnverified translation

In another narration the wording is Return you two instead of Return. Aḥmad and Abū Yaʿlā report it, except that he said: A man went out from Khaybar. > **"Return you two."**

اردو ترجمہ · UrduUnverified translation

ایک روایت میں یہ الفاظ ہیں : ’’ تم دونوں واپس آ جاؤ ‘‘ وہ ان الفاظ کی جگہ ہیں :” تم لوگ واپس آ جاؤ ۔‘‘ یہ روایت امام احمد اور امام ابویعلیٰ نے نقل کی ہے ، تاہم انہوں نے یہ الفاظ نقل کئے ہیں : ایک شخص خیبر سے نکلا ....... ان دونوں روایات کے رجال صحیح کے رجال ہیں اور امام بزار کے رجال بھی اسی طرح ہیں ۔

EnglishUnverified translation

Ibn ʿUmar رضي الله عنهما reports that the Messenger of Allah ﷺ forbade solitude, that a man spend the night alone or travel alone.

اردو ترجمہ · UrduUnverified translation

حضرت عبداللہ بن عمر رضی اللہ عنہما بیان کرتے ہیں : نبی اکرم ﷺ نے اکیلے ہونے سے منع کیا ہے کہ کوئی شخص اکیلا رات بسر کرے ، یا اکیلا سفر کرے ۔ یہ روایت امام احمد نے نقل کی ہے اور اس کے رجال صحیح کے رجال ہیں ۔

EnglishUnverified translation

Jābir رضي الله عنه said: The Messenger of Allah ﷺ said: If people knew what is in solitude, no rider would ever travel by night, and no man would sleep in a house alone. > **"If people knew what is in solitude, no rider would ever travel by night, and no man would sleep in a house alone."**

اردو ترجمہ · UrduUnverified translation

حضرت جابر رضی اللہ عنہ روایت کرتے ہیں : نبی اکرم ﷺ نے ارشاد فرمایا : ’’ اگر لوگوں کو پتہ چل جائے کہ اکیلے ہونے میں کتنا نقصان ہے ، تو کوئی سوار رات کے وقت کبھی اکیلا سفر نہ کرے اور کوئی شخص گھر میں کبھی اکیلا نہ سوئے ۔‘‘ یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی محمد بن قاسم اسدی ہے ، جسے یحیی بن معین نے ثقہ قرار دیا ہے امام احمد اور دیگر حضرات نے اسے ضعیف کہا ہے ۔ اس روایت کے بقیہ رجال ثقہ ہیں ۔